Phǐlǐpǐ 3:12 - Kawyaw New Testament

¹² Ta̤hǒ tokhlǒnu he nǐ̤bǎ htohǒ he hî̌nǒ kû̌ pô̤̌nutô̤̌, htodě he ta̤ô̌htûpwa̤nu, a lǒbe bòkè he hî̌nǒ kû̌ pô̤̌nu tô̤̌tô̤̌. Bǎbǎkǎlè pô̤̌khô he gǔ sî̌ganǎ̤ Khrǐ dě he gǔ htûhtò̌ hènè sô̌sô̌kû̌ a ayanu, he jî̌pwǐjî̌le mî̌ca. Khrǐ rû̌htò̌ he kû̌ ta̤we̤ta̤kè hǒtokhlǒ akhû̌akhî pwǎ.

Kawyaw RC

¹² Ta̤htǒotoǒnu he nî̤bǎhtohǒ he hî̌nǒ hǐnutò̤, htodě he ta̤ǒhtûpwa̤ htǒonu, a lǒbebòhǒ he hî̌nǒ hǐnu tò̤tò̤. Pwǎ̤ta ma̤pûhǐ he sî̌ya Khrî̌stu dě he htûhtò̌ sělě sǒsǒkû̌ta anu, he jipwi̤ mè̤mè̤̌. Khrî̌stu wû̌lǎ he ta ta̤wi̤ta̤kè̌ htǒotoǒ akhû̌akhîhǒ.

Phǐlǐpǐ 3:12 Iomraidhean Croise

Htû̌sò̌htò̌ 119:5

He sǎ phlǒshû̌ mî̌ca dǒ he gû̌ma̤ bò na ta̤hî̌bǎlò̤.

Htû̌sò̌htò̌ 138:8

Pô̤̌ Cǒmara tûjû̌pwa̤ olò̤ htohǒ nua gǔ ma̤lǒma̤be bǎ he pe. Ǒ Cǒmara tûjû̌pwa̤, nata̤mô̤ dǒ ahǎbòjò tô̤̌nu a ô̌měô̌gle̤ cǒ tûjû̌pwa̤. Wîkè tǎ̤ ta̤ma̤ dǒ na ma̤ kû̌ nacǔde nutokhlǒ mǎ̤.

Htû̌sò̌htò̌ 42:1

Ǒ Cǒmaradû̌, pô̤̌ tikhi sǎwǐ̤sǎô jî̌jî̌ shi dǒ shilô̤̌kû nu, he nǎsǔǐ jòjî̌ na tô̤̌.

Htû̌sò̌htò̌ 63:8

He phô̌mě na. Nacǔde cǔtamû ma̤jè̌ he.

Htû̌sò̌htò̌ 84:2

He sǎlě̤ cubucaba mî̌ca dǒ Cǒmara tûjû̌pwa̤ lǎ̤ô̌gûlǎ̤ akûnu, he sǎphlǒshû̌ mè̤mè̤̌. Henǎ̤ tôpwa̤bò kû̌ he sǎphlǒ tômèbò glè̌ sǎlě̤sǎlò̤ sǎwǐhtò̌ Cǒmaradû̌ dǒ ahtûpwa̤ nutôpwa̤.

Htû̌sò̌htò̌ 94:15

Ta̤cî̌htò̌nu atôabǎ gesô̌ pě. Lǒ̤bò kòyòcǒkòyòtè̤ tokhlǒ jûlě̤phhǐ bò pě.

Matěo 5:48

Ma̤pô̤̌nudě, pô̤̌khô sîpha dǒ mǒkhû̌ nutôpwa̤ alǒabenu, lǒbewô̌ sô̌sô̌kû̌ anu nî̌꤮.”

Pwa̤nophû̌ 9:15

Bǎbǎkǎlè Běcǎ hî̌ lû̌û kû̌, “Cû̌mò̌, ma̤titè̌hî̌dě he rû̌htò̌ hto a dǒ a gǔ shôbǐǐlṳ̌ bǎ Yǔdaphû̌ mè̤̌tô̤̌ tokhlǒ kû̌ khwǐ côphǎ tokhlǒ, kû̌ Isôrělaphû̌ tokhlǒ kû̌ hewe̤hekè pě.

Rṳ̂̌me̤ 8:39

Ta̤ ô̌ dǒ mǒlǎ̤ tokhlǒ bǎbǎ, a ô̌ dǒ hǎkhû̌ tôbě alǎ̤ tokhlǒnu bǎbǎ, ta̤bô̌lò̤ dǒ ashǔshawa̤ tokhlǒ bǎbǎ, dǒ pa Běcǎ Yeshǔ Khrǐ ma̤hto ta̤ dǒ paya akhû̌akhî, lǒ̤bò ta̤ hǒtokhlǒ nî̌ a ma̤tephekhô̌jòkè pa kû̌ Cǒmara a ta̤mô̤ǐ tô̤̌.

Kôritu awǐlǒ tôbǎ 13:10

Bǎbǎkǎlè dô̌ nô̌kòpě bǎ Cǒmara ǐ pa ta̤sî̌khû̌sî̌ya dǒ alǒabe akhapěnu, ta̤ dǒ alǒabe tô̤̌ tokhlǒnu a gǔ hǎmǎkèbò pě.

Kôritu awǐlǒ tôbǎ 13:12

Ma̤pô̤̌nu ta̤ dǒ pa sî̌ganǎ̤ khònò̤̌ tokhlǒ numî̌ a sô̌sô̌pwǎ kû̌ pa kè̌ mǐ̤dǔ dǒ a lṳ̌ pôlô̤̌ tôbǎnu pwǎ. Bǎbǎkǎlè dǒ nô̌kò pěnu lṳmṳ̌ni̤ lṳmṳ̌sa dǒ pa gǔ kè̌shǐ sanǎ̤ Cǒmara kû̌ panǎ̤ pěnu, a gǔ hètǒ̤ pě, dě pa gǔ sî̌yaphlôbò pṳ̂̌꤮ tôcǒ pě. Khònò̤̌dě pa sî̌yaphlôbò Cǒmara khôtô̤̌ bǎbǎkǎlè bǎnukha pěnu, pa gǔ sî̌ganǎ̤ tě̤tě̤mè̤̌mè̤̌bò pô̤̌ Cǒmara sî̌ganǎ̤ tě̤tě̤mè̤̌mè̤̌bò panu pě.

Kôritu awǐlǒ tôbǎ 9:24

Kòyò bèkhlè̌ lû̌û taprṳ̂taphǎ bǎbǎkǎlè a khlè̌ pè̤̌bò kòyò numî̌ a ô̌ pwǎ tôpwa̤꤮ nô̤̌pwǎ. Dě kòyò ǐ ta̤bèkhlè̌ khû̌kǎ tǒ̤꤮ a nutôpwa̤ pwǎ numî̌ sî sî̌ganǎ̤tû̌ hǒ! Pô̤̌nudě, pô̤̌khô sî gû̌ nǐ̤bǎ ta̤khlè̌ khû̌kǎnu, jî̌pwǐ̤jî̌li̤ khlè̌ phǐnǐ̤ khû̌kǎ dǒ Cǒmara ô̌nu.

Kôritu ginǐ̤bǎ tôbǎ 13:9

Pa kè̌ lǎ̤lṳ̂ sû̌ǐ wô̌ tîkhî sô̌ sî tô̤̌ hî̌nu, pa noǎjò pa ta̤siwi̤sòwò̤ tô̤̌, pô̤̌nudě kòyò gènè̤ lô̌khô pa kû̌ pa khû̌shiǎjǎ pwǎ bǎbǎkǎlè sî kè̌ ma̤ hènè pe ta̤sǔ tô̤̌ hî̌nu, sî htûhtò̌ kòyò dǒ a shû̌sho tokhlǒ hǒ akhû̌akhî pa sǎlě̤sǎlò̤ jî̌jî̌. Pa kwicaba bǎ sî kû̌ sî gǔ ô̌htûpwa̤ wô̌hè dǒ alô̤mô̤̌ tôkhô dě sî gǔ ma̤ pe lô̌khô ta̤sǔ tô̤̌, pô̤̌nu pwǎ.

Kôritu ginǐ̤bǎ tôbǎ 7:1

Khôbǒsû̌ sî lǒ̤bò Cǒmara olò̤ tokhlǒ numî̌ paya lǒ̤bò hǒ. Pô̤̌nudě, pa gǔ cû̌ tephekè kû̌ panǎ̤glǒ a ta̤sǎyṳ phû̌mò̤̌ tokhlǒ kû̌ pa sǎphlǒ a ta̤gènè̤ phû̌mò̤̌nu tokhlǒ tǎ. Dě dǒ pa ǐsha bè̌dubè̌nǎ̤ Cǒmaranu akhû̌akhîdě pa gǔ htûhtò̌ lô̌khô kòyò dǒ a aplò̌shǐ tokhlǒ tǎ.

Galatǐ 5:17

Ma̤titèhî̌dě sǐshiphěyî̌ a ta̤sǎyṳsǎbǎ numî̌, a lûcû̌ khô̌kè kû̌ Yôla Plò̌shǐ Běcǎ a ta̤sǎyṳsǎbǎ. Dě Yôla Plò̌shǐ Běcǎ a ta̤sǎyṳsǎbǎnu a lûcû̌ khô̌kè sô̌ kû̌ nǎ̤glǒ a ta̤sǎyṳsǎbǎ. Ta̤hǒo ginǐ̤cǒ a kla lû̌û tô̤̌ akhû̌akhî, pô̤̌ sî sǎyṳ ma̤ nu sî ma̤jò pe tô̤̌ hǒ.

Ěphěsu 1:4

Ma̤titèhî̌dě, dǒ Cǒmara a lô̤mô̤̌ pěnu, pô̤̌khô pa gǔ plò̌shǐ dě kòyò gǔ bè̌jò pe pa ta̤sǔ tôcǒ꤮ tô̤̌ ayanu, a rû̌htò̌ pa dǒ Khrǐ akû, dǒ a bô̌lò̤ hǎkhû̌ nò̌khôtô̤̌ akhapenu hǒ.

Ěphěsu 4:12

Pô̤̌khô Cǒmara a kòyò tokhlǒ ô̌ tîwî̌tòwò anǎ̤ kû̌ a glè̌ ma̤ bǎ lû̌û ta̤ma̤ aya, htokhôtô̤̌ pô̤̌khô a glè̌ ǐshû̌ǐshò̌htò̌ ta̤dòkû dǒ a mè̤̌kû̌ Khrǐ anǎ̤glǒ ayanudě, a ǐlò̤ pô̤̌nuhǒ.

Phǐlǐpǐ 1:1

Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Phǐlǐpǐ 3:16

Pwî̌tètè̌ bǎbǎ, pa gǔ cû̌ wô̤̌wô̤̌ lû̌ dǒ alô̤mô̤̌ pô̤̌ pa sî̌ganǎ̤ hto nutokhlǒ tǎ.

Phǐlǐpǐ 3:3

Pa mî̌ Cǒmara a kòyò mè̤̌mî̌ca tokhlǒ hǒ, asî nutokhlǒ mî̌ a mè̤̌mî̌ca mè̤̌tô̤̌, ma̤titèhî̌dě dǒ Cǒmara a Yôla Plò̌shǐ akhû̌akhî, pa cubucabahtò̌ hǒ Cǒmara dě pa hî̌bǎhtû̌sò̌ǐ ta̤dǒ Yeshǔ Khrǐ ma̤ bǎ hto pa tokhlǒ nuhǒ. Pô̤̌khô pa nǐ̤bǎ ta̤ma̤hǎplǎge ayanu, pa tô nǎla̤ǐ ta̤dǒ pa ma̤ a nutokhlǒ tô̤̌.

Phǐlǐpǐ 3:8

Tǒ̤hǒo kǎtô̤̌, khònò̤̌ sǔ sǔ he sî̌yahèhto he Běcǎ Yeshǔkhrǐnu a lě̤dû̌pwî̤htû khlope kû̌ ta̤lǒ̤ bò akhû̌akhî, lǒ̤bò ta̤ tokhlǒnu, he bè̌kè a pô̤̌ ta̤ô̌lǒô̌khlo tokhlǒnu pwǎ. Dǒ Khrǐ aya akhû̌akhî, he wîkè bòkè pṳ̂̌꤮ tôcǒ hǒ. Pô̤̌khô he gǔ nǐ̤bǎ Khrǐ dě he gǔ htûhtò̌ ta̤ tôcǒ꤮ nô̤̌ kû̌ Khrǐ ayanu, lǒ̤bò ta̤ tokhlǒnu, he gènè̤kè a pô̤̌ ta̤wè̤̌ta̤sô̌ tokhlǒnu pwǎ.

Tîsalònǐ awǐlǒ tôbǎ 5:15

Noma̤ geshěshu tǎ̤ kòyò dǒ kòyò ma̤sǔ lû̌û nutokhlǒ tǎ̤mǎ̤ nî̌꤮. Mè̤̌mè̤tôkhônu, jî̌pwǐ̤ ma̤wô̌ǐ kè̌khî lû̌û tôpwa̤ kû̌ tôpwa̤ pṳ̂̌꤮ tôplǎ dě jî̌pwǐ̤ ma̤wô̌ bǎpû kòyò dǒ ashǔshawa̤ tokhlǒ nî̌꤮.

Tîsalònǐ ginǐ̤bǎ tôbǎ 2:13

Pṳ̌wè̤̌ sî, sî mî̌ kòyò dǒ Běcǎ mô̤ǐ sîtokhlǒ dě pa bǎ hî̌bwǐhî̌sîrî Cǒmara dǒ sîya pṳ̂̌꤮ taplǎ. Ma̤titèhî̌dě pô̤̌khô sî gǔ nǐ̤bǎ ta̤ma̤hǎplǎge ayanu, Cǒmara rû̌htò̌ nǎ hto sî dǒ asakhû̌lû̌kha penu hǒ. Dǒ Yôla Plò̌shǐ Běcǎ ma̤plò̌shǐ sî kû̌ sî yṳ̌ǎ ta̤tě̤ta̤mè̤̌ akhû̌akhî, Cǒmara ma̤hǎplǎge sî hǒ.

Tîmôte awǐlǒ tôbǎ 5:10

Htodě a bǎ mè̤̌ pwa̤mǒ̤ dǒ ami̤ lṳ̌wô̌ kû̌ a ma̤wô̌ta̤ tokhlǒ akò. A bǎ mè̤̌ pwa̤mǒ̤ tôpwa̤ dǒ a kè̌ǐ dû̌htò̌ǐ wô̌ aphû̌ali̤ tokhlǒ, a bǎ kaǎmô̤shǔ shǐpwǎ̤shǐmè̤ tokhlǒ dǒ a hǐdǒkû, a bǎ mè̤̌ pwa̤mǒ̤ tôpwa̤ dǒ a cǔbò Cǒmara a kòyò tokhlǒ akhò̌lôpô̤̌, a bǎ ma̤jè̌ kòyò bǎpò̤̌bǎsha tokhlǒ htodě a bǎ mè̤̌ pwa̤mǒ̤ tôpwa̤ dǒ a ǐlò̤ asǎphlǒ dǒ ata̤ma̤wô̌ tokhlǒ aya.

Tîmôte awǐlǒ tôbǎ 6:19

Kè̌ asî ma̤pô̤̌nu hî̌dě, a sô̌sô̌ kû̌ asî bè̌plǒǐ a ta̤dû̌yò̤̌htò̌sa dǒ a bô̌pwǐ̤bô̌wô̌ akòshî̌ htû̌꤮ nô̌kòpě tôhtu ayanu hǒ. Htodě asî gǔ pṳ̂̌mě ta̤htûpwa̤ dǒ a mè̤̌mî̌ca nupě hǒ.

Hebrǔ 12:14

Jî̌pwǐ̤ ô̌mô̤ô̌kla pû kû̌ kòyò pṳ̂̌꤮ tôpwa̤ nî̌꤮. Jî̌pwǐ̤ ô̌htûpwa̤ plò̌shǐ lô̌khô nî̌꤮. Ma̤titèhî̌dě ta̤ô̌htûpwa̤ plò̌shǐ kè̌ ô̌tô̤̌ hî̌nu, kòyò kè̌shǐjò Běcǎ tôpwǎ̤꤮ tô̤̌.

Hebrǔ 12:23

Sî hètǒ̤ dǒ Cǒmara a phû̌wè̤̌pwǎ̤ tokhlǒ lǎ̤hè ô̌plǒcu lû̌û agûlǎ̤ nuhǒ. Kòyò wě̤nṳ̌ asîmi̤ dǒ mǒkhû̌ hǒ. Sî hètǒ̤ lô̌khô dǒ Cǒmara dǒ a gǔ cî̌htò̌ kòyò pṳ̂̌tôpwa̤ kû̌ anǎ̤ nutôpwa̤ alô̤mô̤̌ hǒ. Sî hètǒ̤ dǒ kòyòcǒkòyòtè̤ dǒwǐkha tokhlǒ a yôla htûpwa̤ dǒ Cǒmara ma̤lǒbe hto lû̌û nutokhlǒ a ô̌ hǒ.

Jǎgomo̤ 3:2

Pa ma̤sǔ kè̌khî bò ta̤ pṳ̂̌tôpwa̤ hǒ. Bǎbǎkǎlè kòyò dǒ a hî̌bǎsǔ gû̌ kòyò tôkhò̌꤮ tô̤̌ tôpwa̤nu, a mè̤̌kû̌ kòyò dǒ alǒabe tôpwa̤ dě akè̌ǐpè̤̌tû̌ anǎ̤nu hǒ.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ dě a kaǎ sî dǒ a ǐ sî kû̌ a ta̤sîrîdû̌sîrîhtû tûjû̌pwa̤ dǒ Yeshǔ Khrǐ akûnu pě. Bǎ sî khòbǎ ta̤jî̌ta̤jû̌ tòshò̌phû̌nu gǔ tûlû̌ htopěnu, Cǒmara anǎ̤běcǎ tû̌ a gǔ ma̤měma̤gle tònò gesô̌ sî pě, htodě a ǐshoǐshû̌htò̌ sîkhû̌sîǎ pě.

Petru ginǐ̤bǎ tabǎ 3:18

Mè̤̌mè̤tôkhônu, dû̌htò̌ hèsělě pô̤̌ lô̌khô dǒ ta̤bwǐta̤sîrî akû kû̌ dǒ ta̤sî̌ya pwa̤ dǒ a ma̤hǎplǎge pa Běcǎ Yeshǔ Khrǐnu akû nî̌꤮. Khònò̤̌ hèsělěnu, kòyò htû̌sò̌htò̌ pû pa Běcǎ Yeshǔ Khrǐ tûjû̌pwa̤ talakhǎ nî̌꤮. Ame̤.