1 Abhateesaroonike 2:3 - Iimuuma Iinyaaya

³ Ameeyigisho geeswe ganu ekibhakomeeresha, gatari ga kubhayabhya, kubhajabhisha, na kwaika mabhiibhi.

1 Abhateesaroonike 2:3 Iomraidhean Croise

Ebhikorwa bhya Abhatumwa 13:15

Abhaanu mbasomerwa amangʼana ga ebhiraagiro bhya Musa, na aga ebhitabho bhya abharagi. Bhunu ꞉bhaamarire okusoma, abhatangasha bha riisunagoogi riyo mbatuma omuunu ku-Pawuro na Bharinaabha, okubhabhwira ati, “Bhayiiri bheeswe, raabhe muri na riingʼana rya okukomeesha abhaanu bhanu emitima, muryaike.”

Ebhikorwa bhya Abhatumwa 4:36

꞉Aariga ariwo Omuraawi wumwi riisiina ryaye Yuusufu, omwibhurwa wa ekyaro kya Kiipuro. Yuusufu unu abhatumwa bha Yeesu ꞉bhaamutogere riisiina ati Bharinaabha insonga yeende-ko ati, “Owa okukomeesha emitima.”

2 Abhakorinto 11:13

Abhaanu rwa bhayo ni bhatumwa bhabheeyi, abhakora emirimu mbajimyaga abhaanu, abheekora ati, ni bhatumwa bha Kiriisitu.

2 Abhakorinto 2:17

Eswe kitari rwa abhaanu abhandi abhaafu bhanu abhagusha Riingʼana rya Nyamuwanga, insonga bhanyoore-mo omuyeero. Nawe eswe kitari kutyo, tari okuturira ku-managa ga Kiriisitu, ekiraasha Riingʼana rya Nyamuwanga kiitongeeye muno mu-meeso ga Nyamuwanga, kwa okubha omwene niwe ꞉aakitumire.

2 Abhakorinto 4:2

Kiremere okukora amangʼana ga obhwiyibhise na aga ginswaro. Kitakujimya abhaanu, na kitakusaasha Riingʼana rya Nyamuwanga na obhubheeyi. Tari, ekiikumba ku-Nyamuwanga ku-kwaikira abhweru ekimari, insonga abhaanu bhoone kutyo bhamenye okusooka mu-mitima gyebhwe ati eswe kiri bhaanu bheetongeeye mu-meeso ga Nyamuwanga.

2 Abhakorinto 4:5

Eswe kitakuraasha amangʼana geeswe abheene, tari ekiraasha ati Yeesu Kiriisitu niwe Raatabhugenyi, na eswe kiri bhajuuma bheemwe ku-nsonga yaaye.

2 Abhakorinto 6:8

Abhaanu abhandi abhakiyaana ekibharo nawe abhandi abhakijeera, abhandi abhakikumangya abhandi abhakyaika kubhiibhi. Abhandi abhaaika ati kiri bhabheeyi, nawe eswe ekyaika ekimari.

2 Abhakorinto 7:2

Mukyende okusooka mu-mitima gyemwe gyone kutyo. Kitakayiiye woonewoone, kitanyamuuye mutima gwa muunu woonewoone, na kitajimiishe muunu woonewoone.

1 Abhateesaroonike 2:11

Mumenyere kujomu kweki ati, bhunu ꞉kyariga kiri kw-imwe, ꞉kyariga nkibhakorera rwa omwibhusi wa ekirume, kutyo kaakorera abhaana bhaaye. ꞉Kyabhakomeeshaga emitima, nkibhakomeeresha

1 Abhateesaroonike 4:7

Nyamuwanga ꞉ataakibhirikiiye kitungwe na ameega, tari ꞉aakibhirikiiye ati kiikare mu-bhutaakatiifu.

2 Abhateesaroonike 2:11

Ku-nsonga iyo Nyamuwanga abhataatiriiye bhatungwe na amanaga ga okubhabhusha, insonga bhagenderere okwikirisha okujimibhwa.

2 Peetero 1:16

Bhunu ꞉kyabheeyigishaga iiguru ya amanaga ga Raatabhugenyi weeswe Yeesu Kiriisitu, na kutyo arisubha, ꞉kitaaikaga ngani ginu gikaamirwe kyenge na bhaanu era. Tari, eswe abheene ꞉kyariga kirorere obhugungyo bhwaye na ameeso geeswe.