Phǐlǐpǐ 3:5 - Kawyaw New Testament

⁵ Bǎ he ô̌phijǎlò̤ behtò̌ hǒ ni̤lǐ̤sô̌ akhanu, kòyò dǔtṳ̌ bǎ hephě. He htû Isôrělaphû̌ dǒ he ô̌phijǎlò̤ akhanu pe. Hekhlihelè gelò̤ dǒ Khûbîyame̤ tômṳ̌tôcǒ, he mî̌ Hebrǔphû̌ mè̤̌mî̌ca tôpwa̤. He mî̌ Pharishè̌phû̌ dǒ a ganǎ̤de gû̌ma̤ Yǔdaphû̌ a ta̤sû̌ta̤tòwò tôpwa̤.

Kawyaw RC

⁵ Bǎ he ǒphijaû̌lò̤ behtò̌ ni̤lǐ̤sǒ akhanu, kò dǔtṳ hephě. He htû Israelphû̌ dě he ǒphijaû̌lò̤ khanupe. Hekhlihelè gilò̤ ta Bejame tṳmṳtacǎ, he mî̌ Ebrephû̌ na̤cè̌ tapwa̤. He mî̌ Pharisè̌phû̌ dě a gana̤de gûma̤kû̌ Yṳ̌daphû̌ a ta̤sû̌ta̤tòwò tapwa̤.

Phǐlǐpǐ 3:5 Iomraidhean Croise

Mǒhtûlû̌hǎhtûsa 14:13

Bǎnukha kòyò dǒ a khlè̌hǎhtò̌ hǎplǎ nutôpwa̤ ge shôbǐǐlṳ̌ bǎ ta̤we̤ta̤kè nutokhlǒ kû̌ Hebrǔ khlilèphû̌ Khûabra. Khûabra lǎ̤ô̌ gûlǎ̤ nî̌ a ô̌ phǔ kû̌ Amò̤̌rǐ khlilèphû̌ Khûmè̤mare sǒmṳ̌dû̌ plò̌shî̌ nutôkû. Dě Khûmè̤mare mî̌ Khûishakû kû̌ Khûana apṳ̌wè̤̌ dě lǒ̤bò asî tokhlǒnu a sǎphlǒ pa htobò lû̌û dě a ǎmě kû̌ Khûabra.

Mǒhtûlû̌hǎhtûsa 17:12

Lǒ̤bò pwa̤khû dǒ sîkhlisîlè akla a lò̤tutṳ̌ tôhtu hto tôhtu tokhlǒnu, a kè̌ behtò̌ ni̤lǐ̤sô̌ hî̌dě a bǎ dǔsîlǐbě. Dě kòyò dǒ a ô̌phijǎlò̤ bǎ sîhǐdǒkû nutokhlǒ bǎbǎ, sîkhlilè mè̤̌tô̤̌ nutokhlǒ bǎbǎ, shilǎ̤gǎkhlophû̌ pwǎ bǎbǎ sî pwî̤ ge asî kû̌ ru pô̤̌ jû̌ nutokhlǒ bǎbǎ, asî bǎ dǔsîlǐ bò bě pṳ̂̌꤮ tôpwa̤.

Mǒhtûlû̌hǎhtûsa 40:15

Dě hî̌bò̌bò mî̌ he ô̌ dǒ Hebrǔgǎ dě kòyò pṳ̂̌hè he bǒo. Bǎ he ô̌ bǒo bǎbǎ he ma̤sǔma̤plě nô̌ tôcǒ tô̤̌ bǎbǎkǎlè kòyò dǒlò̤tě̤ he dǒ ta̤jî̌ta̤jû̌ agûlǎ̤.”

Mǒhtûlû̌hǎhtûsa 41:12

Bǎnukha, pwa̤ô̌pǒ̤kè̌ǐ khwǐ ikǒdû̌ nutôpwa̤ ajû̌ amè̤̌kû̌ Hebrǔ kòyò khlilèphû̌ pwa̤nějǎphû̌ tôpwa̤ ô̌plǒ kû̌ pa bǎnu. Dě pa shôbǐǐlṳ̌ bǎ lû̌û pa ta̤hǎmi̤mò̤̌ dě a shôbǐǐlṳ̌ bǎ pa tôpwa̤ kû̌ tôpwa̤ ta̤hǎmimò̤̌ yô̤̌sǎyô̤̌mû tokhlǒ.

Lǔka 1:59

Asî lǎ̤klô ô̌ kû̌ kè̌ phijǎ behtò̌ asa lǐ̤sô̌nu, kòyò bǎ dǔtṳ̌ lû̌ûbě. Bǎ atô dǔtṳ̌bě akhanu, akhlialè tokhlǒ hè lô̌khô kû̌ yǎdě asî sǎyṳ pô̤nṳ̌ lô̌khô ami̤ kû̌ apha Shakhrǐya ami̤ sô̌ tûû̌.

Lǔka 2:21

Bǎ phijǎ nutôpwa̤ behtò̌ asa lǐ̤sô̌ dě a tôbǎ dǔtṳ̌ aběkhi akhanu, asî kaǎ lû̌mi̤ kû̌ Yeshǔ pô̤̌ mǒkhû̌ tanaphû̌ pô̤nǎ hto lû̌mi̤ bǎ amǒ̤ mǒ̤do nò̌khôtô̤̌ akhanu.

Lǔka 5:38

Kòyò tôbǎ tènṳ̌ pwǎ shisî̌yô̤̌ sa dǒ shiôkoběsa akû pwǎ.

Pwa̤nophû̌ 22:3

“He mî̌ Yǔdaphû̌ tôpwa̤, he ô̌phijǎlò̤ dǒ Wî̤̌tashǔ, dǒ Shilishiyagǎ a ta̤pǒalǎ̤, bǎbǎkǎlè he dû̌htò̌ dǒ Wî̤̌yarǔshôle. Khûgamaliěla mî̌ he Sara dě kòyò sû̌ǐ wô̌wô̌bǎbǎ he kû̌ ta̤sû̌ta̤tòwò dǒ mǒ̤phaphiphu dǒ꤮ wǐkhanu tokhlǒ gû̌ma̤ nutokhlǒ. He sǎphlǒshû̌ ma̤lǒ̤sû̌lǒ̤sò̌ shû̌lě Cǒmara a ta̤phǐta̤ma̤ sô̌sô̌kû̌ sî dǒ a ô̌ bǒo tokhlǒ pṳ̂̌pwa̤ sǎphlǒshû̌ khònò̤̌ nuhǒ.

Pwa̤nophû̌ 23:6

Khûpò̌lǔ kè̌shǐ kû̌ kòyò ô̌bǎnu tokhlǒ mî̌ tokhlǒkhlǒ dě Sadukè̌phû̌, tokhlǒkhlǒ dě Pharishè̌phû̌ akhû̌akhî, a kaǎgǔcû̌lṳ̌ bǎ Yǔdaphû̌ dǒ a htû ikǒdû̌ tokhlǒ kû̌, “He pṳ̌wè̤̌ sî, he mî̌ Pharishè̌phû̌ tôpwa̤. He mî̌ Pharishè̌phû̌ tokhlǒ a phû̌pwa̤khû mî̌ amè̤̌mè̤̌. He kè̌shuǐ kû̌ kòyò dǒ a si tokhlǒnu, a gǔ ihtǒ htûpwa̤ getîkhî sô̌ pě akhû̌akhîdě sî gwè̌kè̌kè̌ he pwǎ.”

Pwa̤nophû̌ 6:1

Bǎnu akha, ta̤dòkûphû̌ tokhlǒ sǔ sǔ a ô̌dû̌htò̌ dě Yǔdaphû̌ dǒ a hî̌bǎ Grěyô̤̌ tokhlǒ kû̌ Yǔdaphû̌ dǒ a hî̌bǎ tûû̌ ayô̤̌ tokhlǒ htè̌kè̌khî lû̌û. Yǔdaphû̌ dǒ a hî̌bǎ Grěyô̤̌ tokhlǒ hî̌ kû̌ kòyò dǒ a yṳ̂̌ǎyṳ̂̌ô shǎǎshǎô tôni̤ kû̌ tôni̤ tokhlǒnu a kè̌tûklû̌ dò̌tûklû̌ asî pwa̤mǒ̤ô̌khwè̌ tokhlǒ, a hî̌ lô̌khô pô̤̌nu.

Rṳ̂̌me̤ 11:1

Pô̤̌nudě he gǔ gwè̌ lô̌khô sî kû̌, mî̌ Cǒmara wîkè akòyò khlilèphû̌ tûû̌ ya? A wîkè nô̌ asî tîkî̌꤮ tô̤̌. Gènè̤ kè̌bǎ lô̌khô he, he mî̌꤮ Isôrělaphû̌ tôpwa̤pwa̤ hî̌mò̌mî̌ PhaAbraha akhlialè, Khûbîyame̤ akhli gelò̤ pwǎ.

Kôritu ginǐ̤bǎ tôbǎ 11:22

Asî mî̌ hebrǔphû̌ tokhlǒ ya? He mî̌ Hebrǔ tôpwa̤pwa̤. Asî mî̌ Isôrělaphû̌ tokhlǒ ya? He mî̌ Isôrělaphû̌ tôpwa̤pwa̤ ya. Asî mî̌ PhaAbraha akhlialè tokhlǒ ya? He mî̌ PhaAbraha akhlialè tôpwa̤pwa̤ ya.