Phǐlǐpǐ 2:9 - Kawyaw New Testament

⁹ Pô̤̌nudě Cǒmara bè̌dû̌bè̌htû ǐ yǎ dě a bè̌htò̌ lû̌û dǒ agûlǎ̤ htò̌yô̤̌lǒ dě a ǐ lû̌û mi̤ dǒ adû̌lǒkhlo kû̌ kòyòmi̤ pṳ̂̌꤮ tôpwa̤nu.

Kawyaw RC

⁹ Hǐnudě Cǒmara bè̌dû̌bè̌htû nû̌û a bè̌htò̌yî̤khlo nû̌û ta kò agûla̤ dě a ǐ nû̌û mi̤ htě adû̌khlo ta kòmi̤ pṳ̂̌꤮ tapwa̤nu.

Phǐlǐpǐ 2:9 Iomraidhean Croise

Mǒhtûlû̌hǎhtûsa 3:15

He no htûhtò̌ na kû̌ pwa̤mǒ̤ nutôpwa̤ khuwè̤ pě, nakhli tôpwa̤ kû̌ pwa̤mǒ̤ akhli tôpwa̤ gǔ shěpě̤ lû̌û pě, dě pwa̤mǒ̤ akhli tôpwa̤ gǔ yî̤̌mǔ naikǒ pě, dě na gǔ ě pwa̤mǒ̤ akhli pwa̤khû nutôpwa̤ khò̌teněkò pě.”

Htû̌sò̌htò̌ 110:1

Cǒmara tûjû̌pwa̤ hî̌lṳ̌lò̤ he Běcǎdû̌ kû̌, “Bǎ he ma̤pè̤̌ bòmǔtegle pwa̤sǎkhě na nutokhlǒ dě he bè̌bò asî dǒ na khǎlǎ khôtô̤̌nu, hǎnòò̌ dǒ he cǔtûmû nutôkhô.”

Htû̌sò̌htò̌ 110:5

Běcǎdû̌ ô̌ dǒ na cǔtûmû tôkhô. Bǎ a sǎphlǒdû̌ nutôni̤ a ma̤lûpò̌lûshe kè̌bò khwǐ nutokhlǒ pě.

Htû̌sò̌htò̌ 89:27

“He no htûhtò̌ a kû̌ he phû̌wè̤̌pwǎ̤, khwǐ dǒ asîrîdû̌sîrîhtûlǒ bǎ hǎkhû̌nu.

Htû̌sò̌htò̌ 91:14

Cǒmara tûjû̌pwa̤ hî̌ kû̌, “He gǔ ma̤hǎplǎgeǐ kòyò dǒ a mô̤ǐ he. “He gǔ tugutakaǐ kòyò dǒ a sî̌yatě̤mè̤̌wô̌ hemi̤.

Matěo 11:27

“Hepha ǐlò̤bò he ta̤pṳ̂̌꤮ tocǒ hǒ. Kòyò dǒ a sî̌ganǎ̤ phû̌khû numî̌ apha Cǒmara tôpwa̤ nô̤̌pwǎ. Kòyò dǒ a sî̌ganǎ̤ pha Cǒmara numî̌ aphû̌khû tôpwa̤nô̤̌ kû̌ kòyò dǒ a phû̌khû rû̌htò̌ lû̌û dǒ a gǔ dǔlè̌lṳ̌ bǎ lû̌û pě nutokhlǒ nô̤̌pwǎ.

Matěo 28:18

Dě Běcǎ Yeshǔ hè dǒ asî ô̌ dě a hî̌ asî kû̌, “Ta̤siwi̤sòwò̤ dǒ mǒkhû̌ bǎbǎ, dǒ hǎkhû̌nu bǎbǎ, kòyò ǐ bòkè kû̌ he hǒ.

Lǔka 10:22

“Hepha ǐlò̤bò he ta̤pṳ̂̌꤮ tocǒ hǒ. Phû̌khû mî̌ mò̌pènu kòyò sî̌ya tôpwǎ̤꤮ tô̤̌. Sî̌ya pwǎtǒ̤ phatôpwa̤ nô̤̌ pwǎ. Dě pha mî̌ mò̌pènu kòyò sî̌ya tôpwǎ̤꤮ tô̤̌, sî̌ya pwǎtǒ̤ phû̌khû kû̌ kòyò dǒ phû̌khû rû̌htò̌ lû̌û dǒ a gǔ dǔlè̌lṳ̌ lû̌û nutokhlǒ pwǎ.”

Jowǎ̤ni̤ 13:3

Běcǎ Yeshǔ sî̌ganǎ̤ kû̌ apha ǐlò̤ htobò lû̌û ta̤pô̤phǎ shû̌sho dǒ ta̤lǒ̤bò akhû̌ hǒ. A sî̌ganǎ̤ kû̌ a ô̌ dǒ Cǒmara hè ô̌ dě a gǔ getîkhî sô̌ dǒ Cǒmara a ô̌ pě.

Jowǎ̤ni̤ 17:11

He ô̌ sělě pe dǒ hǎkhû̌ tô̤̌, bǎbǎkǎlè asî hǒtokhlǒ gǔ ô̌ gutṳ̌ dǒ hǎkhû̌ pě. He dě, he gǔ getîkhî sô̌ dǒ naô̌ pě. Ǒ pha plò̌shǐ! Pô̤̌khô asî gǔ ô̌lû̌û kû̌ sǎphlǒ tômè pô̤̌ he kû̌ na ô̌lû̌û kû̌ sǎphlǒ tômè akûnu, kè̌khwè̌ǐtû̌ asî kû̌ nami̤ dǒ apô̤aphǎ, nami̤ dǒ na ǐ he nunî̌꤮.

Jowǎ̤ni̤ 17:12

Bǎ he ô̌plǒ kû̌ asî akhanu, he takabǐ ǐtûû̌ asî hǒ, he ô̌pǒ̤ kè̌khwè̌ǐ asî kû̌ mi̤ dǒ na ǐ he nuhǒ. A hǎmǎkè nô̌ tôpwǎ̤꤮ tô̤̌. Pô̤̌khô lî̤plò̌shǐ gǔ lǒbehè ayanu, a hǎmǎkè pwǎtǒ̤ kòyò nutôpwa̤ dǒ kòyò bè̌ nǎkè a dǒ a gǔ pî̌pě nutôpwa̤ nô̤̌ pwǎ.”

Jowǎ̤ni̤ 17:5

Pha꤮, pô̤̌ he ta̤bwǐdû̌sîrîhtû ô̌ kû̌ na dǒ hǎkhû̌ htûhtò̌ nò̌khôtô̤̌ pe akhanu, ǐ sô̌ mò̌ he ta̤bwǐdû̌sîrîhtûnu dǒ nalô̤mô̤̌ khònò̤̌.”

Pwa̤nophû̌ 5:31

Pô̤̌khô Cǒmara gǔ ǐ bǎ Isôrělaphû̌ tokhlǒ ta̤yò̤lǎ̤plǎdî̌ asǎphlǒ kû̌ plûkè ta̤sǔ tokhlǒ ayanu, a dǐô̌hto Yeshǔ dǒ acǔtômû tôkhô pô̤̌ kòyò htûdû̌htûpwǎ̤ tôpwa̤ kû̌ pwa̤ma̤hǎplǎge kòyò tôpwa̤nu hǒ.

Ěphěsu 1:10

Htû̌꤮ shěkhǎ hètôhèbǎ pěnu, Cǒmara gǔ ma̤lǒhtò̌ ma̤behtò̌ a ta̤tîwî̌tòwò nǎ nutokhlǒ pě. Lǒ̤bò ta̤dǒ a ô̌ dǒ mǒkhû̌ nutokhlǒ bǎbǎ, lǒ̤bò a ô̌ dǒ hǎkhû̌ nutokhlǒ bǎbǎ, a gǔ ma̤plǒma̤cu bò lû̌û dǒ a ikǒlǒkòdû̌lǒ Khrǐ nutôpwa̤ alǎ̤ pě.

Kòlòtè̌ 1:18

Lǒ̤bò kòyò dǒ a yṳ̌ǎ Khrǐ tokhlǒnu, Khrǐ pǒǐ asî dě a nè̌klè̌nè̌klò asî sô̌sô̌kû̌ ikǒ nè̌klè̌nè̌klò ǐ nǎ̤glǒnu, dě kòyò dǒ a yṳ̌ǎ lû̌û tokhlǒnu asô̌sô̌kû̌ nǎ̤glǒ nuhǒ. Htokhôtô̤̌ a mî̌ a ǐ pwa̤ dǒ a yṳ̌ǎnǎ̤ǎta̤ tokhlǒ a ta̤htûpwa̤ tôpwa̤ hǒ. Htodě pô̤̌khô a htûhtò̌ ta̤lǒ̤꤮ bò a ikǒ ayanu, Cǒmara ma̤ ihtǒhtûpwa̤ getîkhî wǐlǒ a hǒ.

Tîsalònǐ ginǐ̤bǎ tôbǎ 1:12

Pa kwicaba pô̤̌o numî̌ pô̤̌khô pa Běcǎ Yeshǔ gǔ nǐ̤bǎ ta̤sîrîdû̌sîrîhtû dǒ sî ô̌ dě sî nǐ̤bǎ ta̤sîrîdû̌sîrîhtû dǒ a ô̌ pě aya nupwǎ. Dǒ pa Cǒmara kû̌ pa Běcǎ Yeshǔ Khrǐ abwǐsîrî akhû̌akhî, dě a htûhtò̌ tûû̌ pô̤̌o pě nî̌꤮.

Hebrǔ 1:4

Cǒmara aphû̌khû nî̌ a htûhtò̌kè pwa̤ dǒ adû̌ahtû khlo tanaphû̌ ô̌ bǎ mǒkhû̌ nutokhlǒ. Hǒo numî̌ a sô̌sô̌ kû̌ a ǐ aphû̌khû ami̤ dǒ adû̌ahtû khlo mǒkhû̌ tanaphû̌ nutokhlǒ ami̤ hǒ.

Hebrǔ 1:9

Na mô̤ǐ ta̤ dǒ atô tokhlǒ dě na sǎkhě ta̤ dǒ asǔ tokhlǒ. Dǒ hǒo akhû̌akhî dě Cǒmara dǒ a mî̌ na Cǒmaranu rû̌htò̌ hto na dě a no dû̌htû khlokè na kû̌ nasû̌nakhô tokhlǒ hǒ. A bè̌dû̌bè̌htû na hǒ, a ǐ na sǎlě̤sǎlò̤ hǒ,” a hî̌ lû̌û pô̤̌nu.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 2:9

Bǎbǎkǎlè, ta̤we̤ta̤kè dǒ pa sî̌ganǎ̤ mè̤̌mî̌ca numî̌ amè̤̌ Yeshǔ nuhǒ. Bǎ a hèlò̤ dǒ hǎkhû̌ akhanu, a nǐ̤bǎ ta̤siwi̤sòwò̤ dǒ ajǎkhlo kû̌ mǒkhû̌ tanaphû̌ tokhlǒ tashò̌phû̌nô̤̌, ma̤titèhî̌dě, dǒ Cǒmara abwǐsîrî akhû̌akhî, Yeshǔ bǎ tṳ̌sikhòsi bǎ pa lǒ̤꤮ bò aya. Dǒ Yeshǔ tṳ̌sikhòsi akhû̌akhî, khònò̤̌ pa sî̌ganǎ̤ kû̌ Cǒmara no ta̤bwǐdû̌sîrîhtû, bè̌dû̌bè̌htû kòyò kû̌ Yeshǔ hǒ.

Petru awǐlǒ tabǎ 3:22

Yeshǔ Khrǐ ge ihtǒ dǒ mǒkhû̌ dě a ge hǎnòò̌ô̌ dǒ Cǒmara acǔde cǔtômû tôkhô hǒ. Dě a pǒǐ lǒ̤bò tanaphû̌ tokhlǒ kû̌ ta̤shû̌ta̤sho tokhlǒ, kû̌ ta̤pô̤ta̤phǎ tokhlǒ hǒ.

Petru ginǐ̤bǎ tabǎ 1:17

Bǎ pha Cǒmara ǐlò̤ a ta̤bè̌dubè̌nǎ̤ kû̌ a ta̤bwǐdû̌sîrîhtû dǒ Yeshǔlô̤ akhanu, pa ô̌cu bǎnu. Cǒmara dǒ apô̤aphǎ adû̌ahtûlǒkhlo kû̌ ta̤lǒ̤꤮ bò hǒtôpwa̤nu, a hî̌ kû̌, “Hǒnumî̌ hephû̌pwa̤khû dǒ he mô̤ ǐtûû̌ a dě atô he sǎphlǒ tôpwa̤.”

Yṳ̂ha subǎ tôbǎ 1:7

Ma̤titèhî̌dě asî hǎhtò̌cû̌ bǎ klè̌ dǒ Khrǐ aya bǎbǎkǎlè a phî̌ gû̌ kòyò ta̤ma̤jè̌ dǒ kòyò yṳ̌ǎ Khrǐ tô̤̌ nutokhlǒ a ô̌ tôcǒ꤮ tô̤̌.

Ta̤dǔlè̌nǎ 1:5

Sî nǐ̤bǎ pô̤̌ pû Yeshǔ Khrǐ dǒ a khòlṳ̌ cǒcǒtè̤tè̤ nutôpwa̤ abwǐsîrî kû̌ a ta̤gûjû̌kabǎ nî̌꤮. Kòyòsi dě a htûpwa̤ getîkhî aklanu, a mî̌ pwa̤ dǒ a htûpwa̤ wǐlǒ tôpwa̤ hǒ. A mî̌ pwa̤ dǒ a pǒ hǎkhû̌ akhwǐ tokhlǒ nutôpwa̤. A mî̌ a mô̤ǐ pa kǎtô̤̌ dǒ a si akhû̌akhî a ma̤hǎplǎge pa dǒ ta̤sǔta̤plě akû hǒ.

Ta̤dǔlè̌nǎ 11:15

Htodě bǎ tanaphû̌ pwa̤ susô̌tôpwa̤ nutôpwa̤ ǔhtò̌ kǐlû akhanu, yô̤̌tokhlǒ lě̤pwe̤htò̌ shû̌shû̌ mî̌ca dǒ mǒkhû̌ dě a hî̌ kû̌, “Khònò̤̌ ta̤pô̤ta̤pwǎ̤ dǒ a gǔ pǒ hǎkhû̌ numî̌ a htûhto pa Běcǎ kû̌ a Me̤shǐya ata hǒ dě a gǔ pǒta̤ tûjû̌pwa̤ talakhǎ hǒ.”

Ta̤dǔlè̌nǎ 19:16

Dǒ a jejûhtû alô̤ kû̌ akhò̌kǐlô̤nu, kòyò wě̤ ami̤ tôphlǒ kû̌, “Khwǐ tokhlǒ akhwǐ, Běcǎ tokhlǒ aběcǎ,” kòyò wě̤ pô̤̌nu.

Ta̤dǔlè̌nǎ 3:21

“He ma̤pè̤̌ hto dě he hǎnòò̌ kû̌ hepha dǒ tòcòhta akhû̌ hǒ. Pô̤̌nudě kòyò dǒ a ma̤pè̤̌ta̤ tokhlǒnu, he nohǎnòò̌ asî kû̌ he dǒ he tòcòhta akhû̌ nupě.

Ta̤dǔlè̌nǎ 5:12

Dě asî kaǎgǔ sǎwǐ shû̌ lô̌khô kû̌, “Sû̌phû̌ dǒ kòyò ma̤si lû̌ûnu, a gwǎgwè nǐ̤bǎ pû ta̤pô̤ta̤phǎ, ta̤dû̌yò̤̌htò̌sa, ta̤sî̌ta̤jò̌, ta̤khû̌ta̤ǎ, ta̤bè̌dubè̌nǎ̤ lû̌û, ta̤bwǐdû̌sîrîhtû kû̌ ta̤htû̌sò̌htò̌ nunî̌꤮.”