Matyu 5:6 - Godiha̱ Ta̱ Bolofei̱

⁶ O Godiha̱ dihi̱le do̱u̱do o dalagualamo͡u degele idi kedia̱ hoho̱bolo͡u no͡u, dia̱me hegie degeli o ke̱ sa̱ degei, Godiha̱ nale̱bo͡u hue̱i̱bo͡u de nele̱ kaha̱ degemo͡u.

Matyu 5:6 Iomraidhean Croise

Ta̱ Uwo Bolofe̱i̱ Lukha̱ Nala̱i̱ 1:53

O hegie kedia̱moko͡u be, e̱ nale̱ hiyedo ne̱i̱mo͡u, na̱ma guoko͡u degele idi. Ke̱no͡u si, o bi su̱do dala kedia̱me to͡u fogo͡u mo͡u, mo͡u yo͟͡uwa fogo͡u yai.

Ta̱ Uwo Bolofe̱i̱ Lukha̱ Nala̱i̱ 6:21

Hegie dege dalagua o dia̱ma, ni̱ hoho̱bo͡u ma, habage ni̱ nale̱ na̱ma guoko͡u degele ile kaha̱ degeimo͡u. O dia̱ma, ni̱ ifi gosolo iliye, ke̱no͡u si hoho̱bo͡u ma, habage ni̱ hoho̱ dege yilo̱ kaha̱ degeimo͡u.

Ta̱ Uwo Bolofe̱i̱ Lukha̱ Nala̱i̱ 6:25

O dia̱ma, ni̱ nale̱ na̱ma guoko͡u dege dalaguaye, ni̱o͡u tawaibo͡u, ni̱me habagebe hegie degele ile kaha̱ degemo͡u. O yilo̱ ili o dia̱ma, ni̱o͡u tawaibo͡u, ni̱ gosoulugi, gesei mei degele mei kaha̱ degemo͡u.

Ta̱ Uwo Bolofe̱i̱ Jonha̱ Nala̱i̱ 4:14

Ke̱no͡u si o koyoha̱ hue̱i̱ a̱ e̱moko͡u nela̱mo͡u degeli ke̱ no̱u̱babe, e̱me haba hue̱i̱ nale̱ saga̱i̱ degele mei. Hue̱i̱ kamaha̱ e̱ duledu to̱ souno͡u tefele, fele̱no͡u dalaba, e̱me fi̱ tofousogo tofousogo kegeno͡u tofolo͡u.

Ta̱ Uwo Bolofe̱i̱ Jonha̱ Nala̱i̱ 6:27

Ni̱ge nale̱ tabale ke̱ molo͟͡u kaha̱ dabai ke̱ degedama. Nale̱ tabale mei ke̱ molo͟͡u kaha̱ dabai ke̱no͡u degema. Nale̱ ke̱ mo͟͡ubabe, O Kedia̱ Dihi e̱ge ni̱moko͡u fi̱ tofousogo tofolo͡u ke̱ nele̱. Aye Godiha̱ge e̱ Dihibe kege degeyadomo͡u tobo͡u mo͡u hagua dala kuhe̱.

Ta̱ Uwo Bolofe̱i̱ Jonha̱ Nala̱i̱ 7:37

Kefegudi kaha̱ uwage sawisiei ke̱me sawisiei hiyedo. Sawisiei hiye kelege, Yesuha̱ hagua̱ tafalali, hili̱gedo ko͡u gue tobou, o koyoha̱ hue̱i̱ nale̱ saga̱i̱ degeibabe, a̱moko͡u haguaba, hue̱i̱ ko͟͡u na̱yede tobou.

Mogogou Ta̱ Hegi 7:16

Godiha̱ dia̱ wolo͡u dalababe, dia̱ hegie ta degele mei. Hue̱i̱ nale̱ saga̱i̱ne ta degele mei. Aso̱ difine dugulo mei, bi taye degeiyene dia̱ ta difi degele mei.