Phǐlǐpǐ 3:10 - Kawyaw New Testament

¹⁰ Lǒ̤bò ta̤ dǒ he sǎyṳ sî̌ganǎ̤ tokhlǒ numî̌ pwǎtǒ̤ Khrǐ kû̌ ata̤si ihtǒhtûpwa̤ getîkhî a ta̤pô̤ta̤phǎ hǒnu pwǎ. Dě he sǎyṳ khòjî̌khòjû̌ kû̌ a, dě he sǎyṳ htûhtò̌ sô̌sô̌kû̌ a tṳ̌sikhòsi anǎ̤ nupwǎ.

Kawyaw RC

¹⁰ Ta̤ htě he sò̌yṳ sî̌yabò toǒ numî̌ pwǎpǒ̤ Khrî̌stu ta ata̤si htûpwa̤gesǒ a ta̤po̤ta̤phǎ htǒonu pwǎ. Dě he sò̌yṳ khòjîkhòjû kû̌dǒta a, dě he sò̌yṳ htûhtò̌ sǒsǒkû̌ta a khòsi ana̤ htǒonu pwǎ.

Phǐlǐpǐ 3:10 Iomraidhean Croise

Matěo 20:23

Běcǎ hî̌shěshu asî kû̌, “Sî gǔ khòbò̌ mî̌ca tûû̌ pô̤̌ he khòbǎnu pě. Bǎbǎkǎlè na tô hǎnòò̌ dǒ he cǔde cǔcôcî̌ tôkhô ya, cǔtômû tôkhônu a ô̌ dǒ he cǔdekû mè̤̌tô̤̌. Hepha dǒ mǒkhû̌ tôpwa̤ tîwî̌tòwò bǎ gûlǎ̤hǒo kû̌ jû̌꤮ a sǎyṳ ǐ kò nutokhlǒ aya hǒ.”

Jowǎ̤ni̤ 10:18

He kè̌ noma̤si kòyò kû̌ henǎ̤ tô̤̌ hî̌nu, kòyò ma̤si jò he tôpwǎ̤꤮ tô̤̌. He ǐlò̤kè he sǎphlǒ numî̌, kòyò noshû̌ he tôpwǎ̤꤮ tô̤̌, he sǎphlǒ kû̌ he nǎ̤ ǐlò̤ tûû̌ pwǎ. He ô̌ kû̌ he ta̤pô̤ta̤phǎ dǒ he sǎyṳ ǐlò̤kè hesǎphlǒ mî̌ anǐ̤nǐ̤, he sǎyṳ phî̌gesô̌ a mî̌ anǐ̤nǐ̤ pwǎ. Hepha mǎhè heyô̤̌ kû̌ he bǎma̤ pô̤̌o,” A hî̌ bǎ asî pô̤̌nu.

Jowǎ̤ni̤ 17:3

Cǒmara mî̌ na tôpwa̤ nô̤̌pwǎ, dě kòyò tokhlǒ dǒ a sî̌ganǎ̤ na dě a sî̌ganǎ̤ kû̌ he mî̌ Yeshǔ Khrǐ dǒ na sûhè yǎ tôpwa̤ numî̌ amè̤̌kû̌ ta̤sî̌ya dǒ a ǐ asî yôla htûpwa̤ tûjû̌pwa̤ hǒ.

Rṳ̂̌me̤ 8:17

Khònò̤̌ pa kè̌ htû aphû̌ali̤ dě a gǔ ǐ pa a ta̤ǐshowî̤ û̌tě̤û̌ca dǒ a bè̌ wô̌ bǎ pa nutokhlǒ pě. A ǐ ta̤ǐshowî̤ dǒ aphû̌ali̤ tokhlǒ tô nǐ̤bǎ nutokhlǒ pě. Htokhôtô̤̌ û̌tě̤û̌ca dǒ a měgle tûjû̌pwa̤nu pa nǐ̤bǎ pô̤̌ kû̌ Khrǐ pě. Kè̌ pa khòjî̌khòjû̌ wô̤̌wô̤̌ kû̌ Khrǐ hî̌dě pa nǐ̤bǎ wô̤̌wô̤̌kû̌ ta̤bwǐdû̌sîrîhtû kû̌ a pě.

Rṳ̂̌me̤ 8:29

Ma̤titèhî̌dě, kòyò dǒ a glè̌ yṳ̌ǎ Cǒmara tokhlǒnu a sî̌ganǎ̤ nǎ wǐhǒ. Htokhôtô̤̌ a bè̌lò̤nǎ hto asǎphlǒ dǒwǐkha kû̌ a nohtûhtò̌ sô̌sô̌kû̌ asî kû̌ aphû̌khûnu pě hǒ. Pô̤̌nudě aphû̌khûhǒo htûhtò̌kè phû̌wè̤̌pwǎ̤ tôpwa̤ dǒ apṳ̌wè̤̌ tûprṳ̂taphǎ akla tokhlǒ hǒ.

Rṳ̂̌me̤ 8:36

Lî̤plò̌shǐkû hî̌ kû̌, “Dǒ sîkhû̌sîkhî dě, pa kè̌shǐbǎ kû̌ ta̤si tinǐ̤mṳ̌hǎ. Kòyò gènè̤ pa kû̌ kòyò hǒo nî̌ asô̌sô̌kû̌ sû̌phû̌ dǒ kòyò glè̌ ma̤si yǎnu,” a hî̌ pô̤̌nu.

Kôritu ginǐ̤bǎ tôbǎ 1:10

Dě Cǒmara ma̤hǎplǎge pa dǒ ta̤si a ta̤tirǐsò̌ ǐsha dǒ adû̌ayô̤̌ akûnu hǒ. Pa yṳ̌ǎ kû̌ Cǒmara ma̤hǎplǎge sělěnò tûû̌ pa pwǎ.

Kôritu ginǐ̤bǎ tôbǎ 1:5

Dǒ Khrǐ akhû̌akhîdě pa khòbǎ dû̌wî̤ ta̤jî̌ta̤jû̌, bǎbǎkǎlè dǒ Yeshǔ Khrǐ akhû̌akhîdě Cǒmara ma̤mô̤ ma̤jè̌ dû̌wî̤ pa.

Kôritu ginǐ̤bǎ tôbǎ 13:4

Dǒ ta̤khû̌shiǎjǎ akhû̌akhî, Khrǐ tṳ̌sikhòsi anǎ̤ dǒ nò̌dò̌htǔlô̤. Bǎbǎkǎlè khònò̤̌ dǒ Cǒmara a ta̤pô̤ta̤phǎ shû̌sho akhû̌akhî a htûpwa̤ hǒ. Pô̤̌nudě pa mî̌ pa khû̌shiǎjǎ sô̌sô̌ pô̤̌nu bǎbǎkǎlè bǎ pa gǔ hî̌ sî akhanu, pa gǔ dǔlè̌lṳ̌ bǎ sî kû̌ Cǒmara a ta̤pô̤phǎ shû̌sho pě, ma̤titèhî̌dě pa htû kû̌ Khrǐ tôcǒ nô̤̌ dǒ pa ta̤ô̌htûpwa̤kû akhû̌akhî, pa gǔ ma̤pô̤̌nu pě.

Galatǐ 2:20

Hǒnumî̌ a sô̌sô̌ kû̌ he si kû̌ Khrǐ dǒ nò̌dò̌htǔ alô̤ hǒ. He ô̌htûpwa̤ mè̤̌petô̤̌ bǎbǎkǎlè Khrǐ ô̌htûpwa̤ dǒ hekû hǒ. Ta̤ô̌htûpwa̤ dǒ he ô̌htûpwa̤ khònò̤̌ numî̌ mè̤̌pwǎ he ô̌htûpwa̤ dǒ ta̤yṳ̌ǎ Cǒmara aphû̌khû dǒ a mô̤nṳ̌ he dě a ǐlò̤kè a ta̤htûpwa̤ dǒ heyanu tôpwa̤ akhû̌khî pwǎ.

Galatǐ 6:17

Tǒ̤hènè khònò̤̌nu, no ma̤shû̌shushû̌shǎ pe tǎ̤ he sǎphlǒ kû̌ kòyò tôpwǎ̤ tǎ̤mǎ̤ nî̌꤮, ma̤titèhî̌dě ta̤acè dǒ a ô̌ dǒ henǎ̤lô̤ tokhlǒ numî̌, a dǔlè̌lṳ̌ kû̌ he mî̌ Yeshǔ Khrǐ ajû̌ tôpwa̤ mè̤̌mî̌canu.

Ěphěsu 4:13

Dě Khrǐ anǎ̤glǒnu a shû̌htò̌shohtò̌ tǒ̤dǒ pa lǒ̤bò ô̌lû̌û kû̌ ta̤yṳ̌ tôcǒ꤮ nô̤̌ kû̌ ta̤sî̌yahè Cǒmara aphû̌khû tôcǒ꤮ nô̤̌ pěnu. Htokhôtô̤̌ pa htûhtò̌ ta̤dòkûphû̌ dǒ a dû̌to̤yobǎ sî̌ya tě̤tě̤mè̤̌mè̤̌ tokhlǒ pě. Ta̤dû̌to̤yobǎ sî̌ya tě̤tě̤mè̤̌mè̤̌ numî̌ amè̤̌kû̌ pa htûhtò̌kè kòyò dǒ a lǒbe sô̌sô̌kû̌ Khrǐ dǒ alǒabe tôpwa̤ nuhǒ.

Phǐlǐpǐ 3:8

Tǒ̤hǒo kǎtô̤̌, khònò̤̌ sǔ sǔ he sî̌yahèhto he Běcǎ Yeshǔkhrǐnu a lě̤dû̌pwî̤htû khlope kû̌ ta̤lǒ̤ bò akhû̌akhî, lǒ̤bò ta̤ tokhlǒnu, he bè̌kè a pô̤̌ ta̤ô̌lǒô̌khlo tokhlǒnu pwǎ. Dǒ Khrǐ aya akhû̌akhî, he wîkè bòkè pṳ̂̌꤮ tôcǒ hǒ. Pô̤̌khô he gǔ nǐ̤bǎ Khrǐ dě he gǔ htûhtò̌ ta̤ tôcǒ꤮ nô̤̌ kû̌ Khrǐ ayanu, lǒ̤bò ta̤ tokhlǒnu, he gènè̤kè a pô̤̌ ta̤wè̤̌ta̤sô̌ tokhlǒnu pwǎ.

Kòlòtè̌ 1:24

Pô̤̌khô sî nǐ̤bwǐsîrî ayanu, khònò̤̌ he khòbǎta̤ dǒ sîya pô̤̌o numî̌ he sǎlě̤ pwǎ. Pô̤̌ Khrǐ khòbǎ kòyò dǒ a yṳ̌ǎ lû̌û dǒ a sô̌sô̌ kû̌ anǎ̤glǒ tokhlǒnu, he sǎphlǒshû̌ dǒ he nǎ̤glǒphěyî̌nu khò padô̌ lǒ̤bò kòyò dǒ a yṳ̌ǎ lû̌û nutokhlǒ ayaya.

Kòlòtè̌ 2:13

Bǎ sî yṳ̌ǎ Yeshǔ Khrǐ khôtô̤̌ akhanu, dǒ sî ta̤sǔ akhû̌akhîdě, sî sô̌sô̌kû̌ kòyò dǒ a si dǒsû̌dǒsò̌ nutokhlǒ hǒ. Htokhôtô̤̌ sî hǎplǎhtò̌bò̌ kû̌ sî lǎ̤klô ma̤ta̤sǔ a pô̤pwǎ̤shû̌sho nutô̤̌. Bǎbǎkǎlè khònò̤̌ Cǒmara ma̤ ihtǒhtûpwa̤ getîkhî sî kû̌ Khrǐ hǒ. Cǒmara plûkèbò pa ta̤sǔ lǒ̤bò hǒ.

Kòlòtè̌ 3:1

Pô̤̌ Cǒmara ma̤ ihtǒhtûpwa̤ getîkhî Khrǐ dǒ ta̤sinu, Cǒmara ma̤ ihtǒhtûpwa̤ getîkhî sî dǒ ta̤si hǒ dě a ǐ sî ta̤htûpwa̤ asanu kû̌ Khrǐ hǒ. Pô̤̌nudě lǒ̤bò sî sǎphlǒ a ta̤sǎyṳ tokhlǒnu, bè̌ô̌ lô̌khô dǒ mǒkhû̌ bǎ Khrǐ lǎ̤hǎnòò̌ ǐtûû̌ agûlǎ̤ dǒ Cǒmara acǔtômû nutôkhô nî̌꤮.

Petru awǐlǒ tabǎ 1:3

Pa gǔ hî̌bwǐhî̌sîrîhtò̌ wô̤̌wô̤̌ lû̌û pa Běcǎ Yeshǔ Khrǐ apha Cǒmara tǎ꤮. Amè̤̌kû̌ a ta̤sǎyṳgwèbǎǐ tûlû̌shû̌lě pa akhû̌akhî, kû̌ Yeshǔ Khrǐ ata̤si ihtǒhtûpwa̤sô̌ akhû̌akhî, a ǐlò̤ hto pa ta̤htûpwa̤ asa hǒ. Dǒ hǒo akhû̌akhî, pa nǐ̤bǎ hènè bò pa ta̤kè̌shuǐ dǒ pa ta̤ô̌htûpwa̤ akû hǒ.

Petru ginǐ̤bǎ tabǎ 1:13

Bǎ he ô̌htûpwa̤pe akha, he htû̌wṳ̂̌ gènè̤bǎ sô̌ sî kû̌ ta̤we̤ta̤kè nutokhlǒ mî̌ he gènè̤ kû̌ atô pwǎ.

Yṳ̂ha awǐlǒ tôbǎ 2:3

Dǒ pa jûlě̤phî̌yô̤̌ Cǒmara ta̤mǎlò̤ akhû̌akhî, pa sî̌ganǎ̤ tě̤tě̤mè̤̌mè̤̌ hǒ kû̌ pa sî̌ganǎ̤hè Cǒmara hǒ.

Yṳ̂ha awǐlǒ tôbǎ 2:5

Bǎbǎkǎlè mò̌pè tôpwa̤ bǎbǎ, a kè̌ jûǎ lû̌yô̤̌ hî̌nu, ta̤mô̤ǐtû̌ Cǒmara lǒhtò̌behtò̌ mè̤̌mî̌ca hǒ dǒ akû hǒ. Dǒ pa jûǎ ayô̤̌ akhû̌akhî, pa sî̌ganǎ̤ tě̤tě̤mè̤̌mè̤̌ hǒ kû̌ pa htûhtò̌kè ta̤tôcǒ꤮ nô̤̌ kû̌ Cǒmara hǒ.

Ta̤dǔlè̌nǎ 1:18

He mî̌ kòyò dǒ a htûpwa̤ tôpwa̤. He si htohǒ bǎbǎkǎlè khònò̤̌ he htûpwa̤ tûjû̌pwa̤ talakhǎ hǒ. He ô̌ kû̌ ta̤siwi̤sòwò̤ kû̌ ta̤pô̤ta̤phǎ dě he pǒbò ta̤si kû̌ lṳ̌gǎnǎdo tokhlǒ.