Phǐlǐpǐ 4:4 - Kawyaw New Testament

⁴ Sǎlě̤sǎlò̤ lô̌khô dǒ Běcǎ akû pṳ̂̌꤮ taplǎ nî̌꤮, dě he hî̌ sô̌ sî, sǎlě̤sǎlò̤ lô̌khô nî̌꤮.

Kawyaw RC

⁴ Sò̌le̤sò̌lò̤ lǒkho dě Běcǎ akû pṳ̂̌꤮ taplǎ nî̌꤮, dě he hî̌ gesǒ sî, sò̌le̤sò̌lò̤ lǒkho nî̌꤮.

Phǐlǐpǐ 4:4 Iomraidhean Croise

Htû̌sò̌htò̌ 146:2

Bǎ꤮ helṳmṳ̌ni̤ lṳmṳ̌sa ô̌nu he htû̌sò̌htò̌ Cǒmara tûjû̌pwa̤ pě. Bǎ꤮ he ô̌htûpwa̤ pe akhanu, he sǎwǐ htû̌sò̌htò̌ǐ he Cǒmaradû̌ pě.

Htû̌sò̌htò̌ 33:1

Ǒ kòyòcǒkòyòtè̤ sî, sǎlě̤sǎlò̤ sǎwǐhtûsò̌htò̌ mò̌ Cǒmara tûjû̌pwa̤. Kòyò dǒ a jûlě̤phǐ Cǒmara tûjû̌pwa̤ ayô̤̌ tokhlǒ ata̤htû̌sò̌htò̌ numî̌ atôabǎ.

Matěo 5:12

Sǎlě̤sǎlò̤ lô̌khô, mô̤ lô̌khô nî̌꤮, sî ta̤ma̤nǐ̤khû̌kǎ dǒ mǒkhû̌nu adû̌môti̤ hǒ. Piwi̤pèshè dǒ awǐnu tokhlǒnu, kòyò ma̤jî̌ma̤jû̌ hto asî pô̤̌nuhǒ.”

Pwa̤nophû̌ 16:25

Bǎ lṳmṳ̌khǐ akhanu, Khûpò̌lǔ kû̌ Khûshǐla kwicaba dě sǎwǐ htû̌sò̌htò̌ Cǒmara akha, kòyò ô̌ dǒ apô̤kû tokhlǒ ganǎ̤de lôkhô asî ta̤kwicaba tokhlǒ kû̌ asî sǎwǐ tokhlǒ.

Pwa̤nophû̌ 5:41

Pwa̤nophû̌ tokhlǒ sǎlě̤sǎlò̤ hǎhtò̌cû̌kè dǒ Yǔdaphû̌ ikǒlǒkòdû̌ nutokhlǒ a lô̤mô̤̌, ma̤titè̤̌hǐdě agû̌ kû̌ Yeshǔ akò akhû̌akhî, dě Cǒmara bè̌ asî kû̌ agwǎagwè khòbǎ kòyò ma̤sòwò̤̌ asî pô̤̌nu pwǎ.

Rṳ̂̌me̤ 12:12

Sî ta̤kè̌shuǐ dǒ Cǒmara tîwî̌tòwò bǎ sîya hǒtokhlǒnu, sǎlě̤sǎlò̤ lô̌khô nî̌꤮. Bǎ ta̤pò̤̌ta̤sha hèbǎ sî akhanu, khòsǎdô lô̌khô, kwicaba lô̌khô pṳ̂̌꤮ tôplǎ nî̌꤮.

Kôritu ginǐ̤bǎ tôbǎ 6:10

Pa kè̌shǐ dû̌wî̤ ta̤pò̤̌ta̤sha bǎbǎkǎlè pa sǎlě̤ pṳ̂̌꤮ taplǎ. A sô̌sô̌ kû̌ pa shuphǔshèwè̤ mî̌ca bǎbǎkǎlè dǒ pa sû̌ǐtòwòǐ bǎ kòyò akhû̌akhî, dě kòyò dû̌yò̤̌htò̌sa dǒsû̌dǒsò̌ tôkhônu a ô̌ dû̌wî̤ hǒ. A sô̌sô̌ kû̌ pata ô̌ gû̌ kòyò tôcǒ꤮ tô̤̌ bǎbǎkǎlè pa nǐ̤bǎ bòkè ta̤pṳ̂̌꤮ tocǒ hǒ.

Galatǐ 1:8

Bǎbǎkǎlè pa bǎbǎ, mǒkhû̌ tanaphû̌ tôpwa̤pwa̤ bǎbǎ, kè̌ shôbǐǐlṳ̌ ta̤sǎlě̤we̤kè dǒ a kè̌ khô̌ kû̌ pa shôbǐǐlṳ̌ hto sînu tokhlǒ numî̌ Cǒmara gǔ cî̌htò̌ tûû̌ a pě nî̌꤮.

Phǐlǐpǐ 2:18

Sî bǎbǎ, sî tô sǎlě̤sǎlò̤, sǎlě̤ lô̌khô kû̌ hehe.

Phǐlǐpǐ 3:1

He pṳ̌wè̤̌ sî, dǒnô̌kòlǒnu, he sǎyṳ hî̌ sî kû̌, dǒ sî htûhtò̌ ta̤tôcǒ꤮ nô̤̌ kû̌ Běcǎ Khrǐnu, sǎlě̤sǎlò̤ lô̌khô nî̌꤮. He wě̤cû̌ bǎ sô̌ sî lî̤ dǒ asô̌sô̌kû̌ awǐkha tokhlǒnu pwǎ bǎbǎkǎlè a dǐkhû̌dǐdò nô̌ he tôcǒ꤮ tô̤̌. He wě̤ tokhlǒ numî̌ pô̤̌khô a takabǐ sîyapwǎ.

Petru awǐlǒ tabǎ 4:13

Mè̤̌mè̤tôkhônu, htû̌꤮ Khrǐ hèlò̤ ô̌lṳ̌htò̌ hǒ kû̌ ata̤bwǐdû̌sîrîhtû pěnu, pô̤̌khô sî gǔ sǎlě̤sǎlò̤ yî̤̌kǒyî̤̌sa kû̌ kòyò pě aya nudě, ta̤ dǒ sî khòjî̌khòjû̌ kû̌ Khrǐ pô̤̌o tokhlǒnu tûlû̌ sǎlě̤ lô̌khô nî̌꤮.