Phǐlǐpǐ 4:17 - Kawyaw New Testament

¹⁷ He kè̌lǎ dǒ kòyò gǔ ǐkè he sû pô̤̌nu mè̤̌tô̤̌. Pô̤̌khô Cǒmara gǔ ǐ sî ta̤ma̤nǐ̤khû̌kǎ nudě he sǎphlǒshû̌ sǎyṳ kè̌shǐ khlotèpè̤̌ dǒ sî gǔ ma̤ dû̌wî̤pô̤̌ ta̤wô̌ tokhlǒ pô̤̌ sî ma̤ hto nutokhlǒ.

Kawyaw RC

¹⁷ He kè̌lǎ dě kò glè ǐko he sû hǐnu mè̤tò̤. Ma̤pûhǐ Cǒmara ǐ sî ta̤ma̤khû̌kǎnu dě he sò̌phlosho sò̌yṳ kè̌shǐkhlo ta̤pǎ̤꤮ htě sî glè ma̤ dû̌htò̌po̤ ta̤wǒ toǒ pwǐ sî ma̤htonu toǒ.

Phǐlǐpǐ 4:17 Iomraidhean Croise

Jowǎ̤ni̤ 15:16

Sî rû̌htò̌ he mè̤̌tô̤̌. He rû̌htò̌ sî dě he bè̌htò̌ sî pô̤̌khô sî gǔ hǎhtò̌cû̌ lô̌khô dě cû̌ sǎhtò̌phôhtò̌ dû̌wî̤ lô̌khô. He bè̌htò̌ sî kû̌ sî gǔ sǎicuměgle lô̌khô tǒ̤dǒ agutṳ̌. Sî kè̌ ma̤pô̤̌nu mî̌ sî kwi caba titètè̌꤮ bǎbǎ, sî kè̌ kwi kû̌ hemi̤ hî̌nu, pha gǔ ǐ sî pě.

Jowǎ̤ni̤ 15:8

Dǒ sî sǎhtò̌phôhtò̌ dû̌wî̤ sǒsǎ dǒ amè̤̌kû̌ ma̤ta̤wô̌ tokhlǒ akhû̌akhî, he pha a ta̤bwǐdû̌sîrîhtû gǔ ô̌ lṳ̌htò̌ pě. Dǒ sî sǎhtò̌dû̌ pô̤̌nu akhû̌akhî, sî dǔlè̌lṳ̌hto kû̌ sî htû he khôphijǎ tokhlǒ hǒ.

Rṳ̂̌me̤ 15:28

Pô̤̌nudě htû̌ he ǐ kè hto ru dǒ asî cǔdekû pěnu, htodě htû̌ he sî̌ganǎ̤ mè̤̌mî̌cahto kû̌ asî nǐ̤bǎ hto rû pě akhanu, he gǔ hǎhtò̌cû̌ dǒ Sapegǎ pě, dě he gǔ nṳ̌ ô̌lè gûmṳ̂̌kû̌ sî bǎnu pě.

Kôritu ginǐ̤bǎ tôbǎ 11:16

He gǔ hî̌ sô̌ kû̌, sî tô gènè̤ǐ lô̌khô he kû̌ kòyò kimwi tôpwǎ̤꤮ tô̤̌. Bǎbǎkǎlè sî kè̌ gènè̤ lô̌khô he hî̌dě he htû kû̌lǎ kòyò kimwi dě he shôbǐ htû̌sò̌ǐ kû̌lǎ tîkî̌phû̌.

Kôritu ginǐ̤bǎ tôbǎ 9:5

Pô̤̌nudě, he bè̌lò̤ he sǎphlǒ dǒ he lǎ̤lṳ̂ nohè wǐ pa pṳ̌wè̤̌ tokhlǒ dǒ sîô̌ dě a gǔ ma̤jè̌ ta̤kûplǒ ta̤ma̤lṳ dǒ sî olò̤ kû̌ sî gǔ ma̤jè̌ kòyò nutokhlǒ. Kè̌ ma̤pô̤̌nu htodě htû̌꤮ he hètǒ̤ pěnu, sî gǔ tîwî̌tòwò nǎ htobòhǒ sî ta̤ma̤lṳ nutokhlǒ hǒ. Pa kè̌ ma̤pô̤̌nudě kòyò gǔ kè̌shǐ kû̌ kòyò noshû̌ sî tôpwǎ̤꤮ tô̤̌nu, sî sǎphlǒshû̌ ma̤ tûû̌ pwǎ pô̤̌nu pě.

Phǐlǐpǐ 1:11

Htokhôtô̤̌ he kwicaba bǎ sîya kû̌, dǒ Yeshǔkhrǐ a ta̤pô̤ta̤phǎ khû̌khîdě, sî gǔ sǎhtò̌ tutṳ̌ lô̌khô ta̤tě̤ta̤mè̤̌ asǎ tokhlǒ. Ma̤titèhî̌dě bǎ kòyò kè̌shǐ sî sǎhtò̌ ta̤tě̤ta̤mè̤̌ asǎ nutokhlǒ akhanu, kòyò bè̌dubè̌nǎ̤ Cǒmara, dě kòyò gǔ htû̌sò̌htò̌ǐ yǎ pě.

Phǐlǐpǐ 4:11

He hî̌ pô̤̌o dě atô kû̌ he lṳ̂ru pô̤̌nu mè̤̌tô̤̌, ma̤titèhî̌dě he kè̌shǐbǎ ta̤ma̤anǎ̤ kû̌ he pwî̌tètè̌꤮ bǎbǎ, Cǒmara sû̌ǐ hto he kû̌ he gǔ bè̌jò̌ he sǎphlǒ pwǎ.

Tîsalònǐ awǐlǒ tôbǎ 2:5

Pô̤̌ sî sî̌ganǎ̤ htobò, pa hè hî̌bǎhtû̌sò̌ lòhô kû̌ sî tôkhò̌꤮ tô̤̌. Pa sǎyṳsǎbǎ ruhta dě pa hè jî̌khô̌jî̌yò bǎ kû̌ panǎ̤ tôkhò̌꤮ tô̤̌. Pa ma̤bǎnô̌ kû̌ pô̤̌o tô̤̌ numî̌ Cǒmara sî̌ya pwǎ.

Tîmôte awǐlǒ tôbǎ 3:3

Htodě a tôbǎ ǎmuômu tô̤̌, a tôbǎ sǎphlǒphǔtǔ tô̤̌, mè̤mè̤̌tôkhônu a tôbǎ mè̤̌ kòyò dǒ a sǎdôhôbî̌, kòyò dǒ atô̤̌klǐ tô̤̌, a bǎmô̤ǐ ruhta tô̤̌.

Tîmôte awǐlǒ tôbǎ 6:10

Ma̤titèhî̌dě ta̤sǎyṳsǎbǎ ru numî̌ ta̤phû̌mò̤̌shǐhtô lǒ̤bò akhò̌wǐ̤ hǒ. Kòyò tokhlǒkhlǒnu, a sǎphlǒshû̌ sǎyṳ tûlû̌shû̌lě ru akhû̌khî, asî cû̌ tephekè kû̌ ta̤yṳ̌ta̤nǎ̤ dě nǐ̤bǎ ta̤sǎplǎ̤ acǒcǒ ma̤shama̤htòbò asî sǎphlǒhǒ.

Tǐtǔ 1:7

Ma̤titèhî̌dě, ta̤dòkû ikǒlǒkòdû̌ tôpwa̤nu, ta̤ma̤ lò̤bǎ a dǒ a tôbǎ ma̤ Cǒmara a ta̤phǐta̤ma̤ akhû̌akhî, kòyò lǎ̤bè̌ a ta̤sǔ mî̌ a tôbǎ ô̌ tô̤̌. Ikǒpwǐ̤ kû̌ sǎphlǒ dû̌htò̌phwè tokhlǒnu a tôbǎ ô̌ tô̤̌, bǎ ǎmuôpô̌ tô̤̌, bǎpo̤bǎplè kòyò tô̤̌, bǎ pṳ̂̌sigwǐǎ ru dǒ kòyòkhû̌ tô̤̌.

Tǐtǔ 3:14

Pô̤̌khô pa Grete khrǐphû̌ hǒtokhlǒ gǔ noǎjò kû̌ kòyò ashěakhǎ dǒ a ma̤ ta̤wô̌ tokhlǒ ayanu, tôbǎ sû̌ǐ padô̌ asî htodě pô̤̌khô a gǔ ma̤jè̌bò̌ padô̌ kòyò dǒ a lǎ̤lṳ̂ mè̤̌mî̌ca nutokhlǒ, htokhôtô̤̌ pô̤̌khô asî gǔ ô̌htûpwa̤ nòdû̌ tǎ̤ kû̌ ta̤ dǒ abwǐasîrî ô̌tô̤̌ nutokhlǒ aya tǎ̤mǎ̤nu, tô sû̌ǐ padô̌ asîsî.

Hebrǔ 6:10

Cǒmara mî̌ a ma̤ ta̤cǒ pwǎ. Ta̤ma̤wô̌ dǒ sî ma̤hto tokhlǒnu a shôpě̤ tô̤̌. Ta̤mô̤ dǒ sî dǔlè̌lṳ̌ hto dǒ aya kû̌ sî ma̤jè̌ a kòyò tokhlǒ dě sî ma̤jè̌ hè sělě asînu a shôpe̤ bǎtô̤̌.

Petru awǐlǒ tabǎ 5:2

Sî dǒ a htû ta̤dòkû ikǒdû̌kûshû̌htû dǒ asô̌sô̌kû̌ pwa̤kè̌sû̌phû̌ sî tokhlǒnu, kè̌khwè̌ǐ lô̌khô Cǒmara asû̌phû̌ dǒ a ǐ sî nutôprṳ̂, dě ô̌pǒ̤kè̌wô̌ lô̌khô ta̤dòkûphû̌ nutokhlǒ, dě sǎphlǒ ô̌ kè̌wô̌ lô̌khô asî pô̤̌ Cǒmara sǎyṳ nokè̌ sî nunî̌꤮. Ma̤ tǎ̤ pô̤̌ kòyò noshû̌ sî dě sî ma̤pwǎnu tǎ̤mǎ̤. Kè̌dû̌ lô̌khô khû̌kǎ dě ma̤ lô̌khô tǎ̤mǎ̤ nî̌꤮. Mè̤̌mè̤tôkhônu, sî gǔ htû khô̌ kòyò dǒ a sǎphlǒshû̌ ma̤ Cǒmara a ta̤phǐta̤ma̤ tokhlǒ nî̌꤮.

Petru ginǐ̤bǎ tabǎ 2:15

Asî hǎhtò̌cû̌pǎ̤kè kû̌ klè̌tô dě a cû̌ sǎphlǒ shôpe̤kè. Asî cû̌gû̌kû̌ klè̌ dǒ Phabaûra aphû̌khû Khûbala cû̌ nutôbô. Klè̌ nutôbô mî̌ klè̌ dǒ a kè̌dû̌ ru dě a nǐ̤bǎ lô̌khô ru dǒ ta̤tě̤ta̤mè̤̌ akû mè̤̌tô̤̌.

Petru ginǐ̤bǎ tabǎ 2:3

Sara jî̌lòhô anǎ̤ tokhlǒnu, dǒ a ta̤kè̌lǎ pṳ̂̌sôgwǐ yǒsaphǎ ǎtûû̌ aya kû̌ a dô̌kènè lòhô bǎ sî ta̤dô̌kènè dǒ kòyò sî̌jò̌dô̌jò nutokhlǒ akhû̌akhî, dě a kè̌lǎ ma̤ǎshǎ dǒ sîkhû̌ pě. Pwa̤ dǒ a gǔ cî̌htò̌ asînu a ô̌tîwî̌tòwònǎ anǎ̤ yi̤hǒ, htodě dǒ a gǔ ma̤pî̌kè asî ayanu a hǎmôô̌ shepě̤ tô̤̌.

Yṳ̌da 1:11

Cǒmara gǔ cî̌htò̌ mè̤̌mî̌ca asî pě, ma̤titèhî̌dě asî gû̌ma̤ pô̤̌ Khûkayi ma̤nu hǒ. Dǒ asî bè̌dû̌ ruhta akhû̌akhîdě, a sǎphlǒshû̌ gû̌ma̤ pô̤̌ Khûbala ma̤sǔ nuhǒ. Asî ma̤shěshu kòyò htû ikǒlǒkòdû̌ tokhlǒ sô̌sô̌kû̌ Khûkû̌ri ma̤hto nuhǒ. Kòyò ma̤pî̌kè asî pô̤̌ kòyò ma̤pî̌kè Khûkû̌ri nupě.