Phǐlǐpǐ 3:3 - Kawyaw New Testament

³ Pa mî̌ Cǒmara a kòyò mè̤̌mî̌ca tokhlǒ hǒ, asî nutokhlǒ mî̌ a mè̤̌mî̌ca mè̤̌tô̤̌, ma̤titèhî̌dě dǒ Cǒmara a Yôla Plò̌shǐ akhû̌akhî, pa cubucabahtò̌ hǒ Cǒmara dě pa hî̌bǎhtû̌sò̌ǐ ta̤dǒ Yeshǔ Khrǐ ma̤ bǎ hto pa tokhlǒ nuhǒ. Pô̤̌khô pa nǐ̤bǎ ta̤ma̤hǎplǎge ayanu, pa tô nǎla̤ǐ ta̤dǒ pa ma̤ a nutokhlǒ tô̤̌.

Kawyaw RC

³ Pa mî̌ Cǒmara akòyò mè̤mè̤̌ toǒ, asînu toǒ mî̌ a mè̤mè̤̌ mè̤tò̤, ma̤tè̤hî̌dě Cǒmara a sǎcahtǐ akhû̌akhî, pa subusabahtò̌ Cǒmara dě pa hî̌bǎhtû̌sò̌ǐ ta̤htě Ye̤shǔkhrî̌stu ma̤hto bǎ pa htǒotoǒ hǒ. Ma̤pûhǐ pa nî̤bǎ ta̤ma̤lû̌htò̌ge ayanu, pa to nǎla̤ǐ ta̤htě pa ma̤ htǒotoǒ tò̤.

Phǐlǐpǐ 3:3 Iomraidhean Croise

Htû̌sò̌htò̌ 105:3

Htû̌sò̌htò̌ mò̌ ami̤plò̌shǐ. No sǎlě̤sǎlò̤ mò̌ kòyò dǒ a kè̌lǎ Cǒmara tûjû̌pwa̤nu.

Rṳ̂̌me̤ 1:9

Bǎ he kwicabahtò̌ Cǒmara akhanu, he gènè̤htò̌bǎ sî pṳ̂̌꤮ tôplǎ hǒ. He ma̤ mè̤̌mî̌ca pô̤̌o numî̌ Cǒmara sî̌ganǎ̤ pwǎ. He ma̤ lǒ̤sǔlǒ̤sò̌ bǎ a ta̤ma̤ kû̌ he ta̤shôbǐǐ bǎ aphû̌khû Běcǎ Yeshǔ Khrǐ a ta̤sǎlě̤we̤kè akhû̌akhî hǒ.

Rṳ̂̌me̤ 15:17

Pô̤̌nudě, dǒ he htûhtò̌ kû̌ Yeshǔ Khrǐ tôcǒnô̤̌ akhû̌akhî, he gènè̤dû̌ǐ mî̌ca ta̤ma̤ dǒ he ma̤ bǎ Cǒmaranu.

Rṳ̂̌me̤ 7:6

Bǎbǎkǎlè khònò̤̌nu, Cǒmara ma̤hǎplǎ pa kû̌ ta̤sû̌ta̤tòwò hǒ, ma̤titèhî̌dě pa si kû̌ Khrǐ akhû̌akhî, ta̤sû̌ta̤tòwò comě pa sô̌sô̌ pô̤̌ dǒwǐkhanu a nǐ̤petô̤̌ hǒ. Cǒmara ma̤hǎplǎge pa kû̌ ta̤sû̌ta̤tòwònu, dě Yôla Plò̌shǐ Běcǎ ma̤jè̌ pa kû̌ klè̌ asa nutôbô hǒ akhû̌akhî, pa ma̤hto ata̤ma̤ hǒ. Pa ma̤ Cǒmara a ta̤phǐta̤ma̤ kû̌ dǒ pa ganǎ̤de gû̌ma̤ kû̌ ta̤sû̌ta̤tòwò aklè̌ li̤ nutôbô akhû̌akhînu mè̤̌petô̤̌.

Rṳ̂̌me̤ 8:15

Ma̤titèhî̌dě Yôla Plò̌shǐ Běcǎ dǒ Cǒmara ǐ sînu, a noǐshǔǐsha sô̌ sî pô̤̌ jû̌nu mè̤̌tô̤̌. Bǎbǎkǎlè, Yôla Plò̌shǐ Běcǎ ma̤htûhtò̌ hto sî kû̌ sî htûhto Cǒmara a phû̌mǒ̤phû̌khû akhû̌akhî, a bè̌ kèhto sî pô̤̌ a phû̌mǒ̤phû̌khû tokhlǒnu hǒ. Dǒ Yôla Plò̌shǐ Běcǎ akhû̌akhîdě, pa kaǎ Cǒmara kû̌, “Abǎ, pha” pô̤̌ sîpha sanǎ̤ tôpwa̤ numî̌ anǐ̤ hǒ.

Rṳ̂̌me̤ 8:39

Ta̤ ô̌ dǒ mǒlǎ̤ tokhlǒ bǎbǎ, a ô̌ dǒ hǎkhû̌ tôbě alǎ̤ tokhlǒnu bǎbǎ, ta̤bô̌lò̤ dǒ ashǔshawa̤ tokhlǒ bǎbǎ, dǒ pa Běcǎ Yeshǔ Khrǐ ma̤hto ta̤ dǒ paya akhû̌akhî, lǒ̤bò ta̤ hǒtokhlǒ nî̌ a ma̤tephekhô̌jòkè pa kû̌ Cǒmara a ta̤mô̤ǐ tô̤̌.

Rṳ̂̌me̤ 9:6

Kè̌hî̌pô̤̌nudě, Cǒmara ma̤hǎpò̌kè a ta̤olò̤wǎ̤lò̤nu kû̌ Yǔdaphû̌ tokhlǒ hǒ ya? A ma̤pî̌kè bǎ tô̤̌. Ma̤titèhî̌dě lǒ̤꤮ bò Isôrělaphû̌ dǒ akhlilè gelò̤ dǒ Phayakû a ô̌ tokhlǒnu, a htûhtò̌bò Cǒmara kòyò mè̤̌mî̌ca pṳ̂̌꤮ tôpwa̤ mè̤̌bǎtô̤̌.

Kôritu ginǐ̤bǎ tôbǎ 11:18

Kòyò shôbǐ htû̌sò̌ǐ dû̌ lô̌khô kòyònǎ̤ pô̤̌ kòyò hǎkhû̌phû̌ lǎ̤klô shôbǐ htû̌sò̌ǐ nutokhlǒ akhû̌akhî, he gǔ shôbǐ htû̌sò̌ǐ henǎ̤ pwǎ.

Galatǐ 5:25

Pa ô̌htûpwa̤ kû̌ Yôla Plò̌shǐ Běcǎ akhû̌akhî, pa bǎ gû̌ma̤ pô̤̌ Yôla Plò̌shǐ Běcǎ nè̌klè̌nè̌klò panu.

Galatǐ 6:16

Cǒmara a ta̤pè̤̌ta̤dû kû̌ a ta̤sǎyṳgwèbǎǐ ô̌ kû̌ pû kòyò dǒ a jûǎ ta̤sû̌ǐtòwòǐnu tokhlǒ alô̤ kû̌ Cǒmara a kòyò mè̤̌mî̌ca nutokhlǒ alô̤ nî̌꤮.

Ěphěsu 6:18

Kwicaba Cǒmara dě kwisǎyṳ ǐ yǎ dǒ a gǔ ma̤jè̌ sî ta̤pṳ̂̌꤮ tocǒ nî̌꤮. Kwicaba lô̌khô pô̤̌ Yôla Plò̌shǐ Běcǎ nè̌klè̌nè̌klò sî pṳ̂̌꤮ taplǎ nî̌꤮. Dě bǎ sî kwicaba pô̤̌nu akha, ô̌sòklò dě sè̌rè̌ lô̌khô sînǎ̤ nî̌꤮. Kwicaba nṳ̌pa dô̌ pû bò̌bò Cǒmara a kòyò nutokhlǒ pṳ̂̌꤮ taplǎ nî̌꤮.

Phǐlǐpǐ 1:1

Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Phǐlǐpǐ 3:12

Ta̤hǒ tokhlǒnu he nǐ̤bǎ htohǒ he hî̌nǒ kû̌ pô̤̌nutô̤̌, htodě he ta̤ô̌htûpwa̤nu, a lǒbe bòkè he hî̌nǒ kû̌ pô̤̌nu tô̤̌tô̤̌. Bǎbǎkǎlè pô̤̌khô he gǔ sî̌ganǎ̤ Khrǐ dě he gǔ htûhtò̌ hènè sô̌sô̌kû̌ a ayanu, he jî̌pwǐjî̌le mî̌ca. Khrǐ rû̌htò̌ he kû̌ ta̤we̤ta̤kè hǒtokhlǒ akhû̌akhî pwǎ.

Phǐlǐpǐ 3:14

Dǒ Yeshǔ Khrǐ ma̤ bǎ hto dǒ heya akhû̌akhî, Cǒmara kaǎnṳ̌ he dǒ mǒkhû̌ dě he jî̌pwǐjî̌le hènô tǒ̤dǒ he gǔ nǐ̤bǎ ta̤ma̤nǐ̤khû̌kǎ dǒ mǒkhû̌nu pě. He lò̤kû̌ kòyò bèkhlè̌ tôpwa̤ dǒ a gǔ nǐ̤bǎ kû̌ kòyò ta̤ma̤nǐ̤khû̌kǎ dě a khlè̌ sělě tǒ̤dǒ agutṳ̌ nutôpwa̤ hǒ.

Kòlòtè̌ 2:11

Sî ô̌ dǒ Khrǐ akû akhû̌akhî, a sô̌sô̌ kû̌ sî dǔtṳ̌abě hǒ. Ta̤dǔtṳ̌abě mî̌ kòyò dǔ sî mè̤̌tô̤̌. Bǎ Khrǐ phǐhtò̌kè sî sǎphlǒ a ta̤sǎyṳsǎbǎ phû̌mò̤̌ tokhlǒ akhanu, a dǔtṳ̌ sîbě hǒ.

Yṳ̌da 1:20

Bǎbǎkǎlè he khô sî, sî bǎ ma̤dû̌htò̌htûhtò̌ pô̤̌ lô̌khô sî ta̤ô̌htûpwa̤nu dǒ sî ta̤yṳ̌ta̤nǎ̤ plò̌shǐ dǒ ashû̌shotònònu alô̤ dě, bǎ sî kwicaba akhanu, nǎla̤ǐ lô̌khô Yôla Plò̌shǐ Běcǎ nè̌klè̌nè̌klòǐ sî nutokhlǒ nî̌.