1 Abhateesaroonike 3:5 - Iimuuma Iinyaaya

⁵ Ku-nsonga iyo bhunu ꞉naataamiibhwe okusimbiira kweki, nintuma Timoteeyo kw-imwe, insonga nimenye kutyo omugenderera ku-bhwikirisha bhwemwe. ꞉Naamutumire abhasakire insonga Sitaani aasiga kuuja ˆnaabhasakya, kimwi emirimu gyeswe kw-imwe, ngibha ati kyakoreeye bhusa.

1 Abhateesaroonike 3:5 Iomraidhean Croise

Mataayo 4:3

Niwe Sitaani ˆnaamuuja-ko ˆnaamubhwira ati, “Raabhe uri Mwana wa Nyamuwanga, siiga amagina ganu gayinduke gabhe mikaate.”

Ebhikorwa bhya Abhatumwa 15:36

Anu ꞉gyaturire nsiku ntooto, Pawuro ˆnaabhwira Bharinaabha ati, “Kisubhe mu-misi ginu kyeeyigisiishe-mo riingʼana rya Raatabhugenyi, kiringire Abhakiriisitu bhanu kyasigire eyo kutyo abhagenderera.”

1 Abhakorinto 7:5

Musige okwimana, amwi, mukabha mwikirishaanyiishe okukora kutyo kwa kabhaga kafuyi era, ku-nsonga ya okusaasaama Nyamuwanga. Mukamara, musubhirane kweki, Sitaani aasiga okubhasakya, ku-nsonga ya okutaamibhwa kwemwe okwiyiinya.

2 Abhakorinto 2:11

insonga Sitaani aasiga okukiyiga, kwa okubha kimenyere kujomu kutyo obhwenge bhwaye bhuri.

2 Abhakorinto 6:1

Woori kwa okubha ekikora emirimu amwi na Nyamuwanga, ekibheesaasaama ati iinema ya Nyamuwanga inu muramiiye, yaasiga okubhura bhusa.

Abhagaraatiya 2:2

꞉Naagendere Yerusareemu, kwa okubha Nyamuwanga niwe ꞉aariga ambwiriiye ati nigende. Bhunu ꞉kyayikire eyo, nkinyookana na abhatangasha bha riikanisa abheene era. Nimbatondera kutyo ꞉naaraashaga Amangʼana Amajomu ku-bhaanu bhanu bhatari Bhayawudi. ꞉Naaramuuye okubhatondera gayo, insonga emirimu ginu ꞉naariga ninkora na ginu enigenderera okukora, gyasiga okubha gya bhusa, mbeekirishaanya na anye.

Abhagaraatiya 4:11

Enuubhaya muno, itaaja okubha ati ꞉naanyankire bhusa ku-mirimu ginu ꞉naakorere kw-imwe.

Abhaefeso 4:14

Ayo woori, kitakutura okubha rwa abhaana abhajaare, bha kusuukurwa enu na enu nkigegwaga na miyaga gya meeyigisho kweki, na obhungʼeeni bhwa abhaanu, na orurimi rwebhwe, nkiseetaga ameeyigisho ga obhubheeyi.

Abhafiripi 2:16

Na mugwatire Riingʼana rya Nyamuwanga, riyo niryo eribhayaana obhurame bhunu bhutakuweera. Mukore kutyo insonga niiyeeme ku-rusuku runu Kiriisitu ariija, ati ꞉nitaakorere mirimu gya bhusa, amwi ati ꞉neenyanshaga bhusa.

Abhafiripi 2:19

Raatabhugenyi Yeesu akeenda, mu-nsiku gitari nyafu eniija okutuma Timoteeyo aaje kw-imwe eyo, insonga bhunu arisubha enu, nikamenya kutyo omugenderera omutima gwani gusaasamuke.

1 Abhateesaroonike 2:1

Bhakiriisitu bheejaasu, emwe abheene mumenyere kujomu ati eswe okuuja kw-imwe, ꞉kitaakoreeye bhusa.

1 Abhateesaroonike 3:6

Nawe woori Timoteeyo aasubhire eweeswe enu, okusooka kw-imwe, aakibhwira mangʼana amajomu aga obhwikirisha na obhwendi bhwemwe. Aakibhwira ati, ku-nsiku omukiyiita ku-majomu, na omuranga ku-nsiku okukirora rwa kutyo kyone ekibharanga.