1 Abhateesaroonike 2:4 - Iimuuma Iinyaaya

⁴ Tari, ekiraasha kwa okubha Nyamuwanga ꞉aakirorere ati kiisire, ˆnaakiyaana emirimu gya okuraasha Amangʼana Amajomu. Insonga itari kujomisha bhaanu, tari ekyenda okujomisha Nyamuwanga, uyo niwe kaamenya ganu geeyibhisire mu-mitima gyeswe.

1 Abhateesaroonike 2:4 Iomraidhean Croise

Ruuka 12:42

Raatabhugenyi ˆnaamusubhya ati, “Omujuuma omwitongeeye na owa obhwenge ni wuuya? Ni unu esebhugenyi kaatura okumuyaana obhutungi bhwaye bhwone kutyo, insonga omujuuma uyo niwe ayaane abhajuuma bheejaabho emiyeero mu-kabhaga ka okubhayaana.

Ruuka 16:11

Ikabha ati mutakutura okubha bheetongeeye ku-bhiinu bhya ku-kyaro kunu, omutoga ati niga kaaja okubhayaana ebhiinu ebhyenebhyene ebhya mu-rwire?

Yowana 21:17

ˆNaamubhuusha orwa akasatu ati, “Simooni, omumura wa Yowana, angu unyendere?” Mmbe, Peetero ˆnaasurumbara kwa okubha Yeesu ꞉aamubhuusiishe ebhuusho riyoriyo kasatu, ˆnaamusubhya ati, “Ee Raatabhugenyi, awe umenyere goone kutyo. Umenyere ati nikwendere.” Yeesu ˆnaamubhwira ati, “Reebha giingʼondi gyani.

Abharuumi 8:27

Nyamuwanga unu keekomya goone kutyo ganu gari mu-mitima gyeswe, niwe kaamenya obhwiganiirisha bhwa Mwoyo Omutaakatiifu kutyo bhuri, kwa okubha Mwoyo uyo kaasabhira abhaanu bha Nyamuwanga rwa kutyo Nyamuwanga omwene keenda.

1 Abhakorinto 7:25

Ku-bhayarajuma, nitari na eragiriro okusooka ku-Raatabhugenyi Yeesu. Nawe enibharagirira, anye unu Nyamuwanga aansakiiye okuturira ku-kigongo kyaye okubha mwitongeeye.

1 Abhakorinto 9:17

Raabhe nikakora omurimu gunu kwa okwenda kwani omwene, eniisiga okunyoora ekiyaanwa. Nawe raabhe itari kwa okwenda kwani, mmbe Nyamuwanga aandorere ati niisire okukora emirimu giyo.

2 Abhakorinto 2:17

Eswe kitari rwa abhaanu abhandi abhaafu bhanu abhagusha Riingʼana rya Nyamuwanga, insonga bhanyoore-mo omuyeero. Nawe eswe kitari kutyo, tari okuturira ku-managa ga Kiriisitu, ekiraasha Riingʼana rya Nyamuwanga kiitongeeye muno mu-meeso ga Nyamuwanga, kwa okubha omwene niwe ꞉aakitumire.

2 Abhakorinto 4:2

Kiremere okukora amangʼana ga obhwiyibhise na aga ginswaro. Kitakujimya abhaanu, na kitakusaasha Riingʼana rya Nyamuwanga na obhubheeyi. Tari, ekiikumba ku-Nyamuwanga ku-kwaikira abhweru ekimari, insonga abhaanu bhoone kutyo bhamenye okusooka mu-mitima gyebhwe ati eswe kiri bhaanu bheetongeeye mu-meeso ga Nyamuwanga.

2 Abhakorinto 5:11

Mmbe, kimenyere ati ekyendwa kyungwe Raatabhugenyi. Kyakora ekiikomeesha okufuta abhaanu, insonga bhamwikirishe. Nyamuwanga akimenyere kujomu kutyo kiri, anye noone eniisiga ati emwe mwone mu-mitima gyemwe mukimenyere kujomu.

2 Abhakorinto 5:16

Mmbe, okwambira woori kitakurengekanya kweki omuunu woonewoone rwa kutyo abhaanu abharengekanya. Raabhé kutyo riibhaga riirebhe ꞉kyariga nkirengekanya Kiriisitu kutyo, nawe woori kitakyakora kutyo kweki.

Abhagaraatiya 1:10

Angu, omutoga ati eneenda neendwe na abhaanu? Wuri, anye eneenda neendwe na Nyamuwanga omwene era. Amwi omutoga ati enaagara okujomisha abhaanu? Nikabheeye naagara okujomisha abhaanu, nitakabheeye mujuuma wa Kiriisitu.

Abhagaraatiya 2:7

Abhatangasha bhayo ꞉bhaamenyere ati, Nyamuwanga ꞉aantumire niraashe Amangʼana Amajomu aga Yeesu ku-bhaanu bhanu bhatasaarirwe, rwa kutyo ꞉aatumire Peetero araashe ku-bhanu bhasaarirwe.

Abhaefeso 3:8

Raabhé kutyo niri mutooto okukira omutooto mu-bhaanu bha Nyamuwanga abhataakatiifu bhoone kutyo, nawe Nyamuwanga aanaaye iinema inu, okubhwira bhanu bhatari Bhayawudi obhuniibhi bhunu bhutari na ndengo, bhunu obhusooka ku-mangʼana amajomu ganu Kiriisitu kaakora.

Abhaefeso 6:6

Mukorega kutyo, itari mu-kabhaga kanu abhabha bhariwo mbabharora era insonga mubheekumbe, tari mukore emirimu rwa abhagaya bha Kiriisitu, mukoraga ganu agajomisha Nyamuwanga emitima gyerere.

Abhakorosaayi 3:22

Abhagaya mwone, muungwe bheesobhugenyi abha mu-kyaro anu ku-mangʼana goone kutyo. Mwasiga kukora kutyo ku-kabhaga kanu abhabha bhariwo mbabharora era insonga mubheekumbe, tari mubhayaane ekibharo okusooka mu-mitima, kwa okubha omukora ganu Raatabhugenyi keenda.

1 Timoteeyo 6:20

Timoteeyo, gwatirira kujomu ekimari kinu uyaaywe. Wiikenge na amangʼana ganu gatari na bhwera na ganu gatari ga diini. Usige kwiyingisha mu-mamba gya ekisiru, ginu abhandi abhaaika ati nigo injira ya okumenya amangʼana, enu itari.

2 Timoteeyo 1:14

Okuturira obhuturo bhwa Mwoyo Omutaakatiifu unu ari mu-myoyo gyeswe, wangarire kujomu ekimari kinu Nyamuwanga ꞉aakuyaaye.

2 Timoteeyo 2:2

Na ameeyigisho ganu ꞉woonguuywe niiyigisha mu-meeso ga abharori bhaafu, ugayaane abhaanu abheetongeeye bhanu abhatura okugeeyigisha abhandi.

Tiito 1:3

Woori, ni kabhaga kanu Nyamuwanga aramuuye okweresha abhweru Iingʼana yaaye Injomu. Nyamuwanga Omwerusi weeswe aragiriiye ati aanaane emirimu gya okuraasha amangʼana gayo.

Abhaebhuraaniya 4:13

Kitariwo ekibhumbwa kyonekyone kinu kiiyibhisire mu-meeso ga Nyamuwanga. Ebhiinu bhyone kutyo bhiri abhweru mu-meeso gaaye, na ku-mwene niwe kiryendwa kyaike amangʼana ga ebhikorwa bhyeswe bhyone kutyo.

1 Peetero 4:11

Omuunu unu kaaraasha, ˆnaaraashe rwa omuunu unu atumirwe na Nyamuwanga. Na unu kaasakira abhandi, ˆnaasakire amenyere ati amanaga gayo ayaaywe na Nyamuwanga, insonga ku-mangʼana gayo goone kutyo Nyamuwanga agungibhwe okuturira ku-Yeesu Kiriisitu. Uyo niwe ari na obhugungyo na obhuturo kajaanende. Amina.

Obhusomboorerwa 2:23

Kweki, niriita bhanu bhagwatire ameeyigisho gaaye. Ayo niwe abhaanu bha mu-makanisa goone kutyo bharimenya ati ni anye nimenyere emitima na obhwiganiirisha bhwa abhaanu bhoone kutyo. Na niririya abhaanu bhoone kutyo okuriingʼaana na ebhikorwa bhyebhwe.