Phǐlǐpǐ 3:7 - Kawyaw New Testament

⁷ Tôplǎnu, ta̤ dǒ he bè̌ yǎ kû̌ alě̤dû̌pwî̤htû dǒ heya tokhlǒnu, khònò̤̌dě dǒ he yṳ̌ǎ Khrǐ akhû̌akhî, lǒ̤bò ta̤ hǒtokhlǒnu he bè̌kè a pô̤̌ ta̤ô̌lǒô̌khlo dǒ heya nupwǎ.

Kawyaw RC

⁷ Taplǎkha, ta̤ htě he bè̌ yǎta ale̤dû̌pwî̤htû mè̤mè̤̌ ta heya toǒnu, khònò̤dě he yṳǎ Khrî̌stu akhû̌akhî, ta̤ lǒ̤꤮ bò htǒotoǒnu he bè̌kè yǎ pwǐ ta̤ǒlû̌ǒkhlo ta heyanu pwǎ.

Phǐlǐpǐ 3:7 Iomraidhean Croise

Mǒhtûlû̌hǎhtûsa 19:17

Tanaphû̌ tokhlǒ kaǎ hǎhtò̌ asî dǒ wî̤̌khlo dě tanaphû̌ nusò̌ginǐ̤ akla tôpwa̤ hî̌ asî kû̌, “Khlè̌hǎplǎ tûû̌ mò̌ sînǎ̤, kè̌tîkhî tǎ̤mǎ̤ nî̌꤮. Cû̌ ô̌kǔ tǎ̤ dǒ khôdûkhû̌ tǎ̤mǎ̤ nî̌꤮. Tûlû̌ khlè̌htò̌ dǒ khôlôkhû̌nu. Tô̤̌mî̌ sî gǔ si bò kû̌ wî̤̌phû̌ nutokhlǒ pě.”

Mǒhtûlû̌hǎhtûsa 19:26

Bǎbǎkǎlè Phalòtǎ ama nî̌ akè̌ tîkhî akhû̌akhî, a htûkè îsǎhtǔ.

Matěo 16:26

Kòyò tôpwa̤pwa̤ kè̌ nǐ̤bǎ bò hǎkhû̌běkhû̌ a ta̤dû̌yò̤̌htò̌sa tokhlǒ bǎbǎkǎlè a kè̌ lò̤jû̌kè a yôla htûpwa̤ tûjû̌pwa̤ hî̌nu anǐ̤bwǐsîrî dǒ aya mî̌titè? Kòyò dǒ a sǎyṳ nǐ̤bǎ getîkhî sô̌ a yôla htûpwa̤ tûjû̌pwa̤ tôpwa̤pwa̤nu ta̤dû̌yò̤̌htò̌sa dǒ a gǔ pwî̤bò̌ kû̌ a yôla htûpwa̤nu a ô̌ tocǒ tô̤̌.

Mǎ̤riko 10:50

Dě a plû̌htò̌ ajekhlo dě a pǎ̤lò̤kè lû̌û. Htodě a pě̤ihtǒ dě a hè dǒ Yeshǔ a ô̌.

Lǔka 14:26

“Kòyò dǒ a sǎyṳ htû he khôphijǎ tôpwa̤pwa̤nu, amǒ̤apha bǎbǎ, aphû̌ama bǎbǎ, apṳ̌awè̤̌ kû̌ anǎ̤běcǎ sanǎ̤ bǎbǎ, a kè̌ mô̤ǐ khlo kû̌ a mô̤ he numî̌ a htûhtò̌ jò he khôphijǎ tô̤̌.

Lǔka 14:33

Pô̤̌nu akhû̌akhî, lǒ̤꤮ bò ta̤ dǒ a ô̌ kû̌ sî bò̌꤮ bò tokhlǒnu, sî kè̌ bè̌kè tô̤̌ kè̌hî̌dě, sî htûhtò̌ jò he khôphijǎ tôpwǎ̤꤮ tô̤̌.

Lǔka 16:8

“Pwa̤kè̌pǒ̤ǐ ta̤kî̌ta̤krû̌ dǒ acǒatè̤ tô̤̌ tôpwa̤nu, aběcǎ htû̌sò̌ ǐ yǎ, ma̤titè̌hî̌dě a ma̤lîmò ta̤. Kòyòhǎkhû̌phû̌ tokhlǒnu a lîmò lòhǎlòhô tûû̌ sô̌ lû̌û, dě a lîmò khlo pe kû̌ kòyò dǒ agû̌ kû̌ Cǒmara kò nutokhlǒ.”

Pwa̤nophû̌ 27:38

Kòyò ǎkǒôbe htobò shǎ pṳ̂̌꤮ tôpwa̤ dě pô̤̌khô sǒkhlidû̌ gǔ phihtò̌ ayanu, asî tě̤lò̤tě̤kèbò bǔjû̌ tokhlǒ dǒ shidû̌shite̤we̤ akû.

Hebrǔ 11:26

Khûmṳ̂shě bè̌lò̤ hǒ asǎphlǒ kû̌, khòbǎ ta̤pîjî̌ǐsho dǒ Khrǐ ayanu, alě̤dû̌pwî̤htû khlope kû̌ Ijî̌gǎ a ta̤dû̌yò̤̌htò̌sa tokhlǒ ma̤titèhî̌dě a ô̌pǒ̤kè̌shǔ kû̌ Cǒmara gǔ ǐlû̌ a ta̤ma̤nǐ̤khû̌kǎ htû̌꤮ nô̌kòpě.