Phǐlǐpǐ 4:6 - Kawyaw New Testament

⁶ Bǎyû tǎ̤ lô̌khô tôcǒ tǎ̤mǎ̤ nî̌꤮. Bǎbǎkǎlè dǒ ta̤lǒ̤꤮ bò akûnu, kwicaba dě kwi lô̌khô ta̤ dǒ sî lǎ̤lṳ̂ nutokhlǒ, dě kwi lô̌khô kû̌ ta̤hî̌bwǐhî̌sîrî Cǒmara nî̌꤮.

Kawyaw RC

⁶ Bǎgu lǒkho pûma̤ dǐcǎ꤮ ma̤ nî̌꤮. Pwǎ̤ta ta̤ lǒ̤꤮ bò akûnu, kwisaba dě kwi lǒkho ta̤ htě sî lo̤bǎnu toǒ, dě kwi lǒkho ta ta̤hî̌bwǐhî̌sîrî Cǒmara nî̌꤮.

Phǐlǐpǐ 4:6 Iomraidhean Croise

Htû̌sò̌htò̌ 51:15

Ǒ Běcǎdû̌, no hî̌bǎ mò̌ he, dě he htû̌sò̌htò̌ na pě.

Htû̌sò̌htò̌ 55:17

He glè̌ kookasha kwisǎyṳhtò̌ lû̌û lṳmṳ̌lîlî, lṳmṳ̌shasha, lṳmṳ̌hǎhǎ dě a ganǎ̤de he ta̤kwi.

Htû̌sò̌htò̌ 55:22

Bè̌htò̌bò nata̤wǐta̤ò̌ tokhlǒ dǒ Cǒmara tûjû̌pwa̤ alô̤nu. A kè̌pǒ̤ǐ tûû̌ na pě. A no lò̤jû̌kè kòyòcǒkòyòtè̤ tôkhò̌ tô̤̌.

Htû̌sò̌htò̌ 62:8

Ǒ꤮ kòyò hǎkhû̌phû̌ sî, Cǒmaradû̌ mî̌ pa lǎ̤ô̌tûdûbǐ agûlǎ̤ hǒ, yṳ̌ǎnṳ̌ Cǒmaradû̌ pṳ̂̌꤮ tôplǎ. Shôbǐǐbò lû̌û kû̌ sî ta̤pò̤̌ta̤sha lǒ̤꤮ bò.

Matěo 10:19

Bǎbǎkǎlè bǎ asî pṳ̂̌ sî akhanu, bǎgû̌bǎgè̌ nǎ tǎ̤ kû̌ sî hî̌bǎ mî̌titè pě tô̤̌mî̌ sî hî̌bǎ hî̌tènu tǎ̤mǎ̤. Shěkhǎ hètǒ̤ pěnu, Cǒmara ǐ sî yô̤̌sǎ dǒ sî tô hî̌bǎ nutokhlǒ pě.

Matěo 13:22

Ta̤khli dǒ a lò̤tě̤ dǒ ta̤shî̌shô̌mṳ̌ akla nutokhlǒ mî̌ asô̌sô̌kû̌ kòyò dǒ a ganǎ̤de Cǒmara alě̤ayô̤̌ bǎbǎkǎlè a bǎgû̌bǎgè̌ ǐ tûû̌ kû̌ a ta̤ô̌htûpwa̤ htodě a lě̤ sǎyṳ dû̌yò̤̌htò̌sa lô̌khô akhû̌akhî, lǒ̤bò ta̤hǒtokhlǒnu a plû̌bǐkhè̌bǐ bòkè lû̌û dě asǎaphô htò̌bò̌ petô̤̌.

Matěo 6:34

Ma̤pô̤̌nudě, pewô̤pě ayanu gû̌gè̌ tǎ̤ lô̌khô tǎ̤mǎ̤ nî̌꤮, ma̤titè̌hî̌dě, pewô̤pě ayanu, a ta̤gû̌ta̤gè̌ ô̌khô̌ tûû̌ pě. Tôni̤ kû̌ tôni̤ a ta̤gû̌ta̤gè̌nu a shû tûû̌ aya hǒ.”

Matěo 6:8

Gû̌ ma̤ tǎ̤ lô̌khô pô̤̌ asî ma̤nu tǎ̤mǎ̤ nî̌, ma̤titè̌hî̌dě bǎ sî kwi khôtô̤̌nu, sîpha sî̌ganǎ̤ wǐbò tûû̌ sî ta̤lṳ̂bǎ nutokhlǒ hǒ.

Lǔka 10:41

Dě Yeshǔ hî̌shěshu lû̌û kû̌, “Mǒ̤matǎ, Mǒ̤matǎ! na ta̤ma̤ ô̌wô̤̌ dě na gû̌gè̌ dě na sǎphlǒ shû̌shǎ tûû̌ pwǎ.

Lǔka 12:22

Htodě Yeshu hî̌ akhôphijǎ tokhlǒ kû̌, “Pô̤̌nu akhû̌akhî he hî̌ sî, bǎgû̌bǎgè̌ tǎ̤ dǒ sî ta̤ô̌htûpwa̤ ayanu tǎ̤mǎ̤. Sî lṳ̂ǎlṳ̂ô aya bǎbǎ, sî lǎ̤kûlǎ̤sô̌bǐ kû̌ sî nǎ̤glǒ aya bǎbǎ, bǎgû̌bǎgè̌ tǎ̤ lô̌khô tǎ̤mǎ̤ nî̌.

Lǔka 12:29

Pô̤̌nu akhû̌akhî, bǎgû̌bǎgè bǎyô̤bǎsî tǎ̤ lô̌khô tǎ̤mǎ̤, tô ǎkwè̌ titè̌, tô ôkwè̌ titènu, gènè̤ tǎ̤ lô̌khô tǎ̤mǎ̤ nî̌.

Lǔka 18:1

Htodě Yeshǔ sǎyṳ nokwicaba lô̌khô akhôphijǎ tokhlǒ pṳ̂̌꤮ taplǎ, dě asî glè̌ sǎphlǒpî̌ tǎ̤ takî̌꤮ tǎ̤mǎ̤ nudě, a hî̌khěkhô̌ bǎ akhôphijǎ tokhlǒ kû̌ yô̤̌sǎ tômû.

Lǔka 18:7

Kòyò dǒ Cǒmara rû̌htò̌ a tokhlǒnu, kè̌ a kwi ta̤ma̤jè̌ pṳ̂̌ni̤pṳ̂̌sa hî̌nu, Cǒmara cî̌htò̌ cǒtè̤ bǎ asî tô̤̌mî̌ a ô̌jò pûya? Sô̌sô̌kû̌ a glè̌ ma̤cǒ bǎ kòyò aya nudě a glè̌ ma̤pò̤̌ma̤yo bǎ lû̌û pěya?

Kôritu awǐlǒ tôbǎ 7:21

Bǎ Cǒmara kaǎ na akhanu, na htû jû̌ bǎbǎ, a lǎ̤hî̌ nô̌ tô̤̌. Bǎbǎkǎlè na běcǎ kè̌ hî̌ na kû̌ sǎyṳ cû̌ bǎtè mî̌ anǐ̤ hǒ a kè̌ hî̌ dě hǎhtò̌cû̌nu.

Kôritu awǐlǒ tôbǎ 7:32

Hǎkhû̌ a ta̤phû̌ta̤li̤ tokhlǒnu, he sǎyṳ no gû̌gè̌ sî tô̤̌. Kòyò dǒ ama ô̌ tô̤̌ tôpwa̤nu, a sǎyṳ ma̤tô Běcǎ asǎphlǒ akhû̌akhî, a bè̌ plò̌shǐ a ta̤gènè̤ tokhlǒ dǒ Běcǎ aya.

Kôritu ginǐ̤bǎ tôbǎ 1:11

Pô̤̌khô Cǒmara gǔ ma̤hǎplǎge pa kû̌ ta̤pô̤̌o tokhlǒ ayanu, pa lǎ̤lṳ̂ dǒ sî gǔ ma̤jè̌ pa kû̌ sî ta̤kwicaba. Pô̤̌khô kòyò gǔ htû̌sò̌ hî̌bwǐhî̌sîrîhtò̌ dû̌wî̤ Cǒmara ayanu, Cǒmara gǔ ganǎ̤de sî ta̤kwicaba tokhlǒ pě dě a gǔ ma̤hǎplǎge pa dǒ ta̤si kû̌ abwǐdû̌ asîrîhtû pě.

Ěphěsu 5:20

Titètè̌꤮ aya bǎbǎ, dǒ pa Běcǎ Yeshǔ Khrǐ ami̤ akhû̌akhî, tûlû̌ hî̌bwǐhî̌sîrî papha Cǒmara pṳ̂̌꤮ taplǎ nî̌꤮.

Ěphěsu 6:18

Kwicaba Cǒmara dě kwisǎyṳ ǐ yǎ dǒ a gǔ ma̤jè̌ sî ta̤pṳ̂̌꤮ tocǒ nî̌꤮. Kwicaba lô̌khô pô̤̌ Yôla Plò̌shǐ Běcǎ nè̌klè̌nè̌klò sî pṳ̂̌꤮ taplǎ nî̌꤮. Dě bǎ sî kwicaba pô̤̌nu akha, ô̌sòklò dě sè̌rè̌ lô̌khô sînǎ̤ nî̌꤮. Kwicaba nṳ̌pa dô̌ pû bò̌bò Cǒmara a kòyò nutokhlǒ pṳ̂̌꤮ taplǎ nî̌꤮.

Kòlòtè̌ 3:15

Lǒ̤꤮ bò sî tokhlǒ numî̌ sî htû bòkè Khrǐ anǎ̤glǒ dě Cǒmara rû̌htò̌ sî dǒ sî ma̤kla kè̌khî lû̌û tôpwa̤ kû̌ tôpwa̤ hǒ. Ma̤pô̤̌nudě nopǒǐ sî sǎphlǒ kû̌ Khrǐ a ta̤pè̤̌ta̤dû, dě hî̌bwǐhî̌sîrî lô̌khô Cǒmara nî̌꤮.

Kòlòtè̌ 3:17

Sî hî̌bǎ bǎbǎ, sî ma̤ta̤ titètè̌꤮ bǎbǎ, kè̌ Běcǎ Yeshǔ Khrǐ amǐ̤sǎ dě ma̤ lô̌khô nî̌꤮. Dǒ Běcǎ Yeshǔ Khrǐ akhû̌akhî, dě hî̌bwǐhî̌sîrî htû̌sò̌htò̌ lô̌khô Cǒmara nî̌꤮.

Kòlòtè̌ 4:2

Kwicaba shapwǎ̤ lô̌khô Cǒmara dě sî̌ya kwicabahtò̌ sǎlala a nî̌꤮. Ô̌sòklò lô̌khô, dě ô̌ lô̌khô kû̌ ta̤hî̌bwǐhî̌sîrî htò̌ a nî̌꤮.

Tîmôte awǐlǒ tôbǎ 2:1

Dǒ ta̤lǒ̤bò aklanu ta̤dǒ a lṳ̂dû̌lǒ dǒ he sǎyṳ ǐkhû̌ǐǎ sî numî̌ sî kwicaba pû bǎ kòyòya pṳ̂̌꤮ tôpwa̤, dě kwi bǎpadô̌ pû kòyò ashǔshawa̤ ata̤lṳ̂ tokhlǒ, htodě hî̌bwǐhî̌sîrîhtò̌ bǎ pû Cǒmara dǒ kòyò lǒ̤bò aya.

Tîmôte awǐlǒ tôbǎ 5:5

Pwa̤mǒ̤khwè̌ tôpwa̤ dǒ a mè̤̌mî̌ca dě kòyò pwa̤kè̌ǐ lû̌û ô̌tô̤̌ tôpwa̤nu, a kè̌shuǐ a ta̤ma̤jè̌ dǒ Cǒmara a ô̌. Htodě lṳ̌mṳ̌khǐkhǐ lṳmṳ̌shasha a kwicaba sǎla̤la̤ kǎtô̤̌ a kwisǎyṳ Cǒmara kû̌ a gǔ ma̤jè̌ lû̌û.

Petru awǐlǒ tabǎ 4:7

Ta̤lǒ̤꤮ bò a glè̌ gutṳ̌kèhǒnu a hètǒ̤ phǔhǒ. Pô̤̌nu akhû̌akhî, pô̤̌khô sî kwicababò̌ gû̌ kòyònu, ô̌sòklò kû̌ lô̌khô dě sû̌ǐtòwòǐ lò̤ ǐtû̌ lô̌khô sînǎ̤, kǎtô̤̌ ô̌htûpwa̤ shapwǎ̤ kû̌ lô̌khô nî̌꤮.

Petru awǐlǒ tabǎ 5:7

Cǒmara sǎphlǒô̌ kè̌khwè̌ǐ sî akhû̌akhî, bè̌htò̌ lô̌khô sî ta̤ bǎgû̌bǎgè̌ lǒ̤꤮ bò dǒ Cǒmara alô̤nu.