Yṳ̌da 1:3 - Kawyaw New Testament

³ He sû̌khômô̤ sî, ta̤ma̤hǎplǎge dǒ pa lǒ̤bò nǐ̤bǎ wô̤̌wô̤̌ lû̌û awe̤akènu, he sǎyṳ wě̤cû̌ bǎ jî̌ sî bǎbǎkǎlè khònò̤̌ he kè̌shǐ kû̌ he bǎ wě̤cû̌khô̌ tèplè̌ bǎ sî dǒ ashǔshawa̤ tôcǒ. Dě he sǎyṳ ǐkhû̌ǐǎ sî kû̌ ta̤sǎlě̤we̤kè dǒ Cǒmara ǐlò̤ htophlǔ bò tôplǎ nô̤̌ kû̌ kòyò lǒ̤bò dǒ a yṳ̌ǎ tokhlǒnu, sî jî̌pwǐ̤ ô̌ tònòshû̌sho wô̤̌wô̤̌ pû a nî̌꤮.

Kawyaw RC

³ He khobǒsû̌bǒmo̤ sî꤮, ta̤ma̤lû̌htò̌ge htě pa lǒ̤꤮ bò nî̤bǎplǒ nû̌û htǒo awi̤akè̌nu, he sò̌yṳ khwè̌cû̌ bǎ mè̤mè̤̌ sî pwǎ̤tadě khònò̤htǒo he kè̌shǐ ta he bǎ khwè̌cû̌khǒ tèplè̌ bǎlè̌ sî ta ahǔwa̤ tacǎ. Dě he sò̌yṳ ǐkhû̌ǐǎ sî ta ta̤sò̌le̤sò̌lò̤ awi̤akè̌ dě taplǎpa Cǒmara ǐlò̤phlǔbò akòyò lǒ̤bò htě a yṳǎ htǒotoǒnu, sî shětònò shǔwǒ pû yǎ nî̌꤮.

Yṳ̌da 1:3 Iomraidhean Croise

Pwa̤nophû̌ 17:3

Dě a hî̌ bǎ asî kû̌ kòyò wě̤nǎ lî̤plò̌shǐ awe̤akè nutokhlǒ dě a nè̌lṳ̌pô̤̌ bǎ kòyò kû̌ Khrǐ awe̤akè. Dě a hî̌ kû̌, Khrǐ dǒ Cǒmara rû̌htò̌ a kû̌ pwa̤ma̤hǎplǎge kòyò tôpwa̤ numî̌ kòyò ma̤jî̌ma̤jû̌ yǎ htopědě a gǔ ihtǒ htûpwa̤ getîkhî sô̌ dǒ ta̤si pě a hî̌ bǎ kòyò pô̤̌nu. Dě a hî̌ kû̌, “Yeshǔ dǒ he shôbǐǐlṳ̌ bǎ sî khònò̤̌ tôpwa̤ numî̌ Khrǐ dǒ Cǒmara rû̌htò̌ yǎ dǒ a gǔ ma̤hǎplǎge kòyò nutôpwa̤ hǒ.”

Pwa̤nophû̌ 18:28

Ma̤titèmî̌, a ta̤hî̌bǎshôbǐǐ htè̌ǐ kû̌ kòyò tokhlǒnu a ô̌ kû̌mî̌ ta̤pô̤phǎshû̌sho, htokhôtô̤̌ a nè̌lṳ̌bò̌ bǎ kòyò lî̤plò̌shǐ khòlṳ̌ tokhlǒ kû̌ Yeshǔ mî̌ khrǐ, htokhôtô̤̌ Yeshǔ mî̌ pwa̤ dǒ Cǒmara rû̌htò̌ lû̌û kû̌ a gǔ ma̤hǎplǎge kòyò hǎkhû̌phû̌ akhû̌akhî, a htè̌ pè̤̌kèbò Yǔdaphû̌ tokhlǒ dǒ kòyò tûplṳ̂taphǎ alô̤mô̤̌.

Pwa̤nophû̌ 20:27

Ma̤titèmî̌ lǒ̤bò ta̤ dǒ Cǒmara ta̤yè̤lò̤nǎ tokhlǒnu, he dǒû̌dǒshò̌ nô̌ tocǒ꤮ tô̤̌. He shôbǐǐ bǎ htobò sî hǒ.

Pwa̤nophû̌ 28:28

Khûpò̌lǔ hî̌ pô̤̌ kû̌, “Pô̤̌nu akhû̌akhî sî tôbǎ sî̌ganǎ̤ lô̌khô kû̌, Cǒmara a ta̤ma̤hǎplǎge awe̤akènu, kòyò gǔ sûcû̌ lû̌û dǒ Yǔdaphû̌ mè̤̌tô̤̌ tokhlǒ a ô̌ hǒ, dě Yǔdaphû̌ mè̤̌tô̤̌ tokhlǒ gǔ ganǎ̤de lû̌û pě.”

Pwa̤nophû̌ 4:12

Kòyò dǒ a ma̤hǎplǎge jò pa mî̌ tǒ̤pwǎ Yeshǔ tôpwa̤ nô̤̌ pwǎ. Kòyò ashǔshawa̤ dǒ Cǒmara ǐ asî kû̌ a gǔ ma̤hǎplǎge pa ayanu, dǒ hǎkhû̌ tôbǎbò nu a ô̌ tôpwǎ̤꤮ tô̤̌.”

Pwa̤nophû̌ 6:7

Pô̤̌nudě Cǒmara alě̤ayô̤̌ nî̌ sǔ sǔ a lṳ̌peshe cû̌ htodě dǒ Wî̤̌yarǔshôle akûnu, kòyò dǒ a yṳ̌ǎnǎ̤ǎta̤ tokhlǒ sǔ sǔ a ô̌wô̤̌htò̌ htokhôtô̤̌ pwa̤shû̌gǎ tokhlǒnu, a yṳ̌ǎnǎ̤nǎ dû̌wî̤ htò̌.

Pwa̤nophû̌ 9:13

Khûananǐ hî̌shěshu kû̌, “Běcǎ, kòyò nutôpwa̤ awe̤akè nî̌, he ganǎ̤de kòyò saprṳ̂ hî̌htobǎ dû̌wî̤ he kû̌, a ma̤jî̌ma̤jû̌ na kòyò plò̌shǐ ô̌ dǒ Wî̤̌yarǔshôle akû nutokhlǒ, ahî̌.

Pwa̤nophû̌ 9:22

Khûsò̌lǔ a ta̤shôbǐǐ bǎ kòyònu a ta̤siwi̤sòwò̤ sǔ sǔ adû̌htò̌ dě a khòlṳ̌ tě̤tě̤mè̤̌mè̤̌ bǎ kòyò kû̌ Yeshǔ mî̌ Khrǐ mè̤̌mî̌ca tôpwa̤ akhû̌akhî, tǒ̤dǒ Yǔdaphû̌ ô̌ bǎ Wî̤̌damase akû nutokhlǒ hî̌tîkhî jò sô̌ pe lû̌û tocǒ tô̤̌.

Kôritu awǐlǒ tôbǎ 15:3

Ta̤we̤ta̤kè dǒ a lṳ̂dû̌lǒ dǒ he nǐ̤bǎ dě he ǐlò̤ tutṳ̌ bǎ sî numî̌ amè̤̌hǒ, pô̤̌khô pa gǔ hǎplǎ kû̌ ta̤cî̌htò̌ pa ta̤sǔ nudě, Khrǐ khòlṳ̌ asǎphlǒ hǒ, lî̤plò̌shǐkû hî̌ pô̤̌nu.

Galatǐ 2:5

Bǎbǎkǎlè pô̤̌khô ta̤sǎlě̤we̤kè acǒatè̤nu akô ô̌měô̌gle dǒ sîkû ayanudě, pa bǎ ganǎ̤de gû̌ kû̌ asî ta̤hî̌bǎ tîkî̌꤮ tô̤̌.

Galatǐ 3:28

Yǔdaphû̌ kû̌ khlilèphû̌ ashǔshawa̤ Grěphû̌ tokhlǒ, jû̌ kû̌ pwa̤ nǐ̤bǎ ta̤piliphû̌ tokhlǒ, pwa̤khû kû̌ pwa̤mǒ̤, lǒ̤bò ta̤ nutokhlǒ numî̌ akhô̌ nô̌ lû̌û tô̤̌, ma̤titèhî̌dě lǒ̤bò sî nutokhlǒ numî̌ sî htûhtò̌ bò kû̌ Khrǐ tôcǒ nô̤̌ hǒ.

Galatǐ 6:11

Khònò̤̌, kè̌ lô̌khô mò̌! lî̤phlǒdû̌ tokhlǒ numî̌ he wě̤ kû̌ henǎ̤ pwǎ.

Ěphěsu 1:1

He mî̌ Khûpò̌lǔ. Cǒmara sǎphlǒô̌ dǒ he gǔ htû Yeshǔ Khrǐ a pwa̤nophû̌ tôpwa̤. He wě̤cû̌bǎ lî̤hǒtôbǎ dǒ Cǒmara a kòyò dǒ a ô̌ lô̌khô dǒ Wî̤̌ěphěsu akû nutokhlǒ a ô̌. Sî mî̌ kòyò tokhlǒ dǒ a htûhtò̌ kû̌ Khrǐ tôcǒ꤮ nô̤̌ hǒ dě, sî wîkè sî ta̤yṳ̌ǎ Yeshǔ Khrǐ tô̤̌.

Phǐlǐpǐ 1:1

Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Phǐlǐpǐ 1:27

A htûhtò̌ hî̌tè bǎbǎ, sî tô ô̌htûpwa̤ lô̌khô pô̤̌ Khrǐ a ta̤sǎlě̤we̤kè shôbǐǐ bǎ sînu nî̌꤮. Sî kè̌ ma̤pô̤̌nu hî̌dě he hèkè̌shǐ sî bǎbǎ, he ô̌tepheyî̤ kû̌ sî dě he ganǎ̤de pwǎ sîwe̤sîkè bǎbǎ, he sî̌ganǎ̤ kû̌ sî sǎphlǒ icu lû̌û dě sî ihtǒ tònò shěshu lû̌û dǒ ta̤sǎlě̤we̤kè a ta̤yṳ̌ta̤nǎ̤ ayahǒ. Htokhôtô̤̌ sî ǐsha pe kòyò dǒ a sǎkhěkhû̌khwè sî nutokhlǒ alǎ̤ tô̤̌. Sî kè̌ ma̤pô̤̌nu hî̌dě sî khòlṳ̌ hto asî kû̌ Cǒmara ma̤pî̌kè asî pě, dě Cǒmara gǔ ma̤hǎplǎge sî kû̌ anǎ̤ pě.

Kòlòtè̌ 1:2

He wě̤ cû̌nṳ̌ bǎ pa pṳ̌wè̤̌ Khrǐphû̌ dǒ a aplò̌shǐ dě acǒ kû̌ ayô̤̌ dě a ô̌ lô̌khô dǒ Wî̤̌kòlòtè̌ akû nutokhlǒ a ô̌. Papha Cǒmara abwǐdû̌sîrîhtû kû̌ a ta̤gûjû̌kabǎ gǔ ô̌cu kû̌ sî nî̌꤮.

Tîsalònǐ awǐlǒ tôbǎ 2:2

Pô̤̌ sî sî̌ganǎ̤ htobò, bǎ pa hè lò̤ dǒ sî ô̌tô̤̌ akhanu, Wî̤̌phǐlǐpǐphû̌ tokhlǒ ma̤jî̌ma̤jû̌ pa, htodě ma̤sòwò̤̌ bò pa. Kòyò ma̤ takǎ dǐdò tě̤tṳ pa bǎbǎkǎlè pô̤̌khô pa gǔ shôbǐǐlṳ̌ sî kû̌ Cǒmara a ta̤sǎlě̤we̤kè nudě, pa Cǒmara ǐhto pa ta̤khuhe hǒ.

Tîmôte awǐlǒ tôbǎ 1:18

Hephû̌pwa̤khû Khûtîmôte, ta̤dǒ he noma̤ na khònò̤̌ tokhlǒ numî̌, a gû̌ma̤ pwǎ kòyò tokhlǒ a ta̤hî̌bǎ nǎ nawe̤nakè tokhlǒ nupwǎ. Pô̤̌khô na gǔ shěpě̤wô̌ ta̤ ayanu, noǎ Cǒmara a ta̤hî̌bǎ nǎ nutokhlǒ pô̤̌ kòyò noǎ ta̤wè̤̌ta̤htò tokhlǒnu nî̌꤮.

Tîmôte awǐlǒ tôbǎ 6:12

Ta̤yṳ̌ta̤nǎ̤ a ta̤shěta̤pě̤nu tûlû̌ jî̌pwǐ̤ shěpě̤ a dǒ awô̌ gutṳ̌ nî̌꤮, dě pṳ̂̌měǐ wô̌ yôla htûpwa̤ tûjû̌pwa̤ nunî̌꤮. Bǎ na olò̤ na ta̤yṳ̌ta̤nǎ̤nu dǒ kòyò saprṳ̂ a lô̤mô̤̌ akhanu, Cǒmara kaǎ na dǒ na nǐ̤bǎ Yôla htûpwa̤ tûjû̌pwa̤ nuhǒ.

Tîmôte ginǐ̤bǎ tôbǎ 1:13

Pô̤̌ na sû̌ǐ nǐ̤hto dǒ helô̤ tokhlǒnu, pṳ̂̌mě dě gû̌ kè̌lû̌ ma̤ pû nî̌꤮. Dě na tô yṳ̌ǎ hènè Khrǐ dě na tô mô̤ǐ kòyò dǒ ashǔshawa̤ tokhlǒ. Na kû̌ Yeshǔ Khrǐ htûhtò̌ lû̌û tôcǒ꤮ nô̤̌ akhû̌akhî na ma̤bò̌ta̤ pwǎ.

Tǐtǔ 1:4

Khûtǐtu, he wě̤cû̌ lî̤ hǒtôbǎ dǒ naô̌. Na ta̤yṳ̌ta̤nǎ̤ asô̌sô̌kû̌ pa tôcǒ꤮ nô̤̌ akhû̌akhî, nanu a asô̌sô̌kû̌ hephû̌ sanǎ̤ kû̌ henǎ̤. pha Cǒmara kû̌ pwa̤ma̤hǎplǎge pa Yeshǔ Khrǐnu gǔ pû na ta̤bwǐta̤sîrî kû̌ ta̤gûjû̌kabǎ nî̌꤮.

Hebrǔ 13:22

He sû̌khô sî, lî̤ dǒ he wě̤ ǐkhû̌ǐǎ sînu a htû bǎtô̤̌. Htodě he kwisǎyṳ sî dǒ sî gǔ sǎphlǒhtû dě ganǎ̤de he ta̤ǐkhû̌ǐǎ sînu nî̌꤮.

Hebrǔ 6:9

Bǎbǎkǎlè khôbǒsû̌ sî, pa hî̌cǒ pô̤̌o bǎbǎkǎlè pa yṳ̌ǎnṳ̌ sî pwǎ. Pa yṳ̌ǎnṳ̌ mè̤̌mî̌ca kû̌ sî gǔ ma̤ pwǎ ta̤wô̌ tokhlǒ pě. Ta̤wô̌ tokhlǒnu, a hè dǒ sî nǐ̤bǎ ta̤ma̤hǎplǎge a ô̌ pwǎ.

Petru awǐlǒ tabǎ 5:12

He wě̤pǔtǔ bǎ pwǎ sî lî̤nu pwǎ. He ǐkhû̌ǐǎ sî, htodě he khòlṳ̌ hesǎphlǒ kû̌ ta̤numî̌ Cǒmara abwǐsîrî mè̤̌mî̌ca. Ô̌měô̌gle lô̌khô dǒ ta̤nu akû nî̌꤮. Khûshǐla dǒ he bè̌ a pô̤̌ he pṳ̌wè̤̌ dǒ acǒ kû̌ ayô̤̌ tôpwa̤nu, a wě̤jè̌ padô̌ he lî̤hǒtôbǎ.

Petru ginǐ̤bǎ tabǎ 1:1

Pa Cǒmara kû̌ pwa̤ma̤hǎplǎge pa Běcǎ Yeshǔ Khrǐ hǒtôpwa̤ a ta̤tě̤ta̤mè̤̌ akhû̌akhî, sî mî̌ kòyò tokhlǒ dǒ a nṳ̌bǎtû̌ ta̤yṳ̌ta̤nǎ̤ dǒ asô̌sô̌kû̌ pa hǒtokhlǒ hǒ. Dě he wě̤cû̌bǎ sî lî̤nu. He mî̌ Khûshǐmû Petarǔ, dě he htûtû̌ Yeshǔ Khrǐ jû̌ kû̌ a pwa̤nophû̌ tôpwa̤.

Petru ginǐ̤bǎ tabǎ 2:21

Dǒ asî ayanu, kè̌ a sî̌ganǎ̤bǎnô̌ ta̤tě̤ta̤mè̤̌ aklè̌ tôkhò̌꤮ tô̤̌ numî̌, awô̌khlo pě kû̌ a sî̌ganǎ̤ htodě a cû̌ wîkè ǐtûû̌ kò ta̤mǎlò̤ aplò̌shǐ dǒ kòyò ǐlò̤ htohǒ asî nutokhlǒ.

Yṳ̌da 1:1

He mî̌ Khûya̤kû apṳ̌ KhûYǔda, htokhôtô̤̌ he mî̌ Yeshǔ Khrǐ ajû̌ tôpwa̤. He sǎyṳ wě̤cû̌bǎ kòyò dǒ pha Cǒmara kaǎ asî dě a mô̤ǐ asî, tô̤̌ Yeshǔ Khrǐ ô̌pǒ̤ takabǐ ǐ asî nutokhlǒ a ô̌.

Yṳ̌da 1:17

Bǎbǎkǎlè he khô sî, gènè̤bǎ to̤ǐbǎ sô̌ lô̌khô pa Běcǎ Yeshǔ Khrǐ a pwa̤nophû̌ tokhlǒ shôbǐǐlṳ̌ nǎ hto sî nutokhlǒ nî̌.

Yṳ̌da 1:20

Bǎbǎkǎlè he khô sî, sî bǎ ma̤dû̌htò̌htûhtò̌ pô̤̌ lô̌khô sî ta̤ô̌htûpwa̤nu dǒ sî ta̤yṳ̌ta̤nǎ̤ plò̌shǐ dǒ ashû̌shotònònu alô̤ dě, bǎ sî kwicaba akhanu, nǎla̤ǐ lô̌khô Yôla Plò̌shǐ Běcǎ nè̌klè̌nè̌klòǐ sî nutokhlǒ nî̌.

Ta̤dǔlè̌nǎ 12:11

Pa pṳ̌wè̤̌ tokhlǒnu, dǒ sû̌phû̌ asǐ akhû̌akhî, kû̌ asî shôbǐǐlṳ̌ bǎ kòyò Cǒmara alě̤ayô̤̌ akhû̌akhîdě, asî ma̤pè̤̌kè hǎkhû̌tana hǒ. Asî kè̌shǐbǎ kû̌ ta̤si bǎbǎ, a sǎleǐtû̌ a ta̤htûpwa̤ tô̤̌.

Ta̤dǔlè̌nǎ 2:10

Ta̤dǒ na glè̌ khòbǎ khònò̤̌nu, ǐsha tǎ̤ alǎ̤ tîkî̌꤮ tǎ̤mǎ̤ nî̌. Hǎkhû̌tana tîwî̌tòwò kòyò dǒ kòyò gǔ ma̤kè̌kè̌ sî akhû̌akhî, a gǔ dǒnṳ̌ sî dǒ apô̤kû tokhlǒkhlǒ pě. Kòyò gǔ ma̤jî̌ma̤jû̌ sî ani̤shǐshè̌ pě. Tǒ̤dǒ na kè̌shǐbǎ kû̌ ta̤si bǎbǎ, tûlû̌ cǒ kû̌ he dě he gǔ ǐ na ta̤htûpwa̤ a khû̌glû̌hta pě.