1 Abhateesaroonike 4:1 - Iimuuma Iinyaaya

¹ Woori kinu ekisigara Bhakiriisitu bheejaasu, ꞉mweeyigiiye okusooka kw-iswe kutyo Nyamuwanga keenda mwikare, insonga mumujomishe. Ni kimari omukora kutyo. Woori, ekibhasabha nkibheesaasaama kwa bhuturo bhwa Raatabhugenyi Yeesu ati, mugenderere okukora kutyo na okwambuka.

1 Abhateesaroonike 4:1 Iomraidhean Croise

Yowana 15:2

Amasagi goone kutyo ganu gandiko ganu gatakutwasha, Raata kaagatema-ko. Nawe amasagi goone kutyo ganu agatwasha, Raata kaagakongorera insonga gatwashe muno.

Ebhikorwa bhya Abhatumwa 20:27

kwa okubha ꞉nitaasigire okubharaasisha goone kutyo ganu Nyamuwanga keenda.

Abharuumi 8:8

Mmbe, abhaanu bhanu abhatangasibhwa na obhusimukwa bhwebhwe obhwa ebhikayo, bhatakutura okujomisha Nyamuwanga.

1 Abhakorinto 11:23

Ameeyigisho ganu ꞉neeyigiiye ku-Raatabhugenyi Yeesu, nigo ꞉naabheeyigisiishe emwe ati, ingeta inu Yeesu ꞉aariiywe injeejemo, ꞉aagegere omukaate,

1 Abhakorinto 15:1

Woori Bhakiriisitu bheejaasu, enibhayiitya Amangʼana Amajomu ganu ꞉naabharaasisiishe, mugaramira. Gayo nigo gabhayambaasiishe murumire na woori.

1 Abhakorinto 15:58

Mmbe, Abhakiriisitu bheejaasu abheende, mukomeere mu-bhwikirisha, mwasiga okufwa emitima. Ku-nsiku mugenderere muno okukora emirimu gya Raatabhugenyi, kwa okubha mumenyere ati, emirimu ginu omukora gitari bhusa, tari omukora ku-nsonga ya Raatabhugenyi.

2 Abhakorinto 10:1

Mmbe, anye Pawuro enibheesaasaama omwene niituuye emwaro, na obhufura bhwa Kiriisitu. Abhaanu abhandi abhaaika ati anye niri na riibhaasi nikabha nimbakaamira niri areera, na enibha muubha okwaika, nikabha niri amwi na emwe.

2 Abhakorinto 13:11

Woori, Bhakiriisitu bheejaasu, mubhe-yo! Mukomeere mu-bhwikirisha, muwooyereshaanye, mubhe na omugambirano gumwi, mwikare muri na omurembe. Na Nyamuwanga unu ari na obhwendi na omurembe, kaaja okubha amwi na emwe.

2 Abhakorinto 5:9

Mmbe, kibhe ati kiri mu-mibhiri ginu, amwi ati kitari mu-mibhiri ginu, kinu eswe ekyenda ni kujomisha Raatabhugenyi.

2 Abhakorinto 6:1

Woori kwa okubha ekikora emirimu amwi na Nyamuwanga, ekibheesaasaama ati iinema ya Nyamuwanga inu muramiiye, yaasiga okubhura bhusa.

Abhagaraatiya 6:1

Bhakiriisitu bheejaasu, mukamenya ati oweejaanyu akorere ekikayo ekirebhe, emwe bhanu mukomeeye ku-mangʼana ga Nyamuwanga, mumusubhye ku-bhwikirisha mufuraaye. Nawe mumuje-ko mwiyangariiye, mwasiga okukomwa muyindukira ku-ntungwa gyaye.

Abhaefeso 4:1

Mmbe woori ku-nsonga ya gayo, anye unu nibhoyerwe ku-nsonga ya okukorera Raatabhugenyi Yeesu emirimu, enibheesaasaama ati mukorega ebhikorwa bhinu ebhyeresha ntungwa njomu ginu ꞉mwabhirikiriiywe.

Abhaefeso 4:20

Nawe emwe ꞉muteeyigiiye kutyo okusooka ku-Kiriisitu, raabhe kimari

Abhaefeso 5:17

Ku-nsonga iyo, mwasiga kubha bhasiru, tari mumenyegeshe ati ni kiinuki Raatabhugenyi Yeesu keenda mukore.

Abhafiripi 1:27

Riingʼana rinu omwendwa mukore ni ati, gintungwa gyemwe gibhe rwa kutyo Amangʼana Amajomu aga Kiriisitu agaaika. Mukore kutyo insonga nikabha niijire eyo amwi ati nitaamiibhwe okuuja, nuungwe ati omugenderera kujomu, musimbiirire na mugwateene muri bhamwi mu-mitima, okurwanirira obhwikirisha bhunu ekinyoora okuturira ku-Mangʼana Amajomu.

Abhafiripi 1:9

Enibhasabhira ku-Nyamuwanga ati obhwendi bhwemwe bhugenderere okubha bhwafu muno, mubhe na obhwenge, na obhumenyi bhwa amangʼana,

Abhafiripi 3:14

Eniikomeesha mu-rugendo, eneenda niyike ku-bhuteero ninyoore ekiyaanwa kyani. Ekiyaanwa kiyo nikyo Nyamuwanga ꞉aambirikiriiye okwingira mu-rwire, okuturira ku-Kiriisitu Yeesu.

Abhakorosaayi 1:10

Akore kutyo insonga mubhe na obhuturo bhwa okukora ganu Raatabhugenyi Yeesu keenda, mumujomisha ku-mangʼana goone kutyo. Omuuja okumujomisha ku-bhikorwa bhyemwe ebhijomu, enu mugenderera okumenya muno Nyamuwanga.

Abhakorosaayi 2:6

Kwa okubha woori mwikirisiishe Kiriisitu Yeesu okubha Esobhugenyi, mugenderere okuyimbana nawe.

1 Abhateesaroonike 3:12

Raatabhugenyi Yeesu abhoongeshe okwendana emwe abheene na okwenda abhandi bhoone kutyo, rwa kutyo eswe kibheendere.

1 Abhateesaroonike 4:2

Mumenyere kujomu maragiriroki ganu ꞉kyabharagiriiye kwa bhuturo bhwa Raatabhugenyi Yeesu.

1 Abhateesaroonike 5:12

Woori Bhakiriisitu bheejaasu, ekibhasabha ati mumenye bhanu abhabhanyankirira, na okubhatangasha, okuturira kw-isiina rya Raatabhugenyi Yeesu, na bhayo nibho abhabhagonya.

2 Abhateesaroonike 1:3

Mmbe woori Abhakiriisitu bheejaasu, eswe kiisire kikumye Nyamuwanga kiyana ku-nsonga yeemwe, nikwo kutyo eyeendwa kikore, kwa okubha obhwikirisha bhwemwe obhugenderera okukura, na okwendana kwemwe okugenderera okwiyongesha muno.

2 Abhateesaroonike 2:1

Mmbe woori Abhakiriisitu bheejaasu, ku-rubhaara rwa okusubha kwa Raatabhugenyi weeswe Yeesu Kiriisitu na kutyo kirisangira anu aribha ekibheesaasaama ati,

2 Abhateesaroonike 3:1

Bhakiriisitu bheejaasu, aga okumariisha ni ati, mukisabhire insonga iingʼana ya Raatabhugenyi Yeesu ibhe na ekibharo ku-bhanu abhayiramira na igenderere okuswerana bhwangu, rwa kutyo iri kw-imwe.

2 Abhateesaroonike 3:13

Nawe emwe Bhakiriisitu bheejaasu, mwasiga okuyigwa okukora amajomu.

1 Timoteeyo 5:21

Enikuragirira mu-meeso ga Nyamuwanga, na aga Kiriisitu Yeesu na bhaamaraayika abhasorwa ati ugwatirire amangʼana gayo. Waasiga okutusha bhwangu indamuro, na waasiga okusoroora muunu woonewoone.

2 Timoteeyo 4:1

Enikuragirira mu-meeso ga Nyamuwanga na aga Kiriisitu Yeesu unu ariramurira abharore na abhafuuye bhunu arisubha okutunga ku-bhukama bhwaye.

Abhaebhuraaniya 11:6

Omuunu atari na bhwikirisha atakutura okujomisha Nyamuwanga, kwa okubha bhanu abheenda okuja ku-Nyamuwanga, abheendwa bheekirishe ati Nyamuwanga ariwo, na bheekirishe ati kaayaanaga ebhiyaanwa bhanu abhakomeera okumwagara.

Abhaebhuraaniya 13:16

Mwasiga okurabhirwa okukora amajomu, na okusakira abheejaanyu, kwa okubha ebhikorwa rwa bhiyo, bhiri rwa ebhimweso bhinu ebhijomisha Nyamuwanga.

Abhaebhuraaniya 13:22

Enibheesaasaama emwe Abhakiriisitu bheejaasu, museete kujomu amangʼana ganu enibhakaamira mu-nyarubha inu okubhakomeesha, kwa okubha ni matooto era.

2 Peetero 3:18

Nawe mugenderere okwikara mu-nema, mugenderere na okumenya Raatabhugenyi na Omwerusi weeswe Yeesu Kiriisitu. Uyo niwe ari na obhugungyo woori anu, na kajaanende! Amina.

1 Yowana 3:22

Na kikamusabha ryoneryone kaakiyaana, kwa okubha kigwatire ebhiraagiro bhyaye na ekikora ganu agamujomisha.