1 Abhateesaroonike 2:5 - Iimuuma Iinyaaya

⁵ Rwa kutyo emwe mwone mumenyere, ati ꞉kyariga kitakwaika amangʼana insonga mukyende, na okwaika mangʼana ganu gatari na kimari insonga kinyoore omuyeero kw-imwe. Nyamuwanga niwe kaakirora kujomu.

1 Abhateesaroonike 2:5 Iomraidhean Croise

Mataayo 22:16

Niwe mbatuma abheeyigira bheebhwe na abhasakisi bha omukama Yerode Antipa. Mbabhuusha Yeesu ati, “Ee Mwiyigisha, kimenyere ati awe uri muunu wa ekimari, na owiiyigisha amangʼana ga Nyamuwanga ku-kimari kyago. Kimenyere ati awe utakuubhaya muunu woonewoone, raabhé akabha na kibharo kinene.

Mataayo 23:13

“Garibhanyoora, emwe abheeyigisha bha ebhiraagiro bhya Musa, na Abhafarisaayo! Bhabheeyi emwe, kwa okubha omwigarira abhaanu bhasige okwingira mu-bhukama bhwa mu-rwire, emwe abheene mutakwingira, na bhanu abheenda okwingira omubhayinga. [

Ebhikorwa bhya Abhatumwa 20:33

“Anye ꞉niteegombere yera, jaabhu, na ngibho gya omuunu woonewoone.

Abharuumi 1:9

Nyamuwanga unu enikorera emirimu ku-mutima gwani gwone kutyo, nikabha nindaasisha abhaanu Amangʼana Amajomu aga Omwana waaye, amenyere kutyo enibhasabhiraga ebhaga ryone kutyo.

Abharuumi 16:18

Abhaanu bhayo bhatakukorera Kiriisitu Raatabhugenyi weeswe emirimu, tari abhakorera amabhunda geebhwe era. Abhaaika amangʼana amanyoowu aga okwikumba ku-bhaanu, nawe abhajimya abhaanu bha abhandi bhanu bhatakumenya ati abhajimibhwa.

Abharuumi 9:1

Kiriisitu amenyere ati kinu enaaika, ni kimari. Na omutima gwani gunu ogutangasibhwa na Mwoyo Omutaakatiifu gwone ogumbwira ati nitakubheeya.

2 Abhakorinto 12:17

Angu, ꞉naabhateesiishe kyonekyone okuturira ku-bhaanu bhanu ꞉naatumire kw-imwe?

2 Abhakorinto 2:17

Eswe kitari rwa abhaanu abhandi abhaafu bhanu abhagusha Riingʼana rya Nyamuwanga, insonga bhanyoore-mo omuyeero. Nawe eswe kitari kutyo, tari okuturira ku-managa ga Kiriisitu, ekiraasha Riingʼana rya Nyamuwanga kiitongeeye muno mu-meeso ga Nyamuwanga, kwa okubha omwene niwe ꞉aakitumire.

2 Abhakorinto 4:2

Kiremere okukora amangʼana ga obhwiyibhise na aga ginswaro. Kitakujimya abhaanu, na kitakusaasha Riingʼana rya Nyamuwanga na obhubheeyi. Tari, ekiikumba ku-Nyamuwanga ku-kwaikira abhweru ekimari, insonga abhaanu bhoone kutyo bhamenye okusooka mu-mitima gyebhwe ati eswe kiri bhaanu bheetongeeye mu-meeso ga Nyamuwanga.

2 Abhakorinto 7:2

Mukyende okusooka mu-mitima gyemwe gyone kutyo. Kitakayiiye woonewoone, kitanyamuuye mutima gwa muunu woonewoone, na kitajimiishe muunu woonewoone.

Abhagaraatiya 1:20

Nyamuwanga amenyere ati, amangʼana ganu enibhakaamira ni kimari, gatarimo bhubheeyi!

1 Abhateesaroonike 2:10

Emwe abheene ꞉mwarorere, na Nyamuwanga woone ꞉aarorere, ati intungwa yeeswe kw-imwe bhanu mwikirisiishe Nyamuwanga, ꞉yaariga iri njomu, ya obhurengeresi, itari na masoro.

1 Timoteeyo 3:3

Omwangarisi wa riikanisa aasiga kubha mukorwa, okubha muunu unu kaateesha abhaanu ebhiinu bhyebhwe managa, tari abhe mufura, abhe muunu unu eendere omurembe mu-bhaanu, na aasiga kubha mwendi wa yera.

1 Timoteeyo 3:8

Abhashemaasi bha riikanisa bhoone, bhabhe na ntungwa njomu, bhaasiga okubha bhagwatanya bha abhaanu, bhaasiga okubha bhaanu bhanu abhanywa muno obhwarwa, bhaasiga okubha bhaanu bhanu abhakora amangʼana amabhiibhi insonga bhanyoore giiyera.

Tiito 1:7

Omwangarisi wa riikanisa ayaaywe emirimu gya Nyamuwanga, kyakora omwangarisi wa riikanisa unu, keendwa abhe muunu unu atakutetwa masoro. Aasiga okubha muunu atakuungwa ga abhandi, aasiga okubha na esungu, aasiga okubha mukorwa, aasiga okubha muyombi, kweki aasiga kubha na iinambá mbiibhi ya okunyoora giiyera.

1 Peetero 5:2

Woori enibheesaasaama mubhe bhareefi bha abhaanu bha Nyamuwanga bhanu muyaaywe nawe okubhaangarira rwa kutyo omwene keenda. Mubhaangarire mwendere okusooka mu-mitima gyemwe. Mwasiga kwenda okuriywa giiyera, tari mwisooshe mwimaririiye ku-Nyamuwanga.

2 Peetero 2:18

Okuturira ku-bhwiyeemi bhwebhwe ku-mangʼana ganu gatari na bhwera, na ku-majomerwa geebhwe amabhiibhi aga emibhiri, abhakongya abhaanu bhanu bhatari na nsiku nyafu bheerukire obhujimya bhwa mu-kyaro, bhayimbane nabho okukora ebhikayo.

2 Peetero 2:3

Abhaanu bhayo ku-nsonga ya obhuwubhaaru bhwa ebhiinu bharibhajimya mbabhagegera ebhiinu bhyemwe. Nawe okusooka kara, indamuro yeebhwe iraaikirwe, na indamuro iyo yaabheneneeye! Na okuwa-wo kwebhwe kutari areera.

Yuuda 1:11

Garibhanyoora, kwa okubha bhasorere gintungwa gya Kaayini egya okukora ebhikayo. Abheeyaana abheene obhuniibhi, bhatakusiga okukora ebhikayo rwa bhinu Bhaaramu ꞉aakorere. Nikwo kutyo bhoone bhariramurirwa rwa Koora kwa okubha abheene bhoone ni bhajeemi rwa Koora.