Phǐlǐpǐ 3:1 - Kawyaw New Testament

¹ He pṳ̌wè̤̌ sî, dǒnô̌kòlǒnu, he sǎyṳ hî̌ sî kû̌, dǒ sî htûhtò̌ ta̤tôcǒ꤮ nô̤̌ kû̌ Běcǎ Khrǐnu, sǎlě̤sǎlò̤ lô̌khô nî̌꤮. He wě̤cû̌ bǎ sô̌ sî lî̤ dǒ asô̌sô̌kû̌ awǐkha tokhlǒnu pwǎ bǎbǎkǎlè a dǐkhû̌dǐdò nô̌ he tôcǒ꤮ tô̤̌. He wě̤ tokhlǒ numî̌ pô̤̌khô a takabǐ sîyapwǎ.

Kawyaw RC

¹ He pṳwè̤ sî, gutṳ̌lò̤nu, he sò̌yṳ hî̌ sî, sî htûhtò̌ kû̌ta Běcǎ Khrî̌stu tacǎnǔ꤮ pa htǒonu, sò̌le̤sò̌lò̤ lǒkhopû nî̌꤮. He khwè̌cû̌ bǎ gesǒ sî lî̤ htě asǒsǒta awǐkha toǒnu pwǎ pwǎ̤ta a dǐdònǒ he dǐcǎ꤮ tò̤. He khwè̌ htǒotoǒ numî̌ ma̤pûhǐ a ma̤kwaǐ bǎ sîyapwǎ.

Phǐlǐpǐ 3:1 Iomraidhean Croise

Htû̌sò̌htò̌ 149:2

Ǒ꤮ Isôrě̤laphû̌ sî, dǒ pwa̤bô̌lò̤ sî nutôpwa̤ akhû̌akhî, sǎlě̤sǎlò̤ lô̌khô. Ǒ꤮ Wî̤̌sǐûphû̌ sî, dǒ sîkhwǐdû̌ akhû̌akhî, sǎlě̤sǎlò̤ lô̌khô.

Htû̌sò̌htò̌ 32:11

Kòyòcǒkòyòtè̤, mô̤sû̌mô̤sò̌ sǎlě̤sǎlò̤ lô̌khô dǒ Cǒmara tûjû̌pwa̤ akû. Kòyò sǎphlǒcǒsǎphlǒtè̤ sî, sǎlě̤sǎlò̤ sǎwǐhtûsò̌htò̌ lô̌khô nî̌.

Htû̌sò̌htò̌ 33:1

Ǒ kòyòcǒkòyòtè̤ sî, sǎlě̤sǎlò̤ sǎwǐhtûsò̌htò̌ mò̌ Cǒmara tûjû̌pwa̤. Kòyò dǒ a jûlě̤phǐ Cǒmara tûjû̌pwa̤ ayô̤̌ tokhlǒ ata̤htû̌sò̌htò̌ numî̌ atôabǎ.

Htû̌sò̌htò̌ 37:4

Sǎlě̤sǎlò̤ dǒ Cǒmara tûjû̌pwa̤ akû. A ǐ tûû̌ na sǎphlǒ ata̤sǎlě̤sǎlò̤ pě.

Htû̌sò̌htò̌ 42:4

Bǎ he gènè̤bǎ sô̌ dǒawǐkha sǎdôdô he cû̌htò̌nṳ̌ wô̤̌wô̤̌ kû̌ kòyò saprṳ̂ tokhlǒ dǒ Cǒmara ata̤lṳhtò̌hôkû, bǎ pa ma̤ ta̤ǎcuôcu lṳmṳ̌ni̤dû̌htû dě he sǎlě̤sǎlò̤ hî̌bwǐhî̌sîrî sǎwǐhtûsò̌htò̌ kû̌ kòyò saprṳ̂dû̌ tokhlǒ akhanu, he sǎplǎ̤ mǐ̤sǎshilò̤.

Htû̌sò̌htò̌ 5:11

Kòyò dǒ akè̌pǒ̤ ô̌tûdû anǎ̤ kû̌ na tokhlǒnu a gǔ sǎlě̤sǎlò̤ pû nî̌꤮. Asî gǔ sǎlě̤sǎlò̤ sǎwǐhtû̌sò̌htò̌ tûû̌ na tûjû̌pwa̤ talakhǎ nî̌꤮. Takaǐnṳ̌ wô̌ tûû̌ kòyò dǒ a mô̤nǐ̤ nami̤ nutokhlǒ. Dǒ nakhû̌nakhî dě asî gǔ sû̌mô̤sò̌mô̤ pě.

Htû̌sò̌htò̌ 97:1

Cǒmara tûjû̌pwa̤ pǒǐ ta̤, no sǎlě̤sǎlò̤ mò̌ hǎkhû̌phû̌. No mô̤sû̌mô̤sò̌ mò̌ kòyò ô̌ dǒ shidû̌te̤we̤kû klǔphû̌ nutokhlǒ.

Matěo 5:12

Sǎlě̤sǎlò̤ lô̌khô, mô̤ lô̌khô nî̌꤮, sî ta̤ma̤nǐ̤khû̌kǎ dǒ mǒkhû̌nu adû̌môti̤ hǒ. Piwi̤pèshè dǒ awǐnu tokhlǒnu, kòyò ma̤jî̌ma̤jû̌ hto asî pô̤̌nuhǒ.”

Lǔka 1:47

Cǒmara mî̌ pwa̤ma̤hǎplǎge he tôpwa̤ htokhôtô̤̌ a mî̌ he Běcǎ tôpwa̤ akhû̌akhî, he sǎlě̤sǎlò̤ hǒ.

Rṳ̂̌me̤ 5:11

Pa lǎ̤sǎlě̤sǎlò̤nu a ô̌ tǒ̤ hǒonô̤̌ mè̤̌bǎtô̤̌. Dǒ Běcǎ Yeshǔ Khrǐ akhû̌akhîdě, pa sǎlě̤sǎlò̤ bǒsû̌ kû̌ Cǒmara hǒ. Pwa̤ dǒ a ma̤bǒsû̌ getîkhî sô̌ bǎ pa kû̌ Cǒmara mî̌ Yeshǔ Khrǐ pwǎ.

Kôritu ginǐ̤bǎ tôbǎ 13:11

Khôbǒsû̌ sî, he sǎyṳ hî̌ sî dǒ nô̌kògutṳ̌ kû̌, sǎlě̤ lô̌khô nî̌. Ma̤wô̌ getîkhî lô̌khô sî ta̤ô̌htûpwa̤ nî̌꤮. Ganǎ̤de lô̌khô he ta̤kwisǎyṳ sî tokhlǒ nî̌. Ô̌plǒô̌cu, ô̌pè̤̌ô̌dû pû lû̌û nî̌꤮. Sî kè̌ ma̤pô̤̌nu hî̌dě Cǒmara dǒ a mî̌ ta̤mô̤ǐ kû̌ ta̤pè̤̌ta̤dû a kòshî̌ tôpwa̤ gǔ ô̌ kû̌ sî pě.

Ěphěsu 6:10

Dǒ nô̌kò gutṳ̌nu, he sǎyṳ hî̌ sî pô̤̌o, pô̤̌khô sî gǔshû̌gǔshohtò̌nu, phî̌ lô̌khô Běcǎ a ta̤pô̤ta̤phǎ shû̌sho nutokhlǒ nî̌꤮. A ta̤pô̤ta̤phǎ tokhlǒ numî̌ ashû̌asho jî̌jî̌.

Phǐlǐpǐ 3:3

Pa mî̌ Cǒmara a kòyò mè̤̌mî̌ca tokhlǒ hǒ, asî nutokhlǒ mî̌ a mè̤̌mî̌ca mè̤̌tô̤̌, ma̤titèhî̌dě dǒ Cǒmara a Yôla Plò̌shǐ akhû̌akhî, pa cubucabahtò̌ hǒ Cǒmara dě pa hî̌bǎhtû̌sò̌ǐ ta̤dǒ Yeshǔ Khrǐ ma̤ bǎ hto pa tokhlǒ nuhǒ. Pô̤̌khô pa nǐ̤bǎ ta̤ma̤hǎplǎge ayanu, pa tô nǎla̤ǐ ta̤dǒ pa ma̤ a nutokhlǒ tô̤̌.

Phǐlǐpǐ 4:4

Sǎlě̤sǎlò̤ lô̌khô dǒ Běcǎ akû pṳ̂̌꤮ taplǎ nî̌꤮, dě he hî̌ sô̌ sî, sǎlě̤sǎlò̤ lô̌khô nî̌꤮.

Phǐlǐpǐ 4:8

Pṳ̌wè̤̌sî, ganǎ̤de lô̌khô he ta̤hî̌bǎ dǒ nô̌kò gutṳ̌lǒ tokhlǒ nî̌꤮. Dǒ sî sǎphlǒkûnu sî tô gènè̤ kwè̌꤮ pô̤̌hî̌tèhî̌dě, sî tô gènè̤ pwǎ ta̤dǒ acǒatè̤ tokhlǒ, ta̤dǒ kòyò bè̌dubè̌nǎ̤ a tokhlǒ, ta̤dǒ atôabǎ tokhlǒ, ta̤dǒ a ma̤mṳ̂̌plî tokhlǒ, ta̤dǒ kòyò sǎyṳgwèbǎǐ tokhlǒ, bè̌sû̌bè̌sǎ dǒ awî̤awô̌ tokhlǒ, ta̤dǒ awô̌ tokhlǒ, ta̤dǒ kòyò tô htû̌sò̌htò̌ tokhlǒ nupwǎ nî̌꤮.

Tîsalònǐ awǐlǒ tôbǎ 4:1

Sapṳ̌wè̤̌ sî, dǒ nô̌kòlǒnu, sî bǎ ô̌htûpwa̤ tô kû̌ Cǒmara asǎphlǒ hî̌tènu, pa sû̌ǐ hto sî hǒ. Dě khònò̤̌ sî ô̌htûpwa̤ numî̌ amè̤̌hǒ. Khònò̤̌ pa kwisǎyṳ sî dě pa shò̌gû̌ sîkò dǒ Běcǎ Yeshǔ agûlǎ̤ kû̌, sî gǔ ma̤ dû̌htò̌htûhtò̌ sělě pô̤̌nu.

Tîsalònǐ awǐlǒ tôbǎ 5:16

Sǎlě̤sǎlò̤ lô̌khô pṳ̂̌꤮ plǎ.

Jǎgomo̤ 1:2

He pṳ̌wè̤̌ sî꤮, bǎ sî kè̌shǐ tṳ̌bǎ kû̌ ta̤pò̤̌ta̤sha ta̤tili̤tôlô̌ pṳ̂̌꤮ tôcǒ hèbǎ sî akhanu, bè̌ yǎ pô̤̌ ta̤sǎlě̤sǎlò̤ adû̌ tôcǒ dǒ sîyanu nî̌꤮.

Petru awǐlǒ tabǎ 3:8

He sǎyṳ hî̌ pô̤̌ sî dǒgutṳ̌kòlǒ kû̌, sî pṳ̂̌꤮ tôpwa̤ tôbǎ ô̌ lû̌û kû̌ ta̤gènè̤ tôcǒ꤮ nô̤̌, ta̤bè̌sû̌bè̌sǎ tôcǒ꤮ nô̤̌ nî̌꤮. Mô̤ǐ kè̌khî pû lû̌û tôpwa̤ kû̌ tôpwa̤ pô̤̌ pṳ̌wè̤̌nu nî̌꤮. Sǎyṳgwèbǎǐ pû lû̌û tôpwa̤ kû̌ tôpwa̤ dě shò̌lò̤ pû lô̌khô sî sǎphlǒ tôpwa̤ kû̌ tôpwa̤ nî̌꤮.

Petru awǐlǒ tabǎ 4:13

Mè̤̌mè̤tôkhônu, htû̌꤮ Khrǐ hèlò̤ ô̌lṳ̌htò̌ hǒ kû̌ ata̤bwǐdû̌sîrîhtû pěnu, pô̤̌khô sî gǔ sǎlě̤sǎlò̤ yî̤̌kǒyî̤̌sa kû̌ kòyò pě aya nudě, ta̤ dǒ sî khòjî̌khòjû̌ kû̌ Khrǐ pô̤̌o tokhlǒnu tûlû̌ sǎlě̤ lô̌khô nî̌꤮.

Petru ginǐ̤bǎ tabǎ 3:1

Sû̌khômô̤ sî, he wě̤cû̌ bǎpô̤̌ sî lî̤ ginǐ̤bǎ tôbǎ. Lî̤ ginǐ̤bǎbò dǒ he wě̤cû̌ bǎ sî numî̌, pô̤̌khô sî gǔ gènè̤ mṳ̂̌plî lô̌khô gû̌ kòyò nudě, he jî̌pwǐ̤ htû̌wṳ̂̌ gènè̤bǎ sô̌ sî kû̌ ta̤ dǒ sî sû̌ǐhto nutokhlǒ pwǎ.