Phǐlǐpǐ 4:7 - Kawyaw New Testament

⁷ Cǒmara gǔ ǐ sî ata̤gûjû̌gûbǎ dǒ kòyò hǎkhû̌phû̌ gènè̤ htûtô̤̌ nupě. Dǒ sî htûhtò̌ ta̤tôcǒ꤮ nô̤̌ kû̌ Yeshǔ Khrǐ hǒ akhû̌akhî, Cǒmara a ta̤gûjû̌kabǎ ô̌pǒ̤mě sî sǎphlǒsǔshi kû̌ sî ta̤gènè̤ tokhlǒ pě.

Kawyaw RC

⁷ Cǒmara ǐ sî ata̤gûjûkabǎ htě kòyòhǎkhû̌phû̌ gènè̤htûtò̤ htǒonu pě. Dě sî htûhtò̌ kû̌ta Ye̤shǔkhrî̌stu tacǎnǔ꤮ pa akhû̌akhî, Cǒmara a ta̤gûjûkabǎ ǒpo̤ǐtû̌ sî sò̌phlǒsǔshi ta sî ta̤gènè̤ toǒ pě.

Phǐlǐpǐ 4:7 Iomraidhean Croise

Htû̌sò̌htò̌ 29:11

Cǒmara tûjû̌pwa̤ ǐ a kòyò ta̤khû̌ta̤ǎ. A ǐshowî̤ǐ a kòyò kû̌ ta̤gûjû̌gabǎ pě.

Htû̌sò̌htò̌ 85:8

Běcǎ Cǒmara tûjû̌pwa̤ hî̌ hî̌tènu, he ganǎ̤de. Ma̤titèhî̌dě a olò̤ kû̌ a gǔ ǐ a kòyò dǒ acǒ kû̌ yô̤̌ tokhlǒ ata̤ô̌gûjû̌kabǎ. Bǎbǎkǎlè no ma̤bǐma̤ô̌ sô̌ tǎ̤ asî mǎ̤.

Lǔka 1:79

Dě lṳmṳ̌ nî̌ a htò̌ dǒ mǒlǎ̤ dě a gǔ lîrakhalò̤ bǎ kòyò ô̌ dǒ ta̤khǐsiwi̤, ta̤siyô̤ǔ akû nutokhlǒ lǒ̤꤮ bò pě, dě a nè̌klè̌nè̌klò cû̌ nǐ̤padô̌ pa ta̤ô̌htûpwa̤ aklè̌aklò dě apè̤̌adû dǒ sǎphlǒ gûjû̌kabǎ akla pě.”

Lǔka 2:14

“Cǒmara ô̌ dǒ gûlǎ̤htò̌yô̤̌lǒ dǒ mǒkhû̌ nutôpwa̤, na nǐ̤bǎ pû bwǐdû̌sîrîhtû nî̌꤮. Dǒ hǎkhû̌nu ta̤pè̤̌ta̤dû kû̌ ta̤gûjû̌kabǎ gǔ ô̌ pû kû̌ kòyò lǒ̤bò dǒ Cǒmara sǎphlǒ ô̌ lû̌û nutokhlǒ nî̌꤮.”

Jowǎ̤ni̤ 14:27

He bè̌kè bǎ sî sǎphlǒ a ta̤gûjû̌kabǎ hǒ. Dě he ǐ sî ta̤gûjû̌kabǎ hǒ. He ǐ sî numî̌ asô̌sô̌kû̌ kòyòhǎkhû̌phû̌ ǐ sî nutokhlǒ mè̤̌tô̤̌. Sǎphlǒgû̌gè̌ tǎ̤ lô̌khô tǎ̤mǎ̤. Ǐsha tǎ̤ lô̌khô tǎ̤mǎ̤mǎ̤.

Jowǎ̤ni̤ 16:33

“Pô̤̌khô sî gǔ nǐ̤bǎ ta̤sǎphlǒ gûjû̌kabǎ ayanu, he hî̌ hto bò sî lǒ̤꤮ bò tokhlǒ hǒ. Dǒ sî htûhtò̌kè kû̌ he tôcǒnô̤̌ akhû̌akhî, sî nǐ̤bǎ sǎphlǒ a ta̤gûjû̌kabǎ hǒ. Dǒ hǎkhû̌nu, sî gǔ kè̌shǐbǎ kû̌ ta̤pò̤̌ta̤sha ta̤jî̌ta̤jû̌ pě, bǎbǎkǎlè bè̌shû̌bè̌sho lô̌khô sî sǎphlǒ nî̌꤮. He ma̤pè̤̌ hto hǎkhû̌běkhû̌ a ta̤siwi̤sòwò̤ nutokhlǒ hǒ.”

Rṳ̂̌me̤ 1:7

Khôbǒsû̌mô̤ ô̌ dǒ Wî̤̌rṳ̂̌me̤ akû sî, Cǒmara mô̤ǐ sî, htokhôtô̤̌ a kaǎ sî dǒ sî gǔ htûhtò̌ a kòyò hǒ. He wě̤cû̌ bǎ bò sî lî̤hǒtôbǎ. Papha Cǒmara kû̌ pa Běcǎ Yeshǔ Khrǐ gǔ ǐ pû sî ta̤bwǐta̤sîrî kû̌ ta̤gûjû̌kabǎ nî̌꤮.

Rṳ̂̌me̤ 14:17

Ma̤titèhî̌dě, Cǒmara ashiagǎkûnu, shǎǎshǎô mî̌ ta̤ dǒ a lûdû̌lǒ mè̤̌tô̤̌. Ta̤ dǒ a lṳ̂dû̌lǒ mî̌, ta̤tě̤ta̤mè̤̌, ta̤ô̌mô̤ô̌bǎ, kû̌ sǎlě̤sǎlò̤ dǒ Yôla Plò̌shǐ Běcǎ ǐ pa tokhlǒ nupwǎ.

Rṳ̂̌me̤ 15:13

Bǎ sî yṳ̌ǎnṳ̌ Cǒmara dǒ a ma̤jè̌ sî akhanu, a mî̌ Cǒmara tôpwa̤ dǒ pa lǎ̤kè̌shuǐ a kòshî̌gutṳ̌ akhû̌akhî, a gǔ ma̤lǒbe bǎtûû̌ sî sǎlě̤sǎlò̤ kû̌ sî sǎphlǒ a ta̤gûjû̌kabǎ nî̌꤮. Htokhôtô̤̌ pô̤̌khô sî ta̤kè̌shuǐ gǔ shû̌htò̌shohtò̌ sělě pô̤̌ dǒ alô̤mô̤̌ kû̌ Yôla Plò̌shǐ Běcǎ a ta̤pô̤ta̤phǎ akhû̌akhî, pwǎ nudě he kwicaba bǎ sîya hǒ.

Rṳ̂̌me̤ 5:1

Pô̤̌nudě Cǒmara bè̌cǒbè̌tè̤ pa kû̌ pa ta̤yṳ̌ta̤nǎ̤ akhû̌khî hǒ. Dě pa ô̌pè̤̌ô̌dû ô̌mô̤ô̌kla sô̌ kû̌ Cǒmara hǒ. Pwa̤ma̤ htûhtò̌ bǎ pa pô̤̌ numî̌ pa Běcǎ Yeshǔ Khrǐ pwǎ.

Rṳ̂̌me̤ 8:6

Kòyò dǒ a gènè̤ còcè̌ nǎ̤glǒphěyî̌ a ta̤sǎyṳsǎbǎ phû̌mò̤̌ tokhlǒnu, a ô̌htûpwa̤ bǎ pe kû̌ Cǒmara tûjû̌pwa̤ tô̤̌. Bǎbǎkǎlè kòyò dǒ Yôla Plò̌shǐ Běcǎ pǒǐ a ta̤gènè̤ tokhlǒnu, a nǐ̤bǎ ta̤pè̤̌ta̤dû hǒtôhtu pě, htokhôtô̤̌ a gǔ ô̌plǒ kû̌ Cǒmara tûjû̌pwa̤ pě.

Kôritu ginǐ̤bǎ tôbǎ 10:5

Pa ma̤lò̤tě̤pro̤kè lǒ̤꤮ bò ta̤phî̌dû̌ phî̌htò̌yô̤̌ nǎ̤ dǒ a ma̤dǐdò tě̤tṳ ta̤sî̌ya Cǒmara nutokhlǒ. Lǒ̤꤮ bò kòyò a ta̤gènè̤ tokhlǒnu pa pṳ̂̌ dǒô̌ bò a dě pa no jûlě̤phî̌yô̤̌ ganǎ̤de a kû̌ Khrǐ ayô̤̌.

Kôritu ginǐ̤bǎ tôbǎ 13:11

Khôbǒsû̌ sî, he sǎyṳ hî̌ sî dǒ nô̌kògutṳ̌ kû̌, sǎlě̤ lô̌khô nî̌. Ma̤wô̌ getîkhî lô̌khô sî ta̤ô̌htûpwa̤ nî̌꤮. Ganǎ̤de lô̌khô he ta̤kwisǎyṳ sî tokhlǒ nî̌. Ô̌plǒô̌cu, ô̌pè̤̌ô̌dû pû lû̌û nî̌꤮. Sî kè̌ ma̤pô̤̌nu hî̌dě Cǒmara dǒ a mî̌ ta̤mô̤ǐ kû̌ ta̤pè̤̌ta̤dû a kòshî̌ tôpwa̤ gǔ ô̌ kû̌ sî pě.

Galatǐ 5:22

Bǎbǎkǎlè Yôla Plò̌shǐ Běcǎ numî̌ a dǐô̌htò̌ ta̤mô̤, ta̤sǎlě̤sǎlò̤, ta̤pè̤̌ta̤dû, ta̤khòsǎdô, ta̤sǎyṳgwèbǎǐ, ta̤wî̤ta̤wô̌, ta̤jûlě̤phî̌yô̤̌,

Ěphěsu 3:19

Kòyò sî̌yahtò̌ Khrǐ ata̤mô̤nṳ̌ tôpwǎ̤꤮ tô̤̌ bǎbǎkǎlè pô̤̌khô sî sî̌ganǎ̤ gû̌ kòyò nudě, he kwicaba bǎ sîya. Bǎ sî sî̌yahèhto ata̤mô̤ akhanu, sî nǐ̤bǎ lǒlǒbebebò Cǒmara alǎ̤klô nutokhlǒ pě.

Phǐlǐpǐ 1:1

Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Phǐlǐpǐ 1:2

Papha Cǒmara kû̌ Běcǎ Yeshǔ Khrǐ ǐpû sî ta̤bwǐta̤sîrî kû̌ ta̤gûjû̌kabǎ nî̌꤮.

Phǐlǐpǐ 4:19

Dǒ Yeshǔ Khrǐ akhû̌akhîdě, Cǒmara gǔ ma̤jè̌ bǎbò sî lǒ̤bò sî lǎ̤lṳ̂ nutokhlǒ pě. Pô̤̌ a dû̌yò̤̌htò̌sa lǒlǒbebe hî̌jò pe takǎkǎ tô̤̌nu, a gǔ ma̤jè̌ sî pô̤̌nu pě.

Phǐlǐpǐ 4:21

He hî̌mô̤hî̌bǎwô̌ cû̌ Cǒmara a kòyò pṳ̂̌꤮ tôpwa̤ dǒ a yṳ̌ǎ Yeshǔ Khrǐ tokhlǒ. Pṳ̌wè̤̌ Khrǐphû̌ dǒ a ô̌ kû̌ he bǎo tokhlǒ sûcû̌ padô̌ a ta̤hî̌mô̤hî̌wô̌ tokhlǒ dǒ sîô̌.

Phǐlǐpǐ 4:9

Lǒ̤bò sî sû̌ǐphî̌nṳ̌ hto dě sî kè̌shǐ ganǎ̤de hto he ta̤hî̌bǎ tokhlǒ kû̌ he ta̤phǐta̤ma̤ dǒ he ô̌ tokhlǒnu, ô̌htûpwa̤ gû̌ma̤ lô̌khô pô̤̌nu dě ta̤gûjû̌kabǎ a Cǒmara ô̌ pû kû̌ sî nî̌꤮.

Kòlòtè̌ 3:15

Lǒ̤꤮ bò sî tokhlǒ numî̌ sî htû bòkè Khrǐ anǎ̤glǒ dě Cǒmara rû̌htò̌ sî dǒ sî ma̤kla kè̌khî lû̌û tôpwa̤ kû̌ tôpwa̤ hǒ. Ma̤pô̤̌nudě nopǒǐ sî sǎphlǒ kû̌ Khrǐ a ta̤pè̤̌ta̤dû, dě hî̌bwǐhî̌sîrî lô̌khô Cǒmara nî̌꤮.

Tîsalònǐ ginǐ̤bǎ tôbǎ 3:16

Ta̤gûjû̌kabǎ a Běcǎ gǔ ǐlò̤tû̌ sî ta̤gûjû̌kabǎ pṳ̂̌꤮ tôplǎ dǒ klè̌ pṳ̂̌ tôbô akû nî̌꤮. Běcǎ gǔ ô̌cu tû̌ kû̌ sî pṳ̂̌tôpwa̤ nî̌꤮.

Hebrǔ 13:20

Pô̤̌khô sî gǔ ma̤tôma̤bǎ ta̤pè̤̌ta̤dû a Cǒmara nutôpwa̤ asǎphlǒ nudě, ta̤wô̌ lǒ̤bò dǒ sî lṳ̂bǎ tokhlǒnu, a gǔ ǐ bòmǔtegle pû sî nî̌꤮. Dǒ Yeshǔ Khrǐ akhû̌akhî, Cǒmara gǔ ma̤ta̤ dǒ pakû pô̤̌ atô kû̌ asǎphlǒ nutokhlǒ nî̌. Cǒmara ma̤htûpwa̤ getîkhî hto pa Běcǎ Yeshǔ dǒ ta̤si hǒ. Dě dǒ Běcǎ Yeshǔ tṳ̌sikhòsi asǎphlǒ dě asǐ bǎ sǐlò̤ akhû̌akhî, a ma̤měma̤glekè hto Cǒmara a ta̤olò̤ asa dǒ a ô̌ tûjû̌pwa̤ nutômûhǒ. Dǒ a ma̤hto pô̤̌nu akhû̌akhî, Yeshǔ htû pa pwa̤kè̌sû̌phû̌ dǒ adû̌lǒ tôpwa̤ hǒ. Pa mî̌ asû̌phû̌ tokhlǒ hǒ. Kòyò gǔ ma̤bwǐdû̌ma̤sîrîhtû pû Yeshǔ Khrǐ tûjû̌pwa̤ talakhǎ nî̌꤮.

Yṳ̌da 1:1

He mî̌ Khûya̤kû apṳ̌ KhûYǔda, htokhôtô̤̌ he mî̌ Yeshǔ Khrǐ ajû̌ tôpwa̤. He sǎyṳ wě̤cû̌bǎ kòyò dǒ pha Cǒmara kaǎ asî dě a mô̤ǐ asî, tô̤̌ Yeshǔ Khrǐ ô̌pǒ̤ takabǐ ǐ asî nutokhlǒ a ô̌.

Ta̤dǔlè̌nǎ 1:4

He mî̌ Khûyṳ̂ha. He wě̤cû̌ bǎ lî̤nu dǒ ta̤dòkû susô̌tômṳ̌ dǒ a ô̌ bǎ Ashǎgǎkû nutokhlǒ a ô̌. Cǒmara dǒ a htûpwa̤ dǒ něhǎlau, kǎtô̤̌ khònò̤̌kha mî̌ a htûpwa̤pwa̤, nô̌kòpě mî̌ a htûpwa̤pwa̤ tôpwa̤ kû̌ yôla htûpwa̤ susô̌tôpwa̤ dǒ a ô̌ dǒ tòcòhta alô̤mô̤̌ nutokhlǒ abwǐsîrî kû̌ a ta̤gûjû̌cabǎ nî̌, sî nǐ̤bǎ pû nî̌꤮.

Ta̤dǔlè̌nǎ 2:17

“Na nò̌ku kè̌ ô̌ dě ganǎ̤de ta̤ dǒ Yôla Plò̌shǐ Běcǎ shôbǐǐ ta̤dòkû tokhlǒnu. A hî̌ pô̤̌hî̌tèhî̌dě, lǒ̤bò kòyò dǒ a ma̤pè̤̌ta̤ tokhlǒnu he gǔ ǐ a ma̤nǎmû̌ dǒ kòyò bè̌hǔ a nutôglǒ pě. Htodě he gǔ ǐ asî lǒ̤bû tôpwa̤ tômè pě, dě kòyò wě̤ mi̤sa dǒ alô̤nu pě. Mi̤sa nî̌ kòyò sî̌ganǎ̤ a tôpwa̤ tô̤̌, sî̌ganǎ̤ pwǎtǒ̤ kòyò dǒ a nǐ̤bǎ lǒ̤nu tôpwa̤ nô̤̌ pwǎ.”