Phǐlǐpǐ 2:7 - Kawyaw New Testament

⁷ Mè̤mè̤̌tôkhônu, a wîkè a ta̤pô̤ta̤phǎ kû̌ Cǒmara agûlǎ̤ tokhlǒ, a wîkè ta̤pṳ̂̌tocǒ, dě a hèlò̤ htû anǎ̤ sô̌sô̌kû̌ jû̌ tôpwa̤. Htokhôtô̤̌ a hèlò̤ sûlûanǎ̤ pô̤̌ kòyòhǎkhû̌phû̌ tôpwa̤nu.

Kawyaw RC

⁷ Mî̌tanu, a wîkè a ta̤po̤ta̤phǎ ta Cǒmara agûla̤ toǒ, a wîkè ta̤pṳ̂̌tacǎ, dě a hèlò̤ sûlûana̤ sǒsǒta jû tapwa̤. Htohǒtò̤ a hèlò̤ sûlûana̤ pwǐ kòyòhǎkhû̌phû̌ tapwa̤nu.

Phǐlǐpǐ 2:7 Iomraidhean Croise

Htû̌sò̌htò̌ 22:6

Bǎbǎkǎlè he mî̌ asô̌sô̌ kû̌ htaǐshiko dǒ a ô̌ tṳ̌dè. He mî̌ kòyòhǎkhû̌phû̌ mè̤ nò tô̤̌. Kòshǔshawa̤ kè̌pî̌tî̌ bò he, kòyò sǎkhwè̌ bò he.

Matěo 12:18

“A mî̌ he pwa̤ma̤ta̤phû̌ dǒ he rû̌htò̌ lû̌û, a mî̌ kòyò tôpwa̤ dǒ he mô̤ǐ yǎ dě he sǎphlǒ ô̌ lû̌û. He gǔ nohèô̌ he Yôla Plò̌shǐ Běcǎ dǒ alô̤ pě dě a gǔ shôbǐǐlṳ̌ bǎ Yǔdaphû̌ mè̤̌tô̤̌ tokhlǒ kû̌ a bǎ phî̌shǐshu ta̤tě̤ta̤mè̤̌ dǒ he ô̌ hî̌tènu pě.

Matěo 20:28

Kè̌lû̌mò̌mṳ he amè̤̌kû̌ Kòyòphû̌khû nu, he hè dǒ kòyò gǔ ma̤ bǎ heyanu mè̤̌tô̤̌. He hè dǒ he bǎ ma̤ kòyòya pwǎ. Dě pô̤̌khô he gǔ phî̌htò̌ge asî ayanudě, he tṳ̌sikhòsi he ta̤htûpwa̤ dǒ kòyò saprṳ̂ aya.”

Mǎ̤riko 9:12

Dě a hî̌shěshu asî kû̌, “Piwi̤pèshè Khûělǐya bǎ hè wǐlǒpě dě a bǎ hè tîwî̌tòwò ma̤wô̌ ta̤lǒ̤꤮ bò numî̌ amè̤̌na̤cè̌ kǎ, bǎbǎkǎlè lî̤plò̌shǐ hî̌ kû̌ Kòyòphû̌khû a tôbǎ tṳ̌bǎkhòbǎ dû̌wî̤ ta̤jî̌ta̤jû̌ pě dě kòyò gǔ sǒcû̌tephekè a pě a cû̌hî̌tǒ̤ pô̤̌hǒo ma̤titè?

Lǔka 22:27

Kòyò hǎkhû̌phû̌ tokhlǒ gènè̤ kû̌ kòyò ô̌hǎnòò̌ ǎshǎǎ dǒ dîgògǒ kòshî̌ numî̌ a htû dû̌lǒ kòyò hǒ, dě pwa̤ma̤ta̤phû̌ dǒ a bǔǎ kòyò dǒ a hǎnòò̌ ǎshǎ nutokhlǒ mî̌ a htû̌ kòyò dǒ a pî̌tî̌lǒ hǒ agènè̤ lô̌khô pô̤̌nu. Bǎbǎkǎlè, hedě he ô̌ dǒ sîkla pô̤̌ pwa̤ma̤ta̤phû̌ dǒ a bǔǎbǔô kòyò tôpwa̤nupwǎ.

Jowǎ̤ni̤ 1:14

Kòyò dǒ kòyò kaǎ a kû̌ ta̤lě̤ta̤yô̤̌ tôpwa̤nu, a hèhtû ma̤pô̤̌ kòyòhǎkhû̌phû̌nu dě a hè ô̌htûpwa̤ dǒ pakla hǒ. Dě pa kè̌shǐ a ta̤bwǐdû̌sîrîhtû. Cǒmara aphû̌khû ô̌pwǎ tôpwa̤nô̤̌ akhû̌akhî, a nǐ̤bǎ bò ta̤bwǐdû̌sîrîhtû dǒ aphaô̌ a mî̌ kòyò dǒ a lǒbe kû̌ ta̤bwǐta̤sîrî kû̌ ta̤tě̤ta̤mè̤̌ tôpwa̤.

Rṳ̂̌me̤ 1:3

Ta̤sǎlě̤we̤kè numî̌ amè̤̌kû̌ aphû̌khû dǒ pa Běcǎ Yeshǔ Khrǐnu awe̤akè dǒ a hèlò̤ sûlû kòyòhǎkhû̌phû̌nu tôpwa̤ hǒ, dě a hè ô̌phijǎlò̤ dǒ khwǐ Khûdawi̤ akhlialè akûnu tôpwa̤ hǒ.

Rṳ̂̌me̤ 15:3

Ma̤titèhî̌dě, Khrǐ anǎ̤běcǎ tûû̌ dě a ma̤mô̤ǐ tûû̌ anǎ̤ tô̤̌. Mè̤̌mî̌tôkhônu, lî̤plò̌shǐkû hî̌ kû̌, “Ta̤ dǒ kòyò pîjî̌ǐsho na tokhlǒnu, a hèbǎ tûû̌ he hǒ.”

Rṳ̂̌me̤ 15:8

Ma̤titèhî̌dě, he hî̌ sî kû̌ Khrǐ hèlò̤ htû hto Yǔdaphû̌ tokhlǒ a pwa̤ma̤ta̤phû̌ hǒ, ma̤titèhî̌dě pô̤̌khô Cǒmara gǔ cǒkû̌ ayô̤̌ dǒ a olò̤ hto kû̌ asî aphiaphu děnukha tokhlǒnudě Khrǐ hèlò̤ htû pô̤̌nu hǒ.

Rṳ̂̌me̤ 8:3

Dǒ ama̤hî̌tè akhû̌akhî hî̌dě, pô̤̌khô pa gǔ ô̌kǔbǎ dǒ pa ma̤ ta̤sǔ ayanu, pa ganǎ̤de gû̌ma̤ kû̌ ta̤sû̌ta̤tòwò akò dě, a ta̤siwi̤sòwò̤ dǒ a gǔ ma̤jè̌ bǎ panu aô̌tô̤̌, ma̤titèhî̌dě a ta̤shû̌ta̤shǒ ma̤pî̌kè phěyî̌ a ta̤sǎyṳsǎbǎnu akhû̌aǎ ô̌ tô̤̌. Pô̤̌nudě Cǒmara ma̤ kû̌ anǎ̤, a nohèlò̤ a phû̌pwa̤khû dě a hèlò̤ sûlû anǎ̤ pô̤̌ hǎkhû̌phû̌ sô̌sô̌kû̌ pa dǒ a lǎ̤klôma̤ ta̤sǔ tokhlǒ. Bǎbǎkǎlè ta̤sǔ lǎ̤klô pǒjò lû̌û tô̤̌. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒ pa nutokhlǒ hǒ.

Kôritu ginǐ̤bǎ tôbǎ 13:4

Dǒ ta̤khû̌shiǎjǎ akhû̌akhî, Khrǐ tṳ̌sikhòsi anǎ̤ dǒ nò̌dò̌htǔlô̤. Bǎbǎkǎlè khònò̤̌ dǒ Cǒmara a ta̤pô̤ta̤phǎ shû̌sho akhû̌akhî a htûpwa̤ hǒ. Pô̤̌nudě pa mî̌ pa khû̌shiǎjǎ sô̌sô̌ pô̤̌nu bǎbǎkǎlè bǎ pa gǔ hî̌ sî akhanu, pa gǔ dǔlè̌lṳ̌ bǎ sî kû̌ Cǒmara a ta̤pô̤phǎ shû̌sho pě, ma̤titèhî̌dě pa htû kû̌ Khrǐ tôcǒ nô̤̌ dǒ pa ta̤ô̌htûpwa̤kû akhû̌akhî, pa gǔ ma̤pô̤̌nu pě.

Kôritu ginǐ̤bǎ tôbǎ 8:9

Pa Běcǎ Yeshǔ Khrǐnu abwǐdû̌ asîrîhtû pwǐ꤮ tènu, sî sî̌ganǎ̤ tû̌ hǒ. A ô̌ dǒ mǒkhû̌ akhanu, a dû̌yò̤̌htò̌sa jî̌jî̌ bǎbǎkǎlè bǎ a hè tûlû anǎ̤ pô̤̌ kòyò hǎkhû̌phû̌ tôpwa̤ akhanu, a bǎhè htû kòyò pwa̤shèwè̤phû̌ tôpwa̤ dǒ paya. Pô̤̌khô sî gǔ dû̌yò̤̌htò̌sa gû̌ kòyò ayanudě, a bǎhè htû kòyò pwa̤shèwè̤phû̌ tôpwa̤ pô̤̌nu.

Galatǐ 4:4

Bǎbǎkǎlè bǎ shěkǎtô shěkhǎbǎ hètǒ̤hǒ akhanu, Cǒmara nohèlò̤ aphû̌khû dě a hè ô̌phijǎlò̤ dǒ pwa̤mǒ̤ tôpwa̤ a ô̌, dě a hè ô̌phijǎlò̤ dǒ Yǔda a ta̤sû̌ta̤tòwò alǎ̤.

Phǐlǐpǐ 2:6

Khrǐ ô̌ kû̌ Cǒmara alǎ̤klô sô̌sô̌kû̌ Cǒmara nuhǒ bǎbǎkǎlè a gènè̤ bè̌gunò̤ anǎ̤ kû̌ Cǒmara tô̤̌.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 13:3

Sî̌ya ma̤jè̌ pû kòyò lò̤tě̤ apô̤kû tokhlǒ dě bè̌ na sǎphlǒ pô̤̌ na lò̤tě̤ kû̌ asî dǒ apô̤kû pô̤̌nu nî̌꤮. Sî̌ya ma̤jè̌ pû kòyò dǒ a khòjî̌khòjû̌ ta̤ tokhlǒ dě bè̌ na sǎphlǒ pô̤̌ na khòbǎ ta̤ kû̌ asî pô̤̌nu nî̌꤮.

Hebrǔ 4:15

Pa pwa̤shû̌gǎ ikǒdû̌lǒ nutôpwa̤ nî̌ a sî̌ganǎ̤ pa ta̤khû̌shiǎjǎ tokhlǒ dě a sǎyṳgwèbǎǐ pa. Ma̤titèhî̌dě a kè̌shǐ tṳ̌bǎ kû̌ ta̤tili̤tôlô̌ pṳ̂̌tocǒ pô̤̌ pa kè̌shǐ tṳ̌bǎnu bǎbǎkǎlè a ma̤sǔkû̌ ta̤ tô̤̌.