Phǐlǐpǐ 2:5 - Kawyaw New Testament

⁵ Sî tô bè̌ sô̌sô̌ lô̌khô sî sǎphlǒ pô̤̌ Khrǐnu.

Kawyaw RC

⁵ Sî to bè̌ sǒsǒ lǒkho sî sò̌phlǒ pwǐ Khrî̌stunu.

Phǐlǐpǐ 2:5 Iomraidhean Croise

Matěo 11:29

Ò̌ lô̌khô he ta̤ò̌ dě sû̌ǐ ta̤ dǒ heô̌, ma̤titè̌hî̌dě he sǎphlǒ sǎdôhôbî̌ dě he shò̌lò̤ he sǎphlǒ akhû̌akhî, na gǔ kè̌shǐ na sǎphlǒ a lǎ̤ô̌kǔ pě.

Lǔka 22:27

Kòyò hǎkhû̌phû̌ tokhlǒ gènè̤ kû̌ kòyò ô̌hǎnòò̌ ǎshǎǎ dǒ dîgògǒ kòshî̌ numî̌ a htû dû̌lǒ kòyò hǒ, dě pwa̤ma̤ta̤phû̌ dǒ a bǔǎ kòyò dǒ a hǎnòò̌ ǎshǎ nutokhlǒ mî̌ a htû̌ kòyò dǒ a pî̌tî̌lǒ hǒ agènè̤ lô̌khô pô̤̌nu. Bǎbǎkǎlè, hedě he ô̌ dǒ sîkla pô̤̌ pwa̤ma̤ta̤phû̌ dǒ a bǔǎbǔô kòyò tôpwa̤nupwǎ.

Pwa̤nophû̌ 10:38

Htodě Cǒmara rû̌htò̌ Wî̤̌na̤sôrè̤̌phû̌ Yeshǔ dě a ǐ lû̌û Yôla Plò̌shǐ Běcǎ kû̌ a ta̤pô̤ta̤phǎ hî̌tènu, sî sî̌ganǎ̤ hto tûû̌ hǒ. Yeshǔ cû̌lè dǒ gûlǎ̤ pṳ̂̌꤮ tûkû dě cû̌ ma̤bwǐma̤sîrî bǎ kòyò, ma̤hǎmǎkè kòyò ô̌ dǒ hǎkhû̌tana ma̤jî̌ma̤jû̌ lû̌û tokhlǒ, ma̤titè̌hî̌dě Cǒmara ô̌cu kû̌ a akhû̌akhî a ma̤ta̤ pô̤̌nu hǒ.

Pwa̤nophû̌ 20:35

Pô̤̌khô pa gǔ ma̤jè̌ bò̌ kòyò dǒ a khû̌shiǎjǎ tokhlǒnudě, he ma̤kè̌lû̌mò̌mṳ bò hto sî ta̤kè̌lû̌ pṳ̂̌꤮ tocǒ kû̌ pa tôbǎ jî̌pwǐ̤ ta̤, pô̤̌nu. Dě sî̌yahtò̌ lôkhô Běcǎ Yeshǔ a ta̤hî̌bǎ dǒ a hî̌ kû̌, ‘ǐta̤nu ta̤ǐshowî̤ bǎ dû̌khlo pe kû̌ nǐ̤bǎta̤,’” Khûpò̌lǔ hî̌ bǎ asî pô̤̌nu.

Rṳ̂̌me̤ 14:15

Dǒ na ǎ ta̤tôcǒcǒ akhû̌akhî, dě na pṳ̌wè̤̌ gènè̤mô̤ tîkî̌꤮ tô̤̌ kè̌hî̌dě, na ma̤ ta̤nu dǒ ta̤mô̤ǐ akû mè̤̌tô̤̌. Dǒ na ǎshǎ akhû̌akhî, dě cû̌ma̤pî̌kè tǎ̤ na pṳ̌wè̤̌ dǒ Khrǐ tṳ̌sikhòsi bǎ hto dǒ ayanu tôpwa̤ tǎ̤mǎ̤.

Rṳ̂̌me̤ 15:3

Ma̤titèhî̌dě, Khrǐ anǎ̤běcǎ tûû̌ dě a ma̤mô̤ǐ tûû̌ anǎ̤ tô̤̌. Mè̤̌mî̌tôkhônu, lî̤plò̌shǐkû hî̌ kû̌, “Ta̤ dǒ kòyò pîjî̌ǐsho na tokhlǒnu, a hèbǎ tûû̌ he hǒ.”

Rṳ̂̌me̤ 15:5

He kwicaba kû̌ Cǒmara dǒ a ǐ sî ta̤khòsǎdô sǎphlǒhtûnu kû̌ ta̤khû̌ta̤ǎ tôpwa̤nu, a gǔ ma̤jè̌ tûû̌ sî pô̤̌khô sî tôpwa̤ kû̌ tôpwa̤ gǔ ô̌ lû̌û kû̌ sǎphlǒ tômènô̤̌ pô̤̌ sî kè̌lû̌ǐ Yeshǔ Khrǐ a ta̤ô̌htûpwa̤ nutokhlǒ nî̌꤮.

Kôritu awǐlǒ tôbǎ 10:33

Gû̌ma̤ lô̌khô pô̤̌ he ma̤nu. Pô̤̌khô kòyò gǔ nǐ̤bǎ ta̤ma̤hǎplǎge ayanu, he ma̤ titètè̌ bǎbǎ, he jî̌pwǐ̤ ma̤tô bǎ kòyò sǎphlǒ a ta̤sǎyṳ tokhlǒ. He gènè̤ ma̤ pwǎ ta̤ dǒ he sǎyṳ ma̤ nutokhlǒ kû̌ ta̤ dǒ awô̌ dǒ he tôpwa̤ aya nô̤̌ nutokhlǒ mè̤̌tô̤̌. He kè̌lǎ ma̤ ta̤ dǒ awô̌ dǒ kòyò pṳ̂̌꤮ tôpwa̤ aya nutokhlǒ pwǎ.

Ěphěsu 5:2

Sî tô ô̌htûpwa̤ lô̌khô hî̌tè numî̌, mô̤nṳ̌ lô̌khô kòyò pṳ̂̌꤮ tôni̤ sô̌sô̌kû̌ Khrǐ mô̤ǐ pa dě a tṳ̌sikhòsi bǎ payanu nî̌꤮. Htokhôtô̤̌ Khrǐ lṳhtò̌ ata̤htûpwa̤ dǒ Cǒmara a lô̤mô̤̌ sô̌sô̌kû̌ ta̤numû̌ dǒ atô Cǒmara asǎphlǒ nuhǒ.

Phǐlǐpǐ 1:1

Pa mî̌ Khûpò̌lǔ kû̌ Khûtîmôte. Pa mî̌ Yeshǔ Khrǐ ajû̌ tokhlǒ. Pa wě̤cû̌ bǎ lî̤ hǒtôbǎ kû̌ Cǒmara a kòyò dǒ a htûhtò̌ kû̌ Yeshǔ Khrǐ tôcǒ꤮ nô̤̌ dě a ô̌ lô̌khô dǒ Wî̤̌phǐlǐpǐ akû nutokhlǒ a ô̌. Pa wě̤cû̌ padô̌ ta̤dòkû ikǒlǒkòdû̌ tokhlǒ kû̌ pwa̤ma̤jè̌ ta̤dòkû saprṳ̂phû̌ tokhlǒ.

Petru awǐlǒ tabǎ 2:21

Pô̤̌khô sî bǎ khòsǎphlǒhtûbò̌ ta̤jî̌ta̤jû̌nu ayanudě, Cǒmara kaǎhtò̌ sî hǒ, ma̤titèhî̌dě Khrǐ anǎ̤běcǎ khò hto ta̤jî̌ta̤jû̌ dǒ sîya hǒ. Dě pô̤̌khô sî gǔ khakû̌ akhò̌lôpô̤̌ ayanu, a bè̌kè bǎ sî lǎ̤kè̌lû̌ hǒ.

Petru awǐlǒ tabǎ 4:1

Khrǐ anǎ̤glǒ khòjî̌khòjû̌ akhû̌akhî, sî tôbǎ bè̌sô̌sô̌kû̌ sî sǎphlǒ pô̤̌ Běcǎnu, dě sî tôbǎ sǎphlǒhtû gû̌ ta̤jî̌ta̤jû̌ tokhlǒ, ma̤titèhî̌dě, kòyò dǒ a khòjî̌khòjû̌ dǒ nǎ̤glǒ phěyî̌ tôkhô tokhlǒnu, a ma̤ pe ta̤sǔta̤plě tô̤̌.

Yṳ̂ha awǐlǒ tôbǎ 2:6

Mò̌pè tôpwa̤ bǎbǎ a kè̌ hî̌htò̌lṳ̌ hǒ anǎ̤ kû̌ a htûhtò̌kè ta̤tocǒ꤮ nô̤̌ hǒ kû̌ Cǒmara hǒ hî̌nu, a tôbǎ gû̌kha yî̤̌kû̌ Yeshǔ Khrǐ akhò̌lôpô̤̌ gûlǎ̤.