1 Abhateesaroonike 2:9 - Iimuuma Iinyaaya

⁹ Bhakiriisitu bheejaasu, omuyiita ekituunyo kyeswe, kwa okubha ꞉kyakoraga emirimu mu-ngeta na mu-mwisi insonga kyasiga kusabhiirisha ebhiinu okusooka kw-imwe, enu nkibharaasishaga na Amangʼana Amajomu aga Nyamuwanga.

1 Abhateesaroonike 2:9 Iomraidhean Croise

Ruuka 18:7

Abhasorwa bha Nyamuwanga abhamuririra mu-ngeta na mu-mwisi mbeendaga abhasakire. Mmbe ikabha kutyo Nyamuwanga atakutura okubhayaana bhinu bhibheesire? Angu arikoora okubhasakira?

Ruuka 2:37

꞉Aasigaaye ari mukimari, ˆnaayikya ekura rya myaka makumi munaana na ena. ꞉Aariga eekaaye mw-iyekaru atakusooka-mo ˆnaasaasaamaga mu-mwisi na mu-ngeta na okwiyima ebhyokurya.

Ebhikorwa bhya Abhatumwa 18:3

ˆneekara eweebhwe ayo, mbakoraga emirimu amwi, kwa okubha abheene bhoone ꞉bhaariga mbaroosha amawuuna rwa Pawuro.

Ebhikorwa bhya Abhatumwa 20:24

Nawe na woori obhurame bhwani bhutari kiinu ku-anye. Eneenda era ati nimare omurimu gunu ꞉naaramiiye okusooka ku-Raatabhugenyi Yeesu. Omurimu guyo, ni kuraasisha abhaanu Amangʼana Amajomu aga iinema ya Nyamuwanga.

Ebhikorwa bhya Abhatumwa 20:31

Mmbe woori, mwiyangarire! Muyiitega ati, ku-myaka esatu migima ginu ꞉naamarire na emwe, ꞉nitaasigire okubhatongera muunu wumwiwumwi, nindiriraga-ko mu-ngeta na mu-mwisi.

Abharuumi 1:1

Iinyarubha inu eniyikaama anye Pawuro, omujuuma wa Kiriisitu Yeesu. Anye ꞉naabhirikiiywe nibhe mutumwa, niinsorwa niraashega Amangʼana Amajomu, aga Nyamuwanga.

Abharuumi 15:16

insonga nibhe mujuuma wa Kiriisitu Yeesu ku-bhaanu bhanu bhatari Bhayawudi. Niyaaywe emirimu gya obhushengesi egya okubharaasisha Amangʼana Amajomu okusooka ku-Nyamuwanga, insonga bheesibhwe na Mwoyo Omutaakatiifu, bhabhe mugabho gunu ogujomisha Nyamuwanga.

Abharuumi 15:19

꞉Bhaafutirwe okumuungwa, kwa okubha okuturira ku-anye ꞉bhaarorere amanaga ga Kiriisitu okuturira ku-bhimenyegesho na ebhiruguusho. ꞉Naaturire okukora gayo okuturira ku-managa ga Mwoyo Omutaakatiifu wa Nyamuwanga. Mmbe, neeyindire mbaara gyone kutyo nindaasha Amangʼana Amajomu aga Kiriisitu, okwambira Yerusareemu okuyikira mu-kyaro kya Iruriko.

1 Abhakorinto 4:12

Ekiikomeesha muno okukora emirimu gyeswe kwa amabhoko geeswe abheene. Abhaanu bhakakifuma, ekibhasabhira giinonkwe. Bhakakinyansha, ekisimbiira.

1 Abhakorinto 9:15

Nawe anye, nikyariga kwenda engʼana na rimwi ku-ganu niisire okuyaanwa. Na nitakukaama ganu, ati woori mwambe okuunaana. Ku-anye nyakara nifwe, nawe omuunu woonewoone aasiga okungaanya okwikumangya kwani kunu eniikumangya ku-nsonga ya okuraasha Amangʼana Amajomu.

1 Abhakorinto 9:18

Mmbe woori ekiyaanwa kyani ni kiiya? Ekiyaanwa kyani, ni kuraasha Amangʼana Amajomu bhusa, kyakora nitakusabha okuyaanwa na ganu niisire okuyaanwa ku-nsonga ya okuraasha amangʼana gayo.

1 Abhakorinto 9:4

eswe kiteesire okurya na okunywa okusooka ku-mirimu gyeswe egya obhutumwa?

2 Abhakorinto 11:27

Nikorere emirimu emikomeeye, na ninyankire muno, akaafu ꞉nitaawongeraga, ninyankire na omweko, na obhwiro, nibhurirwe ebhyokurya kaafu, na ꞉neekaaye mu-mbewo nitari na ngibho.

2 Abhakorinto 11:9

Bhunu ꞉naariga niri amwi na emwe, ꞉naariga nitari mujigo ku-muunu woonewoone kw-imwe, bhunu ꞉naariga ninsuuyirwa. Abhakiriisitu bheejaasu bhanu ꞉bhaasookere Makedooniya ꞉bhaariga mbaanaana bhinu ꞉naariga ninkena. ꞉Naariga niiyangariiye muno, insonga naasiga okusaka okubha mujigo kw-imwe, na nikwo kutyo eniija okugenderera okukora.

2 Abhakorinto 6:5

Kibhumirwe, kibhoyerwe mu-jeera, abhaanu bhakikoomooye. Kikorere emirimu emikomeeye, kikyesiishe obhwire, na kimaamire siibho.

Abhafiripi 4:16

Na bhunu ꞉naariga niri Teesaroonike, eyo woone ꞉mwantumiraga ebhiinu bhya okunsakira ku-bhukene bhwani, na itari rumwi era.

1 Abhateesaroonike 1:3

Eswe kyone bhunu ekibha nkibhasabhira ku-Raata Nyamuwanga ekiyiita emirimu gyemwe ginu omukora okuriingʼaana na obhwikirisha bhwemwe. Ekiyiita ekituunyo kyemwe kinu ekyeresha obhwendi bhwemwe ku-bhandi, na okurindirira kwemwe ku-bhwisige bhunu muri nabhwo ku-Raatabhugenyi Yeesu Kiriisitu.

1 Abhateesaroonike 2:2

Mumenyere ati bhunu ꞉kyariga kikyari kuyika kw-imwe, ꞉kyanyansiibhwe na okufumwa mu-musi gwa Firipi. Nawe Nyamuwanga ꞉aakiyaaye amanaga ga okuraasha Amangʼana Amajomu aga Yeesu kw-imwe kiri na riibhaasi, raabhé kutyo ꞉kyaraasiishe kwa nyanko nene.

1 Abhateesaroonike 2:6

Eswe, ꞉kyariga kitakwenda bhaanu bhakigungye, kw-imwe, na ku-bhandi bhoone kutyo. Nawe eswe kyone, kiri bhatumwa bha Kiriisitu, ꞉kyariga kiri na obhuturo bhwa okwenda ebhiinu okusooka kw-imwe, nawe ꞉kitaakorere kutyo.

1 Abhateesaroonike 3:10

Ngeta na mwisi kikomeeye okusaasaama Nyamuwanga ati, akisakire kweki kirorane na emwe, insonga kibhasakire kinu kisuuyire ku-bhwikirisha bhwemwe.

1 Timoteeyo 1:11

Ameeyigisho gayo ageekirishaanya na Amangʼana Amajomu aga obhugungyo bhwa Nyamuwanga wa giinonkwe gyone kutyo. Na amangʼana gayo nigo ꞉naayaaywe na Nyamuwanga nigaraashe.

1 Timoteeyo 4:10

Riyo niryo erikora nkikomeera okukora emirimu ku-nsonga ati, ekiisiga Nyamuwanga unu keesha omwoyo, Omwerusi wa abhaanu bhoone kutyo, nawe munomuuno ku-bhanu bheekirisiishe.

1 Timoteeyo 5:5

Omukimari wa ekigasi unu atari na bhusakisi, uyo asigaaye omwene na obhwisige bhwaye bhuri ku-Nyamuwanga, ku-nsiku mu-ngeta na mu-mwisi, kaasaasaama na okusabha obhusakisi ku-Nyamuwanga.

2 Timoteeyo 1:3

Enikumya Nyamuwanga unu eniramya neerere omutima, rwa kutyo bhaajaaji bhoone ꞉bhaamuramyaga. Mmbe, ebhaga ryone mu-ngeta na mu-mwisi enikuyiita mu-kusabha kwani.