1 Abhateesaroonike 2:13 - Iimuuma Iinyaaya

¹³ Ku-nsonga iyo eswe kyone ekikumya Nyamuwanga kiyana, kwa okubha bhunu ꞉mwoonguuywe Riingʼana rya Nyamuwanga okusooka kw-iswe, ꞉mutaariramiiye muna engʼana rya bhaanu, tari muna engʼana rinu erisooka ku-Nyamuwanga, kimari nikwo kutyo gari. Riingʼana riyo niryo erikora emirimu mu-mitima gyemwe, emwe bhanu mwikirisiishe.

1 Abhateesaroonike 2:13 Iomraidhean Croise

Mataayo 10:20

Mutari emwe bhanu muryaikaga, tari ni Mwoyo Omutaakatiifu wa Esomwana Nyamuwanga niwe aryaikaga mw-imwe.

Mataayo 10:40

“Omuunu woonewoone unu kaabharamira, andamiiye anye. Na unu andamiiye anye, aramiiye Nyamuwanga, unu antumire.

Ruuka 11:28

Nawe Yeesu weeki ˆnaaika ati, “Nyakara muno abhaanu bhanu abhoongwa Riingʼana rya Nyamuwanga na okurigwatira!”

Ruuka 5:1

Rusuku rumwi, Yeesu ꞉aariga ayambaaye ku-ngego ya omwaro gwa Genejareeti, enu ˆneeyigishaga bhaanu bhaafu Riingʼana rya Nyamuwanga. Abhaanu mbamufugerera okwitegeeresha, mbaamba okumusamba.

Ruuka 8:11

“Inu niyo insonga ya ekirengekanyo kinu, Riingʼana rya Nyamuwanga niryo imbibho.

Ruuka 8:21

Yeesu ˆnaabhasubhya ati, “Abhaanu bhanu abheetegeeresha Riingʼana rya Nyamuwanga na okuryungwa, bhayo nibho bhaamaayi na abhamura bhaasu.”

Yowana 15:3

Emwe okuriingʼaana na riingʼana rinu naabhabhwiriiye mwamarire okukongorwa na muri bheeru mu-mitima.

Yowana 17:17

Ee Raata, enikusabha ubhakore bhabhe bhataakatiifu okuturira ku-kimari kyawo, kwa okubha riingʼana ryawo niryo ekimari.

Yowana 17:19

Eniisoosha anye omwene ku-awe ku-nsonga yeebhwe, insonga abheene bhoone bhabhe ku-kimari kyawo.”

Ebhikorwa bhya Abhatumwa 10:33

Mmbe, nintuma abhaanu bhaaje ku-awe bhwangu. Awe woone waakora kujomu okuuja. Woori eswe bhoone kutyo kiri anu mu-meeso ga Raatabhugenyi Nyamuwanga, insonga kyungwe amangʼana goone kutyo ganu akuragiriiye okukibhwira.”

Ebhikorwa bhya Abhatumwa 13:48

Abhaanu bha ebhyaro ebhindi, ꞉bheejire okuungwa amangʼana gayo, mbajomerwa, mbagungya Riingʼana rya Raatabhugenyi Yeesu. Na bhoone kutyo bhanu ꞉bhaariga bheendeeywe obhurame bhunu bhutakuweera, mbeekirisha Raatabhugenyi.

Ebhikorwa bhya Abhatumwa 16:14

Mu-bhagasi bhanu ꞉bhaariga mbakiitegeeresha, ꞉aariga arimo omugasi wumwi wa mu-musi gwa Tiyatira, riisiina ryaye ˆnaatogwa Riidiya. Riidiya uyo ꞉aariga ari mugusha wa ngibho gya bhugusi bhunene egya giirangi gya jambarawu, na ꞉aariga ari muungwani ku-Nyamuwanga, nawe ꞉aariga atari Muyawudi. Mmbe, bhunu Pawuro ꞉aariga ˆnaabhabhwira Riingʼana rya Nyamuwanga, Raatabhugenyi Yeesu ˆneegura omwoyo gwa Riidiya, kimwi Riidiya ˆneekirisha amangʼana geeswe.

Ebhikorwa bhya Abhatumwa 17:11

Abhayawudi bha Bheroya ayo ꞉bhaariga bhari bhaanu bha mitima mijomu okukira abha Teesaroonike. Kwa okubha bhunu Pawuro ꞉aaraasishaga abhaanu bhayo Riingʼana rya Nyamuwanga, ꞉bhaariga mbaryenda muno, mbariikirisha kujomu. Mbeekomeeshaga na okusoma Amakaamo Amataakatiifu ku-nsiku, insonga bhamenyegeshe raabhe gayo Pawuro kaaika nikwo kutyo gari.

Ebhikorwa bhya Abhatumwa 17:32

Mmbe, abhakuru bhayo mboongwa ati, Pawuro kaaikira iiguru ya okusuuka kwa abhafuuye, abhandi mbamusangʼayaga. Nawe abhandi mbamubhwira ati, “Ekiija okukwitegeeresha kweki ukisomboorere iingʼana iyo.”

Ebhikorwa bhya Abhatumwa 2:41

Abhaanu muna bhiwumbi bhisatu kutya, mbeekirisha amangʼana gayo Peetero ꞉aabhabhwiriiye, mbabhatiisibhwa, mbagwatana na abheeyigira abhandi abha Yeesu kwambira orusuku ruyo.

Ebhikorwa bhya Abhatumwa 8:14

Abhatumwa bha Yeesu Yerusareemu eyo, ꞉bhoonguuywe ati abhaanu bha Samaariya bheekirisiishe Riingʼana rya Nyamuwanga, niwe mbatuma Peetero na Yowana bhagende-yo.

Abharuumi 10:17

Mmbe, obhwikirisha obhwambira mu-kuungwa, na okuungwa kuyo, ni kuungwa riingʼana rya Kiriisitu.

2 Abhakorinto 3:18

Mmbe, eswe bhoone kutyo bhanu kitakufundikira obhusu na ekitambaara, ekyeresha obhugungyo bhwa Raatabhugenyi rwa riirore kutyo eryeresha ekiinu. Eswe ekiyindurwa, insonga kisusane nawe, okusooka ku-bhugungyo obhutooto okwingira ku-bhugungyo obhunene. Raatabhugenyi niwe Mwoyo wa Nyamuwanga, na niwe kaakora emirimu giyo.

Abhagaraatiya 4:14

Obhurwaye bhwani bhukaturire okukora munjeere amwi ati mundeme, nawe ꞉mutaakorere kutyo. Tari ꞉mwandamiiye kujomu rwa maraayika wa Nyamuwanga, rwa Kiriisitu Yeesu omwene.

Abhakorosaayi 1:6

Amangʼana Amajomu gayo rwa kutyo ꞉gaaraasiibhwe kw-imwe, nikwo kutyo agaswerana mu-kyaro kyone kutyo. Agagenderera okukora abhaanu bhayindukire Nyamuwanga, rwa kutyo ꞉gaakorere kw-imwe okwambira orusuku runu ꞉mwoonguuywe amangʼana ga iinema ya Nyamuwanga na okumenya kujomu ekimari kyayo.

Abhaebhuraaniya 4:12

Riingʼana rya Nyamuwanga eriisha omwoyo, na riri na amanaga okukira ekiraawa kyonekyone kinu kiri na moogi gabhiri. Na riingʼana riyo eritura okutaaganya omutima na omwoyo, na eritura okutaaganya amaguwa na amafuta ganu garimo. Riingʼana riyo ryanguyire okumenya obhwiganiirisha na obhukene bhwa omwoyo.

Abhaebhuraaniya 4:2

Ni kimari ati, eswe kiraasisiibhwe Amangʼana Amajomu gayo, rwa kutyo bhaajaaji bhoone ꞉bhaaraasisiibhwe. Nawe amangʼana gayo ꞉gataabhasakiiye kyonekyone, kwa okubha ꞉bhoonguuywe, nawe bhanu ꞉bhoonguuywe ꞉bhaariga bhatari na obhwikirisha mu-mitima gyebhwe.

Yakobho 1:18

Omwene ꞉eendere okukikora eswe kibhe bhaana bhaaye, okuturira kw-ingʼana ryaye erya ekimari. ꞉Aakorere kutyo, insonga kibhe bhigeswa bhya okwamba mu-bhiinu bhyone kutyo bhinu ꞉aabhumbire.

1 Peetero 1:23

kwa okubha emwe mwibhuuywe orwa akabhiri. Okwibhurwa kunu kutakusooka ku-bheesomwana, bhayo bheeki abhafwa, tari mwibhuuywe na engʼana eworu erya Nyamuwanga, ryeki ritakuyinduka kajaanende.

1 Peetero 1:25

nawe riingʼana rya Raatabhugenyi ryeki ritakuyinduka kajaanende.” Riingʼana riyo ni Amangʼana Amajomu ganu garaasiibhwe kw-imwe.

1 Peetero 2:2

Woori anu mwamenyere ati Raatabhugenyi ari na ekigongo. Mmbe, mubhe rwa abhaana abhajaare kutyo abheenda amata ga bhaanyira, emwe mwone mukabhibhwe amata amajomu aga mu-mwoyo, insonga okuturira ku-gayo obhwerusha bhwemwe bhukure.

2 Peetero 3:2

muyiite amangʼana ganu abharagi abhataakatiifu ꞉bhaaikaga kara, na ekiraagiro kya Raatabhugenyi na Omwerusi weeswe kinu mwayaaywe okuturira ku-bhatumwa bhaaye.

1 Yowana 3:3

Omuunu woonewoone unu keesiga gayo, eeyeshe okuturira ku-Yeesu Kiriisitu, insonga abhe mweru wa omutima, rwa kutyo Kiriisitu omwene woone ari mweru wa omutima.