Phǐlǐpǐ 4:19 - Kawyaw New Testament

¹⁹ Dǒ Yeshǔ Khrǐ akhû̌akhîdě, Cǒmara gǔ ma̤jè̌ bǎbò sî lǒ̤bò sî lǎ̤lṳ̂ nutokhlǒ pě. Pô̤̌ a dû̌yò̤̌htò̌sa lǒlǒbebe hî̌jò pe takǎkǎ tô̤̌nu, a gǔ ma̤jè̌ sî pô̤̌nu pě.

Kawyaw RC

¹⁹ Ye̤shǔkhrî̌stu akhû̌akhî, Cǒmara ma̤jèbò sî lǒ̤꤮ bò sî lo̤bǎnu toǒ pě. Pwǐ a dû̌yò̤htò̌sa lǒbetî̌pî̌ hî̌jòpe tò̤ htǒonu, a ma̤jètû̌ sî hǐnu pě.

Phǐlǐpǐ 4:19 Iomraidhean Croise

Mǒhtûlû̌hǎhtûsa 48:15

Htodě a ǐshowî̤ Khûyṳ̂tǎ dě a hî̌ kû̌, “Cǒmaradû̌ dǒ hephi PhuAbraha kû̌ hepha PhaIsè̌ ô̌htûpwa̤ ma̤tô asǎphlǒ nutôpwa̤ glè̌ ǐshowî̤ tû̌ phijǎ nutokhlǒ nî̌. Cǒmaradû̌ dǒ a kè̌ǐ he tǒ̤khònò̤̌ hǒtôpwa̤ glè̌ ǐshowî̤ phijǎ nutokhlǒ nî̌.

Htû̌sò̌htò̌ 104:24

Ǒ Cǒmara tûjû̌pwa̤, na ma̤ ta̤ tokhlǒnu a ô̌wô̤̌ le. Na bô̌lò̤ ta̤ nutokhlǒ kû̌ ta̤sî̌ta̤jò̌ lǒ̤bò. Hǎkhû̌nu a ô̌ be bò kû̌ na ta̤bô̌ta̤tè.

Htû̌sò̌htò̌ 130:7

Ǒ Isôrě̤laphû̌ sî, Cǒmara ata̤mô̤ numî̌ ahǎbòjò tô̤̌. A sǎphlǒô̌ ma̤hǎplǎkè kòyò pṳ̂̌ tôplǎ akhû̌akhî, kè̌shǔǐ mò̌ Cǒmara tûjû̌pwa̤.

Htû̌sò̌htò̌ 36:8

Asî ǎkǒôbe, shǎǎshǎô ô̌lǒô̌be dǒ nahǐkûnu. Na dǐô asî shi lǒbe kû̌ na ta̤wî̤ta̤wô̌ dǒ nashilǎ̤gǎkûnu.

Htû̌sò̌htò̌ 84:11

Běcǎ Cǒmara tûjû̌pwa̤ mî̌ asô̌sô̌kû̌ lṳmṳ̌, pwa̤takabǐ pa. Cǒmara tûjû̌pwa̤ gwèbǎǐ pa, a bè̌dû̌bè̌htûǐ pa. Kòyò dǒ a ma̤tôma̤bǎ ta̤ tokhlǒnu, Cǒmaradû̌ sǎphlǒô̌ ǐ asî ta̤twèta̤wô̌.

Matěo 6:32

Ma̤titèhî̌dě kòyò dǒ a sî̌ganǎ̤ kû̌ kò Cǒmara tô̤̌ tokhlǒnu, a kè̌lǎ ma̤ lô̌khô pô̤̌nu pwǎ. Bǎbǎkǎlè sîpha dǒ mǒkhû̌ tôpwa̤nu a sî̌ganǎ̤ bò sî ta̤lṳ̂bǎ nutokhlǒ hǒ.

Jowǎ̤ni̤ 20:17

Dě Běcǎ Yeshǔ hî̌ lû̌û kû̌, “Pṳ̂̌bǎ tǎ̤ he mǎ̤, ma̤titèhî̌dě he ge dǒ hepha ô̌ nò̌khôtô̤̌. Cû̌ dǒ he pṳ̌wè̤̌ nutokhlǒ a ô̌ dě cû̌hî̌ bǎ asî kû̌, ‘he gǔ gehtò̌ dǒ hepha ô̌mî̌ amè̤̌, asî pha mî̌ amè̤̌mè̤̌, he Cǒmara mî̌ amè̤̌mè̤̌, asî Cǒmara mî̌ amè̤̌mè̤̌ nutôpwa̤ a ô̌pě’” A hî̌ lû̌û pô̤̌nu.

Jowǎ̤ni̤ 20:27

Hǒtôplǎdě a hî̌ Khûtû̌mǎ kû̌, “Hèkè̌mò̌ he cudekûnu, hè dě cîwîkè̌ tûû̌ kû̌ na cǔmṳ̌ nu. Yṳ̂̌hè na cǔgô̌nu dě sûphû he wî̤̌lǎ̤ acè̌wè̌nu. Sǎphlǒ wò̌wè̌ tǎ̤mǎ̤. Tûlû̌ yṳ̌ǎnu.” A hî̌ lû̌û pô̤̌nu.

Rṳ̂̌me̤ 1:8

Dǒ Yeshǔ Khrǐ akhû̌akhîdě, he hî̌bwǐhî̌sîrî wǐlǒ he Cǒmara dǒ sî lǒ̤꤮ bò aya hǒ, ma̤titèhî̌dě, sî ta̤yṳ̌ta̤nǎ̤nu, kòyò ganǎ̤de bò dǒ hǎkhû̌ tôbě lǒ̤ hǒ.

Rṳ̂̌me̤ 11:33

Cǒmara a ta̤gwèbǎǐ, a ta̤sî̌ta̤jò̌ kû̌ a ta̤sî̌khû̌sî̌ya tokhlǒnu, adû̌ayô̤̌ mî̌ca. A tîwî̌tòwò ma̤ta̤ tokhlǒnu, kòyò sî̌yahtò̌ bò̌ tôpwa̤꤮ tô̤̌. Aklè̌ tokhlǒnu kòyò sî̌ganǎ̤ bò̌ tôpwa̤꤮ tô̤̌.

Rṳ̂̌me̤ 2:4

Cǒmara wô̌ dǒ nakhû̌ pwǐ tè, a khòsǎdô bǎ na pwǐtè, a sǎphlǒhtû bǎ na pwǐtènu, na bè̌dubè̌nǎ̤tô̤̌ ya? Pô̤̌khô na gǔ yò̤lǎ̤plǎdî̌ gesô̌ nasǎphlǒ ayanudě, Cǒmara jî̌pwǐ̤ bè̌lṳ̌ bǎ na ata̤mô̤ ta̤wô̤̌ tokhlǒ dǒ nakhû̌ numî̌ na sî̌ganǎ̤ tě̤tě̤mè̤̌mè̤̌ tô̤̌ ya?

Rṳ̂̌me̤ 8:18

He kè̌shǐtṳ̌bǎ kû̌ ta̤jî̌ta̤jû̌ dǒ pa khòbǎ khònò̤̌ nî̌, kè̌ he jèbǎ kû̌ Cǒmara gǔ dǔlṳ̌ pa ta̤bwǐdû̌sîrîhtû htû̌꤮ nô̌kòpě hî̌dě, ta̤jî̌ hǒo nî̌ he bè̌ pe yǎkû̌ ta̤tôcǒ꤮ tô̤̌.

Rṳ̂̌me̤ 9:23

Pô̤̌khô Cǒmara gǔ dǔlè̌lṳ̌ bǎ kòyò dǒ a sǎyṳgwèbǎǐ lû̌û nutokhlǒ kû̌ a ma̤ cô̌klǐcô̌sè bǎ asî pwǐ꤮ tènu dě, a khòsǎphlǒhtû bǎ jî̌ asî. A rû̌htò̌ nǎ wǐhto asî hǒdě a ǐ asî kû̌ a ta̤bwǐdû̌sîrîhtûnu pě.

Kôritu ginǐ̤bǎ tôbǎ 12:21

Dǒ sî ta̤ihtǒhǎnòò̌ ma̤ lô̌khô pô̤̌nu akhû̌akhî, he gǔ hè ô̌lè kû̌ sî hǒtôplǎ pěnu, hî̌pě he kè̌shǐbǎ kû̌ ta̤sòwò̤̌ dǒ Cǒmara a lô̤mô̤̌ pě he gènè̤ ǐsha pô̤̌nu. Ma̤titèhî̌dě, dǒ awǐanô̌ numî̌ kòyò dǒ a cû̌sǔnṳ̌plěnṳ̌ pwa̤mǒ̤pwa̤khû tokhlǒ, gènè̤ putupatǎ tokhlǒ kû̌ a cû̌sǔnṳ̌plěnṳ̌ kòyòphû̌kòyòma tokhlǒnu, a yò̤lǎ̤plǎdî̌ lô̌khô asǎphlǒ khôtô̤̌. Pô̤̌nudě dǒ kòyò hǒtokhlǒ akhû̌akhî, he gǔ hǎsihǎô̌ dǒ asîya pě he bǎyû pô̤̌nu.

Kôritu ginǐ̤bǎ tôbǎ 4:17

Ma̤titèhî̌dě ta̤pò̤̌ta̤sha dǒ pa khòbǎ a bǎ hǎkhû̌ hǒtokhlǒ numî̌ tòshò̌phû̌ pwǎ. Pa kè̌ tûlû̌kè kû̌ ta̤tôta̤wô̌ dǒ pa gǔ nǐ̤bǎ a htǔ nô̌kòpě tôhtu pě tokhlǒ hǒnumî̌, amè̤̌ kû̌ tôcǒ hǐ tô̤̌. Bǎ hǎkhû̌nu pa khòbǎ ta̤pò̤̌ta̤sha hǒtokhlǒ bǎbǎkǎlè dǒ mǒkhû̌ pěnu ta̤bwǐdû̌sîrîhtû tûjû̌pwa̤ dǒ awî̤awô̌ khlo, dě alò̤htǒ lǒkhlo kû̌ ta̤pò̤̌ta̤sha dǒ pa khòbǎ dǒ hǎkhû̌nu, pa gǔ nǐ̤bǎ pě.

Ěphěsu 1:18

Pô̤̌khô sî gǔ sî̌yaphlôwô̌ kû̌ kòyò ta̤ma̤ cô̌klǐcô̌sè dǒ a olò̤ bǎhto a kòyò dǒ a kaǎ ǐ lû̌û nutokhlǒ ayanu, he kwicaba dǒ a gǔ dǐsî̌nǎ̤phlô bǎ sî pwǎ. Cǒmara ǐ kwè̌ a kòyò tokhlǒ û̌tě̤û̌ca dǒ alě̤dû̌pwî̤htû, awî̤awô̌ tokhlǒ kwè̌ titènu, he sǎyṳ nosî̌ganǎ̤ tě̤tě̤mè̤̌mè̤̌ sî.

Ěphěsu 1:7

Dǒ Khrǐ tṳ̌sikhòsi anǎ̤ dě asǐ sǐlò̤ akhû̌akhî, Cǒmara htè̌ge hto pa hǒ, dě a plûkè bò pa ta̤sǔ hǒ. Cǒmara abwǐsîrî nî̌ adû̌ayô̤̌ jî̌jî̌ dǒ paya hǒ.

Ěphěsu 2:7

Cǒmara nî̌ awô̌ jî̌ dǒ pa htû akòyò tokhlǒ akhû̌. Khrǐ ma̤ bǎ hto ta̤ dǒ paya akhû̌akhî, Cǒmara dǔlè̌lṳ̌lò̤ a ta̤ma̤mô̤ma̤wô̌ pa tokhlǒ hǒ. Pô̤̌khô Cǒmara dǔlè̌lṳ̌ bǎ kòyòhǎkhû̌phû̌ dǒ nô̌kòpě tôhtu tokhlǒ kû̌ abwǐdû̌asîrîhtû tokhlǒ pěnu dě, a ma̤ bǎ dǒ paya pô̤̌o pwǎ.

Ěphěsu 3:16

Cǒmara a ta̤ǐshôwî̤shôwô̌ ô̌dû̌wî̤ plṳ̂phǎhǒ. Pô̤̌nu akhû̌akhî, he kwihtò̌ a dǒ a no Yôla Plò̌shǐ Běcǎ gǔ ǐlò̤ tutṳ̌ bǎ sî ata̤siwi̤sòwò̤ nudě a gǔ ma̤shû̌ma̤shohtò̌ sô̌ sî sǎphlǒ pěnu.

Ěphěsu 3:8

Dǒ Cǒmara kòyò tokhlǒ aklanu, he mî̌ kòyò dǒ atôagwǎ gû̌ kòyò tîkî̌꤮ tô̤̌ tôpwa̤. Pô̤̌nu bǎbǎkǎlè Cǒmara ǐlò̤ he ta̤bwǐta̤sîrînu kû̌ he gǔ shôbǐǐlṳ̌ bǎ Yǔdaphû̌ mè̤̌tô̤̌ tokhlǒ kû̌ Khrǐ a ta̤lě̤dû̌pwî̤htû dǒ kè̌lǎsî̌ya bò̌ awe̤akè tô̤̌ nutokhlǒ.

Phǐlǐpǐ 4:7

Cǒmara gǔ ǐ sî ata̤gûjû̌gûbǎ dǒ kòyò hǎkhû̌phû̌ gènè̤ htûtô̤̌ nupě. Dǒ sî htûhtò̌ ta̤tôcǒ꤮ nô̤̌ kû̌ Yeshǔ Khrǐ hǒ akhû̌akhî, Cǒmara a ta̤gûjû̌kabǎ ô̌pǒ̤mě sî sǎphlǒsǔshi kû̌ sî ta̤gènè̤ tokhlǒ pě.

Kòlòtè̌ 1:27

Cǒmara sǎphlǒô̌ dǒ a gǔ bè̌lṳ̌htò̌ bǎ a kòyò tokhlǒ kû̌ a ta̤dǒû̌dǒshò̌ nutôcǒ. A ta̤dǒû̌dǒshò̌ numî̌ Yǔdaphû̌ mè̤̌tô̤̌ tokhlǒ aya numî̌ amè̤̌. Ta̤dǒû̌dǒshò̌ numî̌ a lě̤dû̌pwî̤htû, ata̤bwǐdû̌sîrîhtû mî̌ca. Ta̤dǒû̌dǒshò̌ numî̌ amè̤̌kû̌ Khrǐ dǒ a ô̌ bǎ sîkû nuhǒ, dě yô̤̌mûyô̤̌sǎ mî̌ amè̤̌kû̌ sî gǔ nǐ̤bǎ Cǒmara a ta̤bwǐdû̌sîrîhtû pě, nuhǒ.

Kòlòtè̌ 3:16

No ô̌měô̌gle lǒbe Khrǐ alě̤ayô̤̌ dǒ sî sǎphlǒkû nî̌꤮. Sî gǔ sû̌ǐtòwòǐ kè̌khî lû̌û tôpwa̤ kû̌ tôpwa̤, dě sî gǔ dǐsè̌rè̌ kè̌khî lû̌û tôpwa̤ kû̌ tôpwa̤ bǎ ta̤sî̌jò̌ ô̌ kû̌ sî nunî̌꤮. Sǎwǐhtûsò̌htò̌ lô̌khô Cǒmara kû̌ sî ta̤hî̌bwǐhî̌sîrî lû̌û dǒ sî sǎphlǒkû nî̌꤮. Sǎwǐsǎshô̌ lô̌khô Cǒmara kû̌ alî̤ sǎwǐ nutokhlǒ lǒ̤bò nî̌꤮.

Tîsalònǐ awǐlǒ tôbǎ 2:12

Ma̤titèhî̌dě pô̤̌khô sî gǔ ô̌htûpwa̤ tôbǎ pô̤̌ Cǒmara asǎphlǒnu dě pa ǐkhû̌ǐǎ sî, pa hî̌bǎmô̤ hî̌bǎwô̌ sî, pa tûsû shò̌gû̌ sîkò pṳ̂̌꤮ tôpwa̤. Cǒmara mî̌ pwa̤ dǒ a kaǎnṳ̌ sî dǒ ashiagǎkû kû̌ a ta̤bwǐdû̌sîrîhtû akû tôpwa̤hǒ.

Tîmôte awǐlǒ tôbǎ 6:17

Mǎnǎ nayô̤̌ kû̌ kòyò dû̌yò̤̌htò̌sa dǒ hǎkhû̌ nutokhlǒnu, dě hî̌ asî kû̌ phǐdû̌phǐhtòlṳ̌ tǎ̤ sînǎ̤ tǎ̤mǎ̤, nǎla̤htò̌ ǐ tǎ̤ sî ta̤dû̌yò̤̌htò̌sa nutokhlǒ tǎ̤mǎ̤. Ta̤dû̌yò̤̌htò̌sa nutokhlǒ nî̌, a ô̌lṳ̌ pwǎ tarû̌tashò̌phû̌nô̤̌ pě dě a gǔ hǎmǎkè pě hî̌ asî pô̤̌nu nî̌꤮. Bǎbǎkǎlè asî tôbǎ kè̌shuhtò̌ dǒ Cǒmara a ô̌. Pô̤̌khô pa gǔ sǎlě̤sǎlò̤ ayanu, Cǒmara ǐ betǐpǐ bǎ pa pṳ̂̌꤮ tôplǎ.

Philemo 1:4

Khûphǐlǐmṳ̂꤮, bǎ he kwicaba akhanu, he gènè̤htò̌nṳ̌ na pṳ̂̌꤮ tôplǎ dě he hî̌bwǐhî̌sîrî he Cǒmara.

Petru awǐlǒ tabǎ 5:1

He mî̌ ta̤dòkû mǒ̤pwǎ̤ ikǒdû̌ tôpwa̤, htodě he mî̌ pwa̤khòlṳ̌ bǎ Khrǐ a ta̤khò̌jî̌jû̌ awe̤akè tôpwa̤. Htokhôtô̤̌ htû̌꤮ Cǒmara dǔlè̌lṳ̌ hǒ kòyò kû̌ a ta̤bwǐdû̌sîrîhtû akhapěnu, he bǎbǎ, he ô̌plǒ kû̌ a ta̤sîrîdû̌sîrîhtû nupě. Khònò̤̌dě he kwisǎyṳ sî ta̤dòkû mǒ̤khumǒ̤pwǎ̤ dǒ a htû ikǒlǒkòdû̌ tokhlǒ kû̌,

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ dě a kaǎ sî dǒ a ǐ sî kû̌ a ta̤sîrîdû̌sîrîhtû tûjû̌pwa̤ dǒ Yeshǔ Khrǐ akûnu pě. Bǎ sî khòbǎ ta̤jî̌ta̤jû̌ tòshò̌phû̌nu gǔ tûlû̌ htopěnu, Cǒmara anǎ̤běcǎ tû̌ a gǔ ma̤měma̤gle tònò gesô̌ sî pě, htodě a ǐshoǐshû̌htò̌ sîkhû̌sîǎ pě.