Yṳ̌da 1:1 - Kawyaw New Testament

¹ He mî̌ Khûya̤kû apṳ̌ KhûYǔda, htokhôtô̤̌ he mî̌ Yeshǔ Khrǐ ajû̌ tôpwa̤. He sǎyṳ wě̤cû̌bǎ kòyò dǒ pha Cǒmara kaǎ asî dě a mô̤ǐ asî, tô̤̌ Yeshǔ Khrǐ ô̌pǒ̤ takabǐ ǐ asî nutokhlǒ a ô̌.

Kawyaw RC

¹ He mî̌ Jǎgomo̤ apṳ Yṳ̌da, htohǒtò̤ he mî̌ Ye̤shǔkhrî̌stu ajû tapwa̤. He sò̌yṳ khwè̌cû̌bǎ kòyò htě pha Cǒmara kaǎ asî dě a mo̤ǐ asî, htohǒtò̤ Ye̤shǔkhrî̌stu ǒpo̤ ma̤kwaǐ asînu toǒ a ǒ.

Yṳ̌da 1:1 Iomraidhean Croise

Matěo 10:3

Htodě Khûphǐlǐpǔ kû̌ Khûbatòlòmè̌, Khûtû̌mǎ kû̌ pwa̤kwi ta̤kûta̤mṳ̂̌ Khûmatè̌, htodě PhaAlaphè̌ aphû̌khû Khûya̤kû htodě Khûtadè̌,

Matěo 13:55

A mî̌ pwa̤ma̤jòhǐ nutôpwa̤ aphû̌ pwǎyahî̌? Amǒ̤ mî̌ ami̤ kû̌ Mǒ̤ma̤rǐ yahî̌? Apṳ̌ mî̌ Khûya̤kû, Khûyṳ̂tǎ, Khûshǐmṳ̂ kû̌ Khûyǔda nutokhlǒ pwǎ yahî̌?

Mǎ̤riko 3:18

Khûîdru, Khûphǐlǐpǔ, Khûbatòlòmè̌, Khûmatè̌, Khûtû̌mǎ, PhaAlaphè̌ aphû̌khû Khûya̤kû, Khûtadè̌, Khûshǐmṳ̂ dǒ a mô̤ǐtûû̌ ashiagǎ nu tôpwa̤,

Mǎ̤riko 6:3

A mî̌ pwa̤ma̤jòhǐ nutôpwa̤ yahî̌? Dě a mî̌ Mǒ̤ma̤rǐ aphû̌pwa̤khû yahî̌? Apṳ̌ tokhlǒ numî̌ Khûya̤kû, Khûyûse, Khûyǔda, kû̌ Khûshǐmṳ̂ nutokhlǒ mî̌ amè̤̌yahî̌? Dě a pṳ̌pwa̤mǒ̤ tokhlǒ numî̌ a ô̌ pwǎ bǎ dokû pwǎ amè̤̌bǎtô̤̌ya?” Asî hî̌ lô̌khô pô̤̌nudě, asî sǎkhě Yeshǔ dě gòyòmò̤̌mô̤ lû̌ tô̤̌.

Lǔka 6:16

Phayakû aphû̌khû Khûyǔda, kû̌ Khûyǔda Isakariyû dǒ a htûhtò̌ pwa̤shaǎlò̤kè Yeshǔ nutôpwa̤.

Jowǎ̤ni̤ 12:26

Mòpèpè̌꤮ bǎbǎ dǒ a ma̤ he ta̤ma̤nu, a bǎgû̌ kû̌ hekò. Kè̌hî̌dě, he ô̌bǎtè tûkû bǎbǎ, a gǔ ô̌cu bǎnu pě. Hepha gǔ bè̌dû̌bè̌htò̌yô̤̌ kòyò dǒ a ma̤ he ta̤ma̤ nutôpwa̤ pě.

Jowǎ̤ni̤ 14:22

Hǒtaplǎdě Khûyǔda (Khûyǔda Isakariyû mè̤̌tô̤̌) hî̌ kû̌, “Běcǎ, na sǎyṳ dǔlè̌lṳ̌ bǎ pa kû̌ nanǎ̤ bǎbǎkǎlè ma̤titèdě na dǔlè̌lṳ̌ padô̌ kòyò hǎkhû̌phû̌ tokhlǒ tô̤̌ ma̤titè?”

Jowǎ̤ni̤ 15:16

Sî rû̌htò̌ he mè̤̌tô̤̌. He rû̌htò̌ sî dě he bè̌htò̌ sî pô̤̌khô sî gǔ hǎhtò̌cû̌ lô̌khô dě cû̌ sǎhtò̌phôhtò̌ dû̌wî̤ lô̌khô. He bè̌htò̌ sî kû̌ sî gǔ sǎicuměgle lô̌khô tǒ̤dǒ agutṳ̌. Sî kè̌ ma̤pô̤̌nu mî̌ sî kwi caba titètè̌꤮ bǎbǎ, sî kè̌ kwi kû̌ hemi̤ hî̌nu, pha gǔ ǐ sî pě.

Jowǎ̤ni̤ 17:15

He kwicaba kû̌ phî̌htò̌ tephekè asî kû̌ hǎkhû̌ pô̤̌nu mè̤̌tô̤̌. Mè̤̌takhônu he kwicaba kû̌ na gǔ tôgô̌bǐ asî kû̌ kòyòkhu kòyòhe dǒ kòyò kaǎ lû̌û kû̌ Setò̤ nutôdo.

Jowǎ̤ni̤ 17:17

Ma̤mṳ̂̌ma̤plî khô̌tû̌ asî kû̌ nalě̤nayô̤̌ dǒ a cǒtè̤nu nî̌꤮.

Jowǎ̤ni̤ 17:19

Pô̤̌khô asî gǔ bè̌mṳ̂̌plî lô̌khô kû̌ nalě̤nayô̤̌ a ta̤tě̤ta̤mè̤̌nu dě, he ǐlò̤ bò mǔtegle hto he ta̤htûpwa̤ dǒ asî agûlǎ̤ hǒ.”

Jowǎ̤ni̤ 6:39

Ta̤ dǒ atô pwǎ dǒ a nohè he tôpwa̤ asǎphlǒ mî̌ ma̤titè numî̌, kòyò lǒ̤bò dǒ a ǐ he nutokhlǒ he bǎplû hǎmǎkè asî tô̤̌. Htû̌ lṳmṳ̌ni̤ gutṳ̌kò tôni̤ pěnu, he bǎma̤ ihtǒhtûpwa̤ getîkhî asî pě.

Pwa̤nophû̌ 1:13

Asî getǒ̤ dǒ Wî̤̌yarǔshôle akû dě a cû̌htò̌nṳ̌ dǒ hǐ dǒ asî lǎ̤cû̌ô̌kǔ kûmṳ̂̌ tòshò̌phû̌ nutômè akhû̌nu tôtô̤̌. Dě asî tokhlǒ numî̌ kwè̌꤮ mò̌pè hî̌dě Khûpetarǔ, Khûyṳ̂ha, Khûya̤kû, Khûîdru, Khûphǐlǐpǔ, Khûtû̌mǎ, Khûbatòlòmè̌, Khûmatè̌, PhaAlaphè̌ aphû̌khû Khûya̤kû, Khûshǐmṳ̂ dǒ a mô̤ǐ ashiagǎ nutôpwa̤ kû̌ Phaya̤kû aphû̌khû Khûyǔda sîtokhlǒ pwǎ.

Pwa̤nophû̌ 20:32

“Khònò̤̌nu, he ǐlò̤hto sî dǒ Cǒmara a ta̤kè̌ǐ akû kû̌ abwǐsîrî a ta̤sǎlě̤we̤kè akûnu hǒ. A ta̤sǎlě̤we̤kè nî̌ sǔ sǔ ama̤dû̌htò̌ jò sî dě a gǔ ǐ sî û̌tě̤û̌ca dǒ a bè̌dû̌ nǎ bǎ kû̌ a kòyò plò̌shǐ lǒ̤bò nutokhlǒ aya nupě.

Pwa̤nophû̌ 27:23

Ma̤titèmî̌, khò̌tôsa, Cǒmara dǒ he htû ata dě he ma̤ ata̤ma̤ nutôpwa̤ a mǒkhû̌ tanaphû̌ hè ihtǒô̌ dǒ he kòshǐ,

Rṳ̂̌me̤ 1:1

He mî̌ Khûpò̌lǔ. He wě̤cû̌bǎ sî lî̤ hǒtôbǎ. He mî̌ Yeshǔ Khrǐ a jû̌ tôpwa̤. A kaǎ he kû̌ he gǔ htûhtò̌ pwa̤nophû̌ tôpwa̤, htodě a rû̌htò̌ he kû̌ he gǔ shôbǐǐlṳ̌ bǎ kòyò kû̌ Cǒmara a ta̤sǎlě̤we̤kè.

Rṳ̂̌me̤ 1:6

Cǒmara kaǎ kòyò dǒ kòyò gǔ htûhtò̌ Yeshǔ Khrǐ a kòyò tokhlǒ aklanu, sî mî̌ sî ô̌nṳ̌ padô̌ bǎnu hǒ.

Rṳ̂̌me̤ 16:18

Ma̤titèhî̌dě kòyò pô̤̌nu tokhlǒ mî̌ a ma̤ Běcǎ Khrǐ ata̤ma̤ mè̤̌tô̤̌. Mè̤mè̤̌tôkhômî̌, a lṳ̂ma̤mô̤ ma̤sǎphlǒmô̤ ǐtûû̌ lô̌khô anǎ̤glǒ a ta̤sǎyṳsǎbǎ tokhlǒ pwǎ. A hî̌bǎmô̤ hî̌bǎjò kòyò, htû̌sò̌htò̌ kòyò dě asî lô̌ǐplò̤ǐ kòyò dǒ a jûlě̤phî̌yô̤̌yû ta̤nutokhlǒ pě.

Rṳ̂̌me̤ 6:22

Bǎbǎkǎlè khònò̤̌ Cǒmara bôphlǔ plûhǎhtò̌cû̌kè sî dǒ ta̤sǔta̤plě ajû̌ hǒ. Dě sî htû Cǒmara a jû̌ sa tokhlǒ hǒ. Dǒ sî htû pô̤̌o akhû̌akhî, a nǐ̤bwǐnǐ̤sîrî dǒ sîya mî̌ a sûcû̌ sî dǒ ta̤ô̌htûpwa̤ aplò̌shǐ a klè̌dakûnu hǒ. Dě pa ô̌htûpwa̤ dǒ aplò̌shǐ akhû̌akhî, a nǐ̤bwǐ bǎ sîya mî̌ sî nǐ̤bǎ yôla htûpwa̤ tûjû̌pwa̤nu hǒ.

Rṳ̂̌me̤ 8:30

Htokhôtô̤̌, kòyò dǒ Cǒmara bè̌lò̤nǎ hto asǎphlǒ kû̌ asî dǒwǐkha tokhlǒnu, a kaǎ asî dǒ a gǔ htûhtò̌kè a kòyò hǒ. Htodě kòyò dǒ a kaǎ tokhlǒnu, a bè̌cǒbè̌tè̤ hto asî hǒ. Htokhôtô̤̌ kòyò dǒ a bè̌cǒbè̌tè̤ hto tokhlǒnu, a ǐhto asî kû̌ a ta̤bwǐdû̌sîrîhtû tokhlǒ hǒ.

Rṳ̂̌me̤ 9:24

Pa mî̌ kòyò dǒ Cǒmara kaǎ pa tokhlǒ hǒ. A kaǎ tǒ̤ Yǔdaphû̌ tokhlǒ aklanu mè̤̌tô̤̌, dǒ Yǔdaphû̌ mè̤̌tô̤̌ tokhlǒ aklanumî̌, a kaǎǐ pwǎ.

Kôritu awǐlǒ tôbǎ 1:2

Pa wě̤cû̌ bǎ lî̤nu dǒ Cǒmara ta̤dòkû ô̌ dǒ Wî̤̌kôritu akû tokhlǒ a ô̌, kû̌ lǒ̤꤮ bò kòyò dǒ a cabahtò̌ Běcǎ Yeshǔ Khrǐ dě a ô̌ lô̌khô dǒ gûlǎ̤ pṳ̂̌ tôkû nutokhlǒ a ô̌. Yeshǔ nî̌ pa Běcǎ mî̌ amè̤̌, asî Běcǎ mî̌ amè̤̌. Dǒ Yeshǔ Khrǐ akhû̌akhî, Cǒmara ma̤plò̌shǐ sî dě a kaǎ sî dǒ sî gǔ ô̌htûpwa̤ plò̌shǐ dû̌htò̌ pô̤̌ aya hǒ.

Kôritu awǐlǒ tôbǎ 6:11

Dǒ sîkla tokhlǒkhlǒnu, dǒ awǐkha mî̌ a htû hto kòyòkhu kòyòhe sô̌sô̌kû̌ hǒonu hǒ bǎbǎkǎlè Cǒmara cǔbò hto sî ta̤sǔ hǒ. Dě khònò̤̌ sî htû Cǒmara ata hǒ. Dǒ Běcǎ Yeshǔ Khrǐ kû̌ Cǒmara a Yôla Plò̌shǐ akhû̌akhîdě khònò̤̌, Cǒmara bè̌hto sî pô̤̌ kòyòcǒkòyòtè̤ tokhlǒnu hǒ.

Ěphěsu 5:26

Pô̤̌khô a ma̤plò̌shǐ a ta̤dòkû tokhlǒnu, a sikè bǎ asîya, dě a shǔbòkè asî kû̌ shi kû̌mî̌ alě̤ayô̤̌ nuhǒ.

Tîsalònǐ awǐlǒ tôbǎ 2:12

Ma̤titèhî̌dě pô̤̌khô sî gǔ ô̌htûpwa̤ tôbǎ pô̤̌ Cǒmara asǎphlǒnu dě pa ǐkhû̌ǐǎ sî, pa hî̌bǎmô̤ hî̌bǎwô̌ sî, pa tûsû shò̌gû̌ sîkò pṳ̂̌꤮ tôpwa̤. Cǒmara mî̌ pwa̤ dǒ a kaǎnṳ̌ sî dǒ ashiagǎkû kû̌ a ta̤bwǐdû̌sîrîhtû akû tôpwa̤hǒ.

Tîsalònǐ awǐlǒ tôbǎ 5:23

Cǒmara dǒ a ǐ pa ta̤gûjû̌kabǎ nutôpwa̤ anǎ̤běcǎ gǔ ma̤plò̌shǐ lǒbehtò̌ pû sî nî̌꤮. Htokhôtô̤̌ dǒ pa Běcǎ Yeshǔ Khrǐ gǔ hè sô̌ pěnu, pô̤̌khô kòyò gǔ bè̌jòpe sî ta̤sǔ tô̤̌ nudě, Cǒmara gǔ kè̌pǒ̤ǐ bò pô̤̌ sî nǎ̤glǒ kû̌ sîsǎphlǒ kû̌ sî ta̤ô̌htûpwa̤ pě nî̌꤮.

Tîmôte ginǐ̤bǎ tôbǎ 1:9

Pô̤̌khô pa glè̌ htûhtò̌ Cǒmara a pwa̤plò̌shǐphû̌ tokhlǒ ayanudě, a ma̤hǎplǎge pa hǒ, dě a kaǎ pa hǒ, dǒ pa ma̤hto ta̤phǐta̤ma̤ nutokhlǒ akhû̌akhîdě, a kaǎ pa mè̤̌bǎtô̤̌. Hǒomî̌ a ta̤yè̤lò̤nǎ kû̌ abwǐasîrî pwǎ. Bǎ a bô̌lò̤ hǎkhû̌ nò̌khôtô̤̌nu, a ǐlò̤ pa ta̤bwǐta̤sîrînu dǒ Yeshǔ Khrǐ akû nuhǒ.

Tîmôte ginǐ̤bǎ tôbǎ 4:18

Běcǎ gǔ ma̤hǎplǎ he kû̌ ta̤phû̌mò̤̌shǐhtô lǒ̤bò tokhlǒ pě, htokhôtô̤̌ a gǔ phî̌ge he pě dě a tugǔtaka ǐ he dǒ mǒkhû̌ a shilǎ̤gǎkû pě. Ta̤sîrîdû̌sîrîhtû lò̤bǎ pû Běcǎ tûjû̌pwa̤ talakhǎ nî̌. Ame̤.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Jǎgomo̤ 1:1

He mî̌ Khûya̤kû, he htû Cǒmara kû̌ Běcǎ Yeshǔ Khrǐ ajû̌ tôpwa̤. He hî̌mô̤hî̌bǎwô̌ cû̌ bǎ Cǒmara a kòyò khlilè shǐginǐ̤mṳ̌ dǒ a cû̌pò̌ peshe lô̌khô dǒ ta̤lǎ̤ pṳ̂̌꤮ tûkû tokhlǒ a ô̌.

Petru awǐlǒ tabǎ 1:2

Pha Cǒmara rû̌htò̌ sî pô̤̌ a ta̤yè̤lò̤nǎnu dě Yôla Plò̌shǐ Běcǎ ma̤plò̌shǐhtò̌ sî, pô̤̌khô sî gǔ ganǎ̤de Yeshǔ Khrǐ ayô̤̌ dě dǒ asǐ akhû̌akhî, a gǔ ma̤mṳ̂̌plî bǎ sî. Cǒmara ta̤bwǐta̤sîrî kû̌ sǎphlǒ ta̤gûjû̌kabǎ gǔ ô̌lǒô̌be pû kû̌ sî nî̌꤮.

Petru awǐlǒ tabǎ 1:5

Dǒ sî yṳ̌ǎ Khrǐ akhû̌akhî, bǎ sî nǐ̤bǎ ta̤ma̤hǎplǎge kǎtô̤̌ Cǒmara ô̌pǒ̤ǐ bǎ sî kû̌ ata̤pô̤ta̤phǎ. Cǒmara tîwî̌tòwò nǎhto anǎ̤ kû̌ htû̌꤮ shěkhǎ gutṳ̌ pěnu, a dǔlè̌lṳ̌ ta̤ma̤hǎplǎge nupě.

Petru awǐlǒ tabǎ 2:9

Bǎbǎkǎlè sî mî̌ khlilèphû̌ tôcǒ dǒ Cǒmara rû̌htò̌ yǎ, pwa̤shû̌gǎ dǒ asô̌sô̌kû̌ khwǐ tokhlǒ, kòyò khlilèphû̌ dǒ aplò̌shǐ, kǎtô̤̌ Cǒmara a kòyò tokhlǒ hǒ. Pô̤̌khô sî gǔ shôbǐǐlṳ̌ Cǒmara a ta̤ma̤wô̌ khô̌tû̌ tokhlǒ ayanu, Cǒmara rû̌htò̌ sî hǒ. Cǒmara kaǎhtò̌ge sî dǒ ta̤khǐsiwi̤ alǎ̤ dě a sûnṳ̌ sî dǒ a ta̤lîta̤kakha mô̤ akû hǒ.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ dě a kaǎ sî dǒ a ǐ sî kû̌ a ta̤sîrîdû̌sîrîhtû tûjû̌pwa̤ dǒ Yeshǔ Khrǐ akûnu pě. Bǎ sî khòbǎ ta̤jî̌ta̤jû̌ tòshò̌phû̌nu gǔ tûlû̌ htopěnu, Cǒmara anǎ̤běcǎ tû̌ a gǔ ma̤měma̤gle tònò gesô̌ sî pě, htodě a ǐshoǐshû̌htò̌ sîkhû̌sîǎ pě.

Petru ginǐ̤bǎ tabǎ 1:1

Pa Cǒmara kû̌ pwa̤ma̤hǎplǎge pa Běcǎ Yeshǔ Khrǐ hǒtôpwa̤ a ta̤tě̤ta̤mè̤̌ akhû̌akhî, sî mî̌ kòyò tokhlǒ dǒ a nṳ̌bǎtû̌ ta̤yṳ̌ta̤nǎ̤ dǒ asô̌sô̌kû̌ pa hǒtokhlǒ hǒ. Dě he wě̤cû̌bǎ sî lî̤nu. He mî̌ Khûshǐmû Petarǔ, dě he htûtû̌ Yeshǔ Khrǐ jû̌ kû̌ a pwa̤nophû̌ tôpwa̤.

Yṳ̌da 1:21

Bǎ sî ô̌pǒ̤kè̌shuǐ Běcǎ Yeshǔ Khrǐ a ta̤gwèbǎǐ dǒ a gǔ ǐ pa yôla htûpwa̤ tûjû̌pwa̤ hǒtôpwa̤ hè akhapěnu, ô̌htûpwa̤ sělě lô̌khô dǒ Cǒmara ata̤mô̤ akû nî̌.

Yṳ̌da 1:3

He sû̌khômô̤ sî, ta̤ma̤hǎplǎge dǒ pa lǒ̤bò nǐ̤bǎ wô̤̌wô̤̌ lû̌û awe̤akènu, he sǎyṳ wě̤cû̌ bǎ jî̌ sî bǎbǎkǎlè khònò̤̌ he kè̌shǐ kû̌ he bǎ wě̤cû̌khô̌ tèplè̌ bǎ sî dǒ ashǔshawa̤ tôcǒ. Dě he sǎyṳ ǐkhû̌ǐǎ sî kû̌ ta̤sǎlě̤we̤kè dǒ Cǒmara ǐlò̤ htophlǔ bò tôplǎ nô̤̌ kû̌ kòyò lǒ̤bò dǒ a yṳ̌ǎ tokhlǒnu, sî jî̌pwǐ̤ ô̌ tònòshû̌sho wô̤̌wô̤̌ pû a nî̌꤮.