Phǐlǐpǐ 3:18 - Kawyaw New Testament

¹⁸ Dǒ awǐkhanu mî̌, he pwe̤ǐ sayèyè̤̌ bǎ sî hǒ. Khònò̤̌ he hî̌ bǎ pô̤̌ sô̌ sî kû̌ mǐ̤sǎshi. Kòyò dǒ a bè̌ lô̌khô a sǎphlǒsǔshi kû̌ a sǎkhě Khrǐ ata̤si yô̤̌mûyô̤̌sǎ dǒ nò̌dò̌htǔlô̤ tokhlǒnu a ô̌ dû̌wî̤.

Kawyaw RC

¹⁸ Dě awǐkhanu mî̌, he pwe̤ǐ sala̤ bǎ sî hǒ. Khònò̤htǒo he hî̌po̤ gesǒ bǎ sî ta mi̤sǎshi. Kòyò htě a bè̌ lǒkho a sò̌phlǒsǔshi ta a sò̌khěkhû̌khwè Khrî̌stu ata̤si amûasǎ dě nò̌dòhtǔlo̤ toǒnu a ǒplṳ̂.

Phǐlǐpǐ 3:18 Iomraidhean Croise

Htû̌sò̌htò̌ 119:136

Kòyò ganǎ̤de na ta̤sû̌ta̤tòwò tô̤̌ akhû̌akhî, he hǎ mǐ̤sǎshilò̤ asô̌sô̌kû̌ shilô̤̌mǒ̤ lò̤.

Lǔka 19:41

Bǎ a hèphǔ kû̌ Wî̤̌yarǔshôle dě a kè̌shǐ wî̤̌ akhanu, a mǐ̤sǎshilò̤.

Pwa̤nophû̌ 20:19

Bǎ he kè̌shǐbǎ kû̌ ta̤pò̤̌ta̤sha dǒ Yǔdaphû̌ tokhlǒ phû̌mò̤̌shǐhtô he akhanu taplǎnô̤̌ he ma̤ta̤ dǒ Cǒmara aya akhû̌akhî he mǐ̤sǎshi lò̤bǎ htokhôtô̤̌ he bǎ shò̌lò̤ kudǔdǔ he sǎphlǒ.

Rṳ̂̌me̤ 9:2

He sǎplǎ̤nǎ̤bǎ jòjě꤮ tô̤̌. Abǎsha he sǎphlǒnu, a hǎmǎ jò pe tô̤̌ hǒ.

Kôritu awǐlǒ tôbǎ 1:18

Kòyò tokhlǒkhlǒ yṳ̌ǎ ta̤ tô̤̌ akhû̌akhî, Cǒmara gǔ cî̌htò̌ asî pě. Kòyò pô̤̌nu tokhlǒnu, a gènè̤ lô̌khô kû̌ Khrǐ si dǒ nò̌dò̌htǔlô̤ awe̤akè numî̌ a tṳ̌dè pwǎ. Bǎbǎkǎlè pa dǒ a nǐ̤bǎ ta̤ma̤hǎplǎge tokhlǒ ayanu, ta̤we̤ta̤kè mî̌ Cǒmara a ta̤pô̤ta̤phǎ dǒ paya hǒ.

Kôritu awǐlǒ tôbǎ 6:9

Kòyòkhu kòyòhe, kòyò phû̌mò̤̌ tokhlǒnu a htûjò kû̌ kòyò Cǒmara a shiphû̌gǎphû̌ dǒ ashiagǎkû tô̤̌ pě numî̌ sî sî̌ganǎ̤ tô̤̌ ya? Pô̤̌khô sî gǔ ma̤sǔ lô̌khô tô̤̌nu, gènè̤ tě̤tě̤ lô̌khô he hî̌ sînu. Kòyò dǒ a gû̌ma̤ ta̤sǎyṳ putupatǎ sî, a caba ta̤yô̤ta̤gî̌ sî, a cû̌sǔnṳ̌plěnṳ̌ kòyòphû̌kòyòma sî, pwa̤khû kû̌ pwa̤khû cû̌sǔnṳ̌plěnṳ̌ kè̌khî lû̌û nutokhlǒ,

Kôritu ginǐ̤bǎ tôbǎ 11:13

Asî nutokhlǒ mî̌ pwa̤nophû̌ a mè̤̌mî̌ca mè̤̌tô̤̌. Asî mî̌ pwa̤nophû̌ dǒ a lòhô tokhlǒ pwǎ. Asî cû̌ shôbǐ lòhô bǎ kòyò kû̌ ata̤ma̤ tokhlǒ dě a jî̌ma̤ lô̌khô anǎ̤ pô̤̌ Khrǐ a pwa̤nophû̌ mè̤̌mî̌ca tokhlǒnu pwǎ.

Kôritu ginǐ̤bǎ tôbǎ 11:29

Kòyò tôpwa̤pwa̤ kè̌ khû̌shiǎjǎ hî̌dě he gènè̤ sǎyṳgwèbǎǐ yǎ. Kòyò tôpwa̤pwa̤ kè̌ ma̤ta̤sǔ hî̌dě he sǎphlǒdû̌ jî̌ kòyò dǒ a lô̌ǐ cû̌ lû̌û dǒ ta̤sǔ akû nu tôpwa̤.

Kôritu ginǐ̤bǎ tôbǎ 2:4

Bǎ he wě̤cû̌ bǎ sî lî̤ nutôbǎ akhanu, he sǎphlǒmô̤ tîkî̌꤮ tô̤̌, agû̌agè̌ jî̌ he. Htokhôtô̤̌ he mǐ̤sǎshi betǐpǐ꤮ le. Bǎbǎkǎlè he sǎyṳ ma̤sǎplǎ̤ sî pô̤̌nu mè̤̌tô̤̌, he sǎyṳ nosî̌ganǎ̤ sî kû̌ he mô̤ sî pwǐ꤮ tè pô̤̌nupwǎ.

Galatǐ 1:7

Kè̌ hî̌mè̤̌ca mî̌ ta̤sǎlě̤we̤kè dǒ ashǔshawa̤ nu a ô̌ pe tôcǒ꤮ tô̤̌, bǎbǎkǎlè kòyò dǒ a ma̤dǐkhû̌dǐdò sî sǎphlǒ dě a sǎyṳ bôtèplè̌ khô̌kè Khrǐ a ta̤sǎlě̤we̤kènu a ô̌ tokhlǒ.

Galatǐ 2:14

Bǎ he kè̌shǐ dǒ asî cû̌tephe kû̌ ta̤sǎlě̤we̤kè a ta̤tě̤ta̤mè̤̌ aklè̌aklò tô̤̌ akhanu, he hî̌ Khûpetarǔ dǒ asî lô̤mô̤̌ kû̌, “Na mî̌ Yǔdaphû̌ tôpwa̤ bǎbǎkǎlè na ô̌htûpwa̤ pô̤̌ Yǔdaphû̌ mè̤̌tô̤̌ tôpwa̤ numî̌ anǐ̤ hǒ. Pô̤̌ Yǔdaphû̌ tôpwa̤ alǎ̤klô ma̤nu, na tô lǎ̤lṳ̂ ma̤ petô̤̌, ma̤titèhî̌dě khònò̤̌ na yṳ̌ǎ hto Khrǐ hǒ. Ma̤pô̤̌nudě khònò̤̌ na cû̌ noshû̌ Yǔdaphû̌ mè̤̌tô̤̌ dǒ a yṳ̌ǎ Khrǐ tokhlǒ kû̌ a gǔ ma̤pô̤̌ Yǔdaphû̌ alǎ̤klô numî̌ anǐ̤ ya?”

Galatǐ 2:21

He wîkè Cǒmara abwǐsîrî tô̤̌, ma̤titèhî̌dě kòyò tôpwa̤pwa̤ kè̌ htûhtò̌ bò̌jò kòyòcǒ kòyòtè̤ kû̌ gû̌ma̤ ta̤sû̌ta̤tòwò akò pwǎ kè̌hî̌dě, Khrǐ tṳ̌sikhòsi anǎ̤ numî̌ a tônô̤̌ bòkè hǒ.”

Galatǐ 5:21

Kè̌lǎma̤ǎ kòyòkhû̌, ta̤ǎmuômu, ma̤pwèma̤lû dǒ aphû̌mò̤̌ kû̌ ta̤ma̤ ashǔshawa̤ dǒ asô̌sô̌kû̌ hǒtokhlǒ. Pô̤̌ he dǐsè̌rè̌ hto sî dǒ awǐkhanu hǒ, he dǐsè̌rè̌ pô̤̌ sô̌ sî khònò̤̌. Kòyò dǒ a ô̌htûpwa̤ pô̤̌o tokhlǒnu, a nǐ̤bǎ gû̌ kòyò Cǒmara shilǎ̤gǎkû a ta̤ǐshowî̤ tô̤̌.

Galatǐ 6:12

Kòyò dǒ a noshû̌ sî kû̌ bǎ dǔtṳ̌bě nutokhlǒ mî̌ a sǎyṳ nohtû̌sò̌htò̌ kòyò kû̌ anǎ̤ pwǎ. Ma̤titèhî̌dě kòyò nutokhlǒ mî̌ a kè̌ shôbǐǐlṳ̌ pwǎtǒ̤ Khrǐ ata̤si dǒ nò̌dò̌htǔlô̤ pwǎ kè̌hî̌dě a ǐsha kòyò ma̤jî̌ma̤jû̌ lû̌û no̤꤮.

Galatǐ 6:14

He kè̌ hî̌bǎhtò̌yô̤̌ pô̤̌ asînu kè̌hî̌dě, he gǔ hî̌bǎhtò̌yô̤̌ pwǎ dǒ he shôbǐǐ pa Běcǎ Yeshǔ Khrǐ a nò̌dò̌htǔ awe̤akènu nô̤̌pwǎ. Yeshǔ si dǒ nò̌dò̌htǔlô̤ akhû̌akhî, ta̤pṳ̂̌꤮ tocǒ dǒ a icu kû̌ hǎkhû̌ tokhlǒnu, a sikè hto bǎbò dǒ heya hǒ. Pô̤̌nudě, he dě he sikè bǎbòhto ta̤dǒ a icu kû̌ hǎkhû̌ nutokhlǒ hǒhǒ.

Ěphěsu 4:17

Pô̤̌nudě, dǒ Khrǐ ami̤ akû dě he bǎ hî̌shosho nò sî kû̌ ô̌htûpwa̤ lô̌khô tǎ̤ pô̤̌ kòyò dǒ a sî̌ganǎ̤ Cǒmara tô̤̌ nutokhlǒ ô̌htûpwa̤ nutǎ̤mǎ̤. Asî ata̤gènè̤ tokhlǒ numî̌ abwǐsîrî ô̌ tôcǒ꤮ tô̤̌.

Phǐlǐpǐ 1:4

He kwicaba bǎ sîya bǎkhò̌tè꤮ bǎbǎnu, he sǎlě̤sǎlò̤ pṳ̂̌꤮ taplǎ.

Tîsalònǐ awǐlǒ tôbǎ 4:6

Sî tôbǎ ma̤sǔ sî pṳ̌wè̤̌ Khrǐphû̌ tokhlǒ kû̌ ta̤ pô̤̌nu tokhlǒ tôpwǎ̤꤮ tô̤̌. Sî tôbǎ lô̌ǎ tikhlǐkhû̌ tikhlǐkò dǒ sî pṳ̌wè̤̌ Khrǐphû̌ tokhlǒ akhû̌ tôpwǎ̤꤮ tô̤̌. Kòyò dǒ a ma̤pô̤̌nu tokhlǒnu, Běcǎ gǔ cî̌htò̌ asî pě. Pô̤̌o tokhlǒnu pa shôbǐǐlṳ̌ bǎ htobò sî hǒ, pa dǐsè̌rè̌ htobò sî hǒ.

Tîsalònǐ ginǐ̤bǎ tôbǎ 3:11

Pa cû̌hî̌tǒ̤ pô̤̌o ma̤titènumî̌, pa ganǎ̤de kû̌ dǒ sîklanu kòyò cè̌klè dě aǎawè̤ gû̌ kòyò tôcǒ tô̤̌nu a ô̌ tokhlǒ. Dě a cû̌nṳ̌ ma̤shû̌shǎ bò kòyò shǔshawa̤ a ta̤we̤ta̤kènu a ô̌ tokhlǒ, pa ganǎ̤de pô̤̌nu.

Petru ginǐ̤bǎ tabǎ 2:10

Lǒ̤꤮ bò kòyò dǒ a gû̌ma̤kû̌ pô̤̌ asî sǎphlǒ a ta̤sǎyṳ patǎ phû̌mò̤̌ akò dě a ma̤ takǎshěshu Cǒmara a ta̤siwi̤sòwò̤ tokhlǒnu, Cǒmara gǔ cî̌htò̌ jî̌khlo asî pě. Kòyò pô̤̌nutokhlǒ mî̌ kòyòkhu, kòyò phǐdû̌ anǎ̤ tokhlǒ. Mǒkhû̌phû̌ dǒ kòyò bè̌yṳ̌bè̌nǎ̤ ǐtû̌ lû̌û tokhlǒnu, asî pî̤jî̌ǐsho lô̌khô, a ǐsha kû̌ kò tîkî̌꤮ tô̤̌.

Yṳ̌da 1:13

Asî tokhlǒnu, asô̌sô̌kû̌ shipěpǒ sho dǒ shidû̌te̤we̤ akûnu tokhlǒ pwǎ. Htokhôtô̤̌ asî ta̤ma̤ dǒ a htûhtò̌ ta̤sòwò̤̌ tokhlǒnu a ô̌lṳ̌htò̌ sô̌sô̌kû̌ shibǒbè̌ nupě. Asî mî̌ kòyò dǒ asûcû̌tô kò klè̌tô̤̌ asô̌sô̌ kû̌ shǎ dǒ acû̌htôcû̌lò̤ a ô̌tò̤̌ agûlǎ̤ nutokhlǒ. Cǒmara tîwî̌tòwò nǎ bǎ asî gûlǎ̤ dǒ ta̤khǐsiwilǒkò tôkû dě a dǒnṳ̌ asî bǎnu tûjû̌pwa̤ talakhǎ pě.