Phǐlǐpǐ 4:14 - Kawyaw New Testament

¹⁴ Bǎbǎkǎlè sî tokhlǒnu, sî ma̤wô̌bǎ he. Bǎ he kè̌shǐ tṳ̌bǎ kû̌ ta̤pò̤̌ta̤sha akhanu, sî ma̤jè̌ he.

Kawyaw RC

¹⁴ Pwǎ̤ta sî htǒotoǒnu, sî ma̤wǒ mè̤mè̤̌ he. Bǎ he kè̌shǐ shěto̤bǎ ta ta̤pò̤ta̤sha akhanu, sî ma̤shû̌ma̤jo he.

Phǐlǐpǐ 4:14 Iomraidhean Croise

Matěo 25:21

“Aběcǎ hî̌shěshu lû̌û kû̌, ‘o, awô̌ jî̌lî. Na mî̌ jû̌ dǒ awô̌ dě acǒ kû̌ he, na cǒ kû̌ he ǐ na ta̤pî̌tî̌phû̌ tokhlǒ akhû̌akhî, he gǔ ǐ dû̌htò̌ khlopô̤̌ na ta̤ma̤ dǒ na gǔ pǒǐ dû̌wî̤khlo pô̤̌ kû̌ hǒnu pě. Hè sǎlě̤sǎlò̤ wô̤̌wô̤̌ mò̌ pû kû̌ he.’

Rṳ̂̌me̤ 15:27

Asî sǎphlǒshû̌ ma̤lṳ jî̌le. Kè̌ hî̌mè̤̌mî̌mò̌ dě, asî bǎ ma̤jè̌ Yǔdaphû̌ dǒ a yṳ̌ǎ ge nutokhlǒ hǒ. Asô̌sô̌kû̌ asî noshû̌ ô̌dû̌wî̤ Yǔdaphû̌ tokhlǒ hǒ. Ma̤titèhî̌dě Yǔdaphû̌ tokhlǒnu a dǐǎ pa tutṳ̌ Yǔdaphû̌ mè̤̌tô̤̌ tokhlǒ ta̤ǐshowî̤ dǒsû̌dǒsò̌ tokhlǒ hǒ. Pô̤̌nudě Yǔdaphû̌ mè̤̌tô̤̌ tokhlǒ shû̌ô̌ Yǔdaphû̌ tokhlǒ kû̌ a gǔ bǎ yṳ̂̌ǎ getîkhî sô̌ asî kû̌ ta̤ǐshowî̤ amè̤̌kû̌ ruhta kû̌ timî̌titè tokhlǒ hǒ.

Galatǐ 6:6

Kòyò dǒ a sû̌ǐtòwòǐ sî kû̌ Cǒmara alě̤ayô̤̌ tokhlǒ numî̌, sî tôbǎ ǐ asî ta̤wî̤ta̤wô̌ pṳ̂̌꤮ tocǒ.

Phǐlǐpǐ 1:7

He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Phǐlǐpǐ 4:18

Lǒ̤bò sî sûhè bǎ he tokhlǒnu he nǐ̤bǎ lǒ̤꤮ bò hǒ, dě a lǒbe tûlû̌shû̌lě dǒ heya. Lǒ̤bò sî ǐ tokhlǒnu KhûEpaprǔdǐtǔ phî̌hè bǎ he, dě khònò̤̌ lǒ̤bò he lṳ̂bǎ tokhlǒnu a ô̌ bò hǒ. Ta̤ǐ tokhlǒnu, asô̌sô̌kû̌ ta̤nṳ̌mû̌ dǒ kòyò lṳhtò̌ dǒ Cǒmara ô̌ nuhǒ. Ta̤lṳ dǒ atô Cǒmara asǎphlǒ, dě a ma̤mô̤ lû̌û sǎphlǒ nutokhlǒ hǒ.

Tîmôte awǐlǒ tôbǎ 6:18

Mǎnǎ nayô̤̌ kû̌ kòyò dû̌yò̤̌ nutokhlǒ, dě hî̌ asî kû̌ nodû̌yò̤̌ lô̌khô asî dǒ ta̤ma̤wô̌nu tôkhô nî̌꤮. Dě no sǎlě̤sǎlò̤ yṳ̂̌lò̤ padô̌ kòyò, hî̌ asî kû̌ noma̤jè̌ dû̌wî̤ padô̌ kû̌ kòyò ashǔshawa̤ tokhlǒ nî̌꤮.

Hebrǔ 10:33

Tôplǎplǎnu kòyò ma̤ takhû̌takǎ sî, kòyò ma̤jî̌ma̤jû̌ sî dǒ kòyò tôprṳ̂tôphǎ alô̤mô̤̌, tôplǎplǎnu sî cû̌ ma̤jè tṳ̌bǎ gû̌ kòyò dǒ kòyò ma̤jî̌ma̤jû̌ asî pô̤̌nu tokhlǒ.

Hebrǔ 10:34

Sî gwèbǎǐ kòyò dǒ kòyò dǒlò̤tě̤ lû̌û dǒ apô̤kû nutokhlǒ. Kòyò pè̤̌ǎpè̤̌ô phî̌ cû̌kè bò sî timǐtitè bǎbǎkǎlè, sî bè̌ sǎlě̤ lô̌khô pwǎ sî sǎphlǒ, ma̤titèhî̌dě sî sî̌ganǎ̤ kû̌ sî timǐtitè dǒ awô̌khlo dě a ô̌měô̌gle tûjû̌pwa̤nu a ô̌ dû̌wî̤pe dǒ mǒkhû̌ akhû̌akhî, sî sǎlě̤sǎlò̤ lô̌khô pwǎ.

Hebrǔ 13:16

Ma̤wô̌ta̤ tokhlǒ bǎbǎ, ta̤ma̤jè̌ma̤kwe kè̌khîlû̌ tôpwa̤ kû̌ tôpwa̤ tokhlǒnu bǎbǎ shôpe̤ lô̌khô tǎ̤mǎ̤ nî̌꤮, ma̤titèhî̌dě hǒtokhlǒ numî̌ ta̤lṳta̤tòhtò̌ dǒ atô Cǒmara asǎphlǒ.

Ta̤dǔlè̌nǎ 1:9

He mî̌ sî pṳ̌wè̤̌ Khûyṳ̂ha dǒ a yṳ̌ǎ Khrǐ sô̌sô̌kû̌ kû̌ sînu tôpwa̤. He mî̌ sî khô dǒ a khòjî̌khòjû̌ plǒta̤ kû̌ sînu tôpwa̤. He mî̌ Cǒmara a shiphû̌gǎphû̌ sô̌sô̌kû̌ kû̌ sîsî, dě he sǎphlǒhtû plǒta̤ kû̌ sînu tôpwa̤ pwǎ. Dǒ he shôbǐǐlṳ̌ bǎ kòyò kû̌ Běcǎ Cǒmara awe̤akè kû̌ ta̤dǒ Yeshǔ Khrǐ tṳ̌sikhòsi bǎ he tokhlǒ akhû̌akhî, kòyò cû̌ dǐô̌kè he dǒ Pamǔ klǔkhû̌ hǒ.