Phǐlǐpǐ 3:13 - Kawyaw New Testament

¹³ Pṳ̌wè̤̌ sî꤮, hǒtokhlǒ numî̌, he nǐ̤bǎ htohǒ he gènè̤ bǎnǒ kû̌ pô̤̌nu khôtô̤̌. Bǎbǎkǎlè he ma̤pwǎ tôcǒpwǎ. He ma̤ hǒtôcǒ numî̌ he shope̤kè ta̤ dǒ a hto nutokhlǒ, dě htû̌ he hètǒ̤ dǒ kòyò bè̌ô̌ ta̤ma̤pè̤̌ahtǔ nutôcǒ a ô̌ ayanu, he jî̌pwǐ̤jî̌le mî̌ca.

Kawyaw RC

¹³ Pṳwè̤ sî꤮, htǒotoǒ numî̌, he nî̤bǎhtohǒ he gènè̤ to̤nǒ hǐnu hǒtò̤. Pwǎ̤tadě he ma̤pwǎ tacǎpa. He ma̤ htǒotukǔ numî̌ he shope̤kè ta̤ htě a htonu toǒ, dě htû̌꤮ he hèto̤ dě kò bè̌ǒ ta̤ma̤pè̤htǔnu tacǎ a ǒ ayanu, he jipwi̤ mè̤mè̤̌.

Phǐlǐpǐ 3:13 Iomraidhean Croise

Htû̌sò̌htò̌ 27:4

He kwi ta̤ tôcǒ dǒ Cǒmara tûjû̌pwa̤ a ô̌ numî̌ dǒ he ta̤ô̌htûpwa̤ tûjû̌pwa̤ akûnu, he sǎyṳ ô̌ dǒ Cǒmara tûjû̌pwa̤ ahǐdǒkû, bǎ ata̤lṳhtò̌hô nutôkû. He sǎyṳ kè̌shǐ Cǒmara tûjû̌pwa̤ ata̤wî̤ta̤wô̌, he sǎyṳ cubucabahtò̌ yǎ.

Htû̌sò̌htò̌ 45:10

Ǒ khòmò̤̌phû̌mǒ̤, ganǎ̤de, dò̌nò̌ku, gènè̤tě̤mè̤̌, shôpe̤nǎkè mò̌ na khlilè kû̌ na phakhlilènu.

Lǔka 10:42

Bǎbǎkǎlè ta̤ dǒ alṳ̂bǎnu a ô̌ pwǎ tocǒnô̤̌ pwǎ. Mǒ̤ma̤rǐ rû̌htò̌ ta̤ dǒ awô̌khlo nutôcǒ hǒ. Kòyò phî̌sigwǐ jò pe a tôpwǎ̤꤮ tô̤̌.”

Lǔka 9:62

Yeshǔ hî̌shěshu a kû̌, “Kòyò tôpwa̤pwa̤ dǒ a pṳ̂̌mě htě dě a tiwǐgetîkhî mò̌nu, abwǐsîrî ô̌ dǒ Cǒmara ashiagǎ aya tocǒ꤮ tô̤̌.”

Kôritu ginǐ̤bǎ tôbǎ 5:16

Pô̤̌nudě khònò̤̌ pa htûhtò̌ kû̌ Khrǐ tôcǒ꤮ nô̤̌ akhû̌akhî, pô̤̌ kòyò dǒ a yṳ̌ǎ Khrǐ tô̤̌ tokhlǒ bè̌dû̌ ta̤ô̌lṳ̌ dǒ akhlo tokhlǒnu, pa bè̌dû̌ pe pô̤̌nutô̤̌ hǒ. Dǒ awǐkha pa gènè̤sǔ Khrǐ pô̤̌nudě bǎbǎkǎlè khònò̤̌ pa gènè̤sǔ pe a pô̤̌nu tô̤̌ hǒ.

Phǐlǐpǐ 2:12

Pô̤̌nudě, sû̌khô sî bǎ he ô̌plǒ kû̌ sî akhanu, sî ganǎ̤de he yô̤̌, khònò̤̌ he ô̌yî̤ kû̌ sî akhû̌akhî, sî tôbǎ ganǎ̤de khlo pe heyô̤̌. Pô̤̌khô sî ma̤lǒhtò̌behtò̌ ta̤ma̤hǎplǎge sî ayanu, jî̌pwǐ̤ ma̤ lô̌khô ta̤ dǒ ta̤bè̌dubè̌nǎ̤ Cǒmara akû, dě ma̤ kû̌ ǐsha gònò̤̌gòglè anu nî̌꤮.

Phǐlǐpǐ 3:12

Ta̤hǒ tokhlǒnu he nǐ̤bǎ htohǒ he hî̌nǒ kû̌ pô̤̌nutô̤̌, htodě he ta̤ô̌htûpwa̤nu, a lǒbe bòkè he hî̌nǒ kû̌ pô̤̌nu tô̤̌tô̤̌. Bǎbǎkǎlè pô̤̌khô he gǔ sî̌ganǎ̤ Khrǐ dě he gǔ htûhtò̌ hènè sô̌sô̌kû̌ a ayanu, he jî̌pwǐjî̌le mî̌ca. Khrǐ rû̌htò̌ he kû̌ ta̤we̤ta̤kè hǒtokhlǒ akhû̌akhî pwǎ.

Phǐlǐpǐ 3:8

Tǒ̤hǒo kǎtô̤̌, khònò̤̌ sǔ sǔ he sî̌yahèhto he Běcǎ Yeshǔkhrǐnu a lě̤dû̌pwî̤htû khlope kû̌ ta̤lǒ̤ bò akhû̌akhî, lǒ̤bò ta̤ tokhlǒnu, he bè̌kè a pô̤̌ ta̤ô̌lǒô̌khlo tokhlǒnu pwǎ. Dǒ Khrǐ aya akhû̌akhî, he wîkè bòkè pṳ̂̌꤮ tôcǒ hǒ. Pô̤̌khô he gǔ nǐ̤bǎ Khrǐ dě he gǔ htûhtò̌ ta̤ tôcǒ꤮ nô̤̌ kû̌ Khrǐ ayanu, lǒ̤bò ta̤ tokhlǒnu, he gènè̤kè a pô̤̌ ta̤wè̤̌ta̤sô̌ tokhlǒnu pwǎ.

Hebrǔ 6:1

Pô̤̌nudě pa bè̌kèbò pa ta̤sû̌ǐtòwòǐ bǎ kòyò Khrǐ awe̤akè dǒ a kòshî̌ nutokhlǒ dě pa cû̌ hènè gû̌ pô̤̌ kòyò dǒ alô̤mô̤̌ dě sû̌ǐ sî̌ganǎ̤ gû̌ pô̤̌ kòyò dǒ kòyò dû̌to̤yobǎ sî̌ya alô̤mô̤̌ a ta̤sû̌ǐ nutokhlǒ tǎ꤮. Getîkhî hèyî̤yî̤ kòyò sû̌ǐ bǎ pa ta̤sû̌ǐtòwòǐ a kòshî̌ dǒ a hî̌ kû̌, sî bǎ wîkè ta̤ma̤ dǒ abwǐsîrî ô̌tô̤̌ nutokhlǒ, dě sî bǎ yṳ̌ǎ Cǒmara, ta̤sû̌ǐ pô̤̌o tokhlǒnu, pa gǔ kè̌lǎ sî̌ya getîkhîsô̌ petô̤̌, pa gǔ cû̌ sělě pô̤̌ kû̌ kòyò dǒ alô̤mô̤̌ tǎ꤮.

Petru ginǐ̤bǎ tabǎ 3:8

Khômò̤̌mô̤ sî, shěpě̤tǎ̤ ta̤hǒtocǒ tǎ̤mǎ̤ nî̌. Dǒ Běcǎ ayanu, tôni̤numî̌ asô̌sô̌kû̌ anětôrǐ dě anětôrǐ numî̌ a sô̌sô̌pwǎ kû̌ tôni̤ pwǎ.