Phǐlǐpǐ 3:2 - Kawyaw New Testament

² Sè̌rè̌ lô̌khô sînǎ̤ kû̌ kòyò ma̤ ta̤phû̌mò̤̌shǐhtô dǒ asô̌sô̌kû̌ shǐ nutokhlǒ nî̌꤮. Kòyò nutokhlǒ mî̌ sî bǎ dǔtṳ̌aphě a noshû̌bò kòyò pô̤̌nu.

Kawyaw RC

² Ǒsè̌rè̌ lǒkho sîna̤ ta kòyò ma̤ ta̤phû̌mò̤shî̌hto htě asǒsǒta Chyǐnu toǒ nî̌꤮. Kòyònu toǒ mî̌ sî bǎ dǔtṳphě a noshobò kò hǐnu.

Phǐlǐpǐ 3:2 Iomraidhean Croise

Htû̌sò̌htò̌ 119:115

Ǒ kòyòkhu phû̌mò̤̌ sî, cû̌tephe yî̤kè kû̌ he. He ganǎ̤de he Cǒmaradû̌ ata̤mǎnǎlò̤ pě.

Htû̌sò̌htò̌ 22:16

Kòyòphû̌mò̤̌ sîtokhlǒ ô̌te̤we̤ bò he sô̌sô̌kû̌ shǐmi̤ ô̌te̤we̤ bò henu. Asî htǎnṳ̌ bòkè he cǔde kû̌ khò̌lô̤pô̤̌.

Htû̌sò̌htò̌ 22:20

Ma̤hǎplǎge he dǒ nò̌she akû. Ma̤hǎplǎge pô̤̌ he ta̤ô̌htûpwa̤ dǒ shǐ nutokhlǒ acǔdekû nî̌.

Matěo 24:10

Bǎnukha pě kòyò gǔ wîkè dû̌ a ta̤yṳ̌ta̤nǎ̤ pě. A gǔ shaǎ lû̌mi̤ tôpwa̤ kû̌ tôpwa̤ pě. A gǔ tôkhôsò̌ bò lû̌û tôpwa̤ kû̌ tôpwa̤ pě.

Matěo 7:15

“Sè̌rè̌ lô̌khô sînǎ̤ kû̌ pwa̤jî̌lòhô anǎ̤ pô̤̌ piwi̤pèshè nutokhlǒ nî̌꤮. A jî̌hè lòhô anǎ̤ pô̤̌ sû̌phû̌ dǒ a sǎphlǒ sǎdôhôbî̌nu bǎbǎkǎlè asî sǎphlǒkû numî̌ a phû̌mò̤̌ sô̌sô̌kû̌ shǐmi̤nu.

Matěo 7:6

“Ta̤plò̌shǐnu ǐ tǎ̤ kû̌ shǐ tokhlǒ tǎ̤mǎ̤, wîlò̤ bǎ tǎ̤ lǒ̤pô̤lòsè̌ tokhlǒ dǒ htô̌ tokhlǒ alô̤mô̤̌nu tǎ̤mǎ̤, sî kè̌ wîlò̤ bǎ a numî̌ a gǔ yî̤̌cǒprǒ bòkè pě, htopědě a gǔ ě getîkhî sô̌ sî pě.”

Rṳ̂̌me̤ 2:28

Kè̌ hî̌ bò̌bò ta̤hî̌bǎ hî̌dě, dǒ pa kû̌ ô̌htûpwa̤ pô̤̌ Yǔdaphû̌ alǎ̤klô nutokhlǒ akhû̌akhî, dě pa htûhtò̌ bò̌jò Yǔdaphû̌ a mè̤̌mî̌ca tôpwa̤ tô̤̌, htokhôtô̤̌ Yǔdaphû̌ a mè̤̌mî̌ca tôpwa̤ numî̌ a dǔtṳ̌ pwǎtǒ̤ nǎ̤glǒphěyî̌nu mè̤̌tô̤̌.

Kôritu ginǐ̤bǎ tôbǎ 11:13

Asî nutokhlǒ mî̌ pwa̤nophû̌ a mè̤̌mî̌ca mè̤̌tô̤̌. Asî mî̌ pwa̤nophû̌ dǒ a lòhô tokhlǒ pwǎ. Asî cû̌ shôbǐ lòhô bǎ kòyò kû̌ ata̤ma̤ tokhlǒ dě a jî̌ma̤ lô̌khô anǎ̤ pô̤̌ Khrǐ a pwa̤nophû̌ mè̤̌mî̌ca tokhlǒnu pwǎ.

Galatǐ 5:13

He pṳ̌wè̤̌ sî, pô̤̌khô sî gǔ nǐ̤bǎ ta̤pi̤li̤ ayanudě, Cǒmara kaǎhto sî hǒ. Bǎbǎkǎlè dǒ sî nǐ̤bǎ ta̤pilinu akhû̌akhîdě, nopǒ tǎ̤ sînǎ̤ kû̌ sî sǐshiphěyî̌ a ta̤sǎyṳsǎbǎ nutokhlǒ tǎ̤mǎ̤ nî̌. Mè̤mè̤̌tôkhônu, sî tô mô̤ǐ kè̌khî lû̌û tôpwa̤ kû̌ tôpwa̤, sî tô ma̤jè kè̌khî bò lû̌û tôpwa̤ kû̌ tôpwa̤.

Galatǐ 5:15

Bǎbǎkǎlè sî kè̌ jî̌ sînǎ̤ pô̤̌ ta̤mi̤ta̤mò̤̌ dě sî kè̌ ǎ kè̌khî sô̌ lû̌û tôpwa̤ kû̌ tôpwa̤ numî̌ ô̌sè̌rè̌ lô̌khô sînǎ̤ nî̌꤮, ma̤titèhî̌dě hî̌pě sî ma̤pî̌ma̤lṳ̂̌ tûû̌ bòsô̌ sînǎ̤ tôpwa̤ kû̌ tôpwa̤ pě.

Galatǐ 5:6

Ma̤titèhî̌dě bǎ sî htûhtò̌kè kû̌ Yeshǔ Khrǐ tôcǒ꤮ nô̤̌ akhanu, ta̤dǔtṳ̌bě bǎbǎ, ta̤dǔtṳ̌bě tô̤̌ bǎbǎ, a htûbwǐhtûsîrî nô̌ tôcǒ꤮ tô̤̌. Ta̤ dǒ a htûbwǐhtûsîrî khlo numî̌, ta̤yṳ̌ta̤nǎ̤ dǒ a dǔlè̌lṳ̌ ta̤mô̤ Cǒmara kû̌ kòyò ashǔshawa̤nu pwǎ.

Phǐlǐpǐ 3:19

Asî aklè̌ nunî̌ a gǔ gutṳ̌ bǎ ta̤pî̌ta̤lṳ̂̌ larakû nupě. Asî Běcǎ mî̌ anǎ̤glǒ a ta̤sǎyṳsǎbǎ nutokhlǒ hǒ. Ta̤dǒ asî tô sòwò̤̌ nutokhlǒ dě a phî̌htò̌lǒ lô̌khô pe anǎ̤. Htokhôtô̤̌ asî gènè̤ còcè̌ pwǎ ta̤ dǒ Kòyòhǎkhû̌phû̌ gènè̤dû̌nǎ̤ nutokhlǒ pwǎ.

Phǐlǐpǐ 3:3

Pa mî̌ Cǒmara a kòyò mè̤̌mî̌ca tokhlǒ hǒ, asî nutokhlǒ mî̌ a mè̤̌mî̌ca mè̤̌tô̤̌, ma̤titèhî̌dě dǒ Cǒmara a Yôla Plò̌shǐ akhû̌akhî, pa cubucabahtò̌ hǒ Cǒmara dě pa hî̌bǎhtû̌sò̌ǐ ta̤dǒ Yeshǔ Khrǐ ma̤ bǎ hto pa tokhlǒ nuhǒ. Pô̤̌khô pa nǐ̤bǎ ta̤ma̤hǎplǎge ayanu, pa tô nǎla̤ǐ ta̤dǒ pa ma̤ a nutokhlǒ tô̤̌.

Tîmôte awǐlǒ tôbǎ 1:19

Dě pṳ̂̌měǐ na ta̤yṳ̌ta̤nǎ̤ kû̌ na sǎphlǒ a ta̤gènè̤ mṳ̂̌plî nutokhlǒ nî̌꤮. Kòyò tokhlǒkhlǒnu, a plûkè lô̌khô ata tokhlǒ akhû̌akhî, a ta̤yṳ̌ta̤nǎ̤ pî̌kè bò pwǎ.

Tǐtǔ 1:16

Asî hî̌ kû̌ a sî̌ganǎ̤ Cǒmara bǎbǎkǎlè ta̤ma̤ dǒ asî ma̤ tokhlǒnu a ô̌lṳ̌htò̌ kû̌ asî sî̌ganǎ̤ Cǒmara tîkî̌꤮ tô̤̌. Asî nutokhlǒmî̌ lǎ̤ma̤yǒ̤sǐpi̤wô̤̌, htodě kòyò dǒ a ganǎ̤de kû̌ kòyò ayô̤̌ tô̤̌ tokhlǒ, asî glè̌ ma̤ta̤ awô̌ tocǒcǒnu a ma̤bò̌ kû̌ kòyò tô̤̌.

Petru ginǐ̤bǎ tabǎ 2:22

Ta̤ dǒ asî ma̤htohǒ nutokhlǒ mî̌, atô mè̤̌mî̌ca pô̤̌ yô̤̌sǎkhěkhô̌ hî̌ tômṳ̂ kû̌, “Htwǐ htû̌tiwǐ ge dě ǎ tûû̌ sô̌ apô̌,” htodě “Kòyò ushò̌bò htohǒ htô̌, dě a tokloge sô̌ hǎpèè̌” a hî̌ pô̤̌nu.

Yṳ̌da 1:4

Ma̤titèhî̌dě, kòyò dǒ a bè̌dubè̌nǎ̤ Cǒmara tô̤̌ tokhlǒnu a hènṳ̌hǔ dǒ sîkla hǒ. Pô̤̌khô asî gǔ hî̌bǎ hǎplǎ anǎ̤ kû̌ a ta̤ô̌htûpwa̤ apî̌alṳ̂̌ tokhlǒ ayanudě, a htû̌lè̌ tèplè̌ge pa Běcǎ Cǒmara abwǐsîrî nutokhlǒ awe̤akè. Kǎtô̤̌ asî hǒtokhlǒnu a yṳ̌ǎ kû̌ pa ikǒlǒkòdû̌ Běcǎ Yeshǔ Khrǐ nutô̤̌. Pô̤̌ lî̤plò̌shǐ shôbǐǐ nǎ hto ta̤cî̌htò̌ tokhlǒnu asî khòbǎ lǒ̤bò pě.

Ta̤dǔlè̌nǎ 2:9

Napò̤̌nasha, na hǎwǐ̤shèwè̤ numî̌ he sî̌ganǎ̤. Bǎbǎkǎlè dǒsû̌dǒsò̌ tôkhônu, na dû̌yò̤̌htò̌sa. Kòyò dǒ a hî̌lò̤ tû̌ anǎ̤ kû̌ pa mî̌ Yǔdaphû̌ tokhlǒ mè̤̌mî̌ca bǎbǎkǎlè a mè̤̌mî̌ca bǎtô̤̌ tokhlǒ dô̌ sîyô̤ numî̌ he sî̌ganǎ̤. Asî nutokhlǒ mî̌ hǎkhû̌tana a ta̤cabahǐ saprṳ̂phû̌ tokhlǒ pwǎ.

Ta̤dǔlè̌nǎ 21:8

Bǎbǎkǎlè kòyò dǒ a ǐsha sî, acǒ kû̌ a ta̤yṳ̌ta̤nǎ̤ tô̤̌ sî, asǎphlǒ phû̌mò̤̌ sî, a ma̤si kòyò sî, a cû̌sǔnṳ̌plěnṳ̌ pwa̤mǒ̤pwa̤khû sî, pwa̤běkhû̌ ta̤ma̤ sî, a caba ta̤yô̤ta̤gî̌ sî, dě a lòhô kòyò sî tokhlǒnu agûlǎ̤gûbò̌ mî̌ mî̌phǎ dǒ amè̤̌ ta̤si ginǐ̤plǎtôplǎ dǒ kòyò shû̌gè̌ a kû̌ kabò tôphǎnu hǒ.”

Ta̤dǔlè̌nǎ 22:15

Kòyò sô̌sô̌kû̌ akhô tô̤̌nu bǎhtû shǐ tokhlǒ, pwa̤běkhû̌ sî, kòyò cû̌sǔnṳ̌plěnṳ̌ pwa̤mǒ̤pwa̤khû sî, pwa̤ ma̤si kòyò sî, kòyò caba ta̤yô̤ta̤gî̌ sî, kòyò lǒ̤bò dǒ a mô̤ǐ tûû̌ ta̤lòhô dě a ô̌htûpwa̤ gû̌ma̤ pô̤̌nu pṳ̂̌꤮ taplǎ tokhlǒnu a gǔ ô̌ lô̌khô dǒ wî̤̌khlo pě.

Ta̤dǔlè̌nǎ 3:9

Hǎkhû̌tana a ta̤dòkû tôprṳ̂nu, a lòhôlò̤ lô̌khô anǎ̤ kû̌ pa mî̌ Yǔdaphû̌ tokhlǒ, bǎbǎkǎlè asî mî̌ Yǔdaphû̌ mè̤̌tô̤̌. He gǔ nohè dô̌gînî̤lò̤ asî dǒ sî khò̌lôpô̤̌ kòshî̌ pě dě asî pṳ̂̌꤮ tôpwa̤ gǔ sî̌ganǎ̤ kû̌ he mô̤nṳ̌ sî nupě.