Phǐlǐpǐ 3:15 - Kawyaw New Testament

¹⁵ Lǒ̤꤮ bò pa dǒ a dû̌htò̌dû̌to̤yobǎ lô̌khô dǒsû̌dǒsò̌ tôkhô tokhlǒnu, pa tô bè̌ sô̌sô̌ lû̌ pa sǎphlǒ pô̤̌ he hǎbǎ sînu. Bǎbǎkǎlè dǒ sîkla tokhlǒkhlǒnu, a kè̌ bè̌ khô̌ a sǎphlǒsǔshi kè̌hî̌dě, Cǒmara gǔ ǐ sî̌yaphlôwô̌ tû̌ sî ta̤gènè̤ dǒ atô nutokhlǒ pě.

Kawyaw RC

¹⁵ Bò꤮ pa htě a dû̌htò̌sî̌ya lǒkho sû̌sò̌ tokho htǒotoǒnu, pa to bè̌ sǒsǒ pa sò̌phlǒsǔshi pwǐ he hî̌bǎ sî htǒonu. Pwǎ̤ta sîkla toǒǒnu, a dè bè̌ kî̌yatû̌ a sò̌phlǒsǔshi dèhî̌dě, Cǒmara ǐ sî̌yaphlowǒtû̌ sî ta̤gènè̤ htě atonu toǒ pě.

Phǐlǐpǐ 3:15 Iomraidhean Croise

Matěo 5:48

Ma̤pô̤̌nudě, pô̤̌khô sîpha dǒ mǒkhû̌ nutôpwa̤ alǒabenu, lǒbewô̌ sô̌sô̌kû̌ anu nî̌꤮.”

Lǔka 11:13

Sî mî̌ kòyò dǒ a phû̌mò̤̌ tokhlǒ pwǎ bǎbǎkǎlè sî sî̌ganǎ̤ dǐǎ sîphû̌sîli̤ tokhlǒ kû̌ ta̤dǒ awô̌ tokhlǒ kè̌hî̌dě, gènè̤kè̌mò̌ lô̌khô sîpha dǒ mǒkhû̌ tôpwa̤nu, a gǔ ǐ mè̤̌mî̌ca kòyò dǒ a kwihtò̌ Yôla Plò̌shǐ Běcǎ nupě.”

Jowǎ̤ni̤ 6:45

Piwi̤pèshè tokhlǒ wě̤nǎ kû̌, ‘Cǒmara gǔ sû̌ǐtòwòǐ asî bò̌꤮ bò pě.’ Lǒ̤bò kòyò dǒ a ganǎ̤de pha a ta̤sû̌ǐtòwòǐ dě a hè sû̌ǐtòwòǐ ta̤ dǒ lû̌ô̌ tokhlǒnu, a gǔ hè dǒ heô̌ pě.

Jowǎ̤ni̤ 7:17

Kòyò tôpwa̤pwa̤, kè̌ sǎyṳ ma̤tô Cǒmara asǎphlǒ hî̌dě, ta̤sû̌ǐtòwòǐ hǒtokhlǒ numî̌ a ô̌ dǒ Cǒmara a ô̌ dě a hè ya? Mè̤̌tô̤̌dě he hî̌bǎ sanǎ̤ kû̌ he ta̤siwi̤sòwò̤ yanu abǎ sî̌ganǎ̤ pwǎ.

Rṳ̂̌me̤ 15:1

Pa dǒ a ô̌ kû̌ ta̤yṳ̌ta̤nǎ̤ sho tokhlǒnu, pa tô khòsǎdô ma̤jè̌ padô̌ kòyò dǒ a ta̤yṳ̌ta̤nǎ̤ pî̌tî̌pe dě asǎphlǒ wò̌wè̌ pe nutokhlǒ. Pa tô ma̤mô̤lò̤ tûû̌ panǎ̤ tô̤̌.

Kôritu awǐlǒ tôbǎ 14:20

He khô sî, gènè̤ lô̌khô tǎ̤ pô̤̌ phijǎphû̌ tokhlǒ gènè̤nu tǎ̤mǎ̤. Bǎbǎkǎlè tǒ̤ ta̤phû̌mò̤̌shǐhtô tôcǒnu htûhtò̌ sô̌sô̌ pô̤̌ phijǎphû̌ ô̌sa dǒ asî̌ganǎ̤ ta̤phû̌mò̤̌shǐhtô tô̤̌ nutokhlǒnî̌. Bǎbǎkǎlè ta̤ dǒ he wě̤ bǎ sî tokhlǒnu, gènè̤ lô̌khô pô̤̌ kòyò dû̌to̤yobǎ tôpwa̤ a ta̤gènè̤nu.

Kôritu awǐlǒ tôbǎ 2:6

Kòyò dǒ a ta̤yṳ̌sho tokhlǒnu, he sû̌ǐ bǎ asî kû̌ ta̤sî̌ta̤jò̌ awe̤akè tokhlǒ. Ta̤sî̌ta̤jò̌ hǒtokhlǒ nî̌, a ô̌ dǒ kòyòhǎkhû̌phû̌ a hè mè̤̌tô̤̌. A ô̌ dǒ kòyòhǎkhû̌phû̌ a hè dǒ a ô̌ kû̌ a ta̤siwi̤sòwò̤ nutokhlǒ a ô̌ mè̤̌tô̤̌tô̤̌. Ma̤titèhî̌dě ta̤hǒtokhlǒnu a gǔ pî̌kèbò pě.

Galatǐ 5:10

Bǎbǎkǎlè dǒ pa htûhtò̌kè ta̤tôcǒ꤮ nô̤̌ kû̌ Běcǎ akhû̌akhî, he yṳ̌ǎ kû̌ sî ta̤kè̌shǐ hǒonumî̌ a lûcû̌khô̌ kû̌ he tô̤̌. Mò̌pè bǎbǎ dǒ a ma̤dǐdò sî tôpwa̤pwa̤nu, Cǒmara gǔ cî̌htò̌ tûlû̌ pě.

Ěphěsu 1:17

He kwicaba padô̌pe dǒ pa Běcǎ Yeshǔ Khrǐ a Cǒmara, amè̤̌kû̌ papha dǒ ata̤bwǐdû̌sîrîhtû apô̤aphǎ nutôpwa̤ a ô̌. Dě pô̤̌khô sî gǔ sî̌yahè tě̤tě̤mè̤̌mè̤̌ wô̌khlo pô̤̌ Cǒmara ayanu, he kwicaba kû̌ Yôla Plò̌shǐ Běcǎ gǔ ǐ sî ta̤sî̌ta̤jò̌, dě a gǔ dǔlè̌lṳ̌ bǎ sî kû̌ Cǒmara pě.

Kòlòtè̌ 1:28

Pô̤̌khô pa gǔ sûnṳ̌ kòyò pṳ̂̌꤮ tôpwa̤ dǒ Cǒmara lô̤mô̤̌ pô̤̌ kòyò dǒ a htûhtò̌ ta̤tôcǒ꤮ nô̤̌ kû̌ Khrǐ dě a dû̌to̤yobǎ sî̌ya tě̤tě̤mè̤̌mè̤̌ dǒsû̌dǒsò̌ tôkhô tokhlǒ ayanu, pa shôbǐǐlṳ̌ bǎ kòyò pṳ̂̌꤮ tôpwa̤ kû̌ Khrǐ awe̤akè hǒ. Htokhôtô̤̌ pa dǐsè̌rè̌ hǒ, kòyò pṳ̂̌tôpwa̤, dě pa sû̌ǐtòwòǐ bǎ kòyò pṳ̂̌꤮ tôpwa̤ kû̌ lǒ̤bò ta̤sî̌ta̤jò̌ nutokhlǒ hǒ.

Kòlòtè̌ 4:12

Khûepapra mî̌ sî dokûphû̌ tôpwa̤pwa̤. A mî̌ a htû Khrǐ ajû̌ tôpwa̤. A hî̌mô̤hî̌bǎwô̌ hèǐ sî. A sǎphlǒshû̌ dě a kwicaba taga bǎ dǒ sîya pô̤̌khô sî gǔ ô̌měô̌gle dǒ sî ta̤yṳ̌ta̤nǎ̤ akû dě sî gǔ dû̌htò̌bò̌pû lô̌khô dǒsû̌dǒsò̌ tôkhô, htokhôtô̤̌ pô̤̌khô sî gǔ yṳ̌ǎ sî̌ganǎ̤hè tě̤tě̤mè̤̌mè̤̌ pô̤̌ Cǒmara a ta̤sǎyṳ pṳ̂̌꤮ tôcǒ ayanudě, a kwicaba bǎ dǒ sîya.

Tîsalònǐ awǐlǒ tôbǎ 4:9

Ta̤mô̤ǐ pṳ̌wè̤̌ dǒ a yṳ̌nǐ̤nǎ̤nǐ̤ ta̤ tokhlǒ awe̤akènu, pa lǎ̤lṳ̂ wě̤ bǎ sî tô̤̌. Ma̤titèhî̌dě ta̤ dǒ bǎ mô̤ǐ kè̌khî lû̌û tôpwa̤ kû̌ tôpwa̤nu sî sanǎ̤ pwǎ, Cǒmara sû̌ǐtòwòǐ hto tûû̌ sî hǒ.

Tîmôte ginǐ̤bǎ tôbǎ 3:17

Ma̤titèhî̌dě pô̤̌khô Cǒmara a kòyò gǔ lǒhtò̌behtò̌ dě ô̌ tîwî̌tòwò anǎ̤ kû̌ a gǔ ma̤ta̤ awô̌ pṳ̂̌tocǒ ayanudě, a sû̌ǐ bǎ kòyò hǒ.

Hebrǔ 5:14

Bǎbǎkǎlè, shǎǎ a pwǐ̤ numî̌ kòyò dû̌to̤yobǎ sî̌ya dǒ a sû̌ǐ sî̌ganǎ̤hè bǎ hto anǎ̤ dǒ a gǔ běphò̌ sî̌ganǎ̤jò ta̤wô̌ kû̌ ta̤phû̌mò̤̌ nutokhlǒ aya pwǎ.

Yṳ̂ha awǐlǒ tôbǎ 2:5

Bǎbǎkǎlè mò̌pè tôpwa̤ bǎbǎ, a kè̌ jûǎ lû̌yô̤̌ hî̌nu, ta̤mô̤ǐtû̌ Cǒmara lǒhtò̌behtò̌ mè̤̌mî̌ca hǒ dǒ akû hǒ. Dǒ pa jûǎ ayô̤̌ akhû̌akhî, pa sî̌ganǎ̤ tě̤tě̤mè̤̌mè̤̌ hǒ kû̌ pa htûhtò̌kè ta̤tôcǒ꤮ nô̤̌ kû̌ Cǒmara hǒ.