Phǐlǐpǐ 4:5 - Kawyaw New Testament

⁵ Na sǎphlǒ sǎdôhôbî̌nu nokè̌shǐbò kû̌ kòyò pṳ̂̌꤮ tôpwa̤ nî̌꤮. Běcǎ glè̌ hènṳ̌ phǔtinǐ̤hǒ.

Kawyaw RC

⁵ Na sò̌phlǒ sò̌dohobî̌ htǒonu nokè̌shǐbò yǎta kòpṳ̂̌꤮ tapwa̤ nî̌꤮. Běcǎ glè̌ hènu aphǔhǒ.

Phǐlǐpǐ 4:5 Iomraidhean Croise

Matěo 6:25

“Ma̤pô̤̌nudě he hî̌ sî, bǎgû̌bǎgè̌ tǎ̤ dǒ sî ta̤ô̌htûpwa̤ ayanu tǎ̤mǎ̤. Sî lǎ̤ǎlǎ̤ô aya bǎbǎ, sî lǎ̤kûlǎ̤sô̌bǐ kû̌ sî nǎ̤glǒ aya bǎbǎ, bǎgû̌bǎgè̌ tǎ̤ lô̌khô tǎ̤mǎ̤ nî̌. Pa ta̤ô̌htûpwa̤ nî̌ a lṳ̂dû̌khlo pe kû̌ lǎ̤ǎlǎ̤ô mè̤̌tô̤̌ ya? Pa nǎ̤glǒ nî̌ a lṳ̂dû̌khlo pe kû̌ lǎ̤kûlǎ̤sô̌ mè̤̌tô̤̌ ya?

Matěo 6:34

Ma̤pô̤̌nudě, pewô̤pě ayanu gû̌gè̌ tǎ̤ lô̌khô tǎ̤mǎ̤ nî̌꤮, ma̤titè̌hî̌dě, pewô̤pě ayanu, a ta̤gû̌ta̤gè̌ ô̌khô̌ tûû̌ pě. Tôni̤ kû̌ tôni̤ a ta̤gû̌ta̤gè̌nu a shû tûû̌ aya hǒ.”

Lǔka 21:34

“Sè̌rè̌ lô̌khô sînǎ̤ nî̌. Bǎ sî ǎmuômu akha sî ma̤bǐma̤ô̌ tǎ̤ nutokhlǒ bǎbǎ, sî gènè̤ lô̌khô kû̌ sî ta̤ô̌htûpwa̤ dǒ hǎkhû̌hǒo tôhtu tokhlǒnu bǎbǎ, Ma̤hǎbòkè tǎ̤ sî ta̤shěta̤khǎ kû nutokhlǒ tǎ̤mǎ̤ nî̌. Hî̌pěmî̌ Kòyòphû̌khû mî̌ he glè̌ hètǒ̤tîkhî dǒ sî ô bǎ sî gènè̤htò̌tǒ̤ tô̤̌ nutôni̤ nutôsa pě.

Kôritu awǐlǒ tôbǎ 16:22

Mòpèpè̌꤮ bǎbǎ, dǒ a mô̤ǐ Běcǎ tô̤̌ nu, ta̤ǐsho gǔ hèbǎ pû yǎ nî̌꤮. “Maranǎsa” ǒ pa Běcǎ! hèmò̌ nî̌꤮.

Kôritu awǐlǒ tôbǎ 6:7

Dǒ sî kû̌ sî cû̌ hî̌bǎ wô̤̌htò̌ lû̌û dǒ pûkǎ hǐ akhû̌akhî, a dǔlè̌lṳ̌ kû̌ sî lò̤jû̌kè bòmǔtegle hǒ. Tònò̤̌ sî ma̤pô̤̌nu dě sî khòsǎphlǒhtû bǎkè sî pṳ̌wè̤̌ dǒ a ma̤si sî numî̌ awô̌khlo tô̤̌ ya? Tònò̤̌ sî kaǎhtò̌ sî pṳ̌wè̤̌ khrǐphû̌ dǒ pûkǎ ahǐnu, sî lò̤jû̌kè sî timî̌titè tokhlǒ numî̌ awô̌khlo pe.

Kôritu awǐlǒ tôbǎ 8:13

Ma̤pô̤̌nudě, dǒ he ǎ ta̤yî̌ khû̌khî dě a kè̌ dǐhtûhtò̌ pṳ̌wè̤̌ Khrǐphû̌ tôpwa̤pwa̤ a ta̤lò̤khǔpo̤ hî̌nu, he ǎ pe ta̤yî̌ tôkhò̌ tô̤̌. Ma̤titèhî̌dě he sǎyṳ nohtûhtò̌ ta̤lò̤khǔpo̤ dǒ he pṳ̌wè̤̌ Khrǐphû̌ nutokhlǒ aya tô̤̌ akhû̌akhî, he ǎ pe tô̤̌ pwǎ.

Kôritu awǐlǒ tôbǎ 9:25

Lǒ̤bò kòyò dǒ a bèkhlè̌ tokhlǒnu, a bǎ sû̌ǐlò̤ tûû̌ lô̌khô anǎ̤, a bǎ khòǐ asǎphlǒ. Pô̤̌khô a gǔ nǐ̤bǎ gû̌ kòyò khû̌glû̌ anô̌akèjò, apî̌alṳ̂̌jò tokhlǒ ayanu pwǎ dě, a khò ǐtûû̌ lô̌khô anǎ̤ pô̤̌nu. Bǎbǎkǎlè pa dǒ a yṳ̌ǎ Yeshǔ Khrǐ tokhlǒnu, pa gǔ nǐ̤bǎ khû̌glǒ hta dǒ anôakèjò apî̌alṳ̂̌jò tô̤̌ tokhlǒ pě.

Kôritu ginǐ̤bǎ tôbǎ 10:1

Tokhlǒkhlǒ nî̌ a hî̌ lô̌khô he kû̌ bǎ he hî̌bǎshěshu kû̌ sî akha, he ǐsha pwǎ bǎbǎkǎlè bǎ he wě̤ kû̌ lî̤ akhanu, he hî̌bǎsho hî̌bǎshû̌ mî̌ca, a hî̌ lô̌khô he pô̤̌nu. Bǎbǎkǎlè he kwisǎyṳ kudǔdǔ sî pô̤̌ khrǐ ô̌ kû̌ ta̤sǎdôhôbî̌, ta̤khòsǎdô nu.

Tîsalònǐ ginǐ̤bǎ tôbǎ 2:2

Kòyò tôpwa̤pwa̤ kè̌ hî̌ sî kû̌ Běcǎ alṳmṳ̌ni̤ hètǒ̤ hto numî̌ pa kwisǎyṳ sî, yṳ̌ǎ yokǎkwe lô̌khô tǎ̤mǎ̤ nî̌꤮, ǐshǔǐsha lô̌khô tǎ̤mǎ̤ nî̌꤮. A kè̌ hî̌ bǎ sî kû̌, Cǒmara no hî̌pô̤nǎ he kè̌mè̤̌tô̤̌dě kòyò shôbǐǐ sî̌yalṳ̌ bǎ he pô̤̌nu a hî̌cǒ bǎbǎ, kè̌mè̤̌tô̤̌dě a kè̌ hî̌ lô̌khô kû̌ lî̤ hètǒ̤ dǒ pa ô̌ tôbǎ, a kè̌ hî̌cǒ pô̤̌nu bǎbǎ yṳ̌ǎ lô̌khô tǎ̤mǎ̤ nî̌꤮.

Tǐtǔ 3:2

Dǐ gènè̤bǎ pô̤̌sô̌ asî kû̌ nopîjî̌ǐsho tǎ̤ kòyò tôpwa̤ tǎ̤mǎ̤ nî̌꤮. No sè̌rè̌ lô̌khô asî kû̌ ta̤klî̌ lû̌û nutokhlǒ nî̌꤮. Htodě noô̌ lô̌khô asî kû̌ sǎphlǒ ta̤sǎdôhôbî̌, dě no dǔlè̌lṳ̌ bǎ kòyò kû̌ asî a ta̤khòsǎdô a ta̤shò̌lò̤ sǎphlǒ mè̤̌mî̌ca nutokhlǒ kû̌ kòyò pṳ̂̌tôpwa̤ nî̌꤮.

Hebrǔ 10:25

Kòyò tokhlǒkhlǒnu, a wîkè ta̤caba wô̤̌wô̤̌lû̌ sî, bǎbǎkǎlè pa dě, wîkè kû̌ tǎ̤ kòyò pa lǎ̤klô caba wô̤̌wô̤̌ lû̌û pô̤̌ asî nutokhlǒ wîkènu tǎ̤mǎ̤ nî̌꤮. Mè̤̌mè̤̌tôkhônu, pa gǔ ǐkhû̌ǐǎ wô̤̌wô̤̌ lû̌û tôpwa̤ kû̌ tôpwa̤ tǎ꤮. Běcǎ glè̌ hèsô̌ lṳmṳ̌ni̤ lṳmṳ̌sanu a phǔhtò̌hǒ akhû̌akhî, pa ǐkhû̌ǐǎ shò̌gû̌ ǐtû̌ lǒkhlo pô̤̌ lû̌û tôpwa̤ kû̌ tôpwa̤ tǎ꤮.

Hebrǔ 10:37

Ma̤titèhî̌dě, lî̤plò̌shǐkû hî̌ kû̌, “Yî̤khôtô̤̌ pěnu, pwa̤ dǒ a glè̌ hèlò̤ tôpwa̤ gǔ hèlǎ pě, a ma̤pò̤̌yǎ̤ petô̤̌.

Petru awǐlǒ tabǎ 1:11

Khrǐ a Yôla Plò̌shǐ ô̌ dǒ piwi̤pèshè tokhlǒ a sǎphlǒkû dě a hî̌pô̤̌nǎ wǐ Khrǐ awe̤akè kû̌ a khòbǎwǐ ta̤jî̌ta̤jû̌ tokhlǒ pě. Htodě ta̤bwǐdû̌sîrîhtû tokhlǒ gǔ hè dǒ nô̌kò pě, asî kè̌lǎ sî̌ganǎ̤ lô̌khô kû̌ ashěakhǎ gǔ bǎ bǎkhò̌tè pě, htodě a gǔ ma̤ anǎ̤ hî̌tè pě pô̤̌nu.

Petru awǐlǒ tabǎ 4:7

Ta̤lǒ̤꤮ bò a glè̌ gutṳ̌kèhǒnu a hètǒ̤ phǔhǒ. Pô̤̌nu akhû̌akhî, pô̤̌khô sî kwicababò̌ gû̌ kòyònu, ô̌sòklò kû̌ lô̌khô dě sû̌ǐtòwòǐ lò̤ ǐtû̌ lô̌khô sînǎ̤, kǎtô̤̌ ô̌htûpwa̤ shapwǎ̤ kû̌ lô̌khô nî̌꤮.

Ta̤dǔlè̌nǎ 22:20

Kòyò dǒ a khòlṳ̌ kû̌ lǒ̤bò ta̤we̤ta̤kè hǒtokhlǒ tôpwa̤nu, a hî̌ kû̌, “O, he gǔ hè pě,” Ame̤, ǒ Běcǎ Yeshǔ Khrǐ, hèlò̤mò̌.

Ta̤dǔlè̌nǎ 22:7

Yeshǔ hî̌ kû̌, “Ganǎ̤de lô̌khô꤮, he hèphwèlǎ pě, kòyò dǒ a jûlě̤phî̌ piwi̤pèshèyô̤̌ dǒ a hî̌bǎ dǒ lî̤kû tokhlǒnu, a nǐ̤bǎ ta̤ǐshowî̤.”