Phǐlǐpǐ 2:4 - Kawyaw New Testament

⁴ Kè̌lǎǐ pwǎ sî ta̤lṳ̂bǎ tokhlǒ ayanu tǎ̤mǎ̤ nî̌꤮, gènè̤ bǎ pû kòyò tôpwa̤ kû̌ tôpwa̤ aya nî̌꤮.

Kawyaw RC

⁴ Kè̌lǎ tû̌pwǎ pûma̤ sî ta̤lo̤bǎ toǒ ayanu ma̤ nî̌꤮, gènè̤ to̤ bǎ kò tapwa̤ ta tapwa̤ aya nî̌꤮.

Phǐlǐpǐ 2:4 Iomraidhean Croise

Matěo 18:6

“Kòyò tôpwa̤pwa̤ kè̌ noma̤sǔ phijǎpî̌tî̌lǒ dǒ a yṳ̌ǎ he tokhlǒ akla tôpwa̤pwa̤ hî̌dě, comě lǒ̤dû̌ dǒ a gô̌bôlô̤nu dě wîtě̤kè a dǒ shidû̌shitawe̤kû numî̌ awô̌khlo pě dǒ lû̌ya.

Rṳ̂̌me̤ 12:15

Sǎlě̤sǎlò̤ wô̤̌wô̤̌gû̌ kû̌ kòyò dǒ a sǎlě̤sǎlò̤ nutokhlǒ nî̌꤮. Sǎplǎ̤ wô̤̌wô̤̌gû̌ kòyò dǒ a sǎplǎ̤ nutokhlǒ nî̌꤮.

Rṳ̂̌me̤ 15:1

Pa dǒ a ô̌ kû̌ ta̤yṳ̌ta̤nǎ̤ sho tokhlǒnu, pa tô khòsǎdô ma̤jè̌ padô̌ kòyò dǒ a ta̤yṳ̌ta̤nǎ̤ pî̌tî̌pe dě asǎphlǒ wò̌wè̌ pe nutokhlǒ. Pa tô ma̤mô̤lò̤ tûû̌ panǎ̤ tô̤̌.

Kôritu awǐlǒ tôbǎ 10:24

Ta̤ dǒ a nǐ̤bwǐsîrî pwǎtǒ̤ sî tôpwa̤ ayanu, sî tô kè̌lǎ ma̤ tôpwǎ̤꤮ tô̤̌. Mè̤mè̤̌tôkhônu, sî tô kè̌lǎ ma̤ta̤ dǒ a nǐ̤bwǐsîrî dǒ kòyò ayanu tokhlǒ.

Kôritu ginǐ̤bǎ tôbǎ 11:29

Kòyò tôpwa̤pwa̤ kè̌ khû̌shiǎjǎ hî̌dě he gènè̤ sǎyṳgwèbǎǐ yǎ. Kòyò tôpwa̤pwa̤ kè̌ ma̤ta̤sǔ hî̌dě he sǎphlǒdû̌ jî̌ kòyò dǒ a lô̌ǐ cû̌ lû̌û dǒ ta̤sǔ akû nu tôpwa̤.

Kôritu ginǐ̤bǎ tôbǎ 6:3

Pa shôbǐǐ bǎ kòyò kû̌ Yeshǔ Khrǐ awe̤akè pô̤̌khô kòyò gǔ htè̌shěshu tô̤̌ nudě, ta̤ma̤ dǒ a htûhtò̌ asî ta̤pi̤jî̌ǐsho tokhlǒnu pa ma̤ tôcǒ꤮ tô̤̌.

Phǐlǐpǐ 2:21

Kòyò ashǔshawa̤ lǒ̤bò tokhlǒ numî̌ a kè̌lǎ ma̤ lô̌khô pwǎtǒ̤ ta̤ dǒ a htûbwǐhtûsîrî dǒ asî aya nutokhlǒ pwǎ. A kè̌lǎ ma̤ bǎ lô̌khô Yeshǔ Khrǐ aya tô̤̌.

Jǎgomo̤ 2:8

Lî̤plò̌shǐkû hî̌ kû̌, “Mô̤ǐ kòyò pô̤̌ na mô̤ǐlò̤ tûû̌ nanǎ̤nu,” a hî̌ pô̤̌nu. Sî kè̌ jûǎ mè̤̌mî̌ca Cǒmara ashigǎ a ta̤sû̌ta̤tòwò numî̌ sî ma̤tô ta̤ hǒ.