Ta̱ Uwo Bolofe̱i̱ Jonha̱ Nala̱i̱ 8:2 - Godiha̱ Ta̱ Bolofei̱

² Sabiyoumo͡u, e̱ boholo͡u ma̱ ile, Godiha̱ moso̱ kekaimidu foloumo͡u, o sasa̱i̱ su̱do haguasie kefeguo sile̱ma̱ dalaguamo͡u, e̱ duwoli, egei hehegiei.

Ta̱ Uwo Bolofe̱i̱ Jonha̱ Nala̱i̱ 8:2 Iomraidhean Croise

Matyu 26:55

Kegemo͡u, Yesuha̱ o kefeguo dala kedia̱moko͡u tobou, ni̱ kadegeimo͡u awekibo͡u do͡u wo͡u bo͡u to͡u ma haguasie, a̱ hili̱gedo tolo͡u iya? A̱me hiyou mo͟͡udi o mei, biyadi o mei. Sawisiei olo͡u fe̱i̱ a̱ Godiha̱ moso̱ kekaimidu duwoli, o sasa̱i̱ kedia̱moko͡u egei hehegiediye, ni̱ a̱ ta tolo͡u ili mei.

Ta̱ Uwo Bolofe̱i̱ Lukha̱ Nala̱i̱ 21:37

Sawisiei olo͡u fe̱i̱be, Yesu e̱ Godiha̱ moso̱ kekaimidu haguamo͡u, o sasa̱i̱ kedia̱moko͡u egei hehegiedi. Hulia̱mebe, e̱ ilemo͡u, bito̱u̱ Olivyodele idi koto͡u folo tiadi.

Ta̱ Uwo Bolofe̱i̱ Lukha̱ Nala̱i̱ 21:38

Sabiyoumo͡u be, o sasa̱i̱ kedia̱ haguasie, Godiha̱ moso̱ kekaimidu Yesuha̱ tobolo͡u ke̱ dulamo͡u fele̱ga kefele idi.

Ta̱ Uwo Bolofe̱i̱ Lukha̱ Nala̱i̱ 4:20

Kegemo͡u, Yesuha̱ kuguo huso̱u̱ mei degeimo͡u, kuguo ke̱ komuguo, egei moso̱ dia daladi o koko͡u nele̱mo͡u biyei. Duwomo͡u, egei moso̱du duwogua o olo͡u fe̱i̱ e̱moko͡u masele i.

Ta̱ Uwo Bolofe̱i̱ Lukha̱ Nala̱i̱ 5:3

Duguomo͡u, e̱ mosole ta kaha̱ tageto͡u foguo felei. Mosole ke̱me Saimonhale. E̱ Saimonko͡u, na̱ fele̱ba, mosole huyadefe̱i̱ fuguo ile, to̱ biya̱ hafe̱i̱ dege fogo͡u yede tobou. Kegeimo͡u, e̱ mosole tageto͡u duwoli, o sasa̱i̱ kedia̱moko͡u hehegiei.

Ta̱ Uwo Bolofe̱i̱ Jonha̱ Nala̱i̱ 4:34

Yesuha̱ dia̱moko͡u ko͡u gue tobou, a̱me Godiha̱ tobo͡u mo͡u haguei kaha̱, e̱ tagali saga̱i̱ ke̱ seseleba, e̱ dabai degega iligi mei degele ke̱me ma̱ nale̱ sa̱ degei.

Ta̱ Uwo Bolofe̱i̱ Jonha̱ Nala̱i̱ 8:20

Yesuha̱ ta̱ ke̱ tobou kelegebe, e̱me Godiha̱ moso̱ kekaimiduge sele sa idi ke̱ hafe̱i̱ dege tafalali, egei hehegie tefelei. Ke̱no͡u si o tae e̱ ta to͡u li mei, yobe sawisiei Godiha̱ makai ke̱me you dala kaha̱ degeimo͡u.

Ta̱ Uwo Bolofe̱i̱ Jonha̱ Nala̱i̱ 8:3

Egei tobolo͡u duwomo͡u, Mosesha̱ kuolo͡u yo dulo i obo͡u, Farisi obo͡u kedia̱ sasa̱i̱ ta, o hiyou degei ke̱ tolo͡u haguasie, o sasa̱i̱ kedia̱ dihi̱le koko͡u tefegile i, e̱ midiho̱ kasaga̱i̱ milo͡u mo͡u ko͡u dugulo i kaha̱ degeimo͡u.

Dabai 5:21

E̱sol o kaha̱ kege tobo͡u mo͡u, dia̱ dulo i. Sabiyoumo͡u dia̱ ya, Godiha̱ moso̱ kekaimidu fologa, o sasa̱i̱ kedia̱moko͡u yomogo͡u hehegie tobolo͡u i. Kegemo͡u, mogo͡u du daladi hiye oha̱ e̱ mogo dia̱bo͡u de haguasie kefegulo i. Kefeguomo͡u, hiye o kedia̱ge kansole o kedia̱bo͡u, Israel odo odo kedia̱bo͡u olo͡u fe̱i̱ haguisoumo͡u, haguasie kefegulo i. Olo͡u fe̱i̱ kefeguomo͡u, die dabai degedi o kedia̱ tobo͡u mo͡u, didio̱ moso̱ko͡u yai, ta̱-bolofe̱i̱-mala̱-suluguadi-o kedia̱ wo͡u ma haguasiemabadomo͡u.