Phǐlǐpǐ 4:8 - Kawyaw New Testament

⁸ Pṳ̌wè̤̌sî, ganǎ̤de lô̌khô he ta̤hî̌bǎ dǒ nô̌kò gutṳ̌lǒ tokhlǒ nî̌꤮. Dǒ sî sǎphlǒkûnu sî tô gènè̤ kwè̌꤮ pô̤̌hî̌tèhî̌dě, sî tô gènè̤ pwǎ ta̤dǒ acǒatè̤ tokhlǒ, ta̤dǒ kòyò bè̌dubè̌nǎ̤ a tokhlǒ, ta̤dǒ atôabǎ tokhlǒ, ta̤dǒ a ma̤mṳ̂̌plî tokhlǒ, ta̤dǒ kòyò sǎyṳgwèbǎǐ tokhlǒ, bè̌sû̌bè̌sǎ dǒ awî̤awô̌ tokhlǒ, ta̤dǒ awô̌ tokhlǒ, ta̤dǒ kòyò tô htû̌sò̌htò̌ tokhlǒ nupwǎ nî̌꤮.

Kawyaw RC

⁸ Pṳwè̤sî, gana̤de lǒkho he ta̤hî̌bǎ gutṳ̌lò̤ htǒotoǒ nî̌꤮. Dě sî sò̌phlǒkûnu sî to gènè̤ kwè̌꤮ hî̌tèhî̌dě, sî to gènè̤ pwǎpǒ̤ ta̤htě atoamè̤ toǒ, ta̤htě kò bè̌dubè̌na̤ yǎ toǒ, ta̤htě atoabǎ toǒ, ta̤htě a mṳ̂plî toǒ, ta̤htě kò sò̌yṳmo̤ǐ toǒ, ta̤bè̌sû̌bè̌sǎ htě awî̤awǒ toǒ, ta̤htě awǒ na̤cè̌ toǒ, ta̤htě kò to htû̌sò̌ǐ toǒnu pwǎ nî̌꤮.

Phǐlǐpǐ 4:8 Iomraidhean Croise

Mǒhtûlû̌hǎhtûsa 18:19

Pô̤̌khô a gǔ hî̌bǎlò̤ǐ aphû̌ali̤, akhlialè dǒ nô̌kò tokhlǒ ayadě he rû̌htò̌ hto lû̌û dě dǒ asî ma̤ ta̤ dǒ atôabǎ kû̌ acǒatè̤ akhû̌akhî, asî gǔ jûǎ kû̌ ma̤ lô̌khô Cǒmara tûjû̌pwa̤ ayô̤̌ pě. Asî kè̌ ma̤pô̤̌nu hî̌dě pô̤̌ he olò̤wǎ̤lò̤ htohǒnu, he ma̤lǒma̤be bò bǎ a pě.”

Htû̌sò̌htò̌ 82:2

A tṳ̂mṳ̂̌ta̤ma̤ asî kû̌, “Sî glè̌ onǐ̤ yî̤ pô̤̌ kòyò sǎphlǒ phû̌mò̌shǐhtô nutokhlǒ tǒ̤꤮ bǎkhòtè pěya? “Sî glè̌ kè̌dû̌ yî̤ pô̤̌ asî tǒ̤꤮ bǎkhòtè pěya?

Matěo 22:16

Asî nocû̌ a khôphijǎ tokhlǒ kû̌ Khwǐherû aplǒacuphû̌ tokhlǒ dǒ Běcǎ a ô̌ dě asî cû̌hî̌ Běcǎ kû̌, “Saradû̌, pa sî̌ganǎ̤ kû̌ na mî̌ kòyòcǒ tôpwa̤. Na sû̌ǐ kòyò pô̤̌ Cǒmara sǎyṳ nohtûpwa̤ kòyò nutokhlǒ. Na kè̌ sû̌ǐtòwòǐ kòyò numî̌ na sû̌ǐ bǎpwǎ kòyò ta̤tě̤ta̤mè̤̌ pwǎ. Kòyòhǎkhû̌phû̌ tokhlǒ gènè̤ na hî̌tè bǎbǎ, na ǐsha kòyò tocǒ꤮ tô̤̌. Na kè̌dû̌ kè̌pî̌tî̌ kòyò tô̤̌tô̤̌.

Mǎ̤riko 6:20

Ma̤titèhî̌dě Khwǐherû nî̌ a kè̌dû̌ ǐtûû̌ Khûyṳ̂ha, ma̤titè̌hî̌dě a sî̌ya kû̌ a mî̌ kòyò dǒ acǒatè̤ plò̌shǐ tôpwa̤ akhû̌akhî, a tagabǐ ǐ lû̌û. Bǎ khwǐ ganǎ̤de Khûyṳ̂ha hî̌bǎ akhanu, a bǎyô̤ bǎbǎ a sǎyṳ ganǎ̤de lû̌ ata̤hî̌bǎ pwǎ.

Lǔka 16:15

Yeshǔ hî̌ asî kû̌, “Sî mî̌ kòyò dǒ a jî̌cǒjî̌tè̤ pwǎ anǎ̤ dǒ kòyò a lô̤mô̤̌ nutokhlǒ pwǎ, bǎbǎkǎlè Cǒmara sî̌ya bò hto sî sǎphlǒkû hǒ. Ma̤titè̌hî̌dě, ta̤ dǒ kòyò gènè̤ kû̌ alě̤dû̌pwî̤htû gutṳ̌ tokhlǒnu, dǒ Cǒmara alô̤mô̤̌ numî̌ ta̤phǔmò̤̌shǐhtô pwǎ dě kòyò ma̤yǒ̤sǐpi̤wô̤̌ a nutokhlǒ pwǎ.

Lǔka 2:25

Bǎnuakha, dǒ Wî̤̌yarǔshôle akûnu kòyò ô̌ tôpwa̤, ami̤ kû̌ Phasumiû. A mî̌ pwa̤ bè̌dubè̌nǎ̤ Cǒmara tôpwa̤, kǎtô̤̌ Yôla Plò̌shǐ Běcǎ ô̌cu kû̌ a. A mî̌ kòyò dǒ a ô̌pǒ̤kè̌shǔǐ Cǒmara gǔ ma̤hǎplǎge Isôrělaphû̌ dǒ ta̤jî̌ta̤jû̌ akû tôpwa̤.

Lǔka 23:50

Kòyò dǒ ami̤ kû̌ Khûyṳ̂tǎ ô̌ tôpwa̤. A ô̌ dǒ wî̤̌ Arǐmatè̌, Yǔda gǎkû. A mî̌ kòyòwô̌, kòyòcǒtè̤ dǒ a ô̌pǒ̤kè̌ǐ Cǒmara ashiagǎ glè̌ hè pě tôpwa̤. A mî̌ a ô̌pa dô̌ gû̌ dǒ kòyò ikǒlǒkò aprṳ̂aphǎ tôpwa̤ bǎbǎkǎlè bǎ kòyò olò̤ bò kû̌ kòyò glè̌ cî̌htò̌ Yeshǔ akhanu, a olò̤ padô̌ kû̌ kòyò tô̤̌.

Jowǎ̤ni̤ 7:18

Kòyò dǒ a hî̌bǎ tû̌ kû̌ a ta̤siwi̤sòwò̤ tôpwa̤pwa̤nu, a sǎyṳ nohtû̌sò̌htò̌ kòyò kû̌ anǎ̤ pwǎ. Bǎbǎkǎlè kòyò dǒ a sǎyṳ nohtû̌sò̌ǐ anǎ̤ kòyò nukû̌ kòyò dǒ a nohè lû̌û tôpwa̤pwa̤nu, a hî̌bǎcǒ pwǎ, a lòhǎlòhô kòyò bǎtô̤̌.

Pwa̤nophû̌ 10:22

Dě asî hî̌shěshu kû̌, “Kli ikǒdû̌ Phakò̌ne̤lǐ nohè pa. A mî̌ kòyòcǒkòyòtè̤ tôpwa̤, htokhôtô̤̌ kòyò dǒ a bè̌dubè̌nǎ̤ Cǒmara tôpwa̤. Yǔdaphû̌ tokhlǒ bè̌dubè̌nǎ̤ bò yǎ pṳ̂̌꤮ tôpwa̤, pô̤̌khô a gǔ ganǎ̤de pû na ta̤hî̌bǎ tokhlǒnu dě Cǒmara a mǒkhû̌ tanaphû̌ hè hî̌ yǎ kû̌ bǎ cû̌ kaǎ na dǒ ahǐ.”

Pwa̤nophû̌ 22:12

“Kòyò ami̤ kû̌ Khûananǐ ô̌ tôpwa̤, a mî̌ kòyò tôpwa̤ dǒ a mô̤ǐ wô̌ Cǒmara tôpwa̤, dě a gû̌ ma̤kû̌ pô̤̌ ta̤sû̌ta̤tòwò ô̌nu. Dě Yǔdaphû̌ ô̌ bǎ Wî̤̌damate akû nutokhlǒ bè̌dubè̌nǎ̤ mî̌ca lû̌û.

Pwa̤nophû̌ 6:3

Pô̤̌nu akhû̌akhî pṳ̌wè̤̌ sî, rû̌htò̌ lô̌khô kòyò susô̌tôpwa̤ dǒ a lǒbe kû̌ Yôla Plò̌shǐ Běcǎ kû̌ ta̤sî̌ta̤jò̌ tokhlǒ dě pa glè̌ noma̤ asî ta̤ma̤ dǒ a bǎ yṳ̂̌ǎyṳ̂̌ô bǎ kòyò shǎǎshǎô kû̌mî̌ ruhta tokhlǒ.

Rṳ̂̌me̤ 13:13

Hǒtôplǎdě, pa ô̌htûpwa̤ ǎ ô shapwǎ̤ gû̌ kòyò pô̤̌ kòyò dǒ a ô̌htûpwa̤ dǒ lṳmṳ̌sha nutokhlǒ tǎ꤮. Ma̤ pwe̤rupwe̤tè̌ pwèlû bǎbǎ, ǎmuômu bǎbǎ, sǐshi a ta̤sǎyṳ phû̌mò̤̌ tokhlǒ bǎbǎ, ta̤gènè̤ putupatǎ tokhlǒ bǎbǎ, ta̤tô̤̌klǐ lû̌û tokhlǒ bǎbǎ, ta̤gènè̤ sǎkhwè̌ lû̌û tokhlǒ bǎbǎ, pa ma̤petô̤̌ tǎ꤮.

Rṳ̂̌me̤ 13:3

Kòyò dǒ a ma̤wô̌ta̤ tokhlǒnu, a lǎ̤lṳ̂ ǐsha kû̌ pwa̤pǒshigǎ tokhlǒ alǎ̤ tô̤̌. Bǎbǎkǎlè kòyò dǒ a ma̤ta̤sǔ tokhlǒnu, a gǔ ǐsha asî alǎ̤ pě. Pô̤̌nudě sî kè̌ sǎyṳ ǐsha asîlǎ̤ tô̤̌ hî̌dě, ma̤ ta̤wô̌nu, dǒ sî ma̤pô̤̌nu akhû̌akhî, dě pwa̤pǒta̤ nutokhlǒ gǔ htû̌sò̌ ǐtûû̌ sî pě.

Rṳ̂̌me̤ 14:18

Kòyò dǒ a ô̌htûpwa̤ gû̌ pô̤̌nu tokhlǒ, dě a ma̤ Khrǐ a ta̤phǐta̤ma̤ tokhlǒnu, Cǒmara bǎbǎ kòyòhǎkhû̌phû̌ bǎbǎ asǎphlǒ ô̌ lû̌û hǒ.

Rṳ̂̌me̤ 2:29

Yǔdaphû̌ mè̤̌mî̌ca tôpwa̤ numî̌ a bǎ dǔ asǎphlǒ dǒ amè̤̌kû̌ Yôla Plò̌shǐ Běcǎ htû̌lè̌ tèplè̌kè lû̌sǎphlǒnu. Ta̤sû̌ta̤tòwò nî̌ a htû̌lè̌ tèplè̌ jòkè lû̌sǎphlǒ tô̤̌. Kòyòhǎkhû̌phû̌ htû̌sò̌htò̌ bǎ kòyò dǒ a dǔtṳ̌ asǎphlǒnu tokhlǒ tô̤̌ bǎbǎkǎlè Cǒmara htû̌sò̌htò̌ ǐtûû̌ asî.

Kôritu awǐlǒ tôbǎ 4:5

Pô̤̌nudě ta̤cî̌htò̌ ashěakhǎ hè tǒ̤ nò̌khôtô̤̌nu, cû̌ cî̌htò̌ tǎ̤ kòyò tôpwǎ̤꤮ tǎ̤mǎ̤. Ô̌pǒ̤ lô̌khô tǒ̤dǒ Běcǎ hè cî̌htò̌ kòyò pě tôplǎnu. Ta̤ô̌hǔô̌sè̌ dǒ ta̤khǐsiwi̤ akû tokhlǒnu, a gǔ dǔlè̌lṳ̌htò̌ pě. Dě kòyòhǎkhû̌phû̌ a ta̤gènè̤ ta̤sûû̌ dǒ a noma̤ lû̌û tokhlǒnu, Cǒmara gǔ dǔlè̌lṳ̌ sî̌ya lû̌û pě. Bǎnukha pě dě, pô̤̌ kòyò tôpwa̤ kû̌ tôpwa̤ ma̤ ta̤nu, Cǒmara gǔ htû̌sò̌htò̌ǐ asî pě.

Kôritu ginǐ̤bǎ tôbǎ 13:7

Pa kwicaba kû̌ sî gǔ ma̤ hènè pe ta̤sǔ tǎ̤mǎ̤, ma̤titèhî̌dě pô̤̌khô kòyò gǔ sî̌ganǎ̤ kû̌ pa mî̌ Khrǐ a pwa̤nophû̌ mè̤̌mî̌ca tokhlǒ ayanudě, pa kwicaba pô̤̌nu mè̤̌tô̤̌. Sî kè̌ gènè̤ lô̌khô pa kû̌ pa mî̌ pwa̤nophû̌ dǒ a mè̤̌mî̌ca tokhlǒ bǎbǎ, a mè̤̌mî̌ca tô̤̌ tokhlǒ bǎbǎ, a lǎ̤hî̌ ô̌ nô̌ tôcǒ tô̤̌. Ta̤ dǒ pa sǎyṳ mè̤̌mî̌ca numî̌ mî̌titè hî̌dě sî kè̌ ma̤wô̌ta̤ numî̌ pô̌ hǒ.

Kôritu ginǐ̤bǎ tôbǎ 6:8

Pwa̤ htû̌sò̌ pa mî̌ a ô̌ô̌, pwa̤ pî̤jî̌ pa mî̌ a ô̌ô̌. Pwa̤ hî̌bǎwô̌ pa mî̌ a ô̌ô̌, pwa̤ hî̌phǔmò̤̌ pa mî̌ a ô̌ô̌. Pwa̤ hî̌ pa kû̌ kòyòlòhô tokhlǒ numî̌ a ô̌ô̌, bǎbǎkǎlè pa mî̌ kòyò dǒ a hî̌bǎcǒ ta̤ tokhlǒ pwǎ.

Kôritu ginǐ̤bǎ tôbǎ 8:18

Pa plûcû̌ pṳ̌wè̤̌ tôpwa̤ kû̌ a. Ta̤dòkûphû̌ pṳ̂̌tômṳ̌ htû̌sò̌ jî̌ yǎ nî̌, ma̤titèhî̌dě a mî̌ pwa̤ma̤ Cǒmara ata̤ma̤ dǒ a cû̌ shôbǐǐlṳ̌ bǎ kòyò kû̌ ta̤sǎlě̤we̤kè awe̤akè tôpwa̤.

Kôritu ginǐ̤bǎ tôbǎ 8:21

Pa bè̌ kû̌ pa gǔ ma̤cǒ pwǎtǒ̤ bǎ Cǒmara a lô̤mô̤̌nu mè̤̌tô̤̌, dǒ kòyòhǎkhû̌phû̌ aya numî̌ pa bǎ ma̤cǒma̤tè̤tè̤.

Galatǐ 5:22

Bǎbǎkǎlè Yôla Plò̌shǐ Běcǎ numî̌ a dǐô̌htò̌ ta̤mô̤, ta̤sǎlě̤sǎlò̤, ta̤pè̤̌ta̤dû, ta̤khòsǎdô, ta̤sǎyṳgwèbǎǐ, ta̤wî̤ta̤wô̌, ta̤jûlě̤phî̌yô̤̌,

Ěphěsu 4:25

Pô̤̌nudě lòhô pe tǎ̤ kòyò tôpwǎ̤꤮ tǎ̤mǎ̤ nî̌꤮. Hî̌bǎcǒhî̌bǎtè̤ lô̌khô kòyò pṳ̂̌tôpwa̤ nî̌꤮, ma̤titèhî̌dě pa mî̌ asô̌sô̌kû̌ nǎ̤glǒ tôpwa̤ nô̤̌, bǎbǎkǎlè ayô̤agî̌ khô̌ lû̌û pô̤̌nupwǎ.

Ěphěsu 5:9

Ma̤titèhî̌dě, ta̤lî a ta̤sǎta̤phô tokhlǒ numî̌ lǒ̤bò ta̤tôta̤bǎ, ta̤tě̤ta̤mè̤̌ kû̌ ta̤sǎphlǒ cǒtè̤ tokhlǒ nuhǒ.

Ěphěsu 6:14

Pô̤̌nu akhû̌akhî, ihtǒ tònò showô̌ lô̌khô sînǎ̤. È̌htò̌mò̌ Cǒmara a ta̤tě̤ta̤mè̤̌nu dǒ asô̌sô̌kû̌ sî è̌htò̌mě dǒ sî sǎtô̤̌ dǒ sè̌kònu nî̌꤮. Kûsô̌htò̌ ta̤tě̤ta̤mè̤̌ ta̤cǒta̤tè̤ pô̤̌ sî kûsô̌htò̌ jetě̤htò̌ dǒ a gǔ takabǐ sînǎ̤ nunî̌.

Phǐlǐpǐ 3:1

He pṳ̌wè̤̌ sî, dǒnô̌kòlǒnu, he sǎyṳ hî̌ sî kû̌, dǒ sî htûhtò̌ ta̤tôcǒ꤮ nô̤̌ kû̌ Běcǎ Khrǐnu, sǎlě̤sǎlò̤ lô̌khô nî̌꤮. He wě̤cû̌ bǎ sô̌ sî lî̤ dǒ asô̌sô̌kû̌ awǐkha tokhlǒnu pwǎ bǎbǎkǎlè a dǐkhû̌dǐdò nô̌ he tôcǒ꤮ tô̤̌. He wě̤ tokhlǒ numî̌ pô̤̌khô a takabǐ sîyapwǎ.

Kòlòtè̌ 4:5

Jò̌gènè̤ lîmò lô̌khô dě jî̌sara sînǎ̤ dǒ kòyò dǒ a yṳ̌ǎ Khrǐ tô̤̌ tokhlǒ alô̤mô̤̌ nî̌꤮. Bǎkhò̌tè꤮ bǎbǎ, bǎ sî nǐ̤bǎ ta̤shěta̤khǎ wô̌ dǒ sî gǔ ma̤ ta̤wô̌ akhanu, tûlû̌ ma̤wô̌ lô̌khô pṳ̂̌꤮ taplǎ nî̌꤮.

Tîsalònǐ awǐlǒ tôbǎ 4:12

Pô̤̌khô kòyò dǒ a yṳ̌nǐ̤nǎ̤nǐ̤ Cǒmara tô̤̌ tokhlǒ gǔ kè̌shǐ sî ta̤ô̌htûpwa̤ dě asî gǔ bè̌sû̌bè̌sǎ sî, htokhôtô̤̌ ta̤ dǒ sî lṳ̂ǎlṳ̂ô tokhlǒnu, pô̤̌khô sî gǔ nǎla̤ǐ kòyò tô̤̌nu, ma̤ lô̌khô pô̤̌ pa hî̌ sînu nî̌꤮.

Tîmôte awǐlǒ tôbǎ 2:2

Caba lô̌khô pô̤̌nu dǒ khwǐ tokhlǒ aya kû̌ côphǎ lǒ̤꤮ bò tokhlǒ aya. Pô̤̌khô pa gǔ cabucabahtò̌ mô̤mô̤bǎbǎ gûjû̌kabǎ Cǒmara ayanu kû̌ pô̤̌khô pa gǔ ô̌htûpwa̤ tôbǎ kû̌ kòyò pṳ̂̌꤮ tocǒ akûnu dě, kwicaba lô̌khô pû pô̤̌nu nî̌꤮.

Tîmôte awǐlǒ tôbǎ 3:11

Asî ma tokhlǒnu bǎbǎ, kòyò pṳ̂̌꤮ tôpwa̤ tôbǎ bè̌dubè̌nǎ̤ asî, asî tôbǎ dô̌ kòyô̤ tô̤̌, asî bǎma̤ surǔsara anǎ̤ dě asî tôbǎ mè̤̌ kòyò dǒ acǒ kû̌ ayô̤̌ dǒ ta̤lǒ̤꤮ bò akû.

Tîmôte awǐlǒ tôbǎ 3:4

A bǎ mè̤̌ kòyò dǒ a pǒjòwô̌bǎ a hǐphû̌phòphû̌ sî htodě a tôbǎ bǔdû̌ sû̌ǐdû̌htò̌ aphû̌ sî dǒ a gǔ ganǎ̤de lû̌û ayô̤̌ dě a gǔ bè̌dubè̌nǎ̤ lû̌û dǒ ta̤lǒ̤꤮ bò akû.

Tîmôte awǐlǒ tôbǎ 4:12

Na mî̌ kòyò nějǎ pe akhû̌akhî, nogènè̤ pî̌tî̌ tǎ̤ kòyò kû̌ nanǎ̤ tǎ̤mǎ̤ nî̌꤮. Mè̤mè̤̌tôkhônu, na ta̤hî̌buhî̌bǎ sî bǎbǎ, na ma̤ta̤ titètè̌ bǎbǎ, na ta̤mô̤ǐ bǎbǎ, na ta̤yṳ̌ta̤nǎ̤ bǎbǎ, na sǎphlǒ ata̤mṳ̂̌plî tokhlǒ bǎbǎ, htûhtò̌ bǎ kòyò lǎ̤kè̌lû̌mò̌mṳ dǒ awô̌ bǎ ta̤dòkû tokhlǒ aya nî̌꤮.

Tîmôte awǐlǒ tôbǎ 5:10

Htodě a bǎ mè̤̌ pwa̤mǒ̤ dǒ ami̤ lṳ̌wô̌ kû̌ a ma̤wô̌ta̤ tokhlǒ akò. A bǎ mè̤̌ pwa̤mǒ̤ tôpwa̤ dǒ a kè̌ǐ dû̌htò̌ǐ wô̌ aphû̌ali̤ tokhlǒ, a bǎ kaǎmô̤shǔ shǐpwǎ̤shǐmè̤ tokhlǒ dǒ a hǐdǒkû, a bǎ mè̤̌ pwa̤mǒ̤ tôpwa̤ dǒ a cǔbò Cǒmara a kòyò tokhlǒ akhò̌lôpô̤̌, a bǎ ma̤jè̌ kòyò bǎpò̤̌bǎsha tokhlǒ htodě a bǎ mè̤̌ pwa̤mǒ̤ tôpwa̤ dǒ a ǐlò̤ asǎphlǒ dǒ ata̤ma̤wô̌ tokhlǒ aya.

Tîmôte awǐlǒ tôbǎ 5:2

Bè̌dubè̌nǎ̤ lô̌khô pwa̤mǒ̤ mǒ̤pwǎ̤ tokhlǒ pô̤̌ namǒ̤ nunî̌꤮. Htodě pwa̤mǒ̤ dǒ anějǎ tokhlǒnu, bè̌dubè̌nǎ̤ asî dě gènè̤ ma̤mṳ̂̌plî asî pô̤̌ na pṳ̌pwa̤mǒ̤ nunî̌꤮.

Tǐtǔ 1:8

Mè̤̌mè̤tôkhô, a tôhtû kòyò dǒ a kaǎmô̤shǔ shǐpwǎ̤shǐmè̤, a tôhtû kòyò dǒ a mô̤ ta̤ dǒ awô̌, a tôbǎ ta̤khòjobò̌ǐ anǎ̤, a tôbǎ ô̌ kû̌ ta̤tě̤ta̤mè̤̌ kû̌ ta̤plò̌shǐ kû̌ ta̤sè̌rè̌ ǐbò̌ anǎ̤,

Tǐtǔ 2:14

Pô̤̌khô a gǔ ma̤hǎplǎge pa dǒ ta̤phû̌mò̤̌shǐhtô lǒ̤꤮ bò tokhlǒ akû, htokhôtô̤̌ pô̤̌khô a gǔ ma̤ mṳ̂̌plî ge sô̌ pa dě pa gǔ htûhtò̌ a kòyò, kǎtô̤̌ pa gǔ sǎphlǒshû̌ ma̤ta̤ dǒ awô̌ tokhlǒ ayanu, a tṳ̌sikhòsi bǎ anǎ̤ dǒ paya hǒ.

Tǐtǔ 2:2

Pô̤̌khô mǒ̤pwǎ̤ pwa̤khû tokhlǒ gǔ jî̌ sarashapwǎ̤ lô̌khô anǎ̤, pô̤̌khô kòyò gǔ bè̌dubè̌nǎ̤ asî, dě pô̤̌khô asî gǔ khòpè̤̌ lô̌khô asǎphlǒ nudě, sû̌ǐtòwòǐ lô̌khô asî nî̌꤮. Asî tô ô̌ kû̌ a ta̤yṳ̌ta̤nǎ̤ dǒ ashû̌asho, asî tô lǒbe kû̌ ta̤mô̤ǐkò, asî tô khòjî̌khòjû̌ khòsǎphlǒhtûbò̌ lô̌khô.

Tǐtǔ 2:7

Na nudě, na ma̤ta̤ titètè̌ bǎbǎ, pô̤̌khô pwa̤khû nějǎ tokhlǒ gǔ kè̌lû̌mò̌mṳ nanu dě, ma̤ pwǎ ta̤wô̌ nutokhlǒ nî̌꤮. Bǎ na sû̌ǐtòwòǐ kòyò akhanu, bè̌cǒcǒ na sǎphlǒ htodě jî̌ shapwǎ̤pû nanǎ̤ nî̌꤮.

Tǐtǔ 3:14

Pô̤̌khô pa Grete khrǐphû̌ hǒtokhlǒ gǔ noǎjò kû̌ kòyò ashěakhǎ dǒ a ma̤ ta̤wô̌ tokhlǒ ayanu, tôbǎ sû̌ǐ padô̌ asî htodě pô̤̌khô a gǔ ma̤jè̌bò̌ padô̌ kòyò dǒ a lǎ̤lṳ̂ mè̤̌mî̌ca nutokhlǒ, htokhôtô̤̌ pô̤̌khô asî gǔ ô̌htûpwa̤ nòdû̌ tǎ̤ kû̌ ta̤ dǒ abwǐasîrî ô̌tô̤̌ nutokhlǒ aya tǎ̤mǎ̤nu, tô sû̌ǐ padô̌ asîsî.

Hebrǔ 11:2

Cǒmara htû̌sò̌htò̌ǐ kòyò dǒ꤮ nukha tokhlǒ mî̌ a ô̌ lô̌khô kû̌ ta̤yṳ̌ta̤nǎ̤ pô̤̌onu hǒ.

Hebrǔ 13:18

Kwicaba bǎ pô̤̌ lô̌khô dǒ paya. Pa sî̌ganǎ̤ tě̤tě̤mè̤̌mè̤̌ kû̌ dǒ pa sǎphlǒkûnu mô̤mô̤̌꤮ a mô̤ pwǎ, a bè̌ pa ta̤sǔ tôcǒ꤮ tô̤̌. Htodě pa ma̤ta̤ titètè̌ bǎbǎ, pa sǎyṳ ma̤shěshupwǎ ta̤ dǒ atô tokhlǒ pṳ̂̌꤮ tôplǎ.

Jǎgomo̤ 1:27

Ta̤cubucaba dǒ pha Cǒmara bè̌ kû̌ ta̤ dǒ a mṳ̂̌plî lǒlǒbebe tokhlǒ numî̌ ta̤kè̌ǐma̤ǐ phû̌khwè̌ tokhlǒ kû̌ pwa̤mǒ̤khwè̌ dǒ a tṳ̌bǎ kû̌ ta̤pò̤̌ta̤sha tokhlǒ, kǎtô̤̌ kòyò dǒ a tṳ̌bǎbò̌ anǎ̤ dě a ô̌tepheyî̤bò̌ kû̌ hǎkhû̌ a ta̤phû̌mò̤̌shǐhtô sî nutokhlǒ hǒ.

Jǎgomo̤ 3:17

Bǎbǎkǎlè ta̤sî̌khû̌sî̌ya dǒ a ô̌ dǒ mǒkhû̌ hè numî̌ a mṳ̂̌plî wǐ pě, htopědě a dǐ ô̌htò̌ ta̤mô̤ta̤bǎ, ta̤gènè̤ jòbǎ kòyòya, sǎphlǒô̌ ganǎ̤de kòyò ta̤hî̌bǎ, lǒbe kû̌ ta̤sǎyṳ kû̌ ma̤wô̌ta̤ tokhlǒ, kè̌dû̌ kè̌pî̌tî̌ kòyò tô̤̌, htodě ta̤ jî̌ ma̤khěma̤khô̌ sî ô̌ tô̤̌.

Petru awǐlǒ tabǎ 1:22

Khònò̤̌dě dǒ sî jûlě̤phî̌ Cǒmara a ta̤sû̌ǐ a ta̤tě̤ta̤mè̤̌ tokhlǒ akhû̌akhî, sî ma̤mṳ̂̌plî sî sǎphlǒ dě sî htû kòyò dǒ a mô̤nǐ̤ mè̤̌mî̌ca pṳ̌wè̤̌ Khrǐphû̌ nutokhlǒ hǒ. Ma̤pô̤̌nudě mô̤ lǒ̤sû̌lǒ̤sò̌ kè̌khî lû̌û tôpwa̤ kû̌ tôpwa̤ nî̌꤮.

Petru awǐlǒ tabǎ 2:12

Bǎ sî ô̌htûpwa̤ dǒ khlilèphû̌ ashǔshawa̤ dě a yṳ̌ǎ kû̌ kòyò Cǒmara tô̤̌ nutokhlǒ akla, dě a bè̌ ta̤sǔ sî kû̌ sî mî̌ kòyò dǒ a ma̤ ta̤phû̌mò̤̌shǐhtô akhanu, ô̌htûpwa̤ shapwǎ̤ sî̌yawô̌ lô̌khô sînǎ̤ nî̌꤮. Asî gǔ kè̌shǐ sî ta̤ma̤wô̌ tokhlǒ pě dě htû̌꤮ Cǒmara hèlò̤ alṳmṳ̌ni̤ pě tôni̤nu, a bè̌dubè̌nǎ̤ lû̌pě.

Petru awǐlǒ tabǎ 4:8

Dǒ ta̤lǒ̤꤮ bò aklanu, ta̤mô̤ mè̤̌mî̌ca lû̌û tôpwa̤ kû̌ tôpwa̤ numî̌ a lṳ̂dû̌lǒ hǒ, ma̤titèhî̌dě ta̤mô̤nu a plûkè dû̌wî̤ ta̤sǔ.

Petru ginǐ̤bǎ tabǎ 3:1

Sû̌khômô̤ sî, he wě̤cû̌ bǎpô̤̌ sî lî̤ ginǐ̤bǎ tôbǎ. Lî̤ ginǐ̤bǎbò dǒ he wě̤cû̌ bǎ sî numî̌, pô̤̌khô sî gǔ gènè̤ mṳ̂̌plî lô̌khô gû̌ kòyò nudě, he jî̌pwǐ̤ htû̌wṳ̂̌ gènè̤bǎ sô̌ sî kû̌ ta̤ dǒ sî sû̌ǐhto nutokhlǒ pwǎ.

Yṳ̂ha awǐlǒ tôbǎ 3:18

Hephû̌heli̤ sî, pa ta̤mô̤nu nopwe̤htò̌ tǎ̤ tǒ̤pwǎ dǒ sî khû̌phělô̤nu tǎ̤mǎ̤ nî̌꤮. Sî tôbǎ ma̤jè̌ mè̤̌mî̌ca kòyò pô̤̌ Cǒmara mô̤ mè̤̌mî̌ca panu.

Yṳ̂ha awǐlǒ tôbǎ 3:3

Kòyò dǒ a ô̌pǒ̤kè̌shuǐ lô̌khô kû̌ a htûhtò̌ sô̌sô̌kû̌ Yeshǔ Khrǐ pě tokhlǒnu, pô̤̌ Khrǐ aplò̌shǐnu, a bè̌plò̌shǐ kû̌ anǎ̤ pô̤̌nu pě.

Yṳ̂ha awǐlǒ tôbǎ 4:1

He khômô̤ sî꤮, lǒ̤bò kòyò dǒ a hî̌ kû̌ pa ô̌ kû̌ Yôla Plò̌shǐ Běcǎ hǒ tokhlǒnu, yṳ̌ǎ phô̌phô̌ lô̌khô tǎ̤mǎ̤. Pô̤̌khô sî gǔ sî̌ganǎ̤ kû̌ sǎphlǒ numî̌ a hè mè̤̌mî̌ca dǒ Cǒmara a ô̌ ya, mî̌ a hè mè̤̌tô̤̌ yanu kè̌kè̌ wǐ lô̌khô asî nî̌, ma̤titèhî̌dě dǒ hǎkhû̌nu, piwi̤pèshè lòhô ô̌lṳ̌htò̌ jûgrû hǒ.