Yṳ̌da 1:4 - Kawyaw New Testament

⁴ Ma̤titèhî̌dě, kòyò dǒ a bè̌dubè̌nǎ̤ Cǒmara tô̤̌ tokhlǒnu a hènṳ̌hǔ dǒ sîkla hǒ. Pô̤̌khô asî gǔ hî̌bǎ hǎplǎ anǎ̤ kû̌ a ta̤ô̌htûpwa̤ apî̌alṳ̂̌ tokhlǒ ayanudě, a htû̌lè̌ tèplè̌ge pa Běcǎ Cǒmara abwǐsîrî nutokhlǒ awe̤akè. Kǎtô̤̌ asî hǒtokhlǒnu a yṳ̌ǎ kû̌ pa ikǒlǒkòdû̌ Běcǎ Yeshǔ Khrǐ nutô̤̌. Pô̤̌ lî̤plò̌shǐ shôbǐǐ nǎ hto ta̤cî̌htò̌ tokhlǒnu asî khòbǎ lǒ̤bò pě.

Kawyaw RC

⁴ Ma̤tè̤hî̌dě, kòyò htě a bè̌dubè̌na̤ Cǒmara tò̤ toǒnu, a hènṳhǔ dě sîkla hǒ. Ma̤pûhǐ asî hî̌bǎ lû̌htò̌nṳ ana̤ ta a ta̤ǒhtûpwa̤ aphû̌mò̤ toǒ ayanudě, a htû̌lè̌ tèplè̌ pî̌kè pa Běcǎ Cǒmara abwǐasîrî toǒ awi̤akè̌. Htohǒtò̤ asî htǒotoǒnu a yṳǎ kû̌ pa hǐkǒdû̌ Běcǎ Ye̤shǔkhrî̌stu htǒonu tò̤. Pwǐ lî̤cahtǐ hî̌nǎ ta̤cèrò toǒnu asî nî̤bǎbò pě.

Yṳ̌da 1:4 Iomraidhean Croise

Htû̌sò̌htò̌ 1:1

Kòyò dǒ a nǐ̤bǎ ta̤ǐshowî̤ tokhlǒmî̌ kòyò dǒ a gû̌kû̌ pwa̤phû̌mò̤̌shǐhtô ata̤yṳ̂̌klè̌yṳ̂̌klò tô̤̌. A ihtǒ ô̌plǒ kû̌ kòyò ta̤sǔô̌ nutokhlǒ dǒ asî klè̌kû tô̤̌. A hǎnòò̌ plǒ dǒ pwa̤hî̌phû̌mò̤̌ Cǒmara a ta̤cǐplǒô̌htu akû tô̤̌tô̤̌.

Htû̌sò̌htò̌ 62:2

Pwa̤ dǒ a htû he lǒ̤dû̌ kû̌ pwa̤ma̤hǎplǎ he mî̌ a pwǎ. A mî̌ pwa̤takabǐ he, he lò̤jû̌jò pe tôkhò̌꤮ tô̤̌.

Matěo 13:25

A wǐ̤lò̤ htodě bǎ asî ge hǎmôô̌ shôpe̤ bò pṳ̂̌꤮ tôpwa̤ akhanu, pwa̤sǎkhě hè wǐ̤lò̤ ami̤khli tokhlǒ bǎ asî bǔjû̌ aklanu, htodě a hǎhtò̌cû̌kè.

Jowǎ̤ni̤ 17:3

Cǒmara mî̌ na tôpwa̤ nô̤̌pwǎ, dě kòyò tokhlǒ dǒ a sî̌ganǎ̤ na dě a sî̌ganǎ̤ kû̌ he mî̌ Yeshǔ Khrǐ dǒ na sûhè yǎ tôpwa̤ numî̌ amè̤̌kû̌ ta̤sî̌ya dǒ a ǐ asî yôla htûpwa̤ tûjû̌pwa̤ hǒ.

Pwa̤nophû̌ 11:23

Dě bǎ a cû̌tǒ̤ akha, a cû̌kè̌shǐ kû̌ kòyò nutokhlǒ nǐ̤bǎ Cǒmara abwǐsîrî akhû̌akhî, a sǎlě̤sǎlò̤ jî̌ dě pô̤̌khô asî gǔ ô̌htûpwa̤ cǒtè̤ hènè kû̌ Běcǎ dě, a ǐkhû̌ǐǎ shò̌ pô̤̌ asîkò.

Pwa̤nophû̌ 15:24

Pa ganǎ̤de kû̌ kòyò dǒ pakla tokhlǒ cû̌nṳ̌ ma̤dǐdò sî, htodě a hî̌ gû̌gè̌ bò sî, kòyò hî̌ pô̤̌nu bǎbǎkǎlè asî mî̌ kòyò dǒ a phî̌nṳ̌ ta̤sû̌ǐtòwòǐ dǒ paô̌ nutokhlǒ mè̤̌tô̤̌.

Galatǐ 2:4

Bǎbǎkǎlè Khûtǐtǔnu kòyò tokhlǒkhlǒ a sǎyṳ nodǔtṳ̌bě. Asî nutokhlǒ mî̌ kòyò dǒ a jî̌lòhô anǎ̤ pô̤̌ pṳ̌wè̤̌ nutokhlǒ pwǎ. Pô̤̌khô asî gǔ nṳ̌kè̌lǎ hǔ pa nǐ̤bǎ hto ta̤pi̤li̤ dǒ Yeshǔ Khrǐ akû hǒnudě asî hènṳ̌hǔ dǒ pakla pwǎ. Dě asî sǎyṳ nohtûhtò̌ pa kû̌ Yǔdaphû̌ tokhlǒ a ta̤mǎlò̤ ajû̌ pwǎ.

Galatǐ 5:13

He pṳ̌wè̤̌ sî, pô̤̌khô sî gǔ nǐ̤bǎ ta̤pi̤li̤ ayanudě, Cǒmara kaǎhto sî hǒ. Bǎbǎkǎlè dǒ sî nǐ̤bǎ ta̤pilinu akhû̌akhîdě, nopǒ tǎ̤ sînǎ̤ kû̌ sî sǐshiphěyî̌ a ta̤sǎyṳsǎbǎ nutokhlǒ tǎ̤mǎ̤ nî̌. Mè̤mè̤̌tôkhônu, sî tô mô̤ǐ kè̌khî lû̌û tôpwa̤ kû̌ tôpwa̤, sî tô ma̤jè kè̌khî bò lû̌û tôpwa̤ kû̌ tôpwa̤.

Ěphěsu 4:14

Pô̤̌nudě pa mî̌ asô̌sô̌kû̌ phijǎphû̌ dǒ a ûnû̌pe nutokhlǒ mè̤petô̤̌ hǒ. Kòyòkě dǒ a sû̌ǐ lòhô ta̤ tokhlǒnu, a lô̌ǐplò̤ǐ jò pe pa tô̤̌, dě pa yṳ̌ǎsǔ jò pe asî ata̤sû̌ǐtòwòǐ tô̤̌. Pa sô̌sô̌pe kû̌ sǒkhli dǒ gili̤sǎdû̌ dě a plǎ̤ lûhtôlûlò̤ yǎ tôbǎnu mè̤̌petô̤̌.

Tîmôte awǐlǒ tôbǎ 5:8

Kòyò tôpwa̤pwa̤ kè̌ a kè̌ǐma̤ǐ akhlialè tô̤̌ hî̌nu, a htè̌bǐkè khrǐphû̌ a ta̤sû̌ǐtòwòǐ hǒ. Dě a mî̌ kòyò dǒ a jî̌khlo pe kû̌ kòyò dǒ a yṳ̌ǎ gû̌ kò Khrǐ tô̤̌ tôpwa̤. A jî̌ gutṳ̌ mî̌ kòyò dǒ a kè̌ǐ a hǐphû̌phòphû̌ aphû̌ama tô̤̌ nutokhlǒ hǒ.

Tîmôte ginǐ̤bǎ tôbǎ 2:12

Pa kè̌ sǎphlǒhtû ta̤ hî̌dě pa pǒǐ ta̤ kû̌ a pě, pa kè̌ htè̌bî̌kè a dě a htè̌bî̌kè pa pě.

Tîmôte ginǐ̤bǎ tôbǎ 3:6

Asî tokhlǒkhlǒnu, a nṳ̌cû̌nṳ̌kha dǒ kòyò hǐdǒkû dě asî pǒǐ pṳ̂̌mě pwa̤mǒ̤ dǒ a yṳ̌ǎ yûkǎkwe nutokhlǒ. Pwa̤mǒ̤ nutokhlǒ mî̌ pwa̤mǒ̤ dǒ a ô̌ kû̌ a ta̤sǔta̤plě a ta̤wǐta̤ò̌ dě a gû̌kû̌ ta̤sǎyṳsǎbǎ apṳ̂̌mishicǒ akò nutokhlǒ pwǎ.

Petru awǐlǒ tabǎ 2:16

Ô̌htûpwa̤ lô̌khô pô̤̌ kòyò nṳ̌bǎ ta̤pili̤ nutokhlǒ nî̌꤮. Bǎbǎkǎlè noǎ tǎ̤ sî ta̤pilinu kû̌ a gǔ ma̤bǐkè tǎ̤ sî ta̤sǔnu tǎ̤mǎ̤. Mè̤mè̤̌tôkhô̌ ô̌htûpwa̤ sô̌sô̌ lô̌khô kû̌ Cǒmara ajû̌ tokhlǒnu.

Petru awǐlǒ tabǎ 2:8

“Lǒ̤nu tômènu a gǔmè̤̌ lǒ̤ dǒ kòyò lǎ̤htò̌tukhu a aya, dě a gǔ ma̤lòkhǔpo̤ kòyò aya.” A ganǎ̤de kû̌ kòyò Cǒmara alě̤ayô̤̌ tô̤̌ akhû̌akhî, a htò̌tukhu lò̤khǔpo̤ pwǎ. Cǒmara tîwî̌tòwò bǎ asîya pô̤̌nuhǒ.

Petru awǐlǒ tabǎ 4:18

Pô̤̌ lî̤plò̌shǐ hî̌nǎ kû̌, “Kòyò cǒtè̤ tokhlǒ gǔ nǐ̤bǎ ta̤ma̤hǎplǎge ayanu, apò̤̌asha mî̌ca. Kè̌hî̌pô̤̌nu dě kòyò dǒ a shôdô Cǒmara tokhlǒ kû̌ pwa̤ma̤sǔphû̌ tokhlǒnu a gǔpò̤̌yǎ̤pò̤̌sha pwǐ꤮ tè pěnu lǎ̤hî̌ agûlǎ̤ ô̌pe tô̤̌.”

Petru ginǐ̤bǎ tabǎ 2:10

Lǒ̤꤮ bò kòyò dǒ a gû̌ma̤kû̌ pô̤̌ asî sǎphlǒ a ta̤sǎyṳ patǎ phû̌mò̤̌ akò dě a ma̤ takǎshěshu Cǒmara a ta̤siwi̤sòwò̤ tokhlǒnu, Cǒmara gǔ cî̌htò̌ jî̌khlo asî pě. Kòyò pô̤̌nutokhlǒ mî̌ kòyòkhu, kòyò phǐdû̌ anǎ̤ tokhlǒ. Mǒkhû̌phû̌ dǒ kòyò bè̌yṳ̌bè̌nǎ̤ ǐtû̌ lû̌û tokhlǒnu, asî pî̤jî̌ǐsho lô̌khô, a ǐsha kû̌ kò tîkî̌꤮ tô̤̌.

Petru ginǐ̤bǎ tabǎ 2:7

A ǐ ma̤hǎplǎkè kòyò cǒtè̤ tôpwa̤ dǒ ami̤ kû̌ Phalòtǎ. Dǒ kòyòkhu hǒtokhlǒ lṳ̂ asǐshi a ta̤sǎyṳsǎbǎ phû̌mò̤̌ tokhlǒ akhû̌akhî, Phalòtǎ sǎphlǒmô̤ tîkî̌꤮ tô̤̌.

Petru ginǐ̤bǎ tabǎ 3:7

Bǎbǎkǎlè dǒ Cǒmara hî̌bǎhtò̌ sô̌ ayô̤̌ pô̤̌ a bô̌lò̤ sakhû̌lû̌ mǒlǎ̤ kû̌ hǎkhû̌ akhanu akhû̌akhî, mǒlǎ̤ kû̌ hǎkhû̌ dǒ pa kè̌shǐ a khònò̤̌ tokhlǒnu, Cǒmara pṳ̂̌mě ô̌kǔ asî dě a gǔ ma̤pî̌kè asî kû̌ mî̌ pě. Cǒmara gǔ pṳ̂̌mě ô̌kǔ padô̌ asî dǒ lṳmṳ̌ni̤ bǎ a cî̌htò̌ ma̤pî̌kè kòyò dǒ a bè̌dubè̌nǎ̤kû̌ lû̌û tô̤̌ nutokhlǒ pě.

Yṳ̂ha awǐlǒ tôbǎ 2:22

Kè̌hî̌pô̤̌nudě kòyò dǒ a lòhô tôpwa̤ numî̌ mò̌pè? Kòyò tôpwa̤pwa̤ kè̌ hî̌ kû̌ Yeshǔ numî̌ Khrǐ mè̤̌tô̤̌ hî̌nu, a mî̌ amè̤̌kû̌ pwa̤sǎkhě khû̌khwè Khrǐ nutôpwa̤ hǒ. Htokhôtô̤̌ a mî̌ kòyò dǒ a wîkè bò hǒ pha kû̌ kòyòphû̌khû sò̌ginǐ̤ lǒ̤bò hǒ.

Yṳ̌da 1:15

Ma̤titèhî̌dě a hè cî̌htò̌ bò kòyò pṳ̂̌tôpwa̤ pě. A gǔ cî̌htò̌ bò kòyò dǒ a bè̌dubè̌nǎ̤ gû̌ kòyò Cǒmara tô̤̌ nutokhlǒ pě. A cî̌htò̌ asî ata̤sǔta̤plě dǒ asî ma̤tô kû̌ Cǒmara aklè̌aklò tô̤̌ nutokhlǒ pě. Asî htè̌geshěshu Cǒmara akhû̌akhî, a cî̌htò̌ asî pě.”

Yṳ̌da 1:18

Asî hî̌ bǎ sî kû̌, “Htû̌ lṳmṳ̌ni̤ lṳmṳ̌sa dǒ gutṳ̌kò pě tokhlǒnu kòyò dǒ a pî̤jî̌pèshè̌ sǎyǎ̤ sî tokhlǒ ô̌htò̌ pě. Asî nutokhlǒ mî̌ a gû̌ma̤ còcè̌ pwǎ pô̤̌ a ta̤sǎyṳ phû̌mò̤̌ dǒ a tô kû̌ Cǒmara asǎphlǒ tô̤̌ nutokhlǒ pwǎ.”

Ta̤dǔlè̌nǎ 15:4

Ǒ Běcǎ, kòyò ǐsha na lǎ̤tô̤̌, na ta̤bwǐdû̌sîrîhtûnu kòyò olò̤ na tô̤̌nu a ô̌jò pe bǎ tôpwǎ̤꤮ tô̤̌. Cǒmara aplò̌shǐnu a ô̌ pwǎ tôpwa̤ nô̤̌ pwǎ. Shiphû̌gǎphû̌ lǒ̤bò kè̌shǐ na ma̤ta̤tô ma̤ta̤cǒ akhû̌akhî, a hè cubucabahtò̌ bò na pě.”