1 Abhateesaroonike 2:8 - Iimuuma Iinyaaya

⁸ Nikwo kutyo kyone ꞉kyariga kibheeganire muno, ꞉kyajomeeywe okubhayaana itari Amangʼana Amajomu aga Nyamuwanga era, tari na okwisoosha eswe abheene, kwa okubha emwe muri bheendwa bheeswe.

1 Abhateesaroonike 2:8 Iomraidhean Croise

Ruuka 7:2

Mu-musi guyo, ꞉aariga arimo omukuru wa abhasirikare abha Ekiruumi ari na omujuuma waaye amwendere muno. Omujuuma uyo ꞉aariga ari murwaye musinge.

Abharuumi 1:1

Iinyarubha inu eniyikaama anye Pawuro, omujuuma wa Kiriisitu Yeesu. Anye ꞉naabhirikiiywe nibhe mutumwa, niinsorwa niraashega Amangʼana Amajomu, aga Nyamuwanga.

Abharuumi 10:1

Bhakiriisitu bheejaasu, kinu nikenere mu-mutima gwani, na nikyo enisabhira muno Abhaijirayeeri ku-Nyamuwanga, ni ati bheerusibhwe.

Abharuumi 15:29

Nimenyere ati, bhunu niriyika kw-imwe nkiikara amwi, Kiriisitu arikiyaana giinonkwe nyafu muno.

2 Abhakorinto 12:15

Anye enijomerwa okusoosha ebhiinu bhyani na okwisoosha anye omwene, insonga nibhasakire emwe. Nawe enirora ati, kutyo anye enigenderera okubheenda muno, nikwo kutyo obhwendi bhwemwe ku-anye obhusuuwa.

2 Abhakorinto 6:1

Woori kwa okubha ekikora emirimu amwi na Nyamuwanga, ekibheesaasaama ati iinema ya Nyamuwanga inu muramiiye, yaasiga okubhura bhusa.

Abhagaraatiya 4:19

Bhaana bhaani, enibhoongwira obhururu kweki rwa omugasi unu kaarumwa obhusungu, okuyikira anu gintungwa gya Kiriisitu giribha mw-imwe.

Abhafiripi 1:8

Kutyo enikomeeresha ati eniranga okurorana na emwe kweki, Nyamuwanga woone amenyere ati enaaika ekimari. Nibheendere muno rwa kutyo Kiriisitu Yeesu abheendere.

Abhafiripi 2:17

Raabhé nikasoosha obhurame bhwani, amaanyinga gaani gasoosibhwe gabhe rwa omugabho gwa iidivaayi, ku-nsonga ya obhwikirisha bhwemwe ku-Nyamuwanga, anye noone enijomerwa, na enijomerwa niyimbeene na emwe, mwone kutyo.

Abhafiripi 2:20

Anye nitari na muunu wundi unu ari mutima gumwi na anye rwa Timoteeyo unu kaabhoongwira obhururu.

Abhafiripi 4:1

Mmbe woori, Bhakiriisitu bheejaasu, nibheendere na nirangire muno okurorana na emwe. Ni emwe omukora ninjomerwa, na ni emwe orusuurya rwani runu niriyaanwa ku-nsonga ya emirimu ginu naakorere. Mmbe woori bheendwa bhaani, omwendwa mwikare muyimbeene na Raatabhugenyi.

Abhakorosaayi 1:28

Ekiraasha amangʼana ga Kiriisitu ku-bhaanu, nkigonya na okwiyigisha abhaanu bhoone kutyo okuturira ku-bhwenge bhwone kutyo. Ekikora kutyo insonga kireete abhaanu bhoone kutyo mu-meeso ga Nyamuwanga bhari bhaanu bhanu bhakurire ku-kuyimbana kwebhwe na Kiriisitu.

Abhakorosaayi 1:7

Emwe ꞉mweeyigiiye Amangʼana Amajomu gayo okusooka ku-Epafura. Omwene kaakora emirimu na eswe, ni mujuuma weejaasu omwende, ni muunu mwitongeeye wa Kiriisitu ku-nsonga yeemwe.

Abhakorosaayi 4:12

Epafura, omujuuma wa Kiriisitu Yeesu, omuunu wa ewaanyu eyo, kaabhakeesha. Akomeeye muno okubhasabhira insonga mukomeere, mugenderere okusimbiira mu-bhwikirisha bhwemwe, mumenye kujomu ganu Nyamuwanga keenda.

Firimooni 1:1

Iinyarubha inu eniyikaama anye Pawuro. Anye nibhoyerwe ku-nsonga ya okuraasha Amangʼana Amajomu aga Kiriisitu Yeesu. Enikukaamira awe Firimooni, omwendwa weeswe na omujuuma weejaasu. Anye na Omukiriisitu weejaasu Timoteeyo, ekikukeesha.

Abhaebhuraaniya 13:17

Muungwe abhatangasha bheemwe, mwituuraga emwaro ku-bheene, kwa okubha abheene nibho abhanyankirira emyoyo gyemwe mu-ngeta na mu-mwisi. Bhayo nibho bharibhuusibhwa amangʼana ga emirimu gyebhwe mu-meeso ga Nyamuwanga. Mmbe, mubhoongwe, insonga bhakore emirimu gyebhwe bhajomeeywe. Nawe raabhe bhakasurumbara, emirimu gyebhwe giyo gitakuuja okubhasakira kyonekyone.

1 Yowana 3:16

Bhunu Kiriisitu ꞉aasoosiishe obhurame bhwaye ku-nsonga yeeswe, ꞉aakyeresiishe obhwendi obhujomu. Eswe kyone, nikwo kutyo ekyendwa kisooshe bhurame bhweswe ku-nsonga ya Abhakiriisitu bheejaasu.