Phǐlǐpǐ 4:3 - Kawyaw New Testament

³ Na mî̌ kòyò dǒ a ma̤ ta̤ kû̌ he dǒ acǒ kû̌ ayô̤̌ tôpwa̤ hǒ. Dě he sǎyṳ kwi na ta̤ma̤jè̌ tôcǒ, pô̤̌khô pwa̤mǒ̤nu sò̌ginǐ̤ gǔ kla kè̌khî lû̌û ayanu, ma̤jè̌ mò̌ asî nî̌꤮. Ma̤titèhî̌dě asî nusò̌ginǐ̤ numî̌ a jî̌pwǐ̤ htǒkhû̌htǒǎ ma̤wô̤̌wô̤̌ ta̤wǐ̤lò̤ ta̤sǎlě̤we̤kè ata̤ma̤ kû̌ he ně. Asî ma̤wô̤̌ kû̌ Khûkleme kû̌ hekhô dǒ pa ma̤wô̤̌wô̤̌lû̌ ta̤ dǒ ashǔshawa̤ nutokhlǒ, dě lǒ̤bò asî nutokhlǒ ami̤ mî̌ a ô̌ bòkè dǒ Běcǎ a lî̤htûpwa̤ akû nuhǒ.

Kawyaw RC

³ Na mî̌ kòyò htě a ma̤plǒta̤ ta he dě acǒtè̤ ta ayo̤ tapwa̤ hǒ. Dě he sò̌yṳ kwi na ta̤ma̤jè tacǎ, ma̤pûhǐ mamǔhtǒo sò̌gini̤ mo̤klaǐ kè̌khînû̌û ayanu, ma̤jè pû asî nî̌꤮. Ma̤tè̤hî̌dě asî htǒosò̌gini̤ numî̌ a jipwi̤ htǒkhû̌htǒǎ ma̤htukû̌ ta̤wi̤lò̤ ta̤sò̌le̤sò̌lò̤ awi̤akè̌ ata̤ma̤ ta he nî. Asî ma̤htukû̌ ta Kleme ta hekho dě pa ma̤plǒnû̌û ta̤ ahǔwa̤nu toǒ, dě asî lǒ̤꤮ bònu toǒ ami̤ mî̌ a ǒbò dě Běcǎ a lî̤htûpwa̤ akûnu hǒ.

Phǐlǐpǐ 4:3 Iomraidhean Croise

Htû̌sò̌htò̌ 69:28

Kòyò glè̌ htǔplîkè bò asîmi̤ dǒ lî̤htûpwa̤ akû. No wě̤ô̌ pa tǎ̤ asîmi̤ dǒ kòyòsǎphlǒwô̌ tokhlǒ ami̤ aklanu mǎ̤.

Lǔka 10:20

Bǎbǎkǎlè, khînǎkhîno tokhlo jûǎ sîyô̤̌ akhû̌khîdě sǎlě̤ lô̌khô tǎ̤mǎ̤ nî̌. Sǎlě̤ lô̌khô kû̌ kòyò wě̤nǎ hto sîmi̤ dǒ mǒkhû̌ nu.”

Rṳ̂̌me̤ 12:1

Pô̤̌nudě, pṳ̌wè̤̌ sî꤮, Cǒmara a ta̤gwèbǎǐ panu, adû̌ayô̤̌ tûlû̌shû̌lě dǒ paya akhû̌akhî, he kwisǎyṳ sî kû̌ sî gǔ ǐlò̤ sî nǎ̤glǒnu dǒ Cǒmara a ô̌ pô̤̌ ta̤lṳ dǒ a htûpwa̤nu, pô̤̌ ta̤lṳ dǒ aplò̌shǐ kû̌ pô̤̌ ta̤lṳ dǒ atô lû̌sǎphlǒ a ta̤sǎyṳnu nî̌꤮. Sî tô cabahtò̌ Cǒmara pô̤̌numî̌ amè̤̌ klè̌ dǒ atôabǎ tôbô hǒ.

Rṳ̂̌me̤ 16:12

Hî̌mô̤hî̌bǎwô̌ nṳ̌bǎ he Mǒ̤htarǔbènu kû̌ Mǒ̤htarǔbûsa nusò̌ginǐ̤ nî̌꤮. Asî mî̌ pwa̤mǒ̤ tokhlǒ dǒ a ma̤ mî̌cata̤ dǒ Běcǎ aya. Hî̌mô̤hî̌wô̌ nṳ̌bǎ hekhômô̤ Mǒ̤phèrasǐnu nî̌꤮. A mî̌ pwa̤mǒ̤ dǒ a jî̌pwǐ̤ ma̤cǒta̤ dǒ Běcǎ aya tôpwa̤ hǒhǒ.

Rṳ̂̌me̤ 16:9

He sûcû̌nǐ̤ he ta̤hî̌mô̤hî̌wô̌ dǒ Khûǔrôbanṳ̌ dǒ a ma̤ wô̤̌wô̤̌gû̌ Khrǐ a ta̤phǐta̤ma̤ kû̌ he nutôpwa̤ kû̌ he khô Khûsatakǔ a ô̌.

Phǐlǐpǐ 1:12

He pṳ̌wè̤̌ sî, lǒ̤bò ta̤ma̤htûhtò̌ anǎ̤ kû̌ he tokhlǒ numî̌ amè̤̌pwǎ a ma̤jè̌ bǎ ta̤sǎlě̤we̤kè gǔ dû̌htò̌ htûhtò̌ ayapwǎ numî̌ he sǎyṳ nosî̌ganǎ̤ sî.

Phǐlǐpǐ 1:16

Asî mô̤ǐ he dě a ma̤ lô̌khô pwǎ, ma̤titèhî̌dě tôbǎ hî̌bǎ takabǐ tě̤tṳ ta̤sǎlě̤we̤kè ata̤ma̤ numî̌ Cǒmara ǐ he pwǎnu, asî sî̌ganǎ̤ lô̌khô pwǎ.

Phǐlǐpǐ 1:27

A htûhtò̌ hî̌tè bǎbǎ, sî tô ô̌htûpwa̤ lô̌khô pô̤̌ Khrǐ a ta̤sǎlě̤we̤kè shôbǐǐ bǎ sînu nî̌꤮. Sî kè̌ ma̤pô̤̌nu hî̌dě he hèkè̌shǐ sî bǎbǎ, he ô̌tepheyî̤ kû̌ sî dě he ganǎ̤de pwǎ sîwe̤sîkè bǎbǎ, he sî̌ganǎ̤ kû̌ sî sǎphlǒ icu lû̌û dě sî ihtǒ tònò shěshu lû̌û dǒ ta̤sǎlě̤we̤kè a ta̤yṳ̌ta̤nǎ̤ ayahǒ. Htokhôtô̤̌ sî ǐsha pe kòyò dǒ a sǎkhěkhû̌khwè sî nutokhlǒ alǎ̤ tô̤̌. Sî kè̌ ma̤pô̤̌nu hî̌dě sî khòlṳ̌ hto asî kû̌ Cǒmara ma̤pî̌kè asî pě, dě Cǒmara gǔ ma̤hǎplǎge sî kû̌ anǎ̤ pě.

Phǐlǐpǐ 1:5

Ma̤titèhî̌dě, he ma̤ ta̤sǎlě̤we̤kènu, sî gû̌ma̤ kû̌ he dǒ asakhû̌lû̌kha tǒ̤dǒ khònò̤̌ hǒ.

Phǐlǐpǐ 1:7

He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Phǐlǐpǐ 4:2

Mǒ̤yǔûdǐya kû̌ Mǒ̤sǔtakhe sî, sî pṳ̌kû̌wè̤̌ lû̌û dǒ Khrǐ akû akhû̌akhî, he kwisǎyṳ sî kû̌ sî gǔ sǎphlǒtô kè̌khî lû̌û tôpwa̤ kû̌ tôpwa̤.

Kòlòtè̌ 1:7

Khûepapra mî̌ kòyò dǒ a shôbǐǐlṳ̌ wǐlǒ bǎ sî kû̌ Cǒmara a ta̤bwǐta̤sîrî tôpwa̤ hǒ. A mî̌ Yeshǔ Khrǐ pwa̤ma̤ta̤phû̌ dǒ a ma̤ta̤ kû̌ pa dě pa mô̤ǐ yǎ nutôpwa̤. A mî̌ Khrǐ pwa̤ma̤ta̤phû̌ dǒ acǒ kû̌ ayô̤̌ tôpwa̤. Dě a ma̤ pô̤̌o numî̌ a ma̤ bǎ pa gûlǎ̤ hǒ.

Ta̤dǔlè̌nǎ 13:8

Kòyò lǒ̤bò dǒ a ô̌ dǒ hǎkhû̌ pṳ̂̌tôpwa̤nu, a gǔ cubucabahtò̌ bò lû̌pě. Sahtò̌ dǒ kòyò bô̌lò̤ hǎkhû̌ akhape, kòyò dǒ a ô̌htûpwa̤ dǒ hǎkhû̌ nutokhlǒ dě kòyò wě̤padô̌ asîmi̤ dǒ sû̌phû̌ nutôdo a lî̤htûpwa̤ akû khôtô̤̌ tokhlǒnu, a gǔ cubucabahtò̌ bò lô̌khô ta̤mi̤ta̤mò̤̌ nutôdo pě. Sû̌phû̌ nutôdo mî̌ kòyò ma̤si yǎnu tôpwa̤ hǒ.

Ta̤dǔlè̌nǎ 17:8

Ta̤ěta̤jô̌ dǒ na kè̌shǐ yǎ nî̌ taplǎkhanu a ô̌ htohǒ bǎbǎkǎlè khònò̤̌ a ô̌ pe tô̤̌ nutôdo gǔ ô̌lṳ̌htò̌ sô̌ pě. A ô̌ dǒ khokûdû̌yô̤̌ nutôkû dě a gǔ hǎhtò̌ pě. Dě Běcǎ kaǎcû̌ lû̌û dǒ ta̤cî̌htò̌ agûlǎ̤ dě a gǔ ma̤pî̌kè lû̌û tûjû̌pwa̤ pě. Sahtò̌ dǒ kòyò bô̌lò̤ hǎkhû̌ akhape, kòyò dǒ a ô̌htûpwa̤ dǒ hǎkhû̌ tokhlǒ dě kòyò wě̤nṳ̌ asîmi̤ dǒ lî̤htûpwa̤ akû khôtô̤̌ tokhlǒnu, a gǔ ǒò̌ kiti̤ kaa bò lô̌khô bǎ asî kè̌ ta̤ěta̤jô̌ nutôdo akhanu pě, ma̤titèhî̌dě, tôplǎkhanu ta̤ěta̤jô̌ hǒtôdo ô̌htûpwa̤ dě khònò̤̌ dě a ô̌ pe tô̤̌, bǎbǎkǎlè a gǔ ô̌lṳ̌ sô̌ pě akhû̌akhî, asî ǒò̌ kiti̤ kaa bò lô̌khô pwǎ.

Ta̤dǔlè̌nǎ 20:12

Dě he kè̌shǐ kòyò dǒ ami̤ lṳ̌shilṳ̌gǎ kû̌ kòyò dǒ kòyò gènè̤ pî̌tî̌ lû̌û dě a sihtohǒ tokhlǒ ihtǒô̌ dǒ khwǐ tòcòhta abûpǎdû̌ alô̤mô̤̌nu. Kòyò bǔmôhtò̌ lî̤tokhlǒ htodě kòyò bǔmôhtò̌ lî̤ ashǔshawa̤ tôbǎ dǒ kòyò kaǎ kû̌ lî̤htûpwa̤nu. Kòyòsi tokhlǒnu, kòyò cî̌htò̌ asî pô̤̌ a ma̤bǎhtonu kû̌ pô̤̌ kòyò wě̤mǎnǎ bǎ lî̤nu akûnu tokhlǒ.

Ta̤dǔlè̌nǎ 20:15

Kòyò tôpwa̤pwa̤ ami̤ kè̌ ô̌ dǒ lî̤htûpwa̤ nutôbǎ akû tô̤̌ hî̌nu, kòyò bǎ wîtě̤kè a dǒ mî̌phǎ nutôphǎ akû pě.

Ta̤dǔlè̌nǎ 21:27

Bǎbǎkǎlè dǒ wî̤̌kûnu ta̤ dǒ aplò̌shǐ tô̤̌ nutokhlǒ nṳ̌jò tôcǒ tô̤̌. Kòyò dǒ a ma̤ ta̤phû̌mò̤̌shǐhtô bǎbǎ, a lòhǎlòhò tokhlǒ bǎbǎ, nṳ̌jò tôpwǎ̤ tô̤̌. Nṳ̌jò pwǎtǒ̤ kòyò dǒ ami̤ ô̌ dǒ sû̌phû̌ a lî̤htûpwa̤ nutôbǎ akû tokhlǒ nô̤̌ pwǎ.

Ta̤dǔlè̌nǎ 3:5

Kòyò dǒ a ma̤pè̤̌ta̤ tokhlǒnu kòyò gǔ dǐkûdǐsô̌ htò̌ asî kû̌ jehǐyò̤̌bû pô̤̌onu pě. Htodě ami̤ dǒ a ô̌ bǎ lî̤htûpwa̤ akû tokhlǒnu, he htǔpǐ̤kè bǎ yǎ tô̤̌. Dǒ hepha kû̌ a mǒkhû̌ tanaphû̌ tokhlǒ a lô̤mô̤̌ pěnu he gǔ shôbǐǐ lṳ̌htò̌phlô bǎ asî tokhlǒnu kû̌, asî mî̌ hekòyò pwǎ, pô̤̌nu pě.