Phǐlǐpǐ 2:3 - Kawyaw New Testament

³ Bǎ sî ma̤ta̤ akhanu, kè̌dû̌ tûû̌ tǒ̤ sî tôpwa̤ ayanô̤̌ tǎ̤mǎ̤ nî̌, bè̌dû̌bè̌htò̌lǒ tǎ̤ sînǎ̤ tǎ̤mǎ̤, bǎbǎ shò̌lò̤ lô̌khô sî sǎphlǒ dǒ tôpwa̤ kû̌ tôpwa̤ alǎ̤ nî̌꤮, dě gènè̤dû̌ khlo kòyò kû̌ sînǎ̤ tû̌ nî̌꤮.

Kawyaw RC

³ Bǎ sî ma̤ta̤ akhanu, kè̌dû̌tû̌ pûma̤ sî tapwa̤ aya ma̤ nî̌꤮, phî̌dû̌phî̌htû pûma̤ sîna̤ ma̤, mî̌ta shò̌lò̤ lǒkho sî sò̌phlǒ dě tapwa̤ ta tapwa̤ ala̤ nî̌꤮, dě gènè̤dû̌khlo kòhǔwa̤ ta sîna̤ nî̌꤮.

Phǐlǐpǐ 2:3 Iomraidhean Croise

Lǔka 18:14

Dě Yeshǔ hî̌ asî kû̌, “He hî̌ sî, kòyò dǒ acǒatè̤ dǒ Cǒmara a lô̤mô̤̌ numî̌ Pharishè̌phû̌ mè̤̌tô̤̌. Pwa̤kwita̤kûta̤mṳ̂̌ hǒtôpwa̤ nî̌, bǎ a ge dǒ ahǐ akha, acǒatè̤ dǒ Cǒmara a lô̤mô̤̌ hǒ, ma̤titè̤̌hî̌dě kòyò dǒ a bè̌htò̌yô̤̌tû̌ anǎ̤ tôpwa̤nu, Cǒmara glè̌ bè̌phǔlò̤ a pě dě kòyò dǒ ashò̌lò̤asǎphlǒ tôpwa̤nu, Cǒmara glè̌ bè̌htò̌yô̤̌tû̌ a pě.”

Rṳ̂̌me̤ 12:10

Mô̤ǐ tûû̌ lû̌û pô̤̌ pṳ̌wè̤̌ hǐphòdǒkûnu nî̌꤮. Bè̌dubè̌nǎ̤ tûû̌ lû̌û tôpwa̤ kû̌ tôpwa̤ nî̌꤮.

Rṳ̂̌me̤ 13:13

Hǒtôplǎdě, pa ô̌htûpwa̤ ǎ ô shapwǎ̤ gû̌ kòyò pô̤̌ kòyò dǒ a ô̌htûpwa̤ dǒ lṳmṳ̌sha nutokhlǒ tǎ꤮. Ma̤ pwe̤rupwe̤tè̌ pwèlû bǎbǎ, ǎmuômu bǎbǎ, sǐshi a ta̤sǎyṳ phû̌mò̤̌ tokhlǒ bǎbǎ, ta̤gènè̤ putupatǎ tokhlǒ bǎbǎ, ta̤tô̤̌klǐ lû̌û tokhlǒ bǎbǎ, ta̤gènè̤ sǎkhwè̌ lû̌û tokhlǒ bǎbǎ, pa ma̤petô̤̌ tǎ꤮.

Rṳ̂̌me̤ 2:8

Bǎbǎkǎlè kòyò dǒ a mô̤ǐlò̤ tûû̌ anǎ̤ nutokhlǒ kû̌ a wîkè ta̤tě̤ta̤mè̤̌, dě a gû̌ma̤ ta̤phû̌mò̤̌shǐhtô tokhlǒnu, Cǒmara sǎphlǒdû̌ asî pě dě a cî̌htò̌ asî pě.

Kôritu awǐlǒ tôbǎ 15:9

Dǒ pwa̤nophû̌ lǒ̤bò aklanu, he mî̌ kòyò dǒ atôabǎ kû̌ kòyò pô̤̌ pwa̤nophû̌ ashǔshawa̤ nutokhlǒ tîkî̌ tô̤̌ tôpwa̤. Ma̤titèhî̌dě bǎ he yṳ̌ǎ Yeshǔ Khrǐ khôtô̤̌ akhanu, he ma̤jî̌ma̤jû̌ kòyò dǒ a yṳ̌ǎ Yeshǔ Khrǐ tokhlǒ akhû̌akhî, kòyò gǔ kaǎ he kû̌ pwa̤nophû̌ tôpwa̤pwǎnu a gwǎ tîkî̌ tô̤̌.

Kôritu awǐlǒ tôbǎ 3:3

Ma̤titèhî̌dě sî ô̌htûpwa̤ sô̌sô̌ pepwǎ kû̌ kòyò hǎkhû̌phû̌ dǒ a gû̌ ma̤ pepwǎ lô̌khô pô̤̌ a ta̤sǎyṳsǎbǎ ô̌ nutokhlǒ pwǎ. Sî sǎkhwè̌ ǐ kè̌khîlû̌û tôpwa̤ kû̌ tôpwa̤, sî̌klǐ kè̌khî lû̌û numî̌, a dǔlè̌lṳ̌htò̌ kû̌ sî sô̌sô̌ pepwǎ kû̌ kòyò hǎkhû̌phû̌ nutokhlǒ pwǎ yahî̌? Sî ma̤sô̌sô̌ pepwǎ kû̌ kòyò dǒ a yṳ̌ǎ gû̌ kò Khrǐ tô̤̌ nutokhlǒ pwǎ.

Kôritu ginǐ̤bǎ tôbǎ 12:20

Htû̌ he hètǒ̤ dǒ sî ô̌ khapěnu, hî̌pě he hè kè̌shǐ tûû̌ sî ta̤bè̌sû̌bè̌sǎ tokhlǒ dǒ a khô̌ kû̌ pô̤̌ he sǎyṳ kè̌shǐ nutokhlǒ pe hǒ, htodě sî gǔ kè̌shǐ tûû̌ he ta̤bè̌sû̌bè̌sǎ tokhlǒ dǒ a khô̌ pô̤̌ sî sǎyṳ kè̌shǐ he nu pě hǒ, he gû̌gè̌nǎ pô̤̌nu. He bǎyô̤ kû̌ hî̌pě he hèkè̌shǐ sîtô̤̌klǐ lû̌û, sî sǎkhwè̌ kè̌khî lû̌û, sî sǎphlǒdû̌ kè̌khî lû̌û, sî ô̌khô̌yò lû̌û tôprṳ̂ kû̌ tôprṳ̂, pîjî̌ǐsho kòyò, dô̌mi̤dô̌yô̤ kòyò, bè̌dû̌bè̌htò̌lǒ anǎ̤, ma̤shû̌shǎ prûtè̌ ta̤, pô̤̌nu tokhlǒ hǒ.

Galatǐ 5:15

Bǎbǎkǎlè sî kè̌ jî̌ sînǎ̤ pô̤̌ ta̤mi̤ta̤mò̤̌ dě sî kè̌ ǎ kè̌khî sô̌ lû̌û tôpwa̤ kû̌ tôpwa̤ numî̌ ô̌sè̌rè̌ lô̌khô sînǎ̤ nî̌꤮, ma̤titèhî̌dě hî̌pě sî ma̤pî̌ma̤lṳ̂̌ tûû̌ bòsô̌ sînǎ̤ tôpwa̤ kû̌ tôpwa̤ pě.

Galatǐ 5:26

Pa bǎ bè̌dû̌ panǎ̤ tô̤̌. Ma̤sǎphlǒdû̌ kè̌khî tǎ̤ lû̌û tôpwa̤ kû̌ tôpwa̤ tǎ̤mǎ̤. Sǎkhě kè̌khîlû̌û tôpwa̤ kû̌ tôpwa̤ tǎ̤mǎ̤ nî̌꤮.

Ěphěsu 4:2

Dǒ sî ma̤ta̤ lǒ̤bò aklanu, sî tôbǎ htû lô̌khô kòyò dǒ a shò̌lò̤ asǎphlǒ dě a sǎdôhôbî̌ tokhlǒ. Htodě khòsǎphlǒhtû lô̌khô lû̌û tôpwa̤ kû̌ tôpwa̤ dǒ ta̤mô̤ lû̌û akûnu nî̌꤮.

Ěphěsu 5:21

Sî bè̌dubè̌nǎ̤ Khrǐ akhû̌akhî, jûlě̤phî̌yô̤̌ kè̌khî lû̌û ayô̤̌ tôpwa̤ kû̌ tôpwa̤ nî̌꤮.

Phǐlǐpǐ 2:14

Pô̤̌khô sî htûhtò̌ kòyò mṳ̂̌plî dě kòyò lǎ̤bè̌ ta̤sǔ dǒ sîlô̤ gǔ ô̌ pe tô̤̌nu, htokhôtô̤̌ pô̤̌khô sî htû Cǒmara a phû̌mǒ̤phû̌khû dǒ ata̤sǔ ô̌ tô̤̌ tokhlǒ, dě bǎ sî ô̌htûpwa̤ dǒ kòyò phû̌mò̤̌ cǒtè̤tô̤̌ nutokhlǒ akla, pô̤̌khô sî lîkakhahtò̌ bǎ kòyò pô̤̌ shǎ dǒ hǎkhû̌běkhû̌ nudě, sî ma̤ta̤ titètè̌꤮ bǎbǎ, tûmṳ̂̌ta̤ma̤ htè̌ tǎ̤ lô̌khô tǎ̤mǎ̤ nî̌꤮.

Kòlòtè̌ 3:12

Sî mî̌ Cǒmara a kòyò dǒ a mṳ̂̌plî dě a mô̤ǐ tokhlǒ, dě a rû̌htò̌ tû̌ sî hǒ. Pô̤̌nudě kûsô̌htò̌ lô̌khô ta̤sǎyṳgwèbǎǐ, ta̤ma̤wô̤̌ta̤, ta̤shò̌lò̤ sǎphlǒ, ta̤sǎdôhôbî̌ kû̌ ta̤khòsǎdô sînu tokhlǒ nî̌꤮.

Kòlòtè̌ 3:8

Bǎbǎkǎlè khònò̤̌ wîkè ta̤sǎphlǒdû̌, ta̤sǎphlǒkě, ta̤sǎkhěkhô̌, ta̤dô̌mi̤dô̌yô̤, htodě ta̤hî̌bǎ phû̌mò̤̌ dǒ a gwǎ khôtô̤̌ nutokhlǒ.

Tîmôte awǐlǒ tôbǎ 6:4

Pô̤̌nudě kòyò nutokhlǒ nî̌, a phî̌dû̌phî̌htò̌lǒ tûlû̌shû̌lě lô̌khô asǎphlǒ dě a sî̌ganǎ̤ lô̌khô tôcǒ꤮ tô̤̌. Asî sǎphlǒshû̌ tûlû̌shû̌lě dǒ a gǔ htè̌ kòyò kû̌ lî̤phlǒ tôphlǒ kû̌ tôphlǒ yô̤̌mûyô̤̌sǎ tokhlǒ akhû̌akhî, ta̤nutokhlǒ nî̌, a no ô̌htò̌ ta̤sǎkhě lû̌û, ta̤tô̤̌klǐ, ta̤pîjî̌ǐsho, kû̌ ta̤gènè̤sǔ kè̌khî lû̌û tokhlǒ pwǎ.

Petru awǐlǒ tabǎ 3:8

He sǎyṳ hî̌ pô̤̌ sî dǒgutṳ̌kòlǒ kû̌, sî pṳ̂̌꤮ tôpwa̤ tôbǎ ô̌ lû̌û kû̌ ta̤gènè̤ tôcǒ꤮ nô̤̌, ta̤bè̌sû̌bè̌sǎ tôcǒ꤮ nô̤̌ nî̌꤮. Mô̤ǐ kè̌khî pû lû̌û tôpwa̤ kû̌ tôpwa̤ pô̤̌ pṳ̌wè̤̌nu nî̌꤮. Sǎyṳgwèbǎǐ pû lû̌û tôpwa̤ kû̌ tôpwa̤ dě shò̌lò̤ pû lô̌khô sî sǎphlǒ tôpwa̤ kû̌ tôpwa̤ nî̌꤮.

Petru awǐlǒ tabǎ 5:5

Pô̤̌ he hî̌ bǎ htohǒ sî kû̌ ta̤shò̌lò̤sǎphlǒ awe̤akènu hǒ, sî dǒ a nějǎkhlo tokhlǒnu, sî bǎ shò̌lò̤ lô̌khô sî sǎphlǒ dǒ mǒ̤khumǒ̤pwǎ̤ tokhlǒ alǎ̤. Sî pṳ̂̌꤮ tôpwa̤ tôbǎ kusô̌htò̌ lô̌khô ta̤shò̌lò̤ sǎphlǒ tôpwa̤ kû̌ tôpwa̤ sô̌sô̌kû̌ sî kusô̌htò̌ jehǐyò̤̌nu, ma̤titèhî̌dě, lî̤plò̌shǐkû hî̌ kû̌, “Cǒmara ma̤tě̤tṳ̌ shěshu kòyò dǒ a bè̌htò̌lṳ̌ asǎphlǒ nutokhlǒ, bǎbǎkǎlè abwǐsîrî nî̌ a ǐlò̤ dû̌wî̤khlo kòyò dǒ a shò̌lò̤ asǎphlǒ nutokhlǒ pwǎ.”