Phǐlǐpǐ 4:1 - Kawyaw New Testament

¹ Pô̤̌nu akhû̌akhî, he pṳ̌wè̤̌ sî, sî mî̌ kòyò dǒ he mô̤ǐ tokhlǒ dě he nǎsǔǐ jî̌ tokhlǒ, sî mî̌ pwa̤ dǒ a ma̤ sǎlě̤sǎlò̤ jî̌ he dě he phǐhtò̌gôjô mî̌ca henǎ̤ kû̌ sîkhû̌khî. Khôbǒsû̌ sî hǒnumî̌ amè̤̌kû̌ sî tô ô̌měô̌gle lô̌khô dǒ Běcǎ akû hî̌tènu hǒ.

Kawyaw RC

¹ Hǐnu akhû̌akhî, he pṳwè̤ sî꤮, sî mî̌ kòyò htě he mo̤ǐ toǒ dě he nǎsǔ mè̤mè̤̌ sî, sî mî̌ pwa̤ htě a ma̤ sò̌le̤sò̌lò̤ na̤cè̌ he dě he phî̌htò̌dû̌ mè̤mè̤̌ hena̤ ta sîkhû̌khî hǒ. Khobǒsû̌bǒmo̤ sî꤮, htǒo mî̌ mè̤hǒ sî to ǒměǒgle lǒkho dě Běcǎ akû hî̌tènu hǒ.

Phǐlǐpǐ 4:1 Iomraidhean Croise

Htû̌sò̌htò̌ 125:1

Kòyò dǒ a nǎla̤ǐ tǒ̤꤮ Cǒmara tûjû̌pwa̤ mî̌ asô̌sô̌kû̌ Sǐû khôlô. A guyṳ̌ nô̌ tôkhò̌꤮ tô̤̌, a ô̌měô̌gle tûjû̌pwa̤.

Htû̌sò̌htò̌ 27:14

Ô̌pǒ̤ kè̌shuǐ ta̤ dǒ Cǒmara tûjû̌pwa̤ aô̌ nu. Bè̌shû̌bè̌sho sǎphlǒ dě khuhe lô̌khô. Ô̌pǒ̤ kè̌shuǐ ta̤ dǒ Cǒmara tûjû̌pwa̤ aô̌ nunî̌.

Matěo 10:22

Dǒ hekhû̌khî dě, kòyò pṳ̂̌꤮ tôpwa̤ sǎkhě bò sî pě. Bǎbǎkǎlè kòyò dǒ a ihtǒ tònò ô̌měô̌gle dǒ a ta̤yṳ̌ta̤nǎ̤ akû tǒ̤dǒ agutṳ̌ tokhlǒnu Cǒmara ma̤hǎplǎge asî pě.”

Jowǎ̤ni̤ 8:31

Běcǎ Yeshǔ hî̌ Yǔdaphû̌ dǒ a yṳ̌nǐ̤nǎ̤nǐ̤ lû̌û nutokhlǒ kû̌, “Kè̌ sî jûlě̤phî̌yô̤̌ pṳ̂̌měǐ he ta̤sû̌ǐtòwòǐ tokhlǒ numî̌, sî htûhto he khôphijǎ dǒ a tě̤tě̤mè̤̌mè̤̌ tokhlǒ hǒ.

Pwa̤nophû̌ 11:23

Dě bǎ a cû̌tǒ̤ akha, a cû̌kè̌shǐ kû̌ kòyò nutokhlǒ nǐ̤bǎ Cǒmara abwǐsîrî akhû̌akhî, a sǎlě̤sǎlò̤ jî̌ dě pô̤̌khô asî gǔ ô̌htûpwa̤ cǒtè̤ hènè kû̌ Běcǎ dě, a ǐkhû̌ǐǎ shò̌ pô̤̌ asîkò.

Pwa̤nophû̌ 14:22

Pô̤̌khô ta̤dòkûphû̌ tokhlǒ gǔ ô̌měô̌gle dǒ a ta̤yṳ̌ta̤nǎ̤ akû ayanu, Khûpò̌lǔ kû̌ Khûbanabǎ ǐkhû̌ǐǎ htò̌ asî, htokhôtô̤̌ shò̌gû̌ asîkò. Asî sû̌ǐtòwòǐ bǎ kòyò kû̌, “Pa glè̌ cû̌nṳ̌tǒ̤ dǒ Cǒmara ashiagǎkû numî̌ pa bǎ cû̌tûlû̌ dû̌wî̤ kû̌ ta̤pò̤̌ta̤sha sîtokhlǒ.”

Pwa̤nophû̌ 2:42

Pwa̤yṳ̌ǎta̤phû̌ lǒ̤꤮bò gǔ sû̌ǐ sî̌yahtò̌ anǎ̤ dǒ pwa̤nophû̌ tokhlǒ a ô̌, dě asî bǒsû̌khǎkhô lû̌û, ǎ ô wô̤̌wô̤̌ lû̌û dě kwicaba wô̤̌wô̤̌lû̌û.

Rṳ̂̌me̤ 2:7

Kòyò dǒ ama̤ hènè ta̤wô̌ dě a kè̌lǎ Cǒmara ǐ ta̤bwǐdû̌sîrîhtû, ta̤bè̌dubè̌nǎ̤ kû̌ ta̤htûpwa̤ dǒ asijò tô̤̌ tokhlǒnu Cǒmara ǐ yôla htûpwa̤ tûjû̌pwa̤ pě.

Kôritu awǐlǒ tôbǎ 15:58

Pô̤̌nudě, he khô sî, khònò̤̌dě ihtǒ tònòwô̌ lô̌khô dě ô̌měô̌gle lô̌khô dǒ sî ta̤yṳ̌ akûnu nî̌. Ma̤ shû̌shû̌ lô̌khô Cǒmara ata̤ma̤ pṳ̂̌꤮ taplǎ nî̌꤮, ma̤titèhî̌dě sî ma̤ Běcǎ ata̤ma̤nu a tônô̤ nô̌ sîya tô̤̌.

Kôritu awǐlǒ tôbǎ 16:13

He pṳ̌wè̤̌ sî꤮, ô̌sòklò lô̌khô sînǎ̤ pṳ̂̌꤮ taplǎ nî̌꤮, ihtǒ tònòwô̌ lô̌khô dǒ sî ta̤yṳ̌ǎ Khrǐ akûnu nî̌, bè̌ khuhe lô̌khô sî sǎphlǒ nî̌꤮, bè̌shû̌bè̌sho lô̌khô sî sǎphlǒ dǒ ta̤yṳ̌ akûnu nî̌꤮.

Kôritu ginǐ̤bǎ tôbǎ 1:14

Khònò̤̌dě sî sî̌yaphlô pô̤̌ bò pawe̤pakè khôtô̤̌, bǎbǎkǎlè dǒnô̌kòpěnu pa kè̌shuǐ kû̌ sî gǔ sî̌yaphlô bòmǔtegle bò pawe̤pakè pě. Pô̤̌nudě, bǎ Běcǎ Yeshǔ hèsô̌ pě tôni̤nu, dǒ pakhû̌pakhî dě sî gǔ sǎlě̤sǎlò̤ pô̤̌ pa sǎlě̤sǎlò̤ dǒ sîkhû̌sîkhî nupě.

Galatǐ 5:1

Pô̤̌khô pa gǔ nǐ̤bǎ ta̤pi̤li̤ ayanu, Yeshǔ Khrǐ ma̤hǎplǎge pa dǒ pa htû ta̤mǎlò̤ ajû̌nu alǎ̤ hǒ. Pô̤̌nudě ô̌měô̌gle lô̌khô dě tiwǐ getîkhî lô̌khô, htû pe tǎ̤ lô̌khô jû̌nu tǎ̤mǎ̤ nî̌.

Phǐlǐpǐ 1:27

A htûhtò̌ hî̌tè bǎbǎ, sî tô ô̌htûpwa̤ lô̌khô pô̤̌ Khrǐ a ta̤sǎlě̤we̤kè shôbǐǐ bǎ sînu nî̌꤮. Sî kè̌ ma̤pô̤̌nu hî̌dě he hèkè̌shǐ sî bǎbǎ, he ô̌tepheyî̤ kû̌ sî dě he ganǎ̤de pwǎ sîwe̤sîkè bǎbǎ, he sî̌ganǎ̤ kû̌ sî sǎphlǒ icu lû̌û dě sî ihtǒ tònò shěshu lû̌û dǒ ta̤sǎlě̤we̤kè a ta̤yṳ̌ta̤nǎ̤ ayahǒ. Htokhôtô̤̌ sî ǐsha pe kòyò dǒ a sǎkhěkhû̌khwè sî nutokhlǒ alǎ̤ tô̤̌. Sî kè̌ ma̤pô̤̌nu hî̌dě sî khòlṳ̌ hto asî kû̌ Cǒmara ma̤pî̌kè asî pě, dě Cǒmara gǔ ma̤hǎplǎge sî kû̌ anǎ̤ pě.

Phǐlǐpǐ 1:8

He nǎsǔ kè̌shǐ mî̌ca sî dě he mô̤ǐ sî pṳ̂̌ tôpwa̤ kû̌ ta̤mô̤ dǒ Yeshǔkhrǐ ǐ he numî̌ Cǒmara sî̌ganǎ̤ pwǎ.

Phǐlǐpǐ 2:16

Shôbǐǐlṳ̌ padô̌ lô̌khô kòyò ta̤htûpwa̤ awe̤akènu nî̌꤮. Sî kè̌ ma̤pô̤̌nu hî̌dě bǎ Khrǐ hèlò̤ sô̌ alṳmṳ̌ni̤ pě tôni̤nu, lǒ̤bò he jî̌pwǐ̤ tokhlǒ kû̌ he ta̤phǐta̤ma̤ nutokhlǒ a htûhtò̌ nòdû̌pe tô̤̌ akhû̌akhî, dǒ sîkhû̌sîkhî dě he gǔ phî̌htò̌lǒǐ henǎ̤ pě.

Phǐlǐpǐ 2:26

Ma̤titèdě sî ganǎ̤de kû̌ Khûěpaprǔdǐtǔ ô̌shû̌ô̌mô̤ tô̤̌ akhû̌akhî, a nǎsǔ kè̌shǐ mî̌ca sî pṳ̂̌꤮ tôpwa̤. Dě a gènè̤ gû̌gè̌ bǎ mî̌ca dǒ sîya, pô̤̌nudě he no getîkhî sô̌ a dǒ sî ô̌.

Kòlòtè̌ 4:12

Khûepapra mî̌ sî dokûphû̌ tôpwa̤pwa̤. A mî̌ a htû Khrǐ ajû̌ tôpwa̤. A hî̌mô̤hî̌bǎwô̌ hèǐ sî. A sǎphlǒshû̌ dě a kwicaba taga bǎ dǒ sîya pô̤̌khô sî gǔ ô̌měô̌gle dǒ sî ta̤yṳ̌ta̤nǎ̤ akû dě sî gǔ dû̌htò̌bò̌pû lô̌khô dǒsû̌dǒsò̌ tôkhô, htokhôtô̤̌ pô̤̌khô sî gǔ yṳ̌ǎ sî̌ganǎ̤hè tě̤tě̤mè̤̌mè̤̌ pô̤̌ Cǒmara a ta̤sǎyṳ pṳ̂̌꤮ tôcǒ ayanudě, a kwicaba bǎ dǒ sîya.

Tîsalònǐ awǐlǒ tôbǎ 3:13

Bǎ pa Běcǎ Yeshǔ hèlò̤ kû̌ a kòyò plò̌shǐ tokhlǒ lǒ̤bò pě akhanu, pô̤̌khô kòyò lǎ̤bè̌ sî ta̤sǔ gǔ ô̌ pe tô̤̌nu, kǎtô̤̌ pô̤̌khô sî gǔ plò̌shǐ dǒ pa Cǒmara kû̌ papha nutôpwa̤ alô̤mô̤̌ pěnu, a gǔ ǐshû̌ǐsho pû sî sǎphlǒ akhû̌aǎ nî̌꤮.

Tîsalònǐ ginǐ̤bǎ tôbǎ 2:15

Pô̤̌nudě pṳ̌wè̤̌ sî꤮, pa sû̌ǐtòwòǐ shôbǐǐlṳ̌ hto sî kû̌ pa khû̌phě nutokhlǒ bǎbǎ, mè̤̌tô̤̌dě pa sû̌ǐtòwòǐ hto sî kû̌ lî̤ dǒ pa wě̤ cû̌ bǎ sî tokhlǒ akûnu bǎbǎ, ô̌měô̌gle kû̌ lô̌khô kòyò dě pṳ̂̌měǐ wô̌ kû̌ lô̌khô kòyò nî̌꤮.

Tîmôte ginǐ̤bǎ tôbǎ 2:1

Pô̤̌nu akhû̌akhî, he phû̌khû꤮ bè̌shû̌bè̌sho na sǎphlǒ kû̌ ta̤bwǐta̤sîrî dǒ a ô̌ dǒ Yeshǔ Khrǐ akû nunî̌꤮.

Hebrǔ 10:23

Pa gǔ pṳ̂̌mě wô̌bǎ pa ta̤kè̌shuǐ dǒ pa hî̌ bǎ hto kòyò nutokhlǒ tǎ, ma̤titèhî̌dě pa sî̌ganǎ̤ kû̌ Cǒmaranu acǒ kû̌ a ta̤olò̤ dě a ma̤pô̤̌ a hî̌nu pṳ̂̌taplǎ.

Hebrǔ 3:14

Ma̤titèhî̌dě, pa ta̤yṳ̌ǎ Cǒmara dǒ asakhû̌lû̌khanu, pa kè̌ pṳ̂̌měwô̌bǎ a tǒ̤dǒ agutṳ̌ hî̌dě, pa htûhto pwa̤ma̤plǒta̤ kû̌ Khrǐ hǒ.

Hebrǔ 4:14

Pô̤̌nudě, pa pṳ̂̌mě̤tegle wô̌ lô̌khô pa ta̤yṳ̌ta̤nǎ̤ dǒ pa olò̤ bǎnu tǎ꤮, ma̤titèhî̌dě, pa ô̌ ǐtûû̌ kû̌ pa pwa̤shû̌gǎ ikǒdû̌lǒ nutôpwa̤, dě a cû̌nṳ̌ hto paya dǒ mǒkhû̌ hǒ. A mî̌ Cǒmara a phû̌pwa̤khû Yeshǔ nuhǒ.

Petru ginǐ̤bǎ tabǎ 3:17

Bǎbǎkǎlè he sû̌khô꤮ sî, sî sî̌ganǎ̤ htohǒ ta̤nutokhlǒ hǒ. Pô̤̌nudě pô̤̌khô kòyò phû̌mò̤̌ nutokhlǒ gǔ lô̌ǐ tikhlǐkhû̌ tikhlǐkò cû̌nṳ̌ tǎ̤ sî dǒ a ta̤gènè̤ sǔ hǒtokhlǒ akû tǎ̤mǎ̤nu, ô̌sè̌rè̌ lô̌khô sînǎ̤ nî̌. Sî kè̌ ganǎ̤de asî yô̤̌ numî̌, sî ô̌měô̌gle pe dǒ sî ta̤yṳ̌ta̤nǎ̤ akû tô̤̌ hǒ.