Phǐlǐpǐ 3:19 - Kawyaw New Testament

¹⁹ Asî aklè̌ nunî̌ a gǔ gutṳ̌ bǎ ta̤pî̌ta̤lṳ̂̌ larakû nupě. Asî Běcǎ mî̌ anǎ̤glǒ a ta̤sǎyṳsǎbǎ nutokhlǒ hǒ. Ta̤dǒ asî tô sòwò̤̌ nutokhlǒ dě a phî̌htò̌lǒ lô̌khô pe anǎ̤. Htokhôtô̤̌ asî gènè̤ còcè̌ pwǎ ta̤ dǒ Kòyòhǎkhû̌phû̌ gènè̤dû̌nǎ̤ nutokhlǒ pwǎ.

Kawyaw RC

¹⁹ Asî klè̌ htǒonu a gutṳkè bǎ ta̤pî̌ta̤lṳ̂ ngariǒkûnu pě. Asî Běcǎ mî̌ ana̤klû a ta̤sò̌le̤sò̌lò̤ htǒonu toǒ hǒ. Ta̤htě asî to sòwò̤ǐnu toǒ dě a phî̌htò̌yî̤ lǒkhope ana̤. Htohǒtò̤ asî gènè̤ còcè̌pwǎ ta̤ htě kòyòhǎkhû̌phû̌ gènè̤tû̌nu toǒ pwǎ.

Phǐlǐpǐ 3:19 Iomraidhean Croise

Htû̌sò̌htò̌ 17:14

Ǒ Cǒmara tûjû̌pwa̤, noǎ na cǔde dǒ ashû̌asho dě ma̤lû̌htò̌kè mò̌ he dǒ kòyòphû̌mò̤̌ sǎlě̤sǎlò̤ ǐyǎ kû̌ ata̤dû̌yò̤̌htò̌sa tokhlǒ acǔdekûnu. Na shû̌nṳ̌bebò pû asî hǐphukû kû̌ na ta̤wô̌ kû̌ nanǎ̤nu. Aphû̌ali̤ ali̤alṳ̂ akhlialè lò̤tutṳ̌ sîtokhlǒ ô̌plṳ̂ô̌phǎ dě a bè̌kè plṳ̂ aphû̌ali̤ tokhlǒ û̌cata̤bǐ nî̌.

Htû̌sò̌htò̌ 52:1

Ǒ kòyòpha cǔshokhò̌sho, nacû̌ bè̌dû̌bè̌htò̌yô̤̌ ǐtǒ̤ nanǎ̤ kû̌ ta̤gènè̤nǎ phû̌mò̌ nutokhlǒ ma̤titè? Cǒmaradû̌ ata̤mô̤ dǒ ahǎbòjò tô̤̌nu a takabǐnṳ̌ he tônǐ̤mṳ̌hǎ.

Matěo 16:23

Běcǎ Yeshǔ ti̤wǐ̤ getîkhîtô Khûpetarǔ dě a hî̌ lû̌û kû̌, “Ǒ꤮ hǎkhû̌tana, hǎhtò̌cû̌ tephekè kû̌ he, na mî̌ asô̌sô̌kû̌ lǒ̤ tômè dǒ kòyò lǎ̤htò̌tukhu tômè nupwǎ. Na ta̤gènè̤ tokhlǒnu asô̌sô̌kû̌ kòyòhǎkhû̌phû̌ a ta̤gènè̤nu pwǎ, a sô̌sô̌kû̌ kû̌ Cǒmara a ta̤gènè̤ tokhlǒnu mè̤̌tô̤̌.”

Matěo 25:41

“Htodě a gǔ hî̌ kòyò ô̌ dǒ a cǔcôcî̌ tokhlǒ kû̌, ‘hǎhtò̌cû̌ tephekè kû̌ he, sî mî̌ kòyò dǒ a nǐ̤bǎ ta̤ǐsho tokhlǒ, cû̌nṳ̌ lô̌khô dǒ kòyò tîwî̌tòwò nǎ bǎ hǎkhû̌tana nutôdo kû̌ a khînǎkhîno nutokhlǒ aya dǒ asî gǔ cû̌ô̌ bǎ mî̌ dǒ a pǐ̤jò tôkhò̌꤮ tô̤̌ nutôphǎ akûnu.

Lǔka 12:19

Htodě he gǔ hî̌lò̤ tûû̌ henǎ̤ kû̌, “Phabwǐwô̌, na bè̌plǒ bò ta̤wô̌pṳ̂̌꤮ tocǒ dǒ na gǔ ǎô ǐyî̤ yǎkû̌ aněněalala pě. Hǎmôô̌ kû̌ ǎmò̌, ǎkǒôbe, ô̌kûjû̌kabǎ mò̌.”’

Lǔka 16:19

“Bǎtaplǎnu, kòyò dû̌yò̤̌htò̌sa ô̌tôpwa̤. Akûasô̌ còcè̌ jejû dǒ alě̤dû̌pwî̤htû tokhlǒ, dě a ǎwǐôshu, ma̤mô̤ tûû̌ anǎ̤ pṳ̂̌꤮ tôni̤.

Lǔka 18:4

“A jûkû̌ pwa̤mǒ̤ô̌khwè̌ nutôpwa̤ a ta̤kwisǎyṳ pṳ̂̌plǎ tô̤̌ bǎbǎkǎlè dǒnô̌kònu a gènè̤lò̤ tûû̌ anǎ̤ kû̌, ‘he mî̌ kòyò dǒ a ǐsha gû̌ kòyò Cǒmara tô̤̌, bè̌dubè̌nǎ̤ gû̌ kòyò tô̤̌ bǎbǎkǎlè,

Rṳ̂̌me̤ 16:18

Ma̤titèhî̌dě kòyò pô̤̌nu tokhlǒ mî̌ a ma̤ Běcǎ Khrǐ ata̤ma̤ mè̤̌tô̤̌. Mè̤mè̤̌tôkhômî̌, a lṳ̂ma̤mô̤ ma̤sǎphlǒmô̤ ǐtûû̌ lô̌khô anǎ̤glǒ a ta̤sǎyṳsǎbǎ tokhlǒ pwǎ. A hî̌bǎmô̤ hî̌bǎjò kòyò, htû̌sò̌htò̌ kòyò dě asî lô̌ǐplò̤ǐ kòyò dǒ a jûlě̤phî̌yô̤̌yû ta̤nutokhlǒ pě.

Rṳ̂̌me̤ 6:21

Bǎnukha na nǐ̤bǎ gû̌ kòyò ta̤wî̤ta̤wô̌ tôcǒ꤮ tô̤̌. Dǒ na ma̤ pô̤̌nu akhû̌akhî, khònò̤̌dě sî gènè̤ sòwò̤̌ǐ tûû̌ sînǎ̤ hǒ. Ta̤ma̤ pô̤̌nu tokhlǒ mî̌ a sûcû̌ kòyò dǒ ta̤si tûjû̌pwa̤ agûlǎ̤ pwǎ.

Kôritu awǐlǒ tôbǎ 3:3

Ma̤titèhî̌dě sî ô̌htûpwa̤ sô̌sô̌ pepwǎ kû̌ kòyò hǎkhû̌phû̌ dǒ a gû̌ ma̤ pepwǎ lô̌khô pô̤̌ a ta̤sǎyṳsǎbǎ ô̌ nutokhlǒ pwǎ. Sî sǎkhwè̌ ǐ kè̌khîlû̌û tôpwa̤ kû̌ tôpwa̤, sî̌klǐ kè̌khî lû̌û numî̌, a dǔlè̌lṳ̌htò̌ kû̌ sî sô̌sô̌ pepwǎ kû̌ kòyò hǎkhû̌phû̌ nutokhlǒ pwǎ yahî̌? Sî ma̤sô̌sô̌ pepwǎ kû̌ kòyò dǒ a yṳ̌ǎ gû̌ kò Khrǐ tô̤̌ nutokhlǒ pwǎ.

Kôritu awǐlǒ tôbǎ 5:2

Kè̌ ma̤pô̤̌nudě, sî cû̌ phǐhtò̌yô̤̌jò̌꤮ tûû̌ sînǎ̤ hî̌tè? Tònò̤̌꤮ sî phî̌htò̌yô̤̌ sînǎ̤nu, sî tô sǎplǎ̤ sikè sînǎ̤. Kòyò dǒ a cû̌sǔnṳ̌plěnṳ̌ pô̤̌o tôpwa̤pwa̤ nu, sî tô wṳ̂̌hǎhtò̌kè lû̌û dǒ sî aprṳ̂aphǎ akû.

Kôritu awǐlǒ tôbǎ 5:6

Sî cû̌ hî̌bǎ htò̌yô̤̌ tǒ̤ sîyô̤̌ pô̤̌numî̌ amè̤̌ tô̤̌. Gènè̤htò̌ lô̌khô yô̤̌ tômû dǒ a hî̌ kû̌, “Ta̤bû tîkî̌phû̌ pwǎ dě a ma̤kôphô̌htò̌bò mû̌ toglǒ,” kòyò hî̌ numî̌ sî sî̌ganǎ̤ bǎtô̤̌ya. Pô̤̌nudě kòyò nutôpwa̤ a ta̤sǔnu, a dǐhtûhtò̌bò sî saprṳ̂bò ata̤sǔ hǒ.

Kôritu ginǐ̤bǎ tôbǎ 11:12

Pô̤̌khô kòyò dǒ a hî̌ kû̌ asî ta̤ma̤ tokhlǒ numî̌ asô̌sô̌ kû̌ pa ta̤ma̤ pwǎ nutokhlǒ, a gǔ hî̌bǎ htû̌sò̌ jò anǎ̤ pô̤̌nu tô̤̌nu, he gǔ ma̤ sělě pô̤̌ he ma̤ khònò̤̌ nu.

Kôritu ginǐ̤bǎ tôbǎ 11:15

Pô̤̌nudě, hǎkhû̌tana a pwa̤ma̤ta̤phû̌ tokhlǒ tûlû lòhôjò anǎ̤ sô̌sô̌ kû̌ Cǒmara a pwa̤ma̤ta̤phû̌ dǒ acǒatè̤ tokhlǒ numî̌ lǎ̤ǒò̌ nô̌ tôcǒ tô̤̌. Dǒ nô̌kòtû̌ pě, pô̤̌ asî ma̤sǔ htohǒnu, asî gǔ khòbǎ ta̤cî̌htò̌ pô̤̌ a gwǎ kû̌ asî nu pe.

Galatǐ 6:13

Asî dǒ a dǔtṳ̌phě nutokhlǒ dě a jûǎ gû̌ kòyò ta̤sû̌ta̤tòwò tô̤̌. Bǎbǎkǎlè pô̤̌khô asî gǔ bè̌htò̌mǒ lô̌khô asǎphlǒ kû̌ sî gû̌ dǔtṳ̌ bǎ lû̌û běnu akò nudě, asî sǎyṳ nodǔtṳ̌ sîphě pwǎ.

Phǐlǐpǐ 2:21

Kòyò ashǔshawa̤ lǒ̤bò tokhlǒ numî̌ a kè̌lǎ ma̤ lô̌khô pwǎtǒ̤ ta̤ dǒ a htûbwǐhtûsîrî dǒ asî aya nutokhlǒ pwǎ. A kè̌lǎ ma̤ bǎ lô̌khô Yeshǔ Khrǐ aya tô̤̌.

Kòlòtè̌ 3:2

Gènè̤ lô̌khô mǒkhû̌ a ta̤lě̤dû̌pwî̤htû nunî̌꤮. Hǎkhû̌ atě̤ta̤ tokhlǒnu, gènè̤ tǎ̤ lô̌khô tǎ̤mǎ̤.

Tîsalònǐ ginǐ̤bǎ tôbǎ 1:9

Asî gǔ khòbǎ ta̤pî̌ta̤lṳ̂̌ tûjû̌pwa̤ a ta̤cî̌htò̌nu pě. Htodě Běcǎ gǔ bè̌tephekè asî dǒ alô̤mô̤̌ kû̌ a ta̤bwǐdû̌sîrîhtû dǒ apô̤aphǎ nutokhlǒ alô̤mô̤̌ pě.

Tîsalònǐ ginǐ̤bǎ tôbǎ 2:8

Htodě kòyò phû̌mò̤̌ nutôpwa̤ gǔ ô̌lṳ̌htò̌ pě bǎbǎkǎlè bǎ Běcǎ Yeshǔ Khrǐ hè pě akhanu, a gǔ ma̤sikè lû̌û kû̌ a ta̤sǎhtò̌ dǒ agô̌kûnu pě, dě a hè ma̤pî̌kè lû̌û kû̌ a ta̤bwǐdû̌sîrîhtû nupě.

Tîmôte awǐlǒ tôbǎ 6:5

Kǎtô̤̌ a no ô̌htò̌ ta̤htè̌ kòyò pṳ̂̌꤮ tôplǎ. Kòyò dǒ a htè̌ kòyò nutokhlǒ a ta̤gènè̤ numî̌ a phû̌mò̤̌ dě ta̤tě̤ta̤mè̤̌ ô̌pe dǒ asîkû tô̤̌. Ta̤cubucaba numî̌ klè̌ dǒ kòyò gǔ dû̌yò̤̌htò̌sa aya tôbô asî gènè̤ lô̌khô pô̤̌nu pwǎ.

Tîmôte ginǐ̤bǎ tôbǎ 3:4

Asî mî̌ kòyò dǒ a gǔ shaǎ kòmi̤, a shaǎ kònǎ̤ dě ma̤bǐma̤ô̌ anǎ̤, htò̌mǒhtò̌phô anǎ̤, sǎyṳ ma̤mô̤nṳ̌ tûlû̌shû̌lě anǎ̤nu adû̌khlo ta̤mô̤ǐ Cǒmara pě.

Jǎgomo̤ 4:16

Bǎbǎkǎlè khònò̤̌ sî bè̌htò̌lṳ̌ lô̌khô sî sǎphlǒ dě sî hî̌bǎ khucawa tûû̌ lô̌khô sînǎ̤. Lǒ̤bò ta̤bè̌dû̌bè̌pwǎ̤ nǎ̤ pô̤̌nu tokhlǒmî̌ ta̤phû̌mò̤̌shǐhtô pwǎ.

Petru ginǐ̤bǎ tabǎ 2:1

Piwi̤pèshè sûlûlòhô anǎ̤ tokhlǒ ô̌htò̌lṳ̌ htohǒ dǒ kòyò saprṳ̂ akla dǒ awǐkha hǒ. Pô̤̌nu, sara jî̌lòhô anǎ̤ tokhlǒ gǔ hè ô̌htò̌lṳ̌ kû̌ dǒ sîkla pě. Asî phǐhèhǔnṳ̌ ta̤sû̌ǐtòwòǐsǔ dǒ a ma̤pî̌kèta̤ tokhlǒ pě. A htè̌shěshu Běcǎ dǒ a ihtǒge htohǒ asî nutôpwa̤ pě. Dǒ asî ma̤pô̤̌nu akhû̌akhî, Cǒmara ma̤pî̌kè lǎphwè asî pě.

Petru ginǐ̤bǎ tabǎ 2:13

Dǒ asî ma̤jî̌ma̤jû̌ kòyò akhû̌akhî, Cǒmara gǔ ma̤shǔ getîkhî asî pô̤̌nu pě. Lṳmṳ̌sha bǎbǎ asî sǎlě̤sǎlò̤ lṳ̂ma̤mô̤ shôpe̤ lô̌khô asǐshi a ta̤sǎyṳ putupatǎ nutokhlǒ. Bǎ sî ma̤pwèma̤lû akhanu, asî hè ǎcuôcu khô̌kû̌tû̌ kû̌ sî dě, asî ma̤ sělě gutṳ̌ pě lô̌khô ta̤sǔ dǒ kòyò ma̤yǒ̤ nutokhlǒ, a kè̌ lòhôǐ sî hî̌nu amô̤jòjî̌ asî. Pô̤̌nudě a ma̤mi̤pǐ̤ shidô̌ sî mi̤ tokhlǒ, htokhôtô̤̌ a ma̤sòwò̤̌ lǒ̤bò sî.

Petru ginǐ̤bǎ tabǎ 2:3

Sara jî̌lòhô anǎ̤ tokhlǒnu, dǒ a ta̤kè̌lǎ pṳ̂̌sôgwǐ yǒsaphǎ ǎtûû̌ aya kû̌ a dô̌kènè lòhô bǎ sî ta̤dô̌kènè dǒ kòyò sî̌jò̌dô̌jò nutokhlǒ akhû̌akhî, dě a kè̌lǎ ma̤ǎshǎ dǒ sîkhû̌ pě. Pwa̤ dǒ a gǔ cî̌htò̌ asînu a ô̌tîwî̌tòwònǎ anǎ̤ yi̤hǒ, htodě dǒ a gǔ ma̤pî̌kè asî ayanu a hǎmôô̌ shepě̤ tô̤̌.

Yṳ̌da 1:10

Bǎbǎkǎlè kòyò hǒtokhlǒnu a pîjî̌ǐsho ta̤ dǒ a sî̌ganǎ̤ phlǔtô̤̌ nutokhlǒ. Asî sǎphlǒ sô̌sô̌ lô̌khô kû̌ ta̤phû̌ta̤wè̤ akhû̌akhî, a gû̌ ma̤ lô̌khô pô̤̌ asǎphlǒ noma̤ lû̌û nupwǎ. Dǒ asî ma̤pô̤̌nu akhû̌akhî, a ma̤pî̌ma̤lṳ̂̌ lô̌khô anǎ̤ hǒ.

Yṳ̌da 1:16

Kòyò hǒtokhlǒ numî̌ kòyò dǒ a tûmṳ̂̌ta̤ma̤ shû̌ dě a bè̌pwǎ ta̤sǔ dǒ kò alô̤ pṳ̂̌taplǎ. Asî gû̌ma̤ tûû̌ anǎ̤glǒ a ta̤sǎyṳsǎbǎ phû̌mò̤̌ nutokhlǒ akò pwǎ. Asî hî̌bǎ htû̌sò̌ ǐtû̌ lô̌khô anǎ̤, kǎtô̤̌ pô̤̌khô asî gǔ nǐ̤bǎ ta̤ dǒ a sǎyṳ nutokhlǒ dě, a hî̌bǎ htû̌sò̌htò̌ǐ lô̌khô kòyò.

Yṳ̌da 1:4

Ma̤titèhî̌dě, kòyò dǒ a bè̌dubè̌nǎ̤ Cǒmara tô̤̌ tokhlǒnu a hènṳ̌hǔ dǒ sîkla hǒ. Pô̤̌khô asî gǔ hî̌bǎ hǎplǎ anǎ̤ kû̌ a ta̤ô̌htûpwa̤ apî̌alṳ̂̌ tokhlǒ ayanudě, a htû̌lè̌ tèplè̌ge pa Běcǎ Cǒmara abwǐsîrî nutokhlǒ awe̤akè. Kǎtô̤̌ asî hǒtokhlǒnu a yṳ̌ǎ kû̌ pa ikǒlǒkòdû̌ Běcǎ Yeshǔ Khrǐ nutô̤̌. Pô̤̌ lî̤plò̌shǐ shôbǐǐ nǎ hto ta̤cî̌htò̌ tokhlǒnu asî khòbǎ lǒ̤bò pě.

Ta̤dǔlè̌nǎ 18:7

Pô̤̌ a htû̌sò̌ ǐ anǎ̤ dě a ma̤mô̤tû̌ anǎ̤nu, nokhòbǎ getîkhî shěshu mò̌ a kû̌ ta̤jî̌ta̤jû̌ kû̌ nǐ̤bǎ ta̤sǎplǎ̤nu. A hî̌lò̤ anǎ̤ kû̌, ‘he hǎnòò̌ô̌ pô̤̌ khwǐmǒ̤ tôpwa̤, hewṳ̂ ô̌nô̌ kû̌ kòyò tô̤̌ akhû̌akhî, he ô̌khwè̌ bǎ kû̌ kòyò tô̤̌, khònò̤̌ hènè pěnu, he hǎwô bǎ gû̌ kòyò tô̤̌.’

Ta̤dǔlè̌nǎ 19:20

Kòyò pṳ̂̌nṳ̌kè ta̤mi̤ta̤mò̤̌ nutôdo dě kòyò pṳ̂̌nǐ̤ wô̤̌wô̤̌ pô̤̌ kû̌ piwi̤pèshè lòhô dǒ a ma̤lṳ̌ bǎ kòyò ta̤cô̌klǐcô̌sè dǒ ta̤mi̤ta̤mò̤̌ nutôdo alô̤mô̤̌ nutôpwa̤. Dǒ a ma̤tô̤klî̌ya bǎ kòyò akhû̌akhî, a lô̌ǐplò̤ǐ lǒ̤bò kòyò dǒ a nǐ̤bǎ ta̤ěta̤jô̌ nutôdo a ta̤ma̤nǎma̤dòǐ dě a caba lû̌û nutokhlǒ. Ta̤ěta̤jô̌ nutôdo kû̌ piwi̤pèshè dǒ a lô̌ǐplò̤ǐ kòyò nutôpwa̤ sò̌ginǐ̤bò kòyò tě̤lò̤tě̤ htûpwa̤ asî dǒ mî̌ dǒ kòyò shû̌u kû̌ kabò nutokoǒ akû.

Ta̤dǔlè̌nǎ 21:8

Bǎbǎkǎlè kòyò dǒ a ǐsha sî, acǒ kû̌ a ta̤yṳ̌ta̤nǎ̤ tô̤̌ sî, asǎphlǒ phû̌mò̤̌ sî, a ma̤si kòyò sî, a cû̌sǔnṳ̌plěnṳ̌ pwa̤mǒ̤pwa̤khû sî, pwa̤běkhû̌ ta̤ma̤ sî, a caba ta̤yô̤ta̤gî̌ sî, dě a lòhô kòyò sî tokhlǒnu agûlǎ̤gûbò̌ mî̌ mî̌phǎ dǒ amè̤̌ ta̤si ginǐ̤plǎtôplǎ dǒ kòyò shû̌gè̌ a kû̌ kabò tôphǎnu hǒ.”

Ta̤dǔlè̌nǎ 22:15

Kòyò sô̌sô̌kû̌ akhô tô̤̌nu bǎhtû shǐ tokhlǒ, pwa̤běkhû̌ sî, kòyò cû̌sǔnṳ̌plěnṳ̌ pwa̤mǒ̤pwa̤khû sî, pwa̤ ma̤si kòyò sî, kòyò caba ta̤yô̤ta̤gî̌ sî, kòyò lǒ̤bò dǒ a mô̤ǐ tûû̌ ta̤lòhô dě a ô̌htûpwa̤ gû̌ma̤ pô̤̌nu pṳ̂̌꤮ taplǎ tokhlǒnu a gǔ ô̌ lô̌khô dǒ wî̤̌khlo pě.