Phǐlǐpǐ 2:6 - Kawyaw New Testament

⁶ Khrǐ ô̌ kû̌ Cǒmara alǎ̤klô sô̌sô̌kû̌ Cǒmara nuhǒ bǎbǎkǎlè a gènè̤ bè̌gunò̤ anǎ̤ kû̌ Cǒmara tô̤̌.

Kawyaw RC

⁶ Khrî̌stu ǒ ta Cǒmara ala̤klo sǒsǒta Cǒmaranu hǒ pwǎ̤ta a gènè̤ bè̌gunò̤ ana̤ ta Cǒmara tò̤.

Phǐlǐpǐ 2:6 Iomraidhean Croise

Matěo 1:23

“Pwa̤mǒ̤phû̌sǎ tôpwa̤ bǎ mǒ̤dohtò̌ dě a phû̌ô̌lò̤ a phû̌pwa̤khû pě, dě kòyò kaǎ ami̤ kû̌ Emanuěla pě,” Emanuěla yô̤̌mûyô̤̌sǎ mî̌, “Cǒmara ô̌cu kû̌ pa.”

Jowǎ̤ni̤ 1:18

Kòyò kè̌shǐ nô̌ Cǒmara tôpwa̤꤮ tô̤̌ bǎbǎkǎlè, aphû̌khû ô̌ tôpwa̤nô̤̌, a mî̌ Cǒmara dě a ô̌plǒ kû̌ apha dě a dǔlè̌lṳ̌bǎ pa kû̌ Cǒmara hǒ.

Jowǎ̤ni̤ 10:30

He kû̌ hepha mî̌ tôpwa̤ nô̤̌ pwǎ.”

Jowǎ̤ni̤ 10:33

“Dǒ na ta̤ma̤wô̌ nutokhlǒ akhû̌akhî, dě pa glè̌ wî na kû̌ lǒ̤ mè̤̌tô̤̌. Na hî̌bǎsǔ cǎkǎ Cǒmara nǒ̤, ma̤titèhî̌dě na htû pwǎ kòyò hǎkhû̌phû̌ tôpwa̤pwa̤ dě na cû̌ dǒkôǐlò̤ tû̌ nanǎ̤ kû̌ Cǒmara,” Asî hî̌ lû̌û pô̤̌nu.

Jowǎ̤ni̤ 10:38

Bǎbǎkǎlè kè̌ he ma̤ pô̤̌ hepha ma̤nu hî̌dě sî kè̌ yṳ̌ǎ lô̌khô tîkî̌ tô̤̌ hî̌nu, pî̌tî̌gutṳ̌ mî̌ sî tô yṳ̌ǎ lô̌khô ta̤ dǒ he ma̤ cô̌klǐcô̌sè nutokhlǒ. Sî kè̌ yṳ̌ǎ he ta̤ma̤ tokhlǒ hî̌dě sî gǔ sî̌ganǎ̤hè kû̌ pha ô̌ dǒ hekû dě he ô̌dǒ akû pě,” A hî̌ asî pô̤̌nu.

Jowǎ̤ni̤ 14:28

“Sî ganǎ̤de hto he hî̌ sî kû̌, ‘he cû̌kè sîlǎ̤ pě bǎbǎkǎlè he gǔ ge sô̌ dǒ sî ô̌ pě.’ He glè̌ cû̌ dǒ pha a ô̌ pě, he hî̌ sî pô̤̌onu, sî kè̌ mô̤nṳ̌ he hî̌dě sî sǎlě̤sǎlò̤ pwǎ, ma̤titèhî̌dě hephanu adû̌khlo he.

Jowǎ̤ni̤ 14:9

Běcǎ Yeshǔ hî̌shěshu lû̌û kû̌, “Khûphǐlǐpǔ, he ô̌plǒ kû̌ sî yî̤gipi̤ hǒ dě mî̌ na sî̌ganǎ̤bǎ he tô̤̌ ya? Kòyò dǒ a kè̌shǐbǎ henu, a kè̌shǐbǎhto pha hǒ. Dě, ‘dǔlè̌lṳ̌ bǎ pa kû̌ pha,’ na cû̌hî̌tǒ̤ pô̤̌nu ma̤titè?

Jowǎ̤ni̤ 17:5

Pha꤮, pô̤̌ he ta̤bwǐdû̌sîrîhtû ô̌ kû̌ na dǒ hǎkhû̌ htûhtò̌ nò̌khôtô̤̌ pe akhanu, ǐ sô̌ mò̌ he ta̤bwǐdû̌sîrîhtûnu dǒ nalô̤mô̤̌ khònò̤̌.”

Jowǎ̤ni̤ 20:28

“He Běcǎ, he Cǒmara,” Khûtû̌mǎ hî̌shěshu lû̌û pô̤̌nu.

Jowǎ̤ni̤ 5:18

Dǒ Yeshǔ hî̌bǎ ayô̤̌ pô̤̌o akhû̌akhî, Yǔdaphû̌ ikǒlǒkòdû̌ tokhlǒ jî̌pwǐ̤ kè̌lǎ pṳ̂̌ma̤si shû̌khlo pô̤̌ kû̌ dǒ awǐkhanu. A ma̤sǔ pwǎtǒ̤ lṳmṳ̌dǔ a ta̤mǎlò̤ nô̤̌ mè̤̌tô̤̌, a lî̤̌꤮ hî̌ pô̤̌ kû̌ Cǒmara mî̌ hepha pwǎ dě a bè̌gunò̤ anǎ̤ kû̌ Cǒmara akhû̌akhî, asî kè̌lǎ ma̤si lû̌û pwǎ.

Jowǎ̤ni̤ 5:23

Ma̤titèhî̌dě, pô̤̌khô kòyò lǒ̤bò gǔ bè̌dubè̌nǎ̤ aphû̌khû pô̤̌ kòyò bè̌dubè̌nǎ̤ phanu dě a ǐlò̤bò ta̤cî̌htò̌ dǒ lû̌û cǔdekû. Kòyò dǒ a bè̌dubè̌nǎ̤ phû̌khû tô̤̌ tokhlǒnu, amè̤̌kû̌ a bè̌dubè̌nǎ̤ pha dǒ a nohèlò̤ lû̌û nutôpwa̤ tô̤̌.

Rṳ̂̌me̤ 9:5

Asî phiphu khlilè mî̌ Hebrǔ akhlialè dǒ ami̤dû̌ dǒ꤮ wǐkha tokhlǒ. Bǎ Khrǐ hè ô̌phijǎlò̤ pô̤̌ kòyò hǎkhû̌phû̌ akhanu, a hèô̌ dǒ asî akhlialè akû. A mî̌ Cǒmara dǒ a pǒǐta̤ lǒ̤bò tôpwa̤, dě kòyò htû̌sò̌htò̌ pû a tûjû̌pwa̤ talakhǎ nî̌꤮. Ame̤.

Kôritu ginǐ̤bǎ tôbǎ 4:4

Hǎkhû̌tana dǒ a pǒnǐ̤ hǎkhû̌ hǒtôdonu, a ma̤khǐ ma̤shôpe̤kè asî mǐ̤sǎ akhû̌akhî, asî kè̌shǐ gû̌ kòyò ta̤sǎlě̤we̤kè ata̤lînu tô̤̌. Pô̤̌khô kòyò hǎkhû̌phû̌ tokhlǒ gǔ sî̌yaphlô tǎ̤ Khrǐ a ta̤sǎlě̤we̤kè dǒ a shôbǐǐlṳ̌ bǎ kòyò kû̌ Khrǐ a ta̤bwǐdû̌sîrîhtû awe̤akè tǎ̤mǎ̤nu, a ma̤kiti̤kaa ǒò̌pè̌kè asî pô̤̌nu hǒ. Pwa̤ dǒ a dǔlè̌lṳ̌ tě̤tě̤mè̤̌mè̤̌ pa kû̌ Cǒmara mî̌ Khrǐ hǒ.

Kôritu ginǐ̤bǎ tôbǎ 8:9

Pa Běcǎ Yeshǔ Khrǐnu abwǐdû̌ asîrîhtû pwǐ꤮ tènu, sî sî̌ganǎ̤ tû̌ hǒ. A ô̌ dǒ mǒkhû̌ akhanu, a dû̌yò̤̌htò̌sa jî̌jî̌ bǎbǎkǎlè bǎ a hè tûlû anǎ̤ pô̤̌ kòyò hǎkhû̌phû̌ tôpwa̤ akhanu, a bǎhè htû kòyò pwa̤shèwè̤phû̌ tôpwa̤ dǒ paya. Pô̤̌khô sî gǔ dû̌yò̤̌htò̌sa gû̌ kòyò ayanudě, a bǎhè htû kòyò pwa̤shèwè̤phû̌ tôpwa̤ pô̤̌nu.

Tîmôte awǐlǒ tôbǎ 1:17

Kòyò pṳ̂̌꤮ tôpwa̤ gǔ htû̌sò̌htò̌ pû khwǐ dǒ a pǒǐta̤ tûjû̌pwa̤ talakhǎ dě a sijòtô̤̌ tôpwa̤ nî̌. A mî̌ Cǒmara dǒ kòyò kè̌shǐjò lû̌û tô̤̌. Cǒmara mî̌ tôpwa̤ nô̤̌pwǎ. Kòyò pṳ̂̌꤮ tôpwa̤ gǔ bè̌dubè̌nǎ̤ yǎ, a gǔ ô̌ kû̌ pû ta̤bwǐdû̌sîrîhtû pṳ̂̌tôhtu nî̌꤮. Ame̤.

Tîmôte awǐlǒ tôbǎ 3:16

Pa ta̤cubucaba adû̌ayô̤̌ pwǐtènu kòyò ma̤bǐjòǐ a tôpwǎ̤꤮ tô̤̌. Khrǐ ô̌lṳ̌htò̌ pô̤̌ kòyòhǎkhû̌phû̌ tôpwa̤, dě Yôla Plò̌shǐ Běcǎ khòlṳ̌ kû̌ Khrǐ nî̌ a ma̤tô Cǒmara asǎphlǒ, dě mǒkhû̌ tanaphû̌ tokhlǒ kè̌shǐbǎ a hǒ. Htodě awe̤akè nî̌, kòyò shôbǐǐlṳ̌ a dǒ kòyò ashǔshawa̤ tokhlǒ aklahǒ. Kòyò ô̌ dǒ hǎkhû̌ tokhlǒkhlǒ nî̌ a yṳ̌nǐ̤nǎ̤nǐ̤ lû̌û hǒ. Cǒmara johtò̌ a dǒ mǒkhû̌ bǎ ta̤bwǐdû̌sîrîhtû akûhǒ.

Tǐtǔ 2:13

Bǎ pa ô̌pǒ̤kè̌shǔǐ ta̤ǐshowî̤ alṳmṳ̌ni̤ amè̤̌kû̌ htû̌꤮ papha Cǒmaradû̌ kû̌ pwa̤ma̤hǎplǎ pa Yeshǔ Khrǐ a ta̤bwǐdû̌sîrîhtû gǔ hè ô̌lṳ̌htò̌ pě akhanu, pa bǎ ô̌htûpwa̤ pô̤̌ a hî̌ panu tokhlǒ.

Hebrǔ 1:3

Kòyò gǔ kè̌shǐ tutṳ̌ Cǒmara a ta̤bwǐdû̌sîrîhtû dǒ akû pě. A mî̌ a sô̌sô̌ bòmǔtegle kû̌ Cǒmara. Pô̤̌khô hǎkhû̌ kû̌ mǒkhû̌ kû̌mî̌ ta̤bô̌lò̤ lǒ̤꤮ bò tokhlǒ gǔ ô̌ gutṳ̌ hènè pô̤̌ pěnu, a pṳ̂̌mějè̌ kû̌ ta̤bô̌lò̤ lǒ̤bònu kû̌ ayô̤̌ dǒ apô̤phǎ shû̌sho nutokhlǒ. Bǎ a ma̤phlǔma̤hto ta̤plûkè kòyòhǎkhû̌phû̌ ata̤sǔ sîtokhlǒ akhanu, a gehtò̌ dǒ mǒkhû̌ dě a htò̌hǎnòò̌ bǎ Cǒmara dǒ apô̤aphǎ adû̌htû gutṳ̌ nutôpwa̤ acǔde cǔtômû tôkhô pě.

Hebrǔ 1:6

Bǎ Cǒmara nohèlò̤ aphû̌khû wè̤̌pwǎ̤ dǒ hǎkhû̌ akhanu, a hî̌ kû̌, “Cǒmara a tanaphû̌ lǒ̤꤮ bò bǎ cabahtò̌ phû̌khûnu,” a hî̌ pô̤̌nu.

Hebrǔ 1:8

Bǎbǎkǎlè, bǎ a hî̌tè̌ aphû̌khû awe̤akè akhanu, “Ǒ꤮ Cǒmara, nashinagǎnu, a ô̌yî̤ tûjû̌pwa̤ talakhǎ pě꤮. Na pǒǐtû̌ na kòyò tokhlǒ kû̌ ta̤tě̤ta̤mè̤̌ pě.

Hebrǔ 13:8

Yeshǔ Khrǐ nî̌ pyǎnô̤̌ bǎbǎ, khò̌tini̤ bǎbǎ, pe̤wô̤pě bǎbǎ, a htû̌tèlè̌jò tô̤̌, tûgûlǎ̤lǎ̤ pwǎ.

Ta̤dǔlè̌nǎ 21:6

Dě a hî̌ kû̌, “A htohǒ, he mî̌ awǐlǒ kû̌ ajǒkò hǒ. He mî̌ akòshî̌ kû̌ agutṳ̌ hǒ. Shipǒ̤hǎhtò̌ dǒ a ǐ ta̤htûpwa̤shi tûjû̌pwa̤nu a ô̌ tôkû. Kòyò dǒ a sǎô tôpwa̤pwa̤nu, he dǐô̌kwe a pě.