1 Abhateesaroonike 3:8 - Iimuuma Iinyaaya

⁸ Woori ekiiyungwa ati kiri bhaworu, kwa okubha emwe musimbiirire ku-Raatabhugenyi Yeesu.

1 Abhateesaroonike 3:8 Iomraidhean Croise

Yowana 15:4

Mwikare mu-mutima gwani, anye noone niikare mu-mitima gyemwe. Rwa kutyo riisagi ritakutura okutwasha amatwasho riri eryene era, ritari kw-isina rya omujabhiibhu, nikwo kutyokutyo mwone, muteekaaye mu-mutima gwani, mutakutura okutwasha amatwasho.

Yowana 15:7

Emwe mukeekara mu-mutima gwani, na amangʼana gaani ngeekara mu-mitima gyemwe, musabhe engʼana ryoneryone rinu omwenda, omuyaanwa.

Yowana 8:31

Mmbe, Yeesu ˆnaabhabhwira Abhayawudi bhanu ꞉bhaamwikirisiishe ati, “Raabhe mukagwatira riingʼana ryani, kimari omubha bheeyigira bhaani.

Ebhikorwa bhya Abhatumwa 11:23

Bhunu Bharinaabha ꞉aayikire eyo, ˆnaarora kutyo Nyamuwanga ꞉aayaanaga abhaanu iinema yaaye, ˆnaajomerwa muno. ˆNaagendereraga okubhabhwira bhagenderere okugwatana na Raatabhugenyi ku-mitima gyebhwe gyone kutyo,

1 Abhakorinto 15:58

Mmbe, Abhakiriisitu bheejaasu abheende, mukomeere mu-bhwikirisha, mwasiga okufwa emitima. Ku-nsiku mugenderere muno okukora emirimu gya Raatabhugenyi, kwa okubha mumenyere ati, emirimu ginu omukora gitari bhusa, tari omukora ku-nsonga ya Raatabhugenyi.

1 Abhakorinto 16:13

Mwiyangarire, mukomeere mu-bhwikirisha, mubhe na riibhaasi na amanaga.

Abhagaraatiya 5:1

Kiriisitu ꞉aakiyaaye obhwiyagaaro, insonga kiikare kiiyagaarire. Mmbe woori, mwikomeeshe, mwasiga okwikirisha okusubha kweki mu-bhugaya bhwa ebhiraagiro.

Abhaefeso 3:17

Okuturira mu-kwikirisha kwemwe, Kiriisitu eekare mu-mitima gyemwe. Anye noone enibhasabhira ati, abhasakire mwigumiirishe kw-isina rya obhwendani, na mubhe rwa bhanu bhasimbiiywe mu-rufuka rwa obhwendani.

Abhafiripi 1:21

Ku-anye okurama enirama ku-nsonga ya okukorera Kiriisitu emirimu, na raabhé nikafwa ni kujomu, kwa okubha nimenyere kinu nirinyoora.

Abhafiripi 1:27

Riingʼana rinu omwendwa mukore ni ati, gintungwa gyemwe gibhe rwa kutyo Amangʼana Amajomu aga Kiriisitu agaaika. Mukore kutyo insonga nikabha niijire eyo amwi ati nitaamiibhwe okuuja, nuungwe ati omugenderera kujomu, musimbiirire na mugwateene muri bhamwi mu-mitima, okurwanirira obhwikirisha bhunu ekinyoora okuturira ku-Mangʼana Amajomu.

Abhafiripi 4:1

Mmbe woori, Bhakiriisitu bheejaasu, nibheendere na nirangire muno okurorana na emwe. Ni emwe omukora ninjomerwa, na ni emwe orusuurya rwani runu niriyaanwa ku-nsonga ya emirimu ginu naakorere. Mmbe woori bheendwa bhaani, omwendwa mwikare muyimbeene na Raatabhugenyi.

Abhakorosaayi 1:23

Nawe omwendwa mugenderere na obhwikirisha, musimbiire, mubhe na amanaga. Mwasiga kwikirisha okusiga obhwisige bhunu ꞉mwanyoorere, ku-kabhaga kanu ꞉mwoonguuywe Amangʼana Amajomu, ganu ꞉gaaraasiibhwe ku-bhaanu bhoone kutyo bha mu-kyaro anu. Anye Pawuro nibheeye mujuuma waago.

1 Abhateesaroonike 3:7

Ku-nsonga iyo Bhakiriisitu bheejaasu, amangʼana iiguru ya obhwikirisha bhwemwe, gakikomeesiishe emyoyo mu-nyanko na mu-bhinyansho bhyeswe bhyone kutyo.

Abhaebhuraaniya 10:23

Kiikomeeshe muno okugwatirira ganu ekiigamba na okwisiga, kwa okubha Nyamuwanga unu ꞉aaragire, akaaika aaikire.

Abhaebhuraaniya 3:14

Enaaika kutyo kwa okubha ekiija okuyimbana na Kiriisitu, raabhe kikagenderera okumwisiga okuyikira ku-bhuteero, rwa kutyo ꞉kyariga nkimwisiga bhunu ꞉kyaambire okwikirisha.

Abhaebhuraaniya 4:14

Mmbe, raabhe kiri na Omushengesi Omukuru unu ꞉eengiiye mu-rwire, Yeesu Omwana wa Nyamuwanga, ku-nsonga iyo, kyangarire muno amangʼana ganu ekiigamba.

1 Peetero 5:10

Nawe mukamara akabhaga akafuyi kanu, aka iinyanko, Nyamuwanga owa iinema yoone kutyo, unu ꞉aabhabhirikiiye mwingire mu-bhugungyo bhwaye amwi na Yeesu Kiriisitu kajaanende, aribhayaana amanaga, obhwambiro obhujomu, na okubhasimbiisha.

2 Peetero 3:17

Nawe emwe abheendwa bhaani, kwa okubha woori mwabhamenyere, mwiyangarire, bhataaja okubhayabhya mbabhatuura mu-bhujeemi bhwebhwe, kimwi mwone mujeema musooka ku-bhusimbiiru bhwemwe.

Obhusomboorerwa 3:11

Niri ayeeyi muno okusubha! Mugwatirire muno kinu muri nakyo, muunu woonewoone aasiga okubhateesha orusuurya rwemwe.

Obhusomboorerwa 3:3

Muyiite ganu ꞉mweeyigisiibhwe, mugagwatira na okugeekirisha. Mugwatirire gayo, munuge ebhikayo. Nawe mukarema okwangarira, niriija rwa omwifi, na mutarimenya ebhaga rinu niriija.