1 Abhateesaroonike 2:16 - Iimuuma Iinyaaya

¹⁶ Abhakigaanya kisige okuraasisha bhanu bhatari Abhayawudi Amangʼana Amajomu, na kutyo Nyamuwanga kaatura okubheerusha. Abhagenderera okwiyongesha ebhikayo ku-bhikayo bhyebhwe. Nawe woori obhusimbiiru bhwa Nyamuwanga ku-bheene bhwayika ku-bhuteero!

1 Abhateesaroonike 2:16 Iomraidhean Croise

Mataayo 12:45

ekigenda okwagara ebhiwi ebhindi mungati ebhibhiibhi muno kukira ekyene. Mbiija mbiingira bhyone kutyo mu-muunu uyo. Mmbe omuunu uyo, obhuteero bhwaye obhubha bhubhiibhi muno kukira kutyo ꞉aariga ari ku-bhwambiro. Nikwo kutyo eyiija okubha kw-imwe, emwe abhaanu abhakayi.”

Mataayo 23:32

Mmbe woori, mukuumishe ganu bhaajaaji bheemwe ꞉bhaambisiishe!

Mataayo 24:14

Na ku-kabhaga kayo, Amangʼana Amajomu aga obhukama bhwa mu-rwire gariraasibhwa mu-kyaro kyone kutyo. Abhaanu bha mu-bhyaro bhyone kutyo bharyungwa Amangʼana gayo, ayo niwe obhuteero bhuriyika.”

Mataayo 24:6

“Mu-kabhaga kayo, muryungwaga amangʼana ga amaremo na aga amaremo agandi ganu ageenda okwamba. Mwasiga okuubhaya, kwa okubha gayo okubha-wo, garibha-wo, nawe obhuteero bhwa amangʼana goone kutyo, obhubha bhukyari.

Mataayo 3:12

Agwatiriiye orungo rwaye, keenda okweyerera ekibhuga kya okuwurira obhuro. Obhuro obhujomu kaabhutuura mu-kitara kyaye, nawe inkuunyu ariyookya mu-muriro gunu gutakusimá.”

Maariko 16:16

Omuunu woonewoone unu keekirisha ˆnaabhatiisibhwa, keerusibhwa. Nawe, unu atakwikirisha, ariramurirwa.

Ebhikorwa bhya Abhatumwa 13:45

Nawe bhunu Abhayawudi ꞉bhaarorere ati abhaanu bhaafu muno bhasangiiye ayo, mbabha na orwango, mbaamba okubhambaara ku-ganu Pawuro ꞉aariga ˆnaaika enu mbamufumaga.

Ebhikorwa bhya Abhatumwa 13:50

Nawe Abhayawudi mbasooyeresha abhagasi bha ekibharo bhanu ꞉bhaariga mbaramya Nyamuwanga, na abhakuru bha mu-musi guyo. Abhaanu bhayo mbaamba okunyansha Pawuro na Bharinaabha, kimwi mbabhabhirimya okusooka mu-kyaro kyebhwe.

Ebhikorwa bhya Abhatumwa 14:19

Kimwi Abhayawudi mbaaja okusookerera mu-musi gwa Antiyokiya, na abhandi bhasookereeye Ikooniyo, mbakongya abhaanu bhayo, na abhaanu bhayo bhoone mbayimbana nabho. Kimwi abhaanu bhayo bhoone kutyo mbabhuma Pawuro na amagina. Bhunu ꞉bhaamubhumire mbatoga ati aafwa, mbamukurura mbamwesa iibhara.

Ebhikorwa bhya Abhatumwa 14:2

Nawe Abhayawudi abhandi bhanu ꞉bhaaremere okwikirisha Yeesu, mbaamba okusooyeresha bhanu bhatari Bhayawudi, mbeendaga abhaanu bhayo bhasoke abhaanu bhanu ꞉bheekirisiishe Yeesu.

Ebhikorwa bhya Abhatumwa 14:5

Ku-bhuteero, Abhayawudi abhandi na abhaanu abhandi abha ebhyaro ebhindi, na abhatungi bheebhwe, mbakorera Pawuro na Bharinaabha ekiina kya okubhakorera amabhiibhi, na okubhabhuma na amagina.

Ebhikorwa bhya Abhatumwa 17:13

Mmbe, Abhayawudi bha Teesaroonike, mbamenya ati Pawuro keeyigisha Riingʼana rya Nyamuwanga Bheroya eyo, bhoone mbagenda-yo. Mbasooyeresha abhaanu bhaafu bhanu ꞉bhaariga bhari ayo, niibha-wo inkungu nene.

Ebhikorwa bhya Abhatumwa 19:9

Nawe abhandi mbakomeesha emitima gyebhwe. Mbarema okwikirisha amangʼana ga Yeesu, mbaamba okugajeera mu-meeso ga abhaanu bhanu ꞉bhaariga bhasangire ayo. Iingʼana iyo niikora Pawuro ˆnaasigana nabho, ˆnaasira Abhakiriisitu mw-idarasa rya omuunu wumwi ˆnaatogwa Tirano, ˆnaabhambashaanyaga na abhaanu ku-nsiku mw-idarasa muyo.

Ebhikorwa bhya Abhatumwa 21:21

Abheene bhoone bhabhwiriiywe ati, owiiyigisha Abhayawudi bhoone kutyo bhanu bheekaaye mu-bhyaro ebhindi bhasige okuseeta ebhiraagiro bhya Musa, ati bhasige okusaara abhaana bheebhwe, na okuseeta gintungwa gya Ekiyawudi.

Ebhikorwa bhya Abhatumwa 23:12

Anu oruguru ꞉rwasambire mwejo, Abhayawudi abhandi mbakora ekiina, mbarayira ati bhateetire Pawuro era, bhatakurya na bhatakunywa kiinu.

Ebhikorwa bhya Abhatumwa 24:9

Mmbe, Abhayawudi abhandi abheejaabho Terituro bhoone mbaamba okwaika ati, amangʼana gayo Terituro aaika ni kimari.

Ebhikorwa bhya Abhatumwa 25:2

Bhunu ꞉aariga ari Yerusareemu ayo, abhashengesi abhakuru na abhakuru abhandi abha Abhayawudi mbamuuja-ko, mbamubhwira amangʼana goone kutyo ganu ꞉bhaasitaakyaga Pawuro. Mbamwisaasaama

Ebhikorwa bhya Abhatumwa 25:7

Bhunu Pawuro ꞉aayikire ayo, ˆnaanyoora-wo Abhayawudi bhanu ꞉bhaariga bhasookereeye Yerusareemu. Abhayawudi bhayo mbayambaara enu bheeyindire Pawuro, mbaamba okumusitaakya masitaakyo maafu makomeeye. Nawe mbatamwa okweresha ekimari kyago.

Ebhikorwa bhya Abhatumwa 4:12

“Na bhutariwo bhwerusha ku-bhundi, kwa okubha mu-kyaro anu kiyaaywe esiina rya Yeesu Kiriisitu era, niryo eritura okwerusha abhaanu!”

Ebhikorwa bhya Abhatumwa 9:23

Bhunu ꞉gyaturire-wo nsiku nyafu, Abhayawudi mbakora ekiina kya okwita Saawuri.

1 Abhakorinto 10:33

Mubhe rwa kutyo anye niri. Eniikomeesha okujomisha abhaanu bhoone kutyo ku-mangʼana goone kutyo ganu enikora. Nitakukora kutyo niijomishe anye omwene, tari enikora kutyo insonga abhaanu abhaafu bheerusibhwe.

Abhagaraatiya 5:11

Bhakiriisitu bheejaasu, raabhe eniraasha ati abhaanu bhasaarwe, kubhaki woori Abhayawudi abhanyansha? Nikabheeye nindaasha abhaanu okusaarwa, okuraasha kwani iiguru ya amangʼana ga okufwa Yeesu ku-musarabha, kutaakakorere Abhayawudi bhambiyirirwe.

Abhaefeso 3:13

Mmbe woori enibhasabha, musige kufwa emitima ku-nyanko inu omuungwa ati eyinyoora ku-nsonga yeemwe. Mwiyungwe kujomu era, kwa okubha iinyanko iyo eyibhareetera emwe obhugungyo.

Abhaefeso 3:8

Raabhé kutyo niri mutooto okukira omutooto mu-bhaanu bha Nyamuwanga abhataakatiifu bhoone kutyo, nawe Nyamuwanga aanaaye iinema inu, okubhwira bhanu bhatari Bhayawudi obhuniibhi bhunu bhutari na ndengo, bhunu obhusooka ku-mangʼana amajomu ganu Kiriisitu kaakora.

1 Abhateesaroonike 1:10

Bhamenyere na kutyo omurindirira Omwana wa Nyamuwanga, unu Nyamuwanga ꞉aasuurire okusooka mu-bhafuuye, asubhe okusooka mu-rwire. Omwana uyo ni Yeesu, niwe eejire okukyerusha okusooka mw-isungu rya Nyamuwanga rinu ririija.

2 Abhateesaroonike 2:10

Kweki aribha na njira nyafu egya okujimya abhaanu bhanu bhatari ku-njira ya Nyamuwanga, kwa okubha ꞉bhaaremere okwenda ekimari, insonga Nyamuwanga abheerushe.

1 Timoteeyo 2:4

Unu keenda abhaanu bhoone kutyo bheerusibhwe na okumenya ekimari.

Abhaebhuraaniya 6:8

Nawe insi inu eyikusha amawa na amanyansi, itakusakira kyonekyone omurimi, eyibha ayeeyi na okwiyiimwa na Nyamuwanga, na ku-bhuteero eyookibhwa mu-muriro.

Obhusomboorerwa 22:11

Mmbe, omuunu unu kaakora amangʼana amabhiibhi, agenderere okugakora, na unu kaakora aga ekijabhi, agenderere okugakora. Omuunu unu kaakora aga obhurengeresi, woone agenderere okukora, na muunu omutaakatiifu, agenderere okubha mutaakatiifu.”