Phǐlǐpǐ 2:8 - Kawyaw New Testament

⁸ Dě a hè dǔlè̌lṳ̌ anǎ̤ pô̤̌ kòyòhǎkhû̌phû̌ nuhǒ, htodě, a shò̌lò̤ anǎ̤ dǒ kòyò lǎ̤. A ganǎ̤de Cǒmara ayô̤̌, a sikè dě a bè̌kè ta̤ tôcǒ꤮ tô̤̌. Tǒ̤dǒ a tôbǎ si dǒ nò̌dò̌htǔlô̤ dě a jûǎ pwǎ.

Kawyaw RC

⁸ Dě a hè dǔlṳ ana̤ pwǐ kòyòhǎkhû̌phû̌nu, htodě, a bè̌phǔlò̤ ana̤ dě kòla̤. A gana̤de Cǒmara ayo̤, a sikè dě a bè̌ ta̤ dǐcǎ꤮ tò̤. To̤htû̌ a tobǎ si nò̌dòhtǔlo̤nu a jûle̤phî̌yo̤ pwǎ.

Phǐlǐpǐ 2:8 Iomraidhean Croise

Htû̌sò̌htò̌ 22:16

Kòyòphû̌mò̤̌ sîtokhlǒ ô̌te̤we̤ bò he sô̌sô̌kû̌ shǐmi̤ ô̌te̤we̤ bò henu. Asî htǎnṳ̌ bòkè he cǔde kû̌ khò̌lô̤pô̤̌.

Matěo 17:2

Bǎ asî ô̌ bǎnuakha Běcǎ Yeshǔ anǎ̤glǒ htû̌lè̌tèplè̌ khô̌bò dǒ asî lô̤mô̤̌. Amǐ̤sǎ tôbǎnu a rakha asô̌sô̌kû̌ lṳmṳ̌nu, ajenu a bûsǔlǔ plò̌kishǐ kè.

Matěo 26:39

A cû̌ pô̤̌ dǒ alô̤mô̤̌ tîkî̌phû̌ dě a hǎmôô̌ tuglǔ dǒ hǎkhû̌ dě a kwicaba dě a hî̌ kû̌, “Ǒ pha na kè̌ phî̌ tephekè bǎ he ta̤jî̌ta̤jû̌ ashishǐbè hǒtôbǎ nî̌ kè̌ anǐ̤ hî̌dě phî̌tephekè bǎ he, bǎbǎkǎlè he sǎyṳ ma̤ jû̌꤮ tûû̌ he sǎphlǒ tô̤̌. Jû̌꤮ tûû̌ pwǎ na sǎphlǒ nî̌꤮.”

Matěo 26:42

A cû̌ sô̌ ginǐ̤plǎtôplǎ dě a kwicaba kû̌, “Ǒ he pha꤮, he bǎ ô mî̌ca ta̤jî̌ta̤jû̌ ashishǐbè, kè̌ phî̌tephekè anǐ̤ tô̤̌ hî̌dě, jû̌꤮ tûû̌ pwǎ na sǎphlǒ nî̌꤮.”

Lǔka 9:29

Bǎ a kwicaba akhanu, amǐ̤sǎ htû̌lè̌htò̌ khô̌kèbò dě a jejû tokhlǒnu abûsǔlǔ kakhahtò̌ lǒ̤꤮ bò.

Jowǎ̤ni̤ 10:18

He kè̌ noma̤si kòyò kû̌ henǎ̤ tô̤̌ hî̌nu, kòyò ma̤si jò he tôpwǎ̤꤮ tô̤̌. He ǐlò̤kè he sǎphlǒ numî̌, kòyò noshû̌ he tôpwǎ̤꤮ tô̤̌, he sǎphlǒ kû̌ he nǎ̤ ǐlò̤ tûû̌ pwǎ. He ô̌ kû̌ he ta̤pô̤ta̤phǎ dǒ he sǎyṳ ǐlò̤kè hesǎphlǒ mî̌ anǐ̤nǐ̤, he sǎyṳ phî̌gesô̌ a mî̌ anǐ̤nǐ̤ pwǎ. Hepha mǎhè heyô̤̌ kû̌ he bǎma̤ pô̤̌o,” A hî̌ bǎ asî pô̤̌nu.

Jowǎ̤ni̤ 14:31

Pô̤̌khô kòyò hǎkhû̌phû̌ gǔ sî̌ganǎ̤hè lô̌khô kû̌ he mô̤nṳ̌ pha ayanu, he ma̤ tôtǐpwǎ pô̤̌ pha mǎhè he ayô̤̌ nutokhlǒ pwǎ. “Cû̌꤮! Pa hǎhtò̌cû̌ tǎ!”

Jowǎ̤ni̤ 15:10

Sî kè̌ ganǎ̤de jûlě̤phî̌ he ta̤mǎlò̤ tokhlǒ numî̌ sî ô̌měô̌gle dǒ he ta̤mô̤nṳ̌ akû hǒ. Sî kè̌ ma̤ pô̤̌o numî̌ a sô̌sô̌ kû̌ he ganǎ̤de hepha ayô̤̌ dě he ô̌měô̌gle dǒ a ta̤mô̤nṳ̌ akû nuhǒ.

Jowǎ̤ni̤ 4:34

Yeshǔ hî̌ asî kû̌, “He ma̤ta̤numî̌ hema̤tô pwǎ kòyò dǒ a nohè he nutôpwa̤ a ta̤sǎyṳ dě he ma̤hto ata̤ma̤ dǒ a ǐ he numî̌ amè̤̌ he shǎǎ hǒ.

Pwa̤nophû̌ 8:33

Kòyò ma̤sòwò̤̌ lû̌û dě kòyò cî̌htò̌cǒ cî̌htò̌tè̤ bǎ lû̌û tô̤̌, pwa̤ dǒ a shôbǐǐjò bǎ kòyò kû̌ a khlilè awe̤akènu a ô̌ tôpwǎ̤꤮ tô̤̌, ma̤titè̌hî̌dě kòyò phî̌kè ata̤htûpwa̤ dǒ hǎkhû̌ nuhǒ.”

Rṳ̂̌me̤ 5:19

Ma̤titèhî̌dě dǒ kòyò tôpwa̤ ganǎ̤de Cǒmara ayô̤̌ tô̤̌ akhû̌akhî, kòyò pṳ̂̌꤮ tôpwa̤ htûhtò̌bò ta̤sǔta̤plě a phû̌mǒ̤phû̌khû tokhlǒ hǒ. Bǎbǎkǎlè dǒ kòyò tôpwa̤ ganǎ̤de Cǒmara ayô̤̌ akhû̌akhî, Cǒmara bè̌cǒbè̌tè̤ bò kòyò pṳ̂̌꤮ tôpwa̤ hǒ.

Kôritu ginǐ̤bǎ tôbǎ 8:9

Pa Běcǎ Yeshǔ Khrǐnu abwǐdû̌ asîrîhtû pwǐ꤮ tènu, sî sî̌ganǎ̤ tû̌ hǒ. A ô̌ dǒ mǒkhû̌ akhanu, a dû̌yò̤̌htò̌sa jî̌jî̌ bǎbǎkǎlè bǎ a hè tûlû anǎ̤ pô̤̌ kòyò hǎkhû̌phû̌ tôpwa̤ akhanu, a bǎhè htû kòyò pwa̤shèwè̤phû̌ tôpwa̤ dǒ paya. Pô̤̌khô sî gǔ dû̌yò̤̌htò̌sa gû̌ kòyò ayanudě, a bǎhè htû kòyò pwa̤shèwè̤phû̌ tôpwa̤ pô̤̌nu.

Galatǐ 3:13

Lǒ̤꤮ bò ta̤sû̌ta̤tòwò tokhlǒnu, kòyò gû̌lṳ̂ma̤bò̌ tôpwǎ̤꤮ tô̤̌ akhû̌akhî, Cǒmara cî̌htò̌ bò kòyò pṳ̂̌꤮ tôpwa̤ pě, bǎbǎkǎlè Khrǐ ma̤hǎplǎge pa hǒ. Dǒ a khòbǎ pa ta̤cî̌htò̌ dǒ nò̌dò̌htǔlô̤ akhû̌akhîdě, a hènṳ̌ khòbǎhto pa ta̤cî̌htò̌ dǒ a gǔ hèbǎ pa pěnu agûlǎ̤ hǒ. Ma̤titèhî̌dě lî̤plò̌shǐkû hî̌ kû̌, “Kòyò tôpwa̤pwa̤ dǒ kòyò ma̤sihtò̌ a dǒ nò̌dò̌htǔ alô̤nu, ta̤cî̌htò̌ bǎ a hǒ,” A hî̌ pô̤̌nu.

Tǐtǔ 2:14

Pô̤̌khô a gǔ ma̤hǎplǎge pa dǒ ta̤phû̌mò̤̌shǐhtô lǒ̤꤮ bò tokhlǒ akû, htokhôtô̤̌ pô̤̌khô a gǔ ma̤ mṳ̂̌plî ge sô̌ pa dě pa gǔ htûhtò̌ a kòyò, kǎtô̤̌ pa gǔ sǎphlǒshû̌ ma̤ta̤ dǒ awô̌ tokhlǒ ayanu, a tṳ̌sikhòsi bǎ anǎ̤ dǒ paya hǒ.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 12:4

Sî shěshǔ kû̌ ta̤sǔta̤phû̌mò̤̌ nutokhlǒ bǎbǎkǎlè sî khòbǎ ta̤jî̌ta̤jû̌ tǒ̤dǒ kòyò bǎma̤si sînu, a ô̌nô̌ tôpwǎ̤꤮ tô̤̌.

Petru awǐlǒ tabǎ 2:24

Pô̤̌khô pa gǔ icupe kû̌ ta̤sǔta̤phû̌mò̤̌ tokhlǒ tô̤̌, kǎtô̤̌ pô̤̌khô pa gǔ ô̌htûpwa̤bò̌ kû̌ dǒ ta̤tě̤ta̤mè̤̌ pě ayanudě, bǎ kòyò ma̤sihtò̌ Khrǐ dǒ nò̌dò̌htǔlô̤ akhanu, a phǐhtò̌kè pa ta̤sǔta̤phû̌mò̤̌ nutokhlǒ dǒ anǎ̤lô̤ hǒ. Dǒ a khòbǎ ta̤jî̌ta̤jû̌ nutokhlǒ akhû̌akhî, a ma̤hǎmǎkè bòkè sî hǒ.

Petru awǐlǒ tabǎ 3:18

Ma̤titèhî̌dě Khrǐ tṳ̌sikhòsi bǎ pwǎ anǎ̤ dǒ kòyò ta̤sǔ aya tôplǎnô̤̌pwǎ dě ahtoaphlǔ bò hǒ, a lǎ̤lṳ̂ tṳ̌sikhòsi petô̤̌. Pô̤̌khô a gǔ sûcû̌ sî dǒ Cǒmara a ô̌ dě kòyò cǒtè̤ hǒtôpwa̤nu a hè tṳ̌sikhòsi hto kòyò ta̤sǔphû̌ tokhlǒ agûlǎ̤ hǒ. Kòyò ma̤si anǎ̤glǒ bǎbǎkǎlè Cǒmara ma̤htûpwa̤ getîkhîsô̌ a dǒ Yôla Plò̌shǐ Běcǎ akû.