1 Abhateesaroonike 2:2 - Iimuuma Iinyaaya

² Mumenyere ati bhunu ꞉kyariga kikyari kuyika kw-imwe, ꞉kyanyansiibhwe na okufumwa mu-musi gwa Firipi. Nawe Nyamuwanga ꞉aakiyaaye amanaga ga okuraasha Amangʼana Amajomu aga Yeesu kw-imwe kiri na riibhaasi, raabhé kutyo ꞉kyaraasiishe kwa nyanko nene.

1 Abhateesaroonike 2:2 Iomraidhean Croise

Ebhikorwa bhya Abhatumwa 14:3

Mmbe, Pawuro na Bharinaabha mbagenderera okwikara Ikooniyo ayo nsiku nyafu, mbakomeera okubhwiraga abhaanu iiguru ya Raatabhugenyi Yeesu bhari na riibhaasi, na iiguru ya iinema yaaye. Raatabhugenyi woone ˆnaabha nabho, ˆnaatuura abhweru ati amangʼana geebhwe ꞉gaariga gari ga kimari, ˆnaabhayaanaga na obhuturo bhwa okukora ebhimenyegesho na ebhiruguusho.

Ebhikorwa bhya Abhatumwa 14:5

Ku-bhuteero, Abhayawudi abhandi na abhaanu abhandi abha ebhyaro ebhindi, na abhatungi bheebhwe, mbakorera Pawuro na Bharinaabha ekiina kya okubhakorera amabhiibhi, na okubhabhuma na amagina.

Ebhikorwa bhya Abhatumwa 16:12

Okusooka ayo, nkiribhata nkiyika mu-musi gwa Firipi. Firipi ni musi gumwi mu-misi emikuru mu-kyaro kya Makedooniya, na niwe ayo Abharuumi ꞉bhaariga bhangʼaanyiiye. Mu-musi guyo, nkiikara-wo nsiku ntooto.

Ebhikorwa bhya Abhatumwa 16:19

Bhunu bheesebhugenyi ꞉bhaarorere kutyo, mbarora ati bhatakyatura kweki okunyoorera-mo giiyera. Mbagwata Pawuro na Siira, mbabhakuura, mbabhasira, mbabhayikya mw-iguriro imbere wa abhatungi bha omusi.

Ebhikorwa bhya Abhatumwa 16:37

Nawe Pawuro ˆnaabhabhwira ati, “Bhaakibhuma muno mu-meeso ga abhaanu, bhakyari kumenya raabhe kikayire, enu eswe kiri Bharuumi! Mbakituura mu-jeera. Mmbe woori ndora abheenda okukisoosha-mo bhwiyibhise? Kitakwikirisha! Mukisige, abheene bhaaje bhakisooshe-mo!”

Ebhikorwa bhya Abhatumwa 17:1

Pawuro na Siira mbatura mu-musi gwa Amufipori, na gwa Aporoniya, mbayika mu-musi gwa Teesaroonike. Teesaroonike ayo ꞉ryariga ririwo riisunagoogi erya Abhayawudi.

Ebhikorwa bhya Abhatumwa 17:17

Mmbe, Pawuro ˆneengira mw-isunagoogi, ˆnaanyoora-mo Abhayawudi na bhanu ꞉bhoongwaga Nyamuwanga. Na mw-iguriro eyo woone, ku-nsiku, ꞉aanyookanaga na abhaanu abhandi, ˆnaabhambashaanya nabho iiguru ya Riingʼana rya Nyamuwanga.

Ebhikorwa bhya Abhatumwa 19:8

Pawuro ˆnaamara ameesi gasatu ˆneengiraga mw-isunagoogi rya Abhayawudi. ˆNaabhambashaanyaga na abhaanu ari na riibhaasi bheekirishe amangʼana ga obhukama bhwa Nyamuwanga.

Ebhikorwa bhya Abhatumwa 4:13

Abhakuru bhayo ꞉bheejire okurora Peetero na Yowana kutyo ꞉bhaariga bhayaarire okwaika, mbaruguura muno. ꞉Bhaariga bhamenyere ati bhaaPeetero bhatasomere, na bhwenge bhwone bhatari nabhwo. Riingʼana riyo ndikora mbamenya ati Peetero na Yowana ꞉bhaariga bhari amwi na Yeesu ku-kabhaga karya.

Ebhikorwa bhya Abhatumwa 4:20

Nawe eswe kitakutura okusiga okwaika amangʼana ganu ꞉kyarorere na okuungwa!”

Ebhikorwa bhya Abhatumwa 4:31

Bhunu ꞉bhaamarire okusaasaama Nyamuwanga, iinyumba inu ꞉bhaariga bhasangiiye-mo niirigima. Abhaanu bhoone kutyo mbeejurwa Mwoyo Omutaakatiifu, mbaamba okuraasisha abhaanu Riingʼana rya Nyamuwanga bhari na riibhaasi muno.

Ebhikorwa bhya Abhatumwa 5:41

Abhatumwa bhayo mbasooka mw-ibharaja enu bhajomeeywega, kwa okubha nikwo kutyo Nyamuwanga abhabhariiye okujeerwa ku-nsonga ya riisiina rya Yeesu.

Abharuumi 1:1

Iinyarubha inu eniyikaama anye Pawuro, omujuuma wa Kiriisitu Yeesu. Anye ꞉naabhirikiiywe nibhe mutumwa, niinsorwa niraashega Amangʼana Amajomu, aga Nyamuwanga.

2 Abhakorinto 3:12

Mmbe, kwa okubha bhuyo nibhwo obhwisige bhweswe, woori ekikora emirimu kiri na riibhaasi.

Abhakorosaayi 2:1

Eneenda mumenye kutyo eniikomeesha ku-mirimu ku-nsonga yeemwe, na ku-nsonga ya abhaanu bha mw-irara rya Rawodiikiya, na abhaanu abhandi bhoone kutyo bhanu bhakyariga okundora.

1 Abhateesaroonike 1:5

Kimenyere ati, bhunu ꞉kyaraashaga Amangʼana Amajomu kw-imwe, ꞉kitaaraashaga mangʼana ageene era. Tari ꞉kyaraashaga ku-managa na obhuturo bhwa Mwoyo Omutaakatiifu kiimaririiye kimwi. Emwe mumenyere kujomu kutyo gintungwa gyeswe ꞉gyariga giri kw-imwe, insonga kibhasakire.

2 Timoteeyo 1:12

Insonga iyo niyo eyikora niinyanka kutya, nawe nitakwiswara kwa okubha nimumenyere unu niikirisiishe, na nimenyere ati kaatura okwangarira kujomu ekimari kinu ꞉aanaaye okuyikira orusuku runu arisubha.

Yuuda 1:3

Abheendwa bhaani, naaneendere muno ati nibhakaamire iiguru ya obhwerusha bhunu obhukigwatanya kyone kutyo amwi. Nawe woori enirora ati yeenderwe nibhakaamire iinyarubha inu nimbesaasaama era ati, murwanirire obhwikirisha bhunu Nyamuwanga ꞉aayaaye abhataakatiifu, rumwi era.