Phǐlǐpǐ 4:11 - Kawyaw New Testament

¹¹ He hî̌ pô̤̌o dě atô kû̌ he lṳ̂ru pô̤̌nu mè̤̌tô̤̌, ma̤titèhî̌dě he kè̌shǐbǎ ta̤ma̤anǎ̤ kû̌ he pwî̌tètè̌꤮ bǎbǎ, Cǒmara sû̌ǐ hto he kû̌ he gǔ bè̌jò̌ he sǎphlǒ pwǎ.

Kawyaw RC

¹¹ He hî̌ htǒo mî̌ amè̤ ta he lo̤bǎwû hǐnu mè̤tò̤, ma̤tè̤hî̌dě he kè̌shǐbǎ ta̤ma̤ana̤ ta he hî̌tètè̌ bǎbǎ, Cǒmara sû̌ǐhto he ta he glè bè̌mo̤jò he sò̌phlǒ pwǎ.

Phǐlǐpǐ 4:11 Iomraidhean Croise

Mǒhtûlû̌hǎhtûsa 28:20

Dě Khûya̤kò ǐsholò̤ ayô̤̌ dě a hî̌ kû̌, “Cǒmaradû̌ kè̌ ô̌cu kû̌ he, a kè̌ kè̌khwèǐ he kû̌ he cû̌klè̌ yî̌ hǒtôplǎ, dě a kè̌ ǐ he lǎ̤ǎlǎ̤ô lǎ̤kûlǎ̤sô̌,

Lǔka 3:14

Kliphû̌ tokhlǒ gwèpô̤̌ lû̌û kû̌, “Palè? Pa tôbǎ ma̤hî̌tè?” Dě a hî̌shěshu asî kû̌, “Bǎ ǎbî̌ma̤nò kòyòru kòyòhta tô̤̌. Kè̌bî̌kè̌phô̌phô̌ tǎ̤ kòyò tôpwǎ̤꤮ tǎ̤mǎ̤. Sǎphlǒtô lô̌khô kû̌ khû̌kǎ dǒ sî nǐ̤bǎ nutokhlǒ.”

Kôritu ginǐ̤bǎ tôbǎ 11:27

He bǎ ma̤ shèphǔshèwè̤ dě he bǎ jî̌pwǐ̤jî̌li̤ lòdô̌lòde henǎ̤. He hǎmôô̌nǐ̤ tô̤̌ numî̌ a ô̌ taga. He tǒ̤dǒ ta̤lòdô̌ǎ lòdô̌ô mî̌ a ô̌ô̌. Ǎkǒôbe tô̤̌ mî̌ a ô̌ taga. He jejû lǎ̤kûlǎ̤sô̌ ô̌ lǒbetô̤̌ dě he bǎ khòbǎ gǎwô̤̌gǎshasha.

Kôritu ginǐ̤bǎ tôbǎ 6:10

Pa kè̌shǐ dû̌wî̤ ta̤pò̤̌ta̤sha bǎbǎkǎlè pa sǎlě̤ pṳ̂̌꤮ taplǎ. A sô̌sô̌ kû̌ pa shuphǔshèwè̤ mî̌ca bǎbǎkǎlè dǒ pa sû̌ǐtòwòǐ bǎ kòyò akhû̌akhî, dě kòyò dû̌yò̤̌htò̌sa dǒsû̌dǒsò̌ tôkhônu a ô̌ dû̌wî̤ hǒ. A sô̌sô̌ kû̌ pata ô̌ gû̌ kòyò tôcǒ꤮ tô̤̌ bǎbǎkǎlè pa nǐ̤bǎ bòkè ta̤pṳ̂̌꤮ tocǒ hǒ.

Kôritu ginǐ̤bǎ tôbǎ 8:9

Pa Běcǎ Yeshǔ Khrǐnu abwǐdû̌ asîrîhtû pwǐ꤮ tènu, sî sî̌ganǎ̤ tû̌ hǒ. A ô̌ dǒ mǒkhû̌ akhanu, a dû̌yò̤̌htò̌sa jî̌jî̌ bǎbǎkǎlè bǎ a hè tûlû anǎ̤ pô̤̌ kòyò hǎkhû̌phû̌ tôpwa̤ akhanu, a bǎhè htû kòyò pwa̤shèwè̤phû̌ tôpwa̤ dǒ paya. Pô̤̌khô sî gǔ dû̌yò̤̌htò̌sa gû̌ kòyò ayanudě, a bǎhè htû kòyò pwa̤shèwè̤phû̌ tôpwa̤ pô̤̌nu.

Kôritu ginǐ̤bǎ tôbǎ 9:8

Pô̤̌khô sî gǔ nǐ̤bǎ lǒbe bò̌꤮ bò ta̤ dǒ sî lǎ̤lṳ̂ nutokhlǒ, htokhôtô̤̌ pô̤̌khô sî ta̤ gǔ ô̌ lǒbe htò̌sa dǒ sî gǔ ǐpadô̌ tutṳ̌ kû̌ kòyò dǒ ashǔshawa̤ tokhlǒ ayanu, Cǒmara gǔ ǐshowî̤ dû̌wî̤ lǒkhlope kû̌ lǒ̤bò sî lǎ̤lṳ̂ tokhlǒ numî̌ a ma̤jò pwǎ.

Phǐlǐpǐ 3:8

Tǒ̤hǒo kǎtô̤̌, khònò̤̌ sǔ sǔ he sî̌yahèhto he Běcǎ Yeshǔkhrǐnu a lě̤dû̌pwî̤htû khlope kû̌ ta̤lǒ̤ bò akhû̌akhî, lǒ̤bò ta̤ tokhlǒnu, he bè̌kè a pô̤̌ ta̤ô̌lǒô̌khlo tokhlǒnu pwǎ. Dǒ Khrǐ aya akhû̌akhî, he wîkè bòkè pṳ̂̌꤮ tôcǒ hǒ. Pô̤̌khô he gǔ nǐ̤bǎ Khrǐ dě he gǔ htûhtò̌ ta̤ tôcǒ꤮ nô̤̌ kû̌ Khrǐ ayanu, lǒ̤bò ta̤ tokhlǒnu, he gènè̤kè a pô̤̌ ta̤wè̤̌ta̤sô̌ tokhlǒnu pwǎ.

Hebrǔ 10:34

Sî gwèbǎǐ kòyò dǒ kòyò dǒlò̤tě̤ lû̌û dǒ apô̤kû nutokhlǒ. Kòyò pè̤̌ǎpè̤̌ô phî̌ cû̌kè bò sî timǐtitè bǎbǎkǎlè, sî bè̌ sǎlě̤ lô̌khô pwǎ sî sǎphlǒ, ma̤titèhî̌dě sî sî̌ganǎ̤ kû̌ sî timǐtitè dǒ awô̌khlo dě a ô̌měô̌gle tûjû̌pwa̤nu a ô̌ dû̌wî̤pe dǒ mǒkhû̌ akhû̌akhî, sî sǎlě̤sǎlò̤ lô̌khô pwǎ.