1 Abhateesaroonike 2:6 - Iimuuma Iinyaaya

⁶ Eswe, ꞉kyariga kitakwenda bhaanu bhakigungye, kw-imwe, na ku-bhandi bhoone kutyo. Nawe eswe kyone, kiri bhatumwa bha Kiriisitu, ꞉kyariga kiri na obhuturo bhwa okwenda ebhiinu okusooka kw-imwe, nawe ꞉kitaakorere kutyo.

1 Abhateesaroonike 2:6 Iomraidhean Croise

Yowana 12:43

Abhatangasha bhayo ꞉bhaariga bheendere muno okugungibhwa na abhaanu, okukira okugungibhwa na Nyamuwanga.

Yowana 5:41

Anye nitakwenda okuyaanwa ekibharo na abhaanu.

Yowana 5:44

Emwe omutura okwikirisha kutiki, enu mugungyanya emwe abheene na abheene, na obhugungyo bhunu obhusooka ku-Nyamuwanga unu atariko owundi, mutakubhwagara?

Yowana 7:18

Omuunu woonewoone unu kaaika amangʼana gaaye omwene era, owubha ˆnaagara okugungibhwa omwene, tari unu kaagara unu amutumire agungibhwe, uyo niwe owa ekimari na bhubhiibhi bhutamurimo.”

1 Abhakorinto 11:9

Na Nyamuwanga ꞉ataabhumbire omurume ku-nsonga ya omugasi, tari omugasi niwe ꞉aabhumbirwe ku-nsonga ya omurume.

2 Abhakorinto 13:10

Enibhakaamira amangʼana ganu nikyari okuuja kw-imwe, insonga bhunu niriija kw-imwe eyo, naasiga okubha mururu okuramura okuturira ku-bhuturo bhwani. Enaaika kutyo, kwa okubha obhuturo bhunu Raatabhugenyi ꞉aanaaye, bhutari bhuturo bhwa okubhanyamura, tari ni bhuturo bhwa okubhasakira mukomeere mu-bhwikirisha.

2 Abhakorinto 4:5

Eswe kitakuraasha amangʼana geeswe abheene, tari ekiraasha ati Yeesu Kiriisitu niwe Raatabhugenyi, na eswe kiri bhajuuma bheemwe ku-nsonga yaaye.

Abhagaraatiya 1:10

Angu, omutoga ati eneenda neendwe na abhaanu? Wuri, anye eneenda neendwe na Nyamuwanga omwene era. Amwi omutoga ati enaagara okujomisha abhaanu? Nikabheeye naagara okujomisha abhaanu, nitakabheeye mujuuma wa Kiriisitu.

Abhagaraatiya 5:26

Kyasiga okwikumangya bhusa era, enu nkisindirana na okukorerana orwango.

Abhagaraatiya 6:13

Na bhanu bhasaarirwe abheene, bhatakugwata bhiraagiro bhyone kutyo. Kinu abheenda, emwe musaarwe era, insonga bheekumangishe okusaarwa kwemwe.

1 Abhateesaroonike 2:9

Bhakiriisitu bheejaasu, omuyiita ekituunyo kyeswe, kwa okubha ꞉kyakoraga emirimu mu-ngeta na mu-mwisi insonga kyasiga kusabhiirisha ebhiinu okusooka kw-imwe, enu nkibharaasishaga na Amangʼana Amajomu aga Nyamuwanga.

1 Timoteeyo 5:17

Abhakaruka bhanu abhayambaarira riikanisa kujomu, bhayaanwe ekibharo muno na okukorerwa amajomu, munomuuno bhanu abheesoosha okuraasha na okwiyigisha.