Phǐlǐpǐ 4:9 - Kawyaw New Testament

⁹ Lǒ̤bò sî sû̌ǐphî̌nṳ̌ hto dě sî kè̌shǐ ganǎ̤de hto he ta̤hî̌bǎ tokhlǒ kû̌ he ta̤phǐta̤ma̤ dǒ he ô̌ tokhlǒnu, ô̌htûpwa̤ gû̌ma̤ lô̌khô pô̤̌nu dě ta̤gûjû̌kabǎ a Cǒmara ô̌ pû kû̌ sî nî̌꤮.

Kawyaw RC

⁹ Sî sû̌ǐphî̌nṳhtobò dě sî kè̌shǐ gana̤dehto he ta̤hî̌bǎhî̌sho toǒ ta he ta̤phî̌ta̤ma̤ dě he ǒ toǒnu, ǒhtûpwa̤ gûma̤kû̌ lǒkho hǐnu dě ta̤gûjûkabǎ a Cǒmara ǒkû̌ tû̌ta sî pě.

Phǐlǐpǐ 4:9 Iomraidhean Croise

Matěo 1:23

“Pwa̤mǒ̤phû̌sǎ tôpwa̤ bǎ mǒ̤dohtò̌ dě a phû̌ô̌lò̤ a phû̌pwa̤khû pě, dě kòyò kaǎ ami̤ kû̌ Emanuěla pě,” Emanuěla yô̤̌mûyô̤̌sǎ mî̌, “Cǒmara ô̌cu kû̌ pa.”

Matěo 28:20

Htodě sû̌ǐtòwòǐ lô̌khô asî kû̌ a gǔ jûlě̤phî̌yô̤̌ gû̌ma̤ bò pô̤̌ he mǎnǎ sî ayô̤̌ nutokhlǒ nî̌꤮. He gǔ ô̌plǒ kû̌ sî pṳ̂̌꤮ plǎ pě, tǒ̤ dǒ hǎkhû̌ gutṳ̌kè pě bǎbǎ he gǔ ô̌cu kû̌ sî pě.”

Matěo 7:21

“Lǒ̤꤮ bò kòyò dǒ a kaǎ he kû̌, ‘Běcǎ꤮ Becǎ’ nu, a nṳ̌ bò̌ nô̌ dǒ mǒkhû̌ shilǎ̤gǎkû pṳ̂̌tôpwa̤ tô̤̌. A nṳ̌nǐ̤ pwǎtǒ̤ kòyò dǒ a ma̤tôma̤bǎ hepha asǎphlǒ dǒ mǒkhû̌ nutôpwa̤ tokhlǒ nô̤̌pwǎ.

Lǔka 6:46

“Sî ganǎ̤de he yô̤̌ tômû̌꤮ tô̤̌ dě sî cû̌ kaǎ he kû̌ ‘Běcǎ꤮ Becǎ,’ pô̤̌numî̌ ma̤titè?

Lǔka 8:21

Yeshǔ hî̌shěshu asî kû̌, “Lǒ̤꤮ bò kòyò dǒ a ganǎ̤de Cǒmara alě̤ayô̤̌ dě a yṳ̌genǎ̤ge tokhlǒ numî̌ hemǒ̤ kû̌ hepṳ̌hewè̤̌ lǒ̤꤮ bò hǒ.”

Jowǎ̤ni̤ 13:17

Khònò̤̌dě sî sî̌ganǎ̤ lô̌khô ta̤nutokhlǒ hǒ. Sî kè̌ ô̌htûpwa̤ gû̌ma̤ ta̤nu tokhlǒ hî̌nu, sî gǔ nǐ̤bǎ ta̤ǐshowî̤.

Jowǎ̤ni̤ 15:14

Sî kè̌ ma̤ pô̤̌ he mǎnǎ sî ta̤hî̌bǎ numî̌, sî htûhto he khô hǒ.

Jowǎ̤ni̤ 2:5

Yeshǔ amǒ̤ shôbǐǐ pwa̤ma̤ta̤phû̌ tokhlǒ kû̌, “Kè̌ a no sî tôcǒcǒ hî̌dě ma̤ bǎ a nî̌꤮.”

Pwa̤nophû̌ 9:6

Bǎbǎkǎlè ihtǒmò̌ dě cû̌nṳ̌ dǒ wî̤̌kûnu. Na tô ma̤kwè̌ hî̌tènu, kòyò gǔ shôbǐǐ tûû̌ na pě.”

Rṳ̂̌me̤ 15:33

Cǒmara a ta̤gûjû̌kabǎ ô̌cu pû kû̌ sî lǒ̤bò nî̌. Ame̤.

Rṳ̂̌me̤ 16:20

Yî̤khôtô̤̌ pěmî̌ ta̤pè̤̌ta̤dû a Cǒmaranu gǔ noyî̤̌khabô̌ mǔkè hǎkhû̌tana hǒtôdo dǒ sî khǎlǎlǎ̤ pě. Běcǎ Yeshǔ Khrǐ abwǐsîrî ô̌cu pû kû̌ asî nî̌꤮.

Kôritu awǐlǒ tôbǎ 10:31

Pô̤̌nudě, he gǔ shôbǐǐphlô bǎ asî kû̌, sî ma̤ titètè̌꤮ bǎbǎ, sîǎsîô titètè̌꤮ bǎbǎ, ma̤ dǒ kòyò gǔ htû̌sò̌htò̌ lô̌khô Cǒmara ayanu.

Kôritu awǐlǒ tôbǎ 14:33

Ma̤titè̤̌hî̌dě, bǎ sî hè cubucaba wô̤̌wô̤̌ lû̌ akhanu, sî hî̌pô̤ pwe̤nǎ̤sǎgô̌ dû̌wî̤ bò lû̌û tôplǎnô̤̌ pô̤̌nu dě Cǒmara sǎphlǒ ô̌ tô̤̌. Cǒmara sǎyṳ dǒ sî gǔ hî̌ sî gǔ ma̤ lô̌khô kû̌ aklè̌aklò tôpwa̤ hto tôpwa̤ pô̤̌nu pwǎ.

Kôritu awǐlǒ tôbǎ 4:16

Pô̤̌nudě he kwisǎyṳ sî kû̌ sî gû̌ kè̌lû̌ he ta̤ô̌htûpwa̤nu.

Kôritu ginǐ̤bǎ tôbǎ 13:11

Khôbǒsû̌ sî, he sǎyṳ hî̌ sî dǒ nô̌kògutṳ̌ kû̌, sǎlě̤ lô̌khô nî̌. Ma̤wô̌ getîkhî lô̌khô sî ta̤ô̌htûpwa̤ nî̌꤮. Ganǎ̤de lô̌khô he ta̤kwisǎyṳ sî tokhlǒ nî̌. Ô̌plǒô̌cu, ô̌pè̤̌ô̌dû pû lû̌û nî̌꤮. Sî kè̌ ma̤pô̤̌nu hî̌dě Cǒmara dǒ a mî̌ ta̤mô̤ǐ kû̌ ta̤pè̤̌ta̤dû a kòshî̌ tôpwa̤ gǔ ô̌ kû̌ sî pě.

Phǐlǐpǐ 3:17

He pṳ̌wè̤̌ sî, kè̌lû̌mò̌mṳ lô̌khô he, gû̌ kè̌lû̌mò̌bu kòyò dǒ a gû̌ ô̌htûpwa̤ pô̤̌ pa ô̌htûpwa̤ lṳ̌bǎ sînu tokhlǒnu.

Phǐlǐpǐ 4:7

Cǒmara gǔ ǐ sî ata̤gûjû̌gûbǎ dǒ kòyò hǎkhû̌phû̌ gènè̤ htûtô̤̌ nupě. Dǒ sî htûhtò̌ ta̤tôcǒ꤮ nô̤̌ kû̌ Yeshǔ Khrǐ hǒ akhû̌akhî, Cǒmara a ta̤gûjû̌kabǎ ô̌pǒ̤mě sî sǎphlǒsǔshi kû̌ sî ta̤gènè̤ tokhlǒ pě.

Tîsalònǐ awǐlǒ tôbǎ 1:6

Sî kè̌lû̌ pa kû̌ Běcǎ dě kòyò ma̤jî̌ma̤jû̌ jî̌ sî, bǎbǎkǎlè sî sǎlě̤sǎlò̤ phî̌shěshu ta̤sǎlě̤we̤kè. Bǎ sî phî̌shěshu ta̤sǎlě̤we̤kè akhanu, Yôla Plò̌shǐ Běcǎ ma̤ sǎlě̤sǎlò̤ bǎ sî hǒ.

Tîsalònǐ awǐlǒ tôbǎ 2:14

Pṳ̌wè̤̌sî, ta̤cû̌htûjò tǒ̤ anǎ̤ kû̌ sî pô̤̌o tokhlǒ ma̤titènumî̌ a sô̌sô̌kû̌ ta̤ma̤htûhtò̌ hto anǎ̤ dǒ Cǒmara a ta̤dòkû dǒ a ô̌ dǒ Yǔdagǎkû nutokhlǒ hǒ. Asî htû Yeshǔ Khrǐ a kòyò tokhlǒ akhû̌akhî, dě a htûhtò̌ pwǎ. Sî khlilèphû̌ ma̤jî̌ma̤jû̌ ǐ kè̌khîsô̌mò̌ sînu a sô̌sô̌ kû̌ Yǔdaphû̌ tokhlǒ ma̤jî̌ma̤jû̌ ǐ sô̌ ta̤dòkûphû̌ dǒ a ô̌ bǎ Yǔdagǎkû nutokhlǒ hǒ.

Tîsalònǐ awǐlǒ tôbǎ 5:23

Cǒmara dǒ a ǐ pa ta̤gûjû̌kabǎ nutôpwa̤ anǎ̤běcǎ gǔ ma̤plò̌shǐ lǒbehtò̌ pû sî nî̌꤮. Htokhôtô̤̌ dǒ pa Běcǎ Yeshǔ Khrǐ gǔ hè sô̌ pěnu, pô̤̌khô kòyò gǔ bè̌jòpe sî ta̤sǔ tô̤̌ nudě, Cǒmara gǔ kè̌pǒ̤ǐ bò pô̤̌ sî nǎ̤glǒ kû̌ sîsǎphlǒ kû̌ sî ta̤ô̌htûpwa̤ pě nî̌꤮.

Tîsalònǐ ginǐ̤bǎ tôbǎ 3:4

Dǒ pa yṳ̌ǎnṳ̌ Běcǎ akhû̌akhîdě, pa sî̌ganǎ̤ kû̌ sî bǎ꤮ gû̌ma̤ sělě gutṳ̌ pô̤̌khô pa mǎnǎ sî nuhǒ.

Tîmôte ginǐ̤bǎ tôbǎ 4:22

Běcǎ ô̌kû̌ pû na nî̌꤮. Ta̤bwǐta̤sîrî ô̌kû̌ pû sî lǒ̤bò nî̌꤮.

Jǎgomo̤ 1:22

Sî ganǎ̤de pwǎtǒ̤ Cǒmara alě̤ayô̤̌ dě sî kè̌ jûǎ gû̌ma̤ pô̤̌ a hî̌nutô̤̌ mî̌ sî lô̌lò̤ tû̌ sînǎ̤ hǒ. Sî tô ganǎ̤de gû̌ma̤ pô̤̌ Cǒmara alě̤ayô̤̌ hî̌nu.

Petru ginǐ̤bǎ tabǎ 1:10

Pô̤̌nudě pṳ̌wè̤̌ sî꤮, pô̤̌khô Cǒmara ata̤kaǎ sînu kû̌ a ta̤rû̌htò̌ sînu gǔ htûhtò̌ hènè mè̤̌mî̌ca ayanu, jî̌pwǐ̤jî̌li̤ dû̌wî̤pô̤̌ lô̌khô dǒ alô̤mô̤̌ tôkhô nî̌꤮. Sî kè̌ ma̤pô̤̌nu hî̌dě sî htò̌tukhu lò̤khǔpo̤ pe tôkhò̌꤮ tô̤̌ hǒ.

Yṳ̂ha awǐlǒ tôbǎ 3:22

Htokhôtô̤̌ pa lě̤ jûǎ ta̤mǎlò̤ dě pa lě̤ ma̤tô lû̌sǎphlǒ akhû̌akhî, pa kwi ta̤ titètè̌꤮ bǎbǎnu, pa nǐ̤bǎ ta̤ dǒ a ô̌ nutokhlǒ pě.