Phǐlǐpǐ 3:8 - Kawyaw New Testament

⁸ Tǒ̤hǒo kǎtô̤̌, khònò̤̌ sǔ sǔ he sî̌yahèhto he Běcǎ Yeshǔkhrǐnu a lě̤dû̌pwî̤htû khlope kû̌ ta̤lǒ̤ bò akhû̌akhî, lǒ̤bò ta̤ tokhlǒnu, he bè̌kè a pô̤̌ ta̤ô̌lǒô̌khlo tokhlǒnu pwǎ. Dǒ Khrǐ aya akhû̌akhî, he wîkè bòkè pṳ̂̌꤮ tôcǒ hǒ. Pô̤̌khô he gǔ nǐ̤bǎ Khrǐ dě he gǔ htûhtò̌ ta̤ tôcǒ꤮ nô̤̌ kû̌ Khrǐ ayanu, lǒ̤bò ta̤ tokhlǒnu, he gènè̤kè a pô̤̌ ta̤wè̤̌ta̤sô̌ tokhlǒnu pwǎ.

Kawyaw RC

⁸ Tǒ̤nuhtohǒtò̤, khònò̤htǒo sǔ he sî̌yahè he Běcǎ Ye̤shǔkhrî̌stu htǒonu a le̤dû̌pwî̤htûkhlope ta ta̤ lǒ̤꤮ bò akhû̌akhî, ta̤ lǒ̤꤮ bò htǒotoǒnu, he bè̌kè yǎ pwǐ ta̤ǒlû̌ǒkhlo toǒnu pwǎ. Khrî̌stu aya akhû̌akhî, he wîkèbò pṳ̂̌꤮ tacǎ hǒ. Ma̤pûhǐ he nî̤bǎ Khrî̌stu dě he htûhtò̌ pû ta Khrî̌stu tacǎnǔ꤮ pa ayanu, ta̤ lǒ̤꤮ bò htǒotoǒnu, he gènè̤kè yǎ pwǐ ta̤wè̤ta̤sǒ toǒnu pwǎ.

Phǐlǐpǐ 3:8 Iomraidhean Croise

Htû̌sò̌htò̌ 126:6

Kòyò dǒ a hǎhtò̌cû̌ kû̌ ta̤hǎta̤wô dě a cû̌wǐ̤lò̤ ta̤khli tokhlǒ nu, A sǎlě̤sǎlò̤ phǐgenṳ̌ sô̌ mè̤̌caca sǒsusǒsǎ.

Htû̌sò̌htò̌ 73:25

Pwa̤ma̤jè̌ he dǒ mǒkhû̌ pěnu, a ô̌ pwǎ tǒ̤꤮ na tôpwa̤ nô̤̌pwǎ. Ta̤ dǒ a ma̤tô he sǎphlǒ dǒ hǎkhû̌nu a ô̌ tôcǒ꤮ tô̤̌, a ô̌ pwǎ tǒ̤꤮ na nô̤̌pwǎ.

Lǔka 1:43

He Běcǎ amǒ̤ cû̌hètǒ̤ dǒ he ô̌ ma̤titè? He cû̌ nǐ̤bǎ khô̌tûû̌ ta̤kè̌dû̌ ma̤titè?

Lǔka 11:20

Bǎbǎkǎlè, he kè̌ wṳ̂̌hǎhtò̌kè khînǎkhîno sî kû̌ Cǒmara a ta̤pô̤ta̤phǎ kè̌hî̌dě, hǒnumî̌ a nè̌lṳ̌ kû̌ Cǒmara gǔ hè pǒshipǒgǎnu a hètǒ̤ dǒ sî ô̌ hǒ.

Jowǎ̤ni̤ 14:20

Bǎnutini̤ pěnu, sî gǔ sî̌ganǎ̤ kû̌ he kû̌ hepha mî̌ ta̤tôcǒnô̤̌. Dě sî kû̌ hemî̌ ta̤tôcǒnô̤̌, dě he kû̌ sî̌ mî̌ ta̤tôcǒnô̤̌ pě.

Jowǎ̤ni̤ 14:7

Sî kè̌ sî̌ganǎ̤ mè̤̌mî̌ca he hî̌dě, sî sî̌ganǎ̤ hepha hǒ. Sahtò̌ khònò̤̌ tǒ̤dǒ ahènu, sî bǎ sî̌ganǎ̤ lò̤tṳ̌ hepha hǒ dě sî bǎ kè̌shǐlò̤tṳ̌ a hǒ.”

Jowǎ̤ni̤ 16:3

A cû̌ ma̤tǒ̤ lô̌khô pô̤̌o ma̤titèhî̌dě asî sî̌ganǎ̤bǎnô̌ pha tôkhò̌꤮ tô̤̌, htodě a sî̌ganǎ̤bǎnô̌ he tôkhò̌꤮ tô̤̌.

Jowǎ̤ni̤ 17:3

Cǒmara mî̌ na tôpwa̤ nô̤̌pwǎ, dě kòyò tokhlǒ dǒ a sî̌ganǎ̤ na dě a sî̌ganǎ̤ kû̌ he mî̌ Yeshǔ Khrǐ dǒ na sûhè yǎ tôpwa̤ numî̌ amè̤̌kû̌ ta̤sî̌ya dǒ a ǐ asî yôla htûpwa̤ tûjû̌pwa̤ hǒ.

Jowǎ̤ni̤ 17:8

Ma̤titèhî̌dě, ta̤we̤ta̤kè dǒ na ǐ he tokhlǒnu, he ǐ kû̌ asî dě asî phî̌shǐshu htohǒ. Asî sî̌ganǎ̤ tě̤tě̤mè̤̌mè̤̌ kû̌ he ô̌ dǒ na ô̌ hè dě asî yṳ̌ǎ kû̌ na nohè he.

Jowǎ̤ni̤ 20:13

Dě asî gwè̌ Mǒ̤ma̤rǐ kû̌, “Pwa̤mǒ̤, na hǎ ma̤titè?” Dě Mǒ̤ma̤rǐ hî̌ shěshu asî kû̌, “Asî phî̌cû̌kè he Běcǎ hǒ, asî cû̌bè̌ lû̌û bǎtènu he sî̌ganǎ̤tô̤̌,” A hî̌shěshu pô̤̌nu.

Jowǎ̤ni̤ 20:28

“He Běcǎ, he Cǒmara,” Khûtû̌mǎ hî̌shěshu lû̌û pô̤̌nu.

Pwa̤nophû̌ 20:24

Bǎbǎkǎlè pô̤̌khô he gǔ ma̤htokè ta̤ma̤ dǒ Běcǎ Yeshǔ ǐlò̤kè he ayanu, he sǎleǐ pe he ta̤htûpwa̤nu tô̤̌ hǒ. Ta̤ma̤ dǒ a noma̤ he tokhlǒ numî̌ he bǎ khòlṳ̌ kû̌ Cǒmara abwǐsîrî a ta̤sǎlě̤we̤kè nuhǒ.

Rṳ̂̌me̤ 8:18

He kè̌shǐtṳ̌bǎ kû̌ ta̤jî̌ta̤jû̌ dǒ pa khòbǎ khònò̤̌ nî̌, kè̌ he jèbǎ kû̌ Cǒmara gǔ dǔlṳ̌ pa ta̤bwǐdû̌sîrîhtû htû̌꤮ nô̌kòpě hî̌dě, ta̤jî̌ hǒo nî̌ he bè̌ pe yǎkû̌ ta̤tôcǒ꤮ tô̤̌.

Rṳ̂̌me̤ 8:39

Ta̤ ô̌ dǒ mǒlǎ̤ tokhlǒ bǎbǎ, a ô̌ dǒ hǎkhû̌ tôbě alǎ̤ tokhlǒnu bǎbǎ, ta̤bô̌lò̤ dǒ ashǔshawa̤ tokhlǒ bǎbǎ, dǒ pa Běcǎ Yeshǔ Khrǐ ma̤hto ta̤ dǒ paya akhû̌akhî, lǒ̤bò ta̤ hǒtokhlǒ nî̌ a ma̤tephekhô̌jòkè pa kû̌ Cǒmara a ta̤mô̤ǐ tô̤̌.

Kôritu awǐlǒ tôbǎ 2:2

Ma̤titèhî̌dě, he bè̌lò̤ hto he sǎphlǒ kû̌ he gǔ shôbǐǐlṳ̌ pwǎtǒ̤ Yeshǔ Khrǐ nutôpwa̤ awe̤akè kû̌ ata̤si dǒ nò̌dò̌htǔlô̤ awe̤akè nô̤̌pwǎ.

Kôritu awǐlǒ tôbǎ 9:10

A hî̌ bǎ paya mè̤̌tô̤̌ ya? Hǒomî̌ a hî̌ mè̤̌mî̌ca bǎ paya hǒ. Kòyò dǒ a hè htě bǎ kòyò lè̤̌ kû̌ kòyò dǒ a hè kǎ bǎ kòyò bǔshò̌ tokhlǒ numî̌, a kè̌shuǐ dǒ a gǔ nǐ̤bǎ lô̌khô akhû̌akǎ tokhlǒ dǒ a lǎ̤ǎlǎ̤ô aya hǒ.

Kôritu ginǐ̤bǎ tôbǎ 4:4

Hǎkhû̌tana dǒ a pǒnǐ̤ hǎkhû̌ hǒtôdonu, a ma̤khǐ ma̤shôpe̤kè asî mǐ̤sǎ akhû̌akhî, asî kè̌shǐ gû̌ kòyò ta̤sǎlě̤we̤kè ata̤lînu tô̤̌. Pô̤̌khô kòyò hǎkhû̌phû̌ tokhlǒ gǔ sî̌yaphlô tǎ̤ Khrǐ a ta̤sǎlě̤we̤kè dǒ a shôbǐǐlṳ̌ bǎ kòyò kû̌ Khrǐ a ta̤bwǐdû̌sîrîhtû awe̤akè tǎ̤mǎ̤nu, a ma̤kiti̤kaa ǒò̌pè̌kè asî pô̤̌nu hǒ. Pwa̤ dǒ a dǔlè̌lṳ̌ tě̤tě̤mè̤̌mè̤̌ pa kû̌ Cǒmara mî̌ Khrǐ hǒ.

Kôritu ginǐ̤bǎ tôbǎ 4:6

Bǎ Cǒmara bô̌lò̤ ta̤lǒ̤꤮ bò akhanu, a hî̌ kû̌, “Ta̤khǐ gǔ sǒ tephekè cû̌kè dě ta̤lî gǔ ô̌lṳ̌htò̌ pû nî̌,” a hî̌ pô̤̌nu. Cǒmara ma̤hto bǎ pa pô̤̌nu hǒ. Bǎ pa sî̌ganǎ̤ Khrǐ khôtô̤̌ akhanu, pa sǎphlǒ a khǐsiwi̤ pwǎ bǎbǎkǎlè Cǒmara ma̤lîge bǎ pa sǎphlǒ hǒ. Pô̤̌khô pa gǔ sî̌yaphlôwô̌ Cǒmara a ta̤bwǐdû̌sîrîhtû dǒ a dǔlè̌lṳ̌htò̌ tutṳ̌ kû̌ Khrǐ tokhlǒnu, a mî̌ pwa̤ dǒ a dǐshělîhtò̌ bǎ pa sǎphlǒ a ta̤gènè̤ tokhlǒ tôpwa̤ hǒ.

Galatǐ 1:16

Pô̤̌khô he gǔ shôbǐǐlṳ̌ bǎ Yǔdaphû̌ mè̤̌tô̤̌ tokhlǒ kû̌ Khrǐ a ta̤sǎlě̤we̤kè ayanu, Cǒmara sǎphlǒô̌ kû̌ a gǔ dǐlè̌lṳ̌htò̌ bǎ he kû̌ aphû̌khû. Bǎnuakha, he kwi bǎ kòyò a ta̤ǐsî̌ya ma̤jè̌ nè̌klè̌nè̌klò he tôpwǎ̤꤮ tô̤̌.

Ěphěsu 4:13

Dě Khrǐ anǎ̤glǒnu a shû̌htò̌shohtò̌ tǒ̤dǒ pa lǒ̤bò ô̌lû̌û kû̌ ta̤yṳ̌ tôcǒ꤮ nô̤̌ kû̌ ta̤sî̌yahè Cǒmara aphû̌khû tôcǒ꤮ nô̤̌ pěnu. Htokhôtô̤̌ pa htûhtò̌ ta̤dòkûphû̌ dǒ a dû̌to̤yobǎ sî̌ya tě̤tě̤mè̤̌mè̤̌ tokhlǒ pě. Ta̤dû̌to̤yobǎ sî̌ya tě̤tě̤mè̤̌mè̤̌ numî̌ amè̤̌kû̌ pa htûhtò̌kè kòyò dǒ a lǒbe sô̌sô̌kû̌ Khrǐ dǒ alǒabe tôpwa̤ nuhǒ.

Phǐlǐpǐ 1:1

Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Phǐlǐpǐ 3:10

Lǒ̤bò ta̤ dǒ he sǎyṳ sî̌ganǎ̤ tokhlǒ numî̌ pwǎtǒ̤ Khrǐ kû̌ ata̤si ihtǒhtûpwa̤ getîkhî a ta̤pô̤ta̤phǎ hǒnu pwǎ. Dě he sǎyṳ khòjî̌khòjû̌ kû̌ a, dě he sǎyṳ htûhtò̌ sô̌sô̌kû̌ a tṳ̌sikhòsi anǎ̤ nupwǎ.

Phǐlǐpǐ 3:12

Ta̤hǒ tokhlǒnu he nǐ̤bǎ htohǒ he hî̌nǒ kû̌ pô̤̌nutô̤̌, htodě he ta̤ô̌htûpwa̤nu, a lǒbe bòkè he hî̌nǒ kû̌ pô̤̌nu tô̤̌tô̤̌. Bǎbǎkǎlè pô̤̌khô he gǔ sî̌ganǎ̤ Khrǐ dě he gǔ htûhtò̌ hènè sô̌sô̌kû̌ a ayanu, he jî̌pwǐjî̌le mî̌ca. Khrǐ rû̌htò̌ he kû̌ ta̤we̤ta̤kè hǒtokhlǒ akhû̌akhî pwǎ.

Phǐlǐpǐ 3:7

Tôplǎnu, ta̤ dǒ he bè̌ yǎ kû̌ alě̤dû̌pwî̤htû dǒ heya tokhlǒnu, khònò̤̌dě dǒ he yṳ̌ǎ Khrǐ akhû̌akhî, lǒ̤bò ta̤ hǒtokhlǒnu he bè̌kè a pô̤̌ ta̤ô̌lǒô̌khlo dǒ heya nupwǎ.

Tîmôte ginǐ̤bǎ tôbǎ 4:6

Ma̤titèhî̌dě, shěkhǎ tǒ̤ dǒ he gǔ hǎhtò̌cû̌kè kû̌ hǎkhû̌ hǒ. Ta̤shěta̤khǎ hètǒ̤ dǒ he gǔ bè̌kè he ta̤ô̌htûpwa̤ hǒ.

Hebrǔ 3:14

Ma̤titèhî̌dě, pa ta̤yṳ̌ǎ Cǒmara dǒ asakhû̌lû̌khanu, pa kè̌ pṳ̂̌měwô̌bǎ a tǒ̤dǒ agutṳ̌ hî̌dě, pa htûhto pwa̤ma̤plǒta̤ kû̌ Khrǐ hǒ.

Petru awǐlǒ tabǎ 2:7

Dě lǒ̤ hǒtômènu, alě̤dû̌pwî̤htû mî̌ca dǒ sî pwa̤yṳ̌ǎta̤ nutokhlǒ aya. Bǎbǎkǎlè kòyò dǒ a yṳ̌ǎkû̌ lû̌tô̤̌ tokhlǒ ayanu: “Lǒ̤ dǒ pwa̤ma̤lò̤hǐ wîkè a tômènu, dǒgutṳ̌kò dě a htûhtò̌ lǒ̤ dǒ a lṳ̂dû̌khlo kû̌ akhônu.” dě

Petru ginǐ̤bǎ tabǎ 1:2

Sî sî̌ganǎ̤ Cǒmara kû̌ pa Běcǎ Yeshǔ Khrǐ akhû̌akhî, ta̤bwǐta̤sîrî kû̌ ta̤gûjû̌kabǎ gǔ ô̌lǒô̌be kû̌ sî nî̌꤮.

Petru ginǐ̤bǎ tabǎ 1:3

Dǒ Yeshǔ a ta̤pô̤ta̤phǎnu akhû̌akhî, bǎ pa sî̌ganǎ̤hè to̤khlo lû̌û akhanu, pô̤̌khô pa gǔ ô̌cu kû̌ ta̤htûpwa̤, htodě pô̤̌khô pa gǔ ma̤kû̌pô̤̌ atô lû̌sǎphlǒ ayanu, a ǐlò̤hto pa lǒ̤꤮ bò pa lǎ̤lṳ̂ nutokhlǒ hǒ. Dǒ a ta̤pô̤ta̤phǎ dǒ adû̌htû kû̌ ata̤wô̌ mè̤̌mî̌ca tû̌ hǒtokhlǒ akhû̌akhîdě a kaǎ pa hǒ.

Petru ginǐ̤bǎ tabǎ 1:8

Ta̤nutokhlǒ kè̌ ô̌dû̌htò̌ kû̌ ô̌dû̌htò̌ hî̌dě, a htûbwǐ htûsîrî dǒ sîya dě sî gǔ sî̌ganǎ̤hè shapwǎ̤ Běcǎ Yeshǔ Khrǐ pě.

Petru ginǐ̤bǎ tabǎ 3:18

Mè̤̌mè̤tôkhônu, dû̌htò̌ hèsělě pô̤̌ lô̌khô dǒ ta̤bwǐta̤sîrî akû kû̌ dǒ ta̤sî̌ya pwa̤ dǒ a ma̤hǎplǎge pa Běcǎ Yeshǔ Khrǐnu akû nî̌꤮. Khònò̤̌ hèsělěnu, kòyò htû̌sò̌htò̌ pû pa Běcǎ Yeshǔ Khrǐ tûjû̌pwa̤ talakhǎ nî̌꤮. Ame̤.

Yṳ̂ha awǐlǒ tôbǎ 1:3

Pô̤̌khô sî gǔ bô̌sû̌khǎkhô dô̌kû̌ pa ayanu, pa shôbǐǐ padô̌ sî ta̤ dǒ pa kè̌shǐ htohǒ dě pa ganǎ̤debǎ htohǒ nutokhlǒ hǒ. Pa ta̤bô̌sû̌khǎkhô kè̌khîlû̌û numî̌, pa bǒsû̌ panǎ̤ kû̌ pha Cǒmara kû̌ aphû̌khû Yeshǔ Khrǐ.

Yṳ̂ha awǐlǒ tôbǎ 2:19

Asî hǎhtò̌cû̌kè dǒ pakla hǒ. Asî hǒtokhlǒ numî̌ a ô̌plǒ mè̤̌mî̌ca kû̌ pa ta̤bǒsû̌khǎkhô lû̌nu mè̤̌tô̤̌. Asî kè̌ ô̌pagû̌ mè̤̌mî̌ca kû̌ pa hǒnumî̌ asî klè̌ ô̌plǒ nô̌ kû̌ pa pwǎ. Bǎbǎkǎlè asî hǎhtò̌cû̌kè dǒ pakla dě asî ata̤hǎhtò̌cû̌kènu, a dǔlè̌lṳ̌ lîtîklî̌kè hǒ kû̌ asî ô̌plǒ mè̤̌mî̌ca pe kû̌ pa tôpwa̤ tô̤̌ hǒ.

Yṳ̂ha awǐlǒ tôbǎ 5:20

Pô̤̌khô pa gǔ sî̌ganǎ̤ kû̌ kòyò Cǒmara dǒ atô hǒtôpwa̤nu, pa sî̌yahto kû̌ Cǒmara aphû̌khû hè ǐ sî̌yaphlô bǎ pa hǒ. Pa ô̌ dǒ Cǒmara dǒ atô hǒtôpwa̤ kû̌ aphû̌khû Yeshǔ Khrǐ tôpwa̤ akû hǒ. A mî̌ Cǒmara dǒ atô tôpwa̤, htokhôtô̤̌ Cǒmara dǒ a ǐ kòyò yôla htûpwa̤ tûjû̌pwa̤ tôpwa̤.