Phǐlǐpǐ 4:12 - Kawyaw New Testament

¹² He ô̌htûpwa̤ shôdô tě̤ta̤ bǎbǎ, he ta̤ ô̌plṳ̂ô̌phǎ bǎbǎ, he ô̌htûpwa̤hè bǎbò hǒ. He lǎ̤ǎlǎ̤ô ô̌lǒô̌be bǎbǎ, a ô̌ koyoklǐ pwǎ bǎbǎ, he tě̤ta̤ ô̌wô̤̌ bǎbǎ, a ô̌ tîkî̌꤮ pwǎ bǎbǎ, he sû̌ǐ hèbò hto henǎ̤ kû̌ ta̤htûhtò̌ kû̌ he pwî̌tètè̌꤮ bǎbǎnu, he ô̌htûpwa̤ jò pwǎ.

Kawyaw RC

¹² He ǒhtûpwa̤ shodo û̌cata̤bî̌ bǎbǎ, he ta̤ ǒplṳ̂ǒphǎ bǎbǎ, he ǒhtûpwa̤hè bǎ lǒ̤bò hǒ. He la̤ǎla̤o ǒlǒǒbe bǎbǎ, a ǒ koyoklî̌ pwǎ bǎbǎ, he û̌cata̤bî̌ ǒplṳ̂ǒphǎ bǎbǎ, a ǒ pî̌tî̌ pwǎ bǎbǎ, he sû̌ǐ hèbòhto hena̤ ta ta̤htûhtò̌ ta he hî̌tètè̌ bǎbǎnu, he ǒhtûpwa̤ sò̌phlǒmo̤jò pwǎ.

Phǐlǐpǐ 4:12 Iomraidhean Croise

Matěo 11:29

Ò̌ lô̌khô he ta̤ò̌ dě sû̌ǐ ta̤ dǒ heô̌, ma̤titè̌hî̌dě he sǎphlǒ sǎdôhôbî̌ dě he shò̌lò̤ he sǎphlǒ akhû̌akhî, na gǔ kè̌shǐ na sǎphlǒ a lǎ̤ô̌kǔ pě.

Matěo 13:52

Dě a hî̌shěshu asî kû̌, “Ma̤pô̤̌nu akhû̌akhî, kòyò kè̌ sû̌ǐ sî̌ganǎ̤ bò pwa̤sû̌ǐ ta̤sû̌ta̤tòwò asara nutokhlǒ kû̌mî̌ mǒkhû̌ shilǎ̤gǎkû numî̌, asô̌sô̌kû̌ hǐběcǎ tôpwa̤ dǒ a phî̌htò̌ a ta̤lě̤dû̌pwî̤htû dǒ ali̤ kû̌ asa tokhlǒ dǒ alǎ̤ bè̌plǒ ta̤lǎ̤ akû.”

Kôritu ginǐ̤bǎ tôbǎ 10:1

Tokhlǒkhlǒ nî̌ a hî̌ lô̌khô he kû̌ bǎ he hî̌bǎshěshu kû̌ sî akha, he ǐsha pwǎ bǎbǎkǎlè bǎ he wě̤ kû̌ lî̤ akhanu, he hî̌bǎsho hî̌bǎshû̌ mî̌ca, a hî̌ lô̌khô he pô̤̌nu. Bǎbǎkǎlè he kwisǎyṳ kudǔdǔ sî pô̤̌ khrǐ ô̌ kû̌ ta̤sǎdôhôbî̌, ta̤khòsǎdô nu.

Kôritu ginǐ̤bǎ tôbǎ 10:10

Ma̤titèhî̌dě tokhlǒkhlǒnu, a hî̌ lô̌khô kû̌, “Khûpò̌lǔ wě̤ lî̤ tûkû̌ ashû̌asho tûlû̌shû̌lě. Bǎ a ô̌cu kû̌ pa akhanu, a ǐsha pwǎ, a shôbǐǐ ta̤ mî̌ anǐ̤ ganǎ̤de kòyò tô̤̌tô̤̌,” A hî̌ lô̌khô he pô̤̌nu.

Kôritu ginǐ̤bǎ tôbǎ 11:27

He bǎ ma̤ shèphǔshèwè̤ dě he bǎ jî̌pwǐ̤jî̌li̤ lòdô̌lòde henǎ̤. He hǎmôô̌nǐ̤ tô̤̌ numî̌ a ô̌ taga. He tǒ̤dǒ ta̤lòdô̌ǎ lòdô̌ô mî̌ a ô̌ô̌. Ǎkǒôbe tô̤̌ mî̌ a ô̌ taga. He jejû lǎ̤kûlǎ̤sô̌ ô̌ lǒbetô̤̌ dě he bǎ khòbǎ gǎwô̤̌gǎshasha.

Kôritu ginǐ̤bǎ tôbǎ 11:7

Bǎ he shôbǐǐlṳ̌ bǎ sî kû̌ ta̤sǎlě̤we̤kè akhanu, he kwi nô̌ sî akhû̌akǎ tômǎ꤮ tô̤̌. Pô̤̌khô sî gǔ nǐ̤bǎ yôla htûpwa̤ tûjû̌pwa̤ ayanu, he shò̌lò̤ henǎ̤ pô̤̌nu pwǎ. He ma̤pô̤nudě mî̌ asǔ ya?

Kôritu ginǐ̤bǎ tôbǎ 11:9

Bǎ he ô̌cu kû̌ sî akha, he kè̌ lûbǎru hî̌dě, he kwibǎ sî tôpwǎ̤꤮ tô̤̌, ma̤titèhî̌dě lǒ̤bò ta̤ dǒ he lǎ̤lṳ̂ tokhlǒnu, pa pṳ̌wè̤̌ dǒ Mèsidûnǐ̤yagǎ tokhlǒ hè ma̤jè̌ bò he pwǎ. Dǒ awǐanô̌ numî̌ he kwi nô̌ bǎ sî ta̤ma̤jè̌ tôkhò̌꤮ tô̤̌, khònò̤̌ hènè numî̌ he ma̤gû̌ma̤gè̌, ma̤htǒma̤yò pe nô̌ sî tô̤̌tô̤̌.