1 Abhateesaroonike 3:3 - Iimuuma Iinyaaya

³ ꞉Kyakorere kutyo insonga, muunu woonewoone aasiga kutitibhara ku-nsonga ya ebhinyansho bhiyo, kwa okubha emwe abheene mumenyere ati, kiisire kiturire mu-bhinyansho bhiyo.

1 Abhateesaroonike 3:3 Iomraidhean Croise

Ruuka 21:12

“Nawe gayo goone kutyo gakyari okubha-wo, abhaanu bharibhasira mu-masunagoogi, na okubhabhoya mu-jeera, mbabhanyanshaga. Na murisirwa imbere wa abhakama na abhatungi, kwa okubha ati emwe muri bheeyigira bhaani.

Yowana 16:2

Abhaanu bharibhabhirimya mu-masunagoogi. Kariyika akabhaga kanu abhaanu bharibheetaga, mbatoga ati abhakorera Nyamuwanga emirimu.

Yowana 16:33

Naabhabhwira gayo insonga mubhe na omurembe mu-mitima gyemwe, kwa okubha muri mu-mutima gwani. Mu-kyaro anu, muri na nyanko nene, nawe mwasiga okufwa emitima kwa okubha anye niyigire ekyaro.”

Ebhikorwa bhya Abhatumwa 14:22

Anu ꞉bhaaturaga, ꞉bhaariga mbakomeesha abheeyigira emitima, mbabhabhwira bhagenderere ku-bhwikirisha bhwebhwe. Mbabhabhwira ati, “Iisire eswe kiturire mu-bhinyansho bhyafu niwe kiingire mu-bhukama bhwa Nyamuwanga.”

Ebhikorwa bhya Abhatumwa 2:25

Na omukama Dawudi ꞉aaikiiye Yeesu kutya, ‘꞉Naarorere Raatabhugenyi abheeye amwi na anye nsiku gyone kutyo. Na kwa okubha ari ku-rubhaara rwani orwa ebhuryo, nitarisingisibhwa.

Ebhikorwa bhya Abhatumwa 21:11

Agabho uyo ˆnaakiija-ko, ˆnaagega omuchipi gwa Pawuro, ˆneebhoya amaguru na amabhoko, ˆnaaika ati, “Mwoyo Omutaakatiifu kaaika ati, ‘Kutyo omuchipi gunu gubhoyerwe, nikwo kutyo Abhayawudi bha Yerusareemu eyo, abhaaja okubhoya omwene omuchipi gunu na abhaaja okumutuura mu-mabhoko ga abhaanu bha ebhyaro ebhindi.’ ”

Ebhikorwa bhya Abhatumwa 21:13

Nawe omwene ˆnaakisubhya ati, “Kubhaki omurira muunyita omutima? Anye niituuye-wo, ku-nsonga ya riisiina rya Raatabhugenyi Yeesu, itari kubhoywa era, tari raabhé kwitwa Yerusareemu eyo, kwone niituuye-wo.”

Ebhikorwa bhya Abhatumwa 9:16

Anye omwene eniija okumweresha ebhinyansho bhinu bhiisire anyoore ku-nsonga ya riisiina ryani.”

Abharuumi 5:3

Itari kutyo era, tari ekijomererwa na ebhinyansho, kwa okubha kimenyere ati ebhinyansho ebhireeta obhusimbiiru.

1 Abhakorinto 15:58

Mmbe, Abhakiriisitu bheejaasu abheende, mukomeere mu-bhwikirisha, mwasiga okufwa emitima. Ku-nsiku mugenderere muno okukora emirimu gya Raatabhugenyi, kwa okubha mumenyere ati, emirimu ginu omukora gitari bhusa, tari omukora ku-nsonga ya Raatabhugenyi.

1 Abhakorinto 4:9

Nawe enirora ati Nyamuwanga akikorere eswe abhatumwa okubha bhaanu bhanu ekijeerwa okukira abhaanu bhoone kutyo. Kiri rwa abhaanu bhanu bharamuriiywe okwitwa. Kikorerwe rwa abhaanu bha okusekwa mu-kyaro, ku-bhaamaraayika na ku-bhaanu.

Abhaefeso 3:13

Mmbe woori enibhasabha, musige kufwa emitima ku-nyanko inu omuungwa ati eyinyoora ku-nsonga yeemwe. Mwiyungwe kujomu era, kwa okubha iinyanko iyo eyibhareetera emwe obhugungyo.

Abhafiripi 1:28

Na mwasiga kuubhaya abhasoko bheemwe, kw-ingʼana ryoneryone. Riyo niryo eriija okubheeresha ati abheene abhagya okusika, nawe emwe Nyamuwanga kaaja okubheerusha.

Abhakorosaayi 1:23

Nawe omwendwa mugenderere na obhwikirisha, musimbiire, mubhe na amanaga. Mwasiga kwikirisha okusiga obhwisige bhunu ꞉mwanyoorere, ku-kabhaga kanu ꞉mwoonguuywe Amangʼana Amajomu, ganu ꞉gaaraasiibhwe ku-bhaanu bhoone kutyo bha mu-kyaro anu. Anye Pawuro nibheeye mujuuma waago.

1 Abhateesaroonike 5:9

Nyamuwanga ꞉ataakisorere eswe insonga ati riisungu ryaye riweere kw-iswe, tari ꞉aakisorere kinyoore obhwerusha, okuturira ku-Raatabhugenyi weeswe Yeesu Kiriisitu.

2 Abhateesaroonike 1:4

Kyakora mu-makanisa ga Nyamuwanga, ni emwe ekiiyeemera ku-nsonga ya obhusimbiiru na obhwikirisha bhwemwe, mu-bhinyansho bhyone kutyo na iinyanko inu omunyoora omwigumiirisha.

2 Timoteeyo 1:8

Mmbe, waasiga okwiswara okubhwira abhaanu amangʼana ganu agaaikira Raatabhugenyi weeswe, amwi ati okunyiiswaririra anye kwa okubha ati niri mu-jeera ku-nsonga yaaye. Tari, usimbiire mu-nyanko amwi na anye, ku-nsonga ya Amangʼana Amajomu aga Yeesu, okuriingʼaana na kutyo Nyamuwanga kaakuyaana amanaga.

1 Peetero 2:21

Gayo nigo mwabhirikiriiywe, na Yeesu Kiriisitu. Omwene woone, ꞉aanyankire ku-nsonga yeemwe. ˆNaabhasigira ekirengekanyo, insonga mubhe mwiyigirira-ko.

Obhusomboorerwa 2:10

Omuuja okunyansibhwa nawe mwasiga okuubhaya. Sitaani kaaja okubhasakya, na arituura abheejaanyu abhandi mu-jeera. Murinyanka nsiku ekumi. Nawe mubhe bheetongeeye ku-anye, raabhe ni kufwa nyakara mufwe. Mukabha bheetongeeye, niribhayaana orusuurya rwa obhurame bhunu bhutakuweera.

Obhusomboorerwa 2:13

Anye nimenyere anu mwikaaye, ati ni anu ekitebhe kya obhutungi ekya Sitaani kiri. Nawe, omugenderera okwikirisha riisiina ryani. Na bhunu Antipa omwaiki waani omwitongeeye ꞉eetirwe mu-musi gwemwe guyo, anu Sitaani eekaaye, muteegaanire obhwikirisha bhwemwe ku-anye.